Tag: فیصل آباد

فیصل آباد: سمندری میں نرس سے 2 کانسٹيبلز کی مبینہ زیادتی کا چند گھنٹوں بعد ہی ڈراپ سین ہوگیا۔

تفصیلات کے مطابق صوبہ پنجاب کے شہر فیصل آباد کے علاقے سمندری میں پیش آنے والے واقعے کی متاثرہ نرس نے زیادتی نہ ہونے کا بیان قلمبند کرا دیا۔

نرس نے کہا کہ  23 اگست کی رات ڈینٹل کلینک سے چھٹی کے بعد گھر جا رہی تھی، عبداللہ سلام اور عبداللہ نثار مجھے موٹر سائيکل پر چھوڑنے جا رہے تھے۔

 نرس کا کہنا تھا کہ کانسٹيبل شجاعت، صہیب اور سادہ لباس ساتھی نے روکا اور بنگلے پر لےگئے، کانسٹيبلوں نے میرے ساتھ زیادتی کی کوشش کی۔

فیصل آباد : 2 پولیس اہلکاروں کی نرس سے مبینہ زیادتی

نرس نے کہا کہ کانسٹيبلز اور اس کے نامعلوم ساتھی نے آٹھ سو روپے چھین لئے، ڈیڑھ گھنٹے بعد پولیس اہلکاروں نے ہمیں چھوڑ دیا،ملزمان نے غلط رویہ اپنایا، ان کے خلاف کارروائی کی جائے۔

دوسری جانب فیصل آباد کے تھانہ سٹی میں زیادتی کی کوشش اور لوٹ مار کا مقدمہ درج کرلیا گیا، نمرہ کی مدعیت میں مقدمے میں 2 کانسٹيبل اور نامعلوم ساتھی ملزم نامزد ہیں۔

فیصل آباد: پھوپھا نے مکان اور گاڑی پر قبضہ کرنے کے لیے بھتیجے کو قتل کر دیا، ملزم فرید نے بیٹوں کی مدد سے وقارکی لاش جھاڑیوں میں پھینک دی۔

اے آر وائی نیوز کے مطابق ظالم پھوپھا نے دولت کی ہوس میں اپنے ہی بھتیجے کو قتل کر دیا، ملزم مقتول کے مکان اور گاڑی پر قبضہ کرنا چاہتا تھا، ملزم فرید اور 2 بیٹوں نے وقارکی لاش سیتلاں میں جھاڑیوں میں پھینک دی۔

پولیس نے بتایا کہ وقار30 جولائی کو لاپتا ہوا تھا، تھانہ روشن والا میں اس کے اغوا کا مقدمہ درج ہے، لباس سے مقتول کی شناخت ہوئی، لاش پوسٹمارٹم کے لیے اسپتال منتقل کردی گئی ہے۔

اس حوالے سے مزید تفصیلات بتاتے ہوئے پولیس حکام نے کہا کہ وقار کو قتل کرنے کے بعد فرید نے اپنے دو بیٹوں کی مدد سے لاش کو سیتلاں میں جھاڑیوں میں پھینک دیا تھا۔

والدہ سلمیٰ نے بتایا کہ پوچھ گچھ کرنے پر ملزم فرید، بیٹے طیب اور گلو فرارہو گئے، ملزمان نے وقار کا گھر خریدنے کا جھانسا دے کر اپنے نام کرا لیا تھا۔

فیصل آباد : خواتین کا غلط آپریشن کرنے والے ڈاکٹر اویس کے خلاف مقدمہ درج کرلیا گیا، مقدمے میں تین دفعات شامل کی گئی ہیں۔

تفصیلات کے مطابق فیصل آباد میں خواتین کا غلط آپریشن کرنے والے ڈاکٹر اویس کے خلاف مقدمہ درج کرلیا گیا، تاہم غفلت کی مرتکب اسپتال انتظامیہ کو مقدمے میں نامزد نہیں کیا گیا۔

پولیس حکام کا کہنا ہے کہ ڈی ڈی او ہیلتھ کی مدعیت میں ڈاکٹر کیخلاف مقدمے میں تین دفعات شامل کی گئی ہیں تاہم تھانہ غلام محمد آباد پولیس ملزم ڈاکٹر اویس کو تاحال گرفتار کرنے میں ناکام ہے۔

دوسری جانب انڈیپنڈنٹ اسپتال میں 2 خواتین کے غلط آپریشن کے واقعے کے بعد سی ای اوہیلتھ ڈاکٹراسفندیار اوراسسٹنٹ کمشنر نے انکوائری کیلئے اسپتال کا دورہ کیا تھا۔

دونوں افسران نے ابتدائی انکوائری رپورٹ ڈپٹی کمشنرکوپیش کی ، جس میں غلط آپریشن کرنے کا ذمہ دار ڈاکٹر اویس شجاع کو قرار دیا گیا۔

رپورٹ میں بتایا گیا کہ بڑی مقدارمیں زائدالمیعادادویات،سرجیکل سامان ،غیررجسٹرڈاشیابرآمد ہوئی ، جبکہ دوران معائنہ اسپتال کے آپریشن تھیٹرکی حالت انتہائی گندی پائی گئی۔

رپورٹ کے مطابق اسپتال میں بائیوویسٹ کابھی کوئی مناسب انتظام نہیں تھا جبکہ آپریشن تھیٹرمیں پارٹیشن نہ تھی اور ٹیکنیکل اسٹاف کم تھا، متاثرہ دونوں مریض خواتین کےبیانات بھی ریکارڈ کئے گئے۔

یاد دہے گزشتہ روز نجی اسپتال میں ڈاکٹر نے غفلت کا مظاہرہ کرتے ہوئے ٹانگ کا آپریشن کروانے والی خاتون کا پِتہ نکال دیا تھا اور پِتے کا علاج کروانے کے لئے آئی دوسری مریضہ کی ٹانگ کا آپریشن کیا تھا۔