Tag: فیصل مسجد

اسلام آباد : مسجد نبوی کے امام ڈاکٹر صلاح بن محمد البدیر آج اسلام آباد کی فیصل مسجد میں نمازِ جمعہ کی امامت کریں گے۔

تفصیلات کے مطابق امام مسجد نبویﷺ ڈاکٹر صلاح بن محمد البدیر سات روزہ خیر سگالی دورے پر پاکستان میں موجود ہیں ، وہ آج اسلام آباد کی فیصل مسجد میں نمازِ جمعہ کی امامت کریں گے۔

یاد رہے گذشتہ روز مسجد نبوی کے امام اسلام آباد پہنچ تھے، وزیرمذہبی امور چوہدری سالک حسین، سعودی سفیر نواف سعید المالکی، سیکرٹری مذہبی امور ذوالفقار حیدر نے معزز مہمان کا استقبال کیا تھا۔

بعد ازاں معزز مہمان کی صدر آصف علی زرداری سے ملاقات ہوئی تھی ،۔ آصف زرداری نے ایوان صدرمیں معزز مہمان کااستقبال کیا ۔

صدر مملکت کا کہنا تھا دونوں برادر ملکوں میں تعلقات مزید مستحکم ہو رہے ہیں، پاکستان ہمیشہ سعودی عرب کےساتھ کھڑا رہے گا۔

امام مسجد نبوی نے سعودی عرب کی ترقی میں پاکستانی کمیونٹی کے کردار کوسراہا۔

اس کے علاوہ مسجد نبوی کے امام کی سربراہی میں وفدکی چیئرمین سینیٹ سے بھی ملاقات ہوئی تھی۔

اسلام آباد : امام کعبہ ڈاکٹر صالح بن حمید نے فیصل مسجد میں نمازِ جمعہ کا خطبہ دیا اور امامت کرائی، وہ رواں ہفتے چھ روزہ دورے پر اسلام آباد پہنچ تھے۔

تفصیلات کے مطابق امامِ کعبہ صالح بن عبداللّٰہ بن حمید نے اسلام آباد کی فیصل مسجد میں نمازِ جمعہ کا خطبہ دیا اور امامت کروائی ، امامِ کعبہ کی امامت میں فرزندانِ اسلام کی بڑی تعداد نے
نمازِ جمعہ ادا کی۔

خطبے میں امام کعبہ کا کہنا تھا کہ آپس میں اخوت، محبت اور مساوات کو فروغ دیں، مسلمانوں کی مثال جسم کی مانند ہے جو ایک دوسرے کو مضبوط کرتے ہیں۔

یاد رہے امامِ کعبہ صالح بن عبداللّٰہ بن حمید رواں ہفتے چھ روزہ دورے پر اسلام آباد پہنچ تھے، گذشتہ روز بین الاقوامی اسلامی یونیورسٹی کے زیر اہتمام کانفرنس میں خطاب کرتے ہوئے
ان کا کہنا تھا کہ انسانی جان کا قتل حرام ہے، غزہ میں انسانی حقوق کے نام پر مسلمانوں کا قتل عام کیا جا رہا ہے۔

امام کعبہ کا کہنا تھا کہ غزہ میں نہتے لوگوں کا قتل عام انسانی تاریخ کا سیاہ ترین دور ہے، عالمی طاقتیں انسانی جانوں کی حرمت کا پاس رکھیں اورغزہ میں جرائم کورکوائیں۔

صالح بن عبداللہ بن حمید نے کہا تھا کہ فلسطین کے مسلمانوں کی سختی کے خاتمے کی دعا کرتا ہوں، رب کریم ظالموں کو سخت ترین سزا دے۔