Tag: فیصل واوڈا

اسلام آباد: سینیٹر فیصل واوڈا کا کہنا ہے کہ بانی پی ٹی آئی کو سزا 5 یا 7 سال دن اور رات ملا کر ہوگی۔

اے آر وائی نیوز کے پروگرام ’خبر‘ میں گفتگو کرتے ہوئے سینیٹر فیصل واوڈا نے کہا کہ میرے کہنے کا مطلب تھا کہ 190 ملین پاؤنڈ کیس میں 10 یا 14 سال سزا بانی پی ٹی آئی کو ہوگی، فیصلہ سنانے کا وقت تبدیل ہوسکتا ہے لیکن فیصلہ تبدیل نہیں ہوگا۔

انہوں نے کہا کہ بانی پی ٹی آئی اور اہلیہ دونوں کو سزا ہوگی، کابینہ کو بھی ہونی چاہیے، عمران خان کے رشتے داروں اور پی ٹی آئی والوں نے سزا جتنی دعائیں مانگی ہیں اس کے بعد تو سزا ہوجائے گی۔

فیصل واوڈا نے کہا کہ علی امین گنڈا پور وزیر اعلیٰ ہیں اس لیے ان پر ہاتھ نہیں ڈالا جاسکتا، ایک سابق وزیراعظم ہیں ان پر کیسز ہیں ان پر بھی ہاتھ نہیں ڈالا جاسکتا۔

سابق وفاقی وزیر نے کہا کہ ایک سابق وزیراعظم ہیں ہاتھ ڈالا جاتا ہے تو بیرون ملک چلے جاتے ہیں، کل تک انتظار کرلیں پی ٹی آئی کا وہی رونا دھونا پھر شروع ہوگا۔

فیصل واوڈا نے کہا کہ حکومت اور پی ٹی آئی دونوں چاہتے ہیں بانی پی ٹی آئی جیل میں رہیں، 20 جنوری کے بعد جو ٹرمپ کارڈ کھیلا جارہا ہے اس پر بھی مایوسی ہوگی، چیزیں پاکستان کے لیے مثبت جارہی ہیں لیکن پی ٹی آٗئی کے لیے نہیں۔

ایک سوال کے جواب میں انہوں نے کہا کہ آرمی چیف سے بیرسٹر گوہر کی ون آن ون ملاقات نہیں ہوئی، 190 ملین پاؤنڈ کیس کا انتظار کیا جارہا ہے اور کچھ نہیں، پی ٹی آئی کی پروپیگنڈا ٹیم زبردست ہے۔

سینیٹر نے کہا کہ یہ وہی پی ٹی آئی ہے جس نے آرمی چیف کی تعیناتی روکنے کے لیے دھرنے دیے، پی ٹی آئی نے موجودہ حکومت ماننے سے انکار کیا اب مذاکرات کررہی ہے۔

فیصل واوڈا نے کہا کہ 9 مئی کے واقعات کو فالس فلیگ کہا گیا بعد میں گنڈا پور نے اعتراف کیا، پی ٹی آئی کی کس بات کو سچ مانوں اور کس بات کو جھوٹ کہوں، کیس کا فیصلہ کل آرہا ہے ساری ہوا نکل جائے گی اور عمران خان کو سزا ضرور ہوگی۔

اسلام آباد : سینیٹر فیصل واوڈا کا کہنا ہے کہ سزاؤں کا سلسلہ جو اب شروع ہوگا وہ رکنے کا نام نہیں لے گا، فیض حمید نے جو گواہی دی بدقسمتی سے پہلا نام بانی پی ٹی آئی کا ہے۔

تفصیلات کے مطابق سینیٹر فیصل واوڈا نے اے آر وائی نیوز سے خصوصی گفتگو میں سپریم کورٹ کے ملٹری کورٹس سے متعلق فیصلے پر تبصرہ کرتے ہوئے کہا کہ سپریم کورٹ سے جو حکم آیا یہی متوقع تھا، اس میں کوئی حیرت یا چونکنے کی بات نہیں۔

ان کا کہنا تھا کہ ملٹری کورٹس میں کسی بھی ٹرائل ہو تو یہ قابل اعتراض نہیں ، سپریم کورٹ نے 85 لوگوں کےکیس کا فیصلہ کرنے کی اجازت دی ہے۔

سینیٹر واوڈا نے کہا کہ 9مئی کا واقعہ ریاست اور ملک کیخلاف ہوا تھا ، لوگوں نے ان معاملات کو مذاق بنا لیا تھا، اب سزاؤں کا سلسلہ شروع ہوگا تو رکنے کا نام نہیں لے گا۔

انھوں نے بتایا کہ بانی پی ٹی آئی کیساتھ 15،14سال گزارے ، بدمعاشی ،غنڈہ گردی سے یہ وہاں پہنچ گئے جہاں سے واپسی نہیں۔

واوڈا کا مزید کہنا تھا کہ عدالتیں ملک کی اتنی ہی وفادار ہیں جتنے ہم ہیں ، 9مئی کےملزمان کیخلاف شواہد اور شہادتیں موجود ہیں۔

انھوں نے بتایا کہ فیض حمید سمیت ملزمان کا ٹرائل ایک ہی جگہ ہوگا، فیض حمید نے جو گواہی اور شواہد دیئے بدقسمتی سے پہلا نام بانی پی ٹی آئی کاہے، ساتھ ہی بشریٰ بی بی کی بھی مشکلات بڑھ گئی ہیں لوگوں کی لمبی فہرست ہے۔

سینیٹر واوڈا نے کہا کہ ملٹری کورٹس سے ملزمان کا ٹرائل شروع ہوگا اور سزائیں بھی ہوں گی ، کیونکہ توڑ پھوڑ ،جلاؤ گھیراؤ سے ملک کو نقصان پہنچا ،دنیا میں تماشا بنا۔

فیصل واوڈا نے کہا ہے کہ بانی پی ٹی آئی جیل سے باہر نہیں آئیں گے کیونکہ بہت تاخیر ہوگئی ہے، دعا ہوگی فیض حمید اور حواریوں کی بات سزائے موت تک نہ جائے۔

پروگرام آف دی ریکارڈ میں گفتگو کرتے ہوئے سینیٹر فیصل واوڈا نے کہا کہ فیض حمید کیخلاف چارج شیٹ ہوگئی ہے اب سزاؤں کا تعین ہوگا، فیض حمید نے شواہد اور ثبوت دے دیئے ہیں، بانی پی ٹی آئی پر قاتلانہ حملے کا کیس بہت اہم ہے، ایک اور کیس ہے جب سامنے آئیگا تو بانی پی ٹی آئی کے پیر کے نیچے سے زمین نکل جائےگی۔

فیصل واوڈا کا کہنا تھا کہ بات چیت کے ذریعے ہی اسپیس بنانی پڑتی ہے اور نکالنا پڑتی ہے، مولانا فضل الرحمان کا مینڈیٹ کےپی میں چوری کیا گیا اس کا ازالہ کوئی نہیں۔

پی ٹی آئی رہنما نے کہا کہ ملک کی تاریخ رہی ہے ایوان سے لوگوں کو پھانسی چڑھتے دیکھا ہے، ہمارے ملک کی تاریخ رہی ہے جیل سے لوگوں کو ایوان میں جاتے دیکھا، انصاف کی بنیاد پر سابق ڈی جی آئی ایس آئی کا ٹرائل ہورہا ہے۔

فیصل واوڈا نے کہا کہ بانی پی ٹی آئی پر قاتلانہ حملے سے پہلے انھیں بتایا تھا کہ آپ پرفائرنگ ہوگی، بانی پی ٹی آئی پر قاتلانہ حملے کے بینفشری کون تھے، فائدہ کس کو ہونا تھا، لیپ ٹاپ، فون اور فیض حمید کے سہولت کار شواہد دینگے تو سب سامنے آجائیگا۔

انھوں نے کہا کہ بانی پی ٹی آئی پر قاتلانہ حملے میں ایک اور نام بھی شامل ہے وہ بھی سامنے آئیگا، وہ نام آج کل بانی پی ٹی آئی کے بہت قریب ہے وہ بھی قاتلانہ حملے میں ملوث تھا

قمر باجوہ پر بھی الزام لگا سکتے ہیں لیکن جب دو طاقتور مل جائیں تو پھر مشکل ہوتی ہے، وزیراعظم اور ڈی جی آئی ایس آئی ایک ہوجائیں تو آرمی چیف کیاکرسکتے تھے۔

فیصل واوڈا نے کہا کہ بانی پی ٹی آئی نے فیض حمید کو بھرپور استعمال کیا ہے، آرمی چیف کو کریڈٹ دینا چاہیے کوئی طاقتور انصاف کے کٹہرے سے بچ نہیں سکتا، مراد سعید، حماد اظہر کیوں بھگوڑے ہیں کیوں سامنے نہیں آتے۔

انھوں نے کہا تھا کہ ن لیگ میں ایسے بہت سے اچھے چہرے تھے جو اب ن لیگ کا حصہ نہیں، نواز شریف کا ایک مسئلہ ہے کہ وہ ہمیشہ ایک دوسرے پر الزامات لگائیں گے، فیض حمید کیلئے بانی پی ٹی آئی نے بہت کچھ کیا، 24 نومبر کی کال بھی فیض کیلئے تھی۔