Tag: فیصل قریشی

پاکستان شوبز انڈسٹری کے ورسٹائل اداکار فیصل قریشی اور ان کی اہلیہ ثنا فیصل کی دلچسپ ویڈیو سوشل میڈیا پر وائرل ہورہی ہے۔

فوٹو اینڈ ویڈیو شیئرنگ ایپ انسٹاگرام پر ثنا فیصل نے اپنے آفیشل اکاؤنٹ سے یہ مزاحیہ ویڈیو شیئر کی جس میں وہ اور فیصل قریشی ایک ویڈیو پر لپسنگ کرتے نظر آرہے ہیں، ثنا نے ویڈیو کے کیپشن میں لکھا کہ کیسے بیت گئے یہ سال، ساتھ ہی انھوں منہ چڑانے کی ایموجی بھی بنائی۔

ویڈیو میں ثنا فیصل کو اپنے پاس بیٹھا کر پرجوش انداز میں کہتی ہیں ’10 سال ہوگئے ہماری شادی کو، کیسے بیت گئے یہ 10 سال پتا ہی نہیں چلا’۔

اس پر فیصل قریشی کہتے ہیں کہ میں بولوں، میں بولوں؟ تو ثنا فیصل انھیں ڈانٹتے ہوئے کہتی ہیں کہ چپ ہوجائو میں بول رہی ہوں نہ۔

 

View this post on Instagram

 

A post shared by SANA FAYSAL (@sanafaysal)

ثنا فیصل پھر ان کا ہاتھ پکڑ کر پوچھتی ہیں کہ کتنے خوش ہیں ہم لوگ ہیں نہ بے بی؟ اس پر فیصل قریشی کافی مزاحیہ اور عجیب سا منہ بناتے ہیں۔

اسی دوران ثنا ان سے محبت کا اظہار کرنے کےلیے ان کے منہ پر اہل اسٹیکر چپکا دیتی ہیں جس پر بہت سارے دل بنے ہوتے ہیں۔

اس مزاحیہ ویڈیو پر مداح دلچسپ خیالات کا اظہار کرتے ہوئے ان کی اداکاری کی داد دے رہے ہیں جبکہ کچھ مداحوں نے انھیں خوبصورت کپل بھی قرار دیا۔

https://urdu.arynews.tv/faysal-quraishi-with-wife-sana-video-viral/

پاکستان کے معروف اداکار فیصل قریشی نے بھارتی انتہا پسندی پر روشنی ڈالتے ہوئے کہا ہے کہ بھارت کی طرف سے زیادہ نفرت پھیلائی جاتی ہے۔

پوڈ کاسٹ میں گفتگو کرتے ہوئے فیصل قریشی کا کہنا تھا کہ جتنی نفرت ہے یہ بھارت کی طرف سے آتی ہے آپ پچھلے 5، 6 سالوں میں ان کی کوئی سیریز اٹھا لیں، ان کی آپ کوئی فلم دیکھ لیں، آپ کچھ بھی اٹھا لیں، ایک نارمل سی سیریز میں بھی وہ گڑبڑ کردیتے ہیں۔

فیصل قریشی نے کہا کہ ایک سیریز جو آن ایئر ہونے والی تھی، اس کو روک کر اس کے اندر پاکستتان کے خلاف مواد ڈلوایا گیا، پھر اسکو نیٹ فلیکس پر ریلیز کیا گیا، وہ اتنا زیادہ کررہے ہیں کہ بس۔

انھوں نے کہا کہ میرے کچھ انڈین دوست ہیں وہ خود بھی گالیاں دے رہے ہوتے ہیں کہ یار بس کردو، ان کی فلم اسکائی فورس آئی اس میں انھوں نے جو ثابت کرنے کی کوشش کی لوگ الٹا انھیں گالیاں دے رہے ہیں۔

پاکستانی اداکار نے کہا کہ یار معاف کردیں آپ، آپ لوگ کتنا تاریخ کو مسخ کریں گے اس کا رخ موڑیں گے، کبھی کسی تاریخ کو موڑ دیتے ہیں کبھی کسی کو موڑ دیتے ہیں۔

فیصل نے کہا کہ بھارتیوں نے اورنگزیب کے کردار کو کیا سے کیا بنادیا، اکبر اور خلجی کے کردار کو بھی بگاڑ دیا وہ صرف تاریخ کو موڑنے پر لگے ہیں۔

انھوں نے بتایا کہ تاریخی طور پر 100 سال کا فاصلہ ہونے کے باوجود انھوں نے ایک فلم میں امیرخسرو کو لاکر بٹھا دیا، میں یہ سب دیکھ کر سوچنے لگا کہ یہ لوگ کرکیا رہے ہیں۔