Tag: فیصل جاوید

اسلام آباد: وزیر ریلوے شیخ رشید احمد اور سینیٹر فیصل جاوید نے کہا ہے کہ فریال تالپور کی گرفتاری کی خبر متوقع تھی، قانون اپنا راستہ خود بناتا ہے۔

تفصیلات کے مطابق اے آر وائی نیوز سے بات کرتے ہوئے ہوئے شیخ رشید نے کہا کہ فریال تالپور کی گرفتاری کی خبر متوقع تھی، ملک کا سابق صدر اور سابق وزیر اعظم اب کرپشن پر جیل میں ہیں۔

انھوں نے کا کہ سابق صدر اور سابق وزیر اعظم ایک دوسرے کے بنائے مقدمات پر جیل میں ہیں، جیل میں زیادہ لوگ ہوں تو اسپیکر کو جیل کے باہر بھی اسمبلی لگانے کا اختیار ہے۔

سینیٹر فیصل جاوید نے اے آر وائی نیوز سے گفتگو میں کہا کہ پاکستان کے قرضے 24 ہزار ارب تک پہنچ گئے مگر ملک نیچے چلا گیا، آصف زرداری اور فریال تالپور کے خلاف کیس پہلے کے ہیں، حکومت کی نیب یا کسی اور ادارے میں مداخلت نہیں ہے۔

یہ بھی پڑھیں:  جعلی اکاؤنٹس کیس: نیب نے فریال تالپورکوگرفتارکرلیا

پی ٹی آئی رہنما کا کہنا تھا قانون اپنا راستہ خود بناتا ہے، چوری اور کرپشن سے ملک کو نقصان پہنچانے والوں کا احتساب ہوگا، آصف زرداری اور نواز شریف نے مک مکا کر کے کیسز چھپائے۔

فیصل جاوید نے مزید کہا کہ ملک کی معیشت سنبھل گئی ہے لیکن 10 سال کے قرض کا ملبہ ہٹانے میں کچھ وقت لگے گا۔

اسلام آباد: پی ٹی آئی کے سینیٹر فیصل جاوید نے بلاول بھٹو کی نیب میں پیشی کے موقع پر جیالوں کی ہنگامہ آرائی پر کہا ہے کہ قانون کو ہاتھ میں لیا جائے گا تو قانون حرکت میں آئے گا۔

تفصیلات کے مطابق پی ٹی آئی رہنما فیصل جاوید نے اے آر وائی نیوز سے گفتگو کرتے ہوئے کہا کہ کرپٹ لوگوں کو عدالتوں میں آنا پڑے گا، یہ این آر او کے عدالتوں میں آتے ہیں۔

انھوں نے کہا کہ گزشتہ روز ان کے پارٹنرز نے بھی ریاستی ادارے پر حملے کی کوشش کی تھی، یہ لوگ بوکھلاہٹ کا شکار ہیں، عید کے بعد احتجاج سے متعلق ابھی سے یہ راستہ اختیار کر رہے ہیں۔

فیصل جاوید کا کہنا تھا کہ لوگ ان کے ساتھ نہیں، عید کے بعد بھی ان کا شو فلاپ ہوگا، پہلے اپوزیشن والے آپس میں این آر او لیتے تھے اب عمران خان کی حکومت ہے، انھیں ایک ایک پائی کا جواب دینا ہوگا۔

یہ بھی پڑھیں:  حکومت اپوزیشن کی آواز برداشت نہیں کرسکتی، بلاول بھٹو

سینیٹر نے کہا کہ یہ دوغلے لوگ ہیں کہتے کچھ اور کرتے کچھ ہیں، یہ کہتے ہیں کہ قانون پرعمل کرتے ہیں لیکن اصل میں یہ این آر او کی کوششیں کر رہے ہیں، کسی کو بھی قانون ہاتھ میں لینے کی اجازت نہیں دی جائے گی۔

خیال رہے کہ سابق وزیر اعظم اور پی پی رہنما راجہ پرویز اشرف نے کہا ہے کہ ہم پر امن اور قانون پر یقین رکھنے والے لوگ ہیں، لیکن کارکنوں کو تنگ کیا گیا تو دما دم مست قلندر ہوگا۔

اسلام آباد: تحریک انصاف کے سینیٹر فیصل جاوید نے کہا ہے کہ پیپلزپارٹی نے جو ملک کے ساتھ کیا وہ دشمن بھی نہیں کرسکتا، قوم غریب ہوتی گئی اور یہ امیر سے امیر ہوتے گئے۔

تفصیلات کے مطابق پی ٹی آئی کے سینیٹر فیصل جاوید نے پیپلزپارٹی رہنماؤں کی تقریر پر ردعمل دیتے ہوئے کہا کہ ماضی میں دو جماعتوں نے چارٹر آف کرپشن کررکھا تھا، پی ٹی آئی حکومت نے کرپشن، منی لانڈرنگ کی روک تھام کی۔

سینیٹر فیصل جاوید نے کہا کہ یہ آج اپنے کرتوتوں کی وجہ سے ڈرے ہوئے ہیں، جے آئی ٹی نے ان کی کرپشن سامنے رکھ دی ہے۔

یہ پڑھیں: جمہوری طریقے سے الیکشن جیت کر ہم دوبارہ واپس آئیں گے، آصف زرداری

ان کا کہنا تھا کہ ماضی میں کرپشن چھپانے کے لیے قانون سازی ہوتی رہی ہے، احتساب کے عمل کو مزید تیز کیا جائے گا، منی لانڈرنگ کرکے جائیداد بنانے والوں کے پیچھے جائیں گے۔

فیصل جاوید نے کہا کہ چارٹر آف کرپشن دو پارٹیوں کی آپس کی ڈیل تھی، ہمارے یہاں کس طرح کرپشن کرنی ہے اس کے لیے قانون سازی ہوتی تھی، آنے والا وقت پاکستان کے لیے سب سے زبردست ہے۔

مزید پڑھیں: حکومت کا آصف علی زرداری کا نام ای سی ایل میں ڈالنے کا فیصلہ

دوسری جانب وفاقی وزیر فیصل واوڈا نے کہا کہ آصف زرداری نے دراصل لاڈلے کی بات کرکے نواز شریف کو ٹارگٹ کیا ہے، زرداری نے حملہ نواز شریف پر کیا ہے مقدمات ان کے دور میں بنے تھے۔

فیصل واوڈا نے کہا کہ عمران خان نے 18 ویں ترمیم یا ون یونٹ پر ایک بار بھی بات نہیں کی، 18ویں ترمیم کے خلاف تو میں پورے پاکستان میں اکیلا گھوم رہا ہوں، عمران خان کو لایا گیا ہے تو پیپلزپارٹی کی سندھ میں حکومت کیسے بنی ہے۔