ARYNews.tv | Urdu – Har Lamha Bakhabar

Tag: فیصل ایدھی

  • مصطفیٰ عامر کی لاش سے متعلق فیصل ایدھی کا بڑا انکشاف

    مصطفیٰ عامر کی لاش سے متعلق فیصل ایدھی کا بڑا انکشاف

    کراچی : ایدھی فاوٴنڈیشن کے سربراہ فیصل ایدھی نے انکشاف کیا کہ مصطفیٰ عامر مصطفیٰ عامر کی لاش کا صرف دھڑ ملا تھا ، گردن ہاتھ اور پاوٴں نہیں ملے۔

    تفصیلات کے مطابق غلام مصطفیٰ عامر کے قتل کی تحقیقات جاری ہیں، ایدھی فاوٴنڈیشن کے سربراہ فیصل ایدھی کا کہنا ہے ہمیں لاش کا صرف دھڑ ملا تھا گردن ہاتھ اور پاوٴں نہیں ملے، جس کے بعد سولہ جنوری کو تدفین کردی گئی تھی۔

    فیصل ایدھی کا کہنا تھا کہ پولیس رابطہ کرے گی تو قبر کشائی یا میت کی حوالگی کا کام آگے بڑھایا جائے گا۔

    دوسری جانب مقتول کی قبر کشائی کیلئے فلاحی ادارے نے کام شروع کردیا ہے، ترجمان نے بتایا کہ پولیس اور ورثا رابطے کے بعد مزید کارروائی عمل میں لائی جائے گی ، حب پولیس نے 12 جنوری کو لاش امانتاً ایدھی سردخانے میں رکھوائی تھی۔

    ترجمان کا کہنا تھا کہ تفتیش آگے بڑھانے کیلئےڈی این اے بھی کرایا جائے گا، ڈی این اے کیلئے مقتول کی والدہ سے بھی سیمپل لے لیے گئےہیں، 11جنوری کوحب تھانہ دریجی کی حدودسےمقتول کی لاش ملی تھی۔

    عامر کی لاش سے متعلق فیصل ایدھی نے گفتگو کرتے ہوئے کہا کہ حب پولیس کا لیٹر موصول ہونے کے بعد عدالتی حکم پر قبر کشائی ہوگی، ایم ایل او کارروائی اور ڈی این اے نمونے لینے کے لیے قبر کشائی ہوگی ، حب پولیس  نے رابطہ کیا ہے تاہم ورثانے رابطہ نہیں کیا۔

    یہ پڑھیں: کراچی: مصطفیٰ عامر کو لڑکی کے معاملے پر قتل کیا، ملزم شیراز کا انکشاف

    یاد رہے کراچی سے چھ جنوری کو اغوا کئےگئے مصطفیٰ کا قاتل اس کا دوست ارمغان نکلا تھا تاہم کیس سے جڑے اہم شواہد پولیس کو مل گئے۔

    ڈی آئی جی سی آئی اے نے بتایا کہ مصطفیٰ عامر چھے جنوری کو ارمغان کے گھرگیا جہاں اسےتشدد کا نشانہ بناگیا اور بلوچستان لے جا کر گاڑی سمیت جلادیا۔

    گرفتار ملزم شیراز کے تحقیقات کے دوران انکشافات سامنے آئے ، جس میں ملزم نے پولیس کو بتایا کہ مصطفیٰ کو لڑکی کے معاملے پرارمغان نے قتل کیا۔

    پولیس کے مطابق مرکزی ملزم ارمغان کے گھرسےملےخون کےنمونےاورمصطفی کےموبائل فون کی فارنزک رپورٹ کا انتظار ہے تاکہ کیس سے جڑے حقائق سامنے آسکیں۔

  • فیصل ایدھی بھی زلزلہ متاثرین کی مدد کے لئے ترکیہ پہنچ گئے

    فیصل ایدھی بھی زلزلہ متاثرین کی مدد کے لئے ترکیہ پہنچ گئے

    کراچی : ایدھی فاؤنڈیشن کے سربراہ فیصل ایدھی بھی زلزلہ متاثرین کی مدد کے لئے ترکیہ پہنچ گئے۔

    تفصیلات کے مطابق ایدھی فاؤنڈیشن کی ٹیم زلزلہ زدگان کی مدد کیلئے ترکیہ پہنچ گئی ہے۔

    فیصل ایدھی کی زیرقیادت ایدھی فاؤنڈیشن کی ٹیم امدادی سامان کے ہمراہ قاہرامان ماراش پہنچی۔

    فیصل ایدھی نے بتایا متاثرین کوگرم کپڑے اوردیگر سامان فراہم کیا جا رہا ہے، پوری دنیا سے لوگ یہاں امدادی سرگرمیوں میں حصہ لے رہے ہیں۔

    ایدھی فاؤنڈیشن کے سربراہ فیصل ایدھی نے ترکیہ کے وزیرداخلہ سے بھی ملاقات کی، متاثرین کیلئے بنائے گئےکنٹرول روم میں ملاقات کے دوران ترک وزیرداخلہ سلیمان نے فیصل ایدھی کی کاوشوں کی تعریف کی۔

    خیال رہے پاکستانی فوج کی سرچ اور ریسکیو ٹیموں نے ترکیہ میں ریسکیو آپریشن میں مصروف عمل ہیں۔

    ٹی آرٹی ورلڈ نے پاک آرمی ٹیم کے افسر سے خصوصی گفتگو کی، آرمی آفیسر نے کہا پاک آرمی کی ٹیموں نے ایک سو بیس گھنٹے کے دوران چھ سےزائدافراد کو زندہ بچایا، اسی افراد کی لاشیں ملبے سے نکال کر ورثا کے حوالے کیں۔

    واضح رہے ترکیہ اور شام میں زلزلے سے اموات چونتیس ہزار سے تجاوز کرگئیں اور تقریباً ایک لاکھ زخمی ہیں جبکہ دس لاکھ سے زائد افراد بے گھرہوئے ہیں تاہم ملبے تلے موجود لوگوں کو بچانے کی اب بھی کوششیں کی جارہی ہیں۔

  • آکسیجن کی کمی دورکرنے کیلئے پاکستان اسٹیل کے پلانٹ کو فعال کیا جائے،فیصل ایدھی کا وزیراعظم کو خط

    آکسیجن کی کمی دورکرنے کیلئے پاکستان اسٹیل کے پلانٹ کو فعال کیا جائے،فیصل ایدھی کا وزیراعظم کو خط

    اسلام آباد : سربراہ ایدھی فاؤنڈیشن فیصل ایدھی نے وزیراعظم عمران خان کو خط میں کہا ہے کہ کورونا کی موجودہ صورتحال آکسیجن کی کمی دور کرنے  کیلئے پاکستان اسٹیل کے پلانٹ کو فعال کیا جائے۔

    تفصیلات کے سربراہ ایدھی فاؤنڈیشن فیصل ایدھی کی جانب سے وزیراعظم کو خط ارسال کیا گیا ، جس میں کہا گیا ہے کہ اسپتالوں میں آکسیجن کی کمی دورکرنےکیلئے پاکستان اسٹیل سےفائدہ اٹھایاجاسکتا ہے ، پاکستان اسٹیل کا پلانٹ یومیہ520ٹن آکسیجن پیدا کرنے کی صلاحیت رکھتا ہے۔

    خط میں کہا گیا کہ پلانٹ فرانسیسی ٹیکنالوجی کا حامل ہے، جون2015 سے بند پڑا ہے، پاکستان اسٹیل 2017 تک پلانٹ کے ذخیرے سے آکسیجن فراہم کرتا رہا ہے۔

    فیصل ایدھی نے کہا کہ پلانٹ کے 2 یونٹ بغیرکسی لاگت کے قدرتی طور پر آکسیجن پیدا کرتے ہیں ، پاکستان اسٹیل پلانٹ سے مائع آکسیجن اسپتالوں کیلئے تیار کی جاتی ہے ، پلانٹ کوفعال کیا جائے توملک میں آکسیجن کی کمی دورکی جاسکتی ہے۔

    خط میں کہا گیا ہے کہ 6ماہ سےبندپاکستان اسٹیل پلانٹ معمولی مرمت کےبعدپیداوارشروع کرسکتاہے، موجودہ صورتحال میں پلانٹ کو فعال کرکے آکسیجن حاصل کی جاسکتی ہے۔

  • فیصل ایدھی کی کشتی سمندر میں کیسے ڈوبی، اور کون سوار تھا؟

    فیصل ایدھی کی کشتی سمندر میں کیسے ڈوبی، اور کون سوار تھا؟

    کراچی: آج شہر قائد میں دو دریا کے مقام پر لاپتا افراد کی تلاش میں نکلنے والے ایدھی رضاروں کی کشتی الٹنے کا واقعہ پیش آیا تھا، اس سلسلے میں فیصل ایدھی نے تفصیلات بتاتے ہوئے کہا اچانک انجن بند ہونے سے حادثہ پیش آیا تھا۔

    اے آر وائی نیوز کے مطابق فیصل ایدھی نے واقعے کے بارے میں بتایا کہ وہ رضاکاروں کے ساتھ ملیر ندی کے اطراف میں لاپتا 8 افراد کی تلاش کر رہے تھے، سی ویو کی جانب سے واپس آنے لگے تو کشتی کا انجن بند ہو گیا۔

    انھوں نے بتایا سمندر کی تیز لہروں کے باعث ہماری کشتی الٹ گئی، کشتی میں ہمارے ساتھ صوبائی اسمبلی کے رکن راجہ اظہر بھی تھے، 5 دیگر افراد بھی کشتی پر سوار تھے۔

    فیصل ایدھی کا کہنا تھا کہ ان سب نے چوں کہ لائف جیکٹ پہن رکھی تھی اس لیے وہ نہیں ڈوبے، تاہم آدھے گھنٹے تک وہ سمندر میں تیرتے رہے، اس دوران ابراہیم حیدری سے آنے والی ماہی گیروں کی کشتی نے انھیں ریسکیو کیا۔

    کراچی: سی ویو کے قریب کشتی الٹ گئی، فیصل ایدھی سمیت 6 افراد کو بچا لیا گیا

    واضح رہے کہ آج ایدھی فاؤنڈیشن کے سربراہ فیصل ایدھی بال بال بچ گئے، فیصل ایدھی کورنگی کاز وے پر ڈوبنے والے افراد کی تلاش میں نکلے تھے، اس دوران ان کی کشتی کاز وے سے ریسکیو آپریشن کرتے ہوئے دو دریا کی سمت نکل گئی۔

    ایدھی حکام کا کہنا تھا کہ دو دریا کے قریب فیصل ایدھی کی کشتی تیز پانی کی وجہ سے پلٹ گئی، قریب سے گزرنے والے ماہی گیروں نے فیصل ایدھی کو ریسکیو کیا، واقعے کے بعد فیصل ایدھی کو ابراہیم حیدری جیٹی منتقل کیا گیا۔

    ادھر کشتی میں موجود پی ٹی آئی کے رکن سندھ اسمبلی راجہ اظہر کا جناح اسپتال میں طبی معائنہ کیا گیا، پی ٹی آئی کراچی کا کہنا ہے کہ ڈاکٹر نے راجہ اظہر کی صحت کو تسلی بخش قرار دیا ہے۔

  • کراچی: سی ویو کے قریب کشتی الٹ گئی، فیصل ایدھی سمیت 6 افراد کو بچا لیا گیا

    کراچی: سی ویو کے قریب کشتی الٹ گئی، فیصل ایدھی سمیت 6 افراد کو بچا لیا گیا

    کراچی: شہر قائد میں سی ویو کے قریب ایدھی کے کشتی الٹ گئی، فیصل ایدھی سمیت 6 افراد کو بچا لیا گیا۔

    تفصیلات کے مطابق پاکستان کے معروف فلاحی ادارے ایدھی فاؤنڈیشن کے سربراہ فیصل ایدھی کی کشتی سی ویو کے قریب الٹ گئی، کشتی میں سوار فیصل ایدھی سمیت 6 افراد کو ریسکیو کر لیا گیا۔

    فیصل ایدھی اور دیگر افراد کو قریب موجود ماہی گیروں نے ریسکیو کیا،فیصل ایدھی پانی میں ڈوبے ایک شخص کی تلاش کے لیے گئے تھے۔

    ایدھی فاؤنڈیشن کے سربراہ فیصل ایدھی اور دیگر افراد کو ابراہیم حیدری جیٹی منتقل کیا جا رہا ہے۔

    فیصل ایدھی کرونا وائرس سے صحت یاب ہوگئے

    یاد رہے 21 اپریل کو ایدھی فاؤنڈیشن کے سربراہ فیصل ایدھی میں کرونا کی تشخیص ہوئی تھی،ان کا ٹیسٹ شفا انٹرنیشنل اسپتال اسلام آباد میں کیا گیا تھا، جس کے بعد فیصل ایدھی نے خود ٹیسٹ پازیٹو آنے کی تصدیق کی تھی اور قرنطینہ میں چلے گئے تھے۔

    بعدازاں 6 مئی کو ایدھی فاؤنڈیشن کے سربراہ فیصل ایدھی کی کرونا ٹیسٹ رپورٹ منفی آگئی تھی۔

  • طیارہ حادثہ، لواحقین 36 لاشیں بغیر شناخت لے گئے

    طیارہ حادثہ، لواحقین 36 لاشیں بغیر شناخت لے گئے

    کراچی: پی آئی اے طیارہ حادثے میں جاں بحق ہونے والے مسافروں کے لواحقین اپنے پیاروں کی لاشیں بغیر تصدیق مردہ خانوں سے زبردستی لے جانے پر مجبور ہوگئے۔

    اے آر وائی نیوز کی رپورٹ کے مطابق کراچی طیارہ حادثے میں جاں بحق ہونے والے 36 مسافروں کے لواحقین بغیر شناخت کے لاشیں لے گئے، ایدھی فاؤنڈیشن کے سربراہ فیصل ایدھی نے لاشیں بغیر شناخت لے جانے کا دعویٰ کیا ہے۔

    فیصل ایدھی نے بی بی سی سے گفتگو کرتے ہوئے بتایا کہ لواحقین اجازت نامے کے بغیر زبردستی لاشیں لے جارہے ہیں جن کی ابھی تک شناخت نہیں ہوئی ہے۔

    ایدھی فاؤنڈیشن کے سربراہ نے تشویش کا اظہار کرتے ہوئے کہا کہ ورثا مردہ خانے میں ہنگامہ مچاتے ہیں اور اپنے طور پر شناخت کرکے لاش لے جاتے ہیں۔

    دوسری جانب حکومت سندھ کی جانب سے اس معاملے پر لاعلمی کا اظہار کیا گیا ہے۔

    94 لاشیں مکمل، 3 باقیات کی صورت ملیں، ترجمان پی آئی اے

    علاوہ ازیں پی آئی اے کا کہنا ہے کہ طیارہ حادثے میں جاں بحق ہونے والوں کی تعداد 97 ہے، ملنے والی لاشوں میں 94 مکمل، 3 باقیات کی صورت ملیں، 35 لاشیں قابل شناخت اور 30 ناقابل شناخت ہیں۔

    ترجمان کے مطابق پی آئی اے نے لواحقین کو چار انٹرنیشنل، 37 ڈومیسٹک ٹکٹیں جاری کیں، اب تک 4 میتیں لاہور اور 3 اسلام آباد پہنچائی جاچکی ہیں، مجموعی طور پر 51 میتیں ورثا کے حوالے کردی گئی ہیں۔

    پی آئی اے کے ترجمان کا کہنا تھا کہ 32 لواحقین، متاثرہ بے گھر13 افراد کو ہوٹل میں 21 کمرے الاٹ کیے گئے ہیں، جناح اسپتال میں 66 اور سول اسپتال میں 31 لاشیں لائی گئیں، ایدھی کولڈ اسٹوریج میں 56، چھیپا میں 41 میتیں رکھوائی گئیں۔

    مزید پڑھیں: طیارہ حادثہ، خاتون کی تلاش میں اہلخانہ جائے حادثہ پہنچ گئے، رقت آمیز مناظر

    واضح رہے کہ طیارہ حادثے کے نتیجے میں 97 مسافر جاں بحق ہوگئے تھے جبکہ 2 مسافر معجزانہ طور پر بچ گئے تھے، جاں بحق مسافروں کی لاشیں لواحقین کے حوالے کرنے کا سلسلہ جاری ہے۔

  • فیصل ایدھی کرونا وائرس سے صحت یاب ہوگئے

    فیصل ایدھی کرونا وائرس سے صحت یاب ہوگئے

    کراچی: ایدھی فاؤنڈیشن کے سربراہ فیصل ایدھی کی کرونا ٹیسٹ رپورٹ منفی آگئی۔

    اے آر وائی نیوز کی رپورٹ کے مطابق ایدھی فاؤنڈیشن کے سربراہ فیصل ایدھی کرونا وائرس سے صحت یاب ہوگئے، گزشتہ ہفتے ان میں کرونا وائرس کی تشخیص ہوئی تھی اور دو مرتبہ ان کی رپورٹ مثبت آئی تھی۔

    فیصل ایدھی کا کہنا ہے کہ اللہ کا شکر ہے میرا کرونا ٹیسٹ منفی آگیا ہے، کرونا میں مبتلا تمام مریضوں کے لیے صحت کی دعا کرتا ہوں۔

    فیصل ایدھی کے بیٹے سعد ایدھی کا کہنا تھا کہ والد کا تیسرا ٹیسٹ 2 روز پہلے 4 مئی کو پمز میں کرایا تھا رپورٹ آج ملی ہے۔

    سعد ایدھی کا کہنا تھا کہ والد نے 17 روز میں تین مرتبہ ٹیسٹ کرائے، پہلا ٹیسٹ 20 اپریل، دوسرا 27 اپریل کو کرایا تھا، وہ 20 اپریل سے لے کر 6 اپریل تک قرنطینہ میں رہے۔

    یاد رہے 21 اپریل کو فاؤنڈیشن کے سربراہ فیصل ایدھی میں کورونا کی تشخیص ہوئی تھی ، ان کا ٹیسٹ شفا انٹرنیشنل اسپتال اسلام آباد میں کیا گیا تھا، جس کے بعد فیصل ایدھی نے خود ٹیسٹ پازیٹو آنے کی تصدیق کی تھی اور قرنطینہ میں چلے گئے تھے۔

    بعد ازاں محکمہ صحت سندھ نے سول اسپتال کو ہدایت جاری کی تھی کہ کراچی میں موجود فیصل ایدھی کے خاندان کے دیگر افراد کے بھی کرونا ٹیسٹ کیے جائیں۔

    ذرائع محکمہ صحت کا کہنا تھا کہ فیصل ایدھی سے قبل ان کے بیٹے سعد ایدھی کا بھی کرونا ٹیسٹ مثبت آیا تھا، اس دوران بھی فیصل ایدھی کو کچھ دن گھر میں رہنے کی ہدایت کی گئی تھی، فیصل ایدھی 4 دن سے اسلام آباد میں تھے، شک ہے وائرس وہی سے منتقل ہوا۔

  • فیصل ایدھی کی کورونا رپورٹ ایک بار پھر مثبت آگئی

    فیصل ایدھی کی کورونا رپورٹ ایک بار پھر مثبت آگئی

    کراچی : ایدھی فاؤنڈیشن کے سربراہ فیصل ایدھی کی کورونا رپورٹ ایک بار پھر مثبت آگئی، گذشتہ ہفتے ان میں کورونا کی تشخیص ہوئی تھی۔

    تفصیلات کے مطابق ایدھی فاؤنڈیشن کے سربراہ فیصل ایدھی کی کورونا رپورٹ ایک بار پھر مثبت آگئی ، فیصل ایدھی نے 27تاریخ کو پمز اسپتال میں کورونا ٹیسٹ کرایاتھا ، فیصل ایدھی کو ٹیسٹ کی رپورٹ کچھ دیر قبل موصول ہوئی۔

    یاد رہے 21 اپریل کو فاؤنڈیشن کے سربراہ فیصل ایدھی میں کورونا کی تشخیص ہوئی تھی ، ان کا ٹیسٹ شفا انٹرنیشنل اسپتال اسلام آباد میں کیا گیا تھا، جس کے بعد فیصل ایدھی نے خود ٹیسٹ پازیٹو آنے کی تصدیق کی تھی اور قرنطینہ میں چلے گئے تھے۔

    بعد ازاں محکمہ صحت سندھ نے سول اسپتال کو ہدایت جاری کی تھی کہ کراچی میں موجود فیصل ایدھی کے خاندان کے دیگر افراد کے بھی کرونا ٹیسٹ کیے جائیں۔

    ذرایع محکمہ صحت کا کہنا تھا کہ فیصل ایدھی سے قبل ان کے بیٹے سعد ایدھی کا بھی کرونا ٹیسٹ مثبت آیا تھا، اس دوران بھی فیصل ایدھی کو کچھ دن گھر میں رہنے کی ہدایت کی گئی تھی، فیصل ایدھی 4 دن سے اسلام آباد میں تھے، شک ہے وائرس وہی سے منتقل ہوا۔

    خیال رہے ایدھی فاؤنڈیشن کے سربراہ فیصل ایدھی کے بیٹے سعد ایدھی کا ٹیسٹ اپنے والد کے ٹیسٹ سے بھی قبل مثبت آیا تھا، تاہم ان کا دوبارہ کیا گیا ٹیسٹ منفی آیا۔

    واضح رہے ایدھی فاؤنڈیشن کےسربراہ فیصل ایدھی نے کوروناوائرس کی تشخیص کے بعد ویڈیو بیان میں کہا تھا کہ فرائض کی انجام دہی کے دوران میرا کورونا ٹیسٹ مثبت آیا، اس سے گھبرانے کی کوئی ضرورت نہیں ہے، جیسے ہی ٹیسٹ منفی آیا تو میں آپ لوگوں کے درمیان پھر موجود ہوں۔

  • کوروناوائرس کی تشخیص کے بعد فیصل ایدھی کا ویڈیو بیان سامنے آگیا

    کوروناوائرس کی تشخیص کے بعد فیصل ایدھی کا ویڈیو بیان سامنے آگیا

    کراچی : ایدھی فاؤنڈیشن کے سربراہ فیصل ایدھی کا کہنا ہے کہ فرائض کی انجام دہی کے دوران میرا کورونا ٹیسٹ مثبت آیا، گھبرانے کی کوئی ضرورت نہیں ہے، انشااللہ جلد ٹھیک ہوجاؤں گا۔

    تفصیلات کے مطابق ایدھی فاؤنڈیشن کےسربراہ فیصل ایدھی نے کوروناوائرس کی تشخیص کے بعد ویڈیو بیان میں کہا کہ فرائض کی انجام دہی کے دوران میرا کورونا ٹیسٹ مثبت آیا، اس سے گھبرانے کی کوئی ضرورت نہیں ہے۔

    فیصل ایدھی کا کہنا تھا کہ بہت سارے لوگوں کا کوروناٹیسٹ مثبت آیا جو ٹھیک ہوگئے، میں بھی انشااللہ جلد ٹھیک ہوجاؤں گا، 80 فیصد لوگوں کو کورونا ہو کر ختم ہو جاتا ہے اور 20 فیصد لوگ ایسے ہیں، جن میں کورونا کے اثرات ظاہر ہوتے ہیں۔

    ایدھی فاؤنڈیشن کےسربراہ نے مزید کہا کچھ لوگوں کیلئے کورونا خطرناک ثابت ہوتا ہے، ہماراکام کہیں پر بھی رکنا نہیں چاہئے،خدمت جاری رکھیں، کہیں پرمیری ضرورت پڑے تو میں فون پررابطےمیں رہوں گا۔

    ان کا کہنا تھا کہ جیسے ہی ٹیسٹ منفی آیا تو میں آپ لوگوں کے درمیان پھر موجود ہوں گا۔

    یاد رہے محکمہ صحت سندھ نےبھی ان کا ٹیسٹ مثبت آنے کی تصدیق کردی ہے ، سندھ حکومت نے فیصل ایدھی کی فیملی کا کوروناٹیسٹ کرانے کے احکامات جاری کردیئے ہیں ، محکمہ صحت سندھ نے سول اسپتال کوہدایت جاری کی۔

    ذرائع محکمہ صحت کا کہنا ہے کہ فیصل ایدھی سےپہلے ان کے بیٹے کا بھی کوروناٹیسٹ پازیٹوآیاتھا، جس کے بعد فیصل ایدھی کوکچھ دن گھرمیں رہنےکی ہدایت کی گئی تھی، فیصل ایدھی 4دن سےاسلام آبادمیں تھےشک ہےوائرس وہیں سےمنتقل ہوا۔

  • سندھ حکومت نے فیصل ایدھی کی فیملی کے کرونا ٹیسٹ کے احکامات جاری کر دیے

    سندھ حکومت نے فیصل ایدھی کی فیملی کے کرونا ٹیسٹ کے احکامات جاری کر دیے

    کراچی: سندھ حکومت نے ایدھی فاؤنڈیشن کے سربراہ فیصل ایدھی کی فیملی کا کرونا ٹیسٹ کرانے کے احکامات جاری کر دیے۔

    اے آر وائی نیوز کے مطابق محکمہ صحت سندھ نے سول اسپتال کو ہدایت جاری کی ہے کہ کراچی میں موجود فیصل ایدھی کے خاندان کے دیگر افراد کے بھی کرونا ٹیسٹ کیے جائیں۔

    ذرایع محکمہ صحت کا کہنا ہے کہ فیصل ایدھی سے قبل ان کے بیٹے سعد ایدھی کا بھی کرونا ٹیسٹ مثبت آیا تھا، اس دوران بھی فیصل ایدھی کو کچھ دن گھر میں رہنے کی ہدایت کی گئی تھی، فیصل ایدھی 4 دن سے اسلام آباد میں تھے، شک ہے وائرس وہی سے منتقل ہوا۔

    ایدھی فاؤنڈیشن کے سربراہ فیصل ایدھی کا کرونا ٹیسٹ مثبت آ گیا

    واضح رہے کہ آج فلاحی ادارے ایدھی فاؤنڈیشن کے سربراہ فیصل ایدھی کا کرونا ٹیسٹ مثبت آ گیا ہے، انھوں نے دو دن قبل ٹیسٹ کروایا تھا، وہ اسلام آباد میں مقیم ہیں، ٹیسٹ مثبت آنے کے بعد وہ قرنطینہ میں چلے گئے ہیں، فیصل ایدھی کا ٹیسٹ شفا انٹرنیشنل اسپتال اسلام آباد میں کیا گیا تھا۔

    ایدھی حکام کا کہنا ہے کہ 5 دن قبل فیصل ایدھی نے اسلام آباد میں وزیر اعظم عمران خان سے ملاقات کی تھی، دو روز قبل انھوں نے کرونا کا ٹیسٹ کروایا تھا جس کی آج رپورٹ آئی ہے۔

    ادھر وزیر اعظم کے فوکل پرسن برائے کرونا وبا ڈاکٹر فیصل سلطان نے کہا ہے کہ خدشے کے پیش نظر وزیر اعظم کو ٹیسٹ کروانے کی رائے دوں گا۔