Tag: فیصل واوڈا

اسلام آباد : پی ٹی آئی رہنما رؤف حسن کے بیان کے بعد کیا فیصل واوڈا کی ایک اور پیش گوئی درست ہونے جارہی ہے؟

تفصیلات کے مطابق اے آروائی نیوز کے پروگرام خبر میں گفتگو کرتے ہوئے پی ٹی آئی رہنما رؤف حسن نے تحریک انصاف پر پابندی کا خدشہ ظاہر کیا جبکہ تحریک انصاف کے سابق رہنما فیصل واوڈا 28 مئی کو اس کی پیش گوئی کرچکے ہیں۔

پی ٹی آئی کے سابق رہنما کی پیش گوئیوں کے چرچے پہلے ہی سیاسی اور عوامی حلقوں میں مقبول ہیں، انھوں نے 2022 سے جو سیاسی پیش گوئی کی وہ حرف بہ حرف درست ثابت ہوئی۔

سیاسی میدان سے لے کرعدالتی احاطےتک کیا ہونے والا ہے؟ انھوں نے جو تجزیہ کیا درست نکلا۔

سیاست کی بساط پر واوڈا کی چالوں کو مخالفین بھی مانتےہیں اور یہی وجہ ہے وہ اپنی منفرد پہچان رکھتے ہیں۔

جسٹس اطہرمن اللہ نے واضح کیا ہے کہ انھوں نے سینیٹر فیصل واوڈا کے خلاف توہین عدالت کی کارروائی کا نہیں کہا تھا۔

اے آر وائی نیوز کے مطابق ذرائع نے بتایا کہ جسٹس اطہرمن اللہ نے رجسٹرار سپریم کورٹ کو خط لکھ دیا ہے، جسٹس اطہرمن اللہ نے خط میں کہا کہ فیصل واوڈا کیخلاف توہین عدالت کارروائی کے لیے نہیں کہا، توہین عدالت کارروائی کیلئے شکایت کی نہ مجھ سے مشاورت کی گئی۔

جسٹس اطہر من اللہ نے کہا کہ توہین عدالت معاملے پر میرا مؤقف عدالتی فیصلوں سے واضح ہے، تاثر دیا گیا کہ فیصل واوڈا اور مصطفیٰ کمال کے خلاف کارروائی کا آغاز میری شکایت پر کیا گیا۔

خط کے متن میں کہا گیا کہ توہین عدالت کارروائی چلانے کیلئے شکایت دائرکی نہ ہی رائے دی، 2017 سے مجھے تضحیک آمیز مہم کا سامنا ہے۔

جسٹس اطہرمن اللہ کا خط میں کہنا تھا کہ خط کا مقصد ہے تاثر کو زائل کیا جائے کہ توہین عدالت کارروائی میرے کہنے پر ہوئی ہے۔

جج کا خط میں مزید کہنا تھا کہ تضحیک آمیز مہم کے باوجود کسی کے خلاف توہین عدالت کی کارروائی کی رائے نہیں رکھتا۔

اسلام آباد: سینیٹر فیصل واوڈا نے خبردار کیا ہے کہ مون سون بارشوں سے نمٹنے کیلئے کوئی ٹھوس تیاری اورحکمت عملی نہیں۔

تفصیلات کے مطابق سینیٹر فیصل واوڈا نے مون سون کی بارشوں کے حوالے سے کہا کہ مون سون بارشوں سےنمٹنےکیلئےکوئی ٹھوس تیاری اورحکمت عملی نہیں، دکھانے کیلئے گٹر لائنز صاف کرانے سے کچھ نہیں ہوگا۔

ان کا کہنا تھا کہ اس مرتبہ گزشتہ سالوں کی نسبت زیادہ بارشیں متوقع ہیں لیکن ماضی سےکوئی سبق سیکھاہےنہ ہی اس مرتبہ کوئی تیاری ہے۔

سینیٹر نے سوال کیا کہ خدانخواستہ مون سون سیزن میں جانی ومالی نقصان ہواتوکون ذمہ دارہوگا۔

انھوں نے مزید کہا کہ جب میں درست بات کرتا ہوں توتکلیف سب کوہوتی ہے، واٹرریسورسزکمیٹی اجلاس میں شرکت کے بعد ببانگ دہل بتاتا ہوں کوئی تیاری نہیں۔

اسلام آباد :سپریم کورٹ نے توہین عدالت کیس میں فیصل واوڈا اور مصطفیٰ کمال28جون کو ذاتی حیثیت میں طلب کرتے ہوئے تمام نیوز چینلز کو دوہفتوں میں جواب جمع کرانے کا حکم دے دیا۔

تفصیلات کے مطابق سپریم کورٹ نے سینیٹر فیصل واوڈا اور ایم کیو ایم رہنما مصطفیٰ کمال کے خلاف توہین عدالت کیس کی گزشتہ روز سماعت کا حکم نامہ جاری کر دیا۔

جس میں کہا ہے کہ مصطفیٰ کمال کےوکیل نے بتایا انہوں نے غیر مشروط معافی مانگی اور وہ خودکو عدالتی رحم و کرم پرچھوڑتےہیں۔

حکم نامے میں کہا گیا کہ فیصل واوڈا کے وکیل نے اضافی جواب جمع کرانے کیلئے مہلت طلب کی، پیمرا نے فیصل واوڈا اور مصطفیٰ کمال کی پریس کانفرنس کی ٹرانسکرپٹ جمع کروائی۔

سپریم کورٹ کا کہنا تھا کہ رپورٹ کےمطابق فیصل واوڈاکی پریس کانفرنس کو34نیوز چینلز اور مصطفیٰ کمال کی پریس کانفرنس کو28نیوزچینلز نے نشر کیا، بادی النظر میں پریس کانفرنس نشرکرناتوہین عدالت کےزمرےمیں آتا ہے۔

عدالت نے کہا کہ 17 مئی کےحکم نامے کے مطابق نیوزچینلزبھی توہین عدالت کے مرتکب ہوئے، تمام نیوز چینلز دو ہفتوں میں اپنا جواب جمع کروائیں اور نیوز چینلز نمائندے جواب میں بتائیں ان ک ےخلاف توہین عدالت کارروائی کیوں نہ چلائی جائے۔

اٹارنی جنرل ٹرانسکرپٹ میں نشاندہی کریں کہ کہاں توہین عدالت کی گئی، آئندہ سماعت پر توہین عدالت کے دونوں ملزمان فیصل واوڈا اور مصطفیٰ کمال ذاتی حیثیت میں پیش ہوں۔

ایڈوکیٹ حافظ عرفات احمد نےقرآن و احادیث کی روشنی میں حوالے دیے، قرآن و حدیث سے حوالے غیبت، تکلیف دہ اور بہتان آمیز تقریر سے متعلق تھے، ٹی وی چینلز کے نمائندےبھی آئندہ سماعت پرذاتی حیثیت میں پیش ہوں، توہین عدالت کیس کی مزید سماعت 28 جون کو ہوگی۔

اسلام آباد: سینیٹر فیصل واوڈا کا کہنا ہے کہ عدالت میں معافی مانگنا گناہ نہیں ہے لیکن میں نے کوئی غلطی کی ہوتومعافی مانگوں گا۔

تفصیلات کے مطابق توہین عدالت کیس کی سماعت کے بعد سینیٹر فیصل واوڈا نے سپریم کورٹ کے باہر میڈیا سے گفتگو میں کہا کہ مصطفیٰ کمال کاکیس تفصیل سےسناہے، ہماراکیس ابھی سنانہیں ،باری آئےگی توہی بتاسکتاہوں، سپریم کورٹ میں اگلی تاریخ پرپتاچلےگاکہ کیاہوگا.

فیصل واوڈا کا کہنا تھا کہ عدالت میں معافی مانگناگناہ نہیں ہے، میں نےکوئی غلطی کی ہوتومعافی مانگوں گا ، میں عدالت اور ججز کی عزت کرتاہوں۔

انھوں نے بتایا کہ عدلیہ کے احترام میں سپریم کورٹ میں پیش ہواہوں ، ہر چیز ایک ہی دن تو نہیں ہوجائےگی سب کوخبریں ملیں گی، چیف جسٹس اور ان کے بینچ کی ہمیشہ عزت کی ہے۔

سینیٹر نے کہا کہ عدلیہ کے وقار کو 140ویں نمبر سے پہلے نمبر پر دیکھنا چاہتاہوں، ہم آئینی ادارےسپریم کورٹ میں آئےہیں اس کےوقارکاخیال رکھناہے، انصاف کا نظام ٹھیک ہوگیا تو پاکستان ترقی کرے گا۔

ان کا مزید کہنا تھا کہ پی ٹی آئی والوں نےٹرولنگ کیں، مولاناصاحب نےبھی باتیں کی، پھرایم کیوایم والے درست کہتے ہیں ہمارا شاید ڈومیسائل کراچی کا ہے۔

اسلام آباد : سابق وزیر فیصل واوڈا کا کہنا ہے کہ پارٹی کے لوگ منصوبے کے تحت بانی پی ٹی آئی کو دفن کررہے ہیں، تجزیہ ہے کہ پی ٹی آئی جو کررہی ہے، کالعدم ہونے کے طرف چلی جائے گی۔

تفصیلات کے مطابق سابق وزیر فیصل واوڈا نے اے آر وائی نیوز کے پروگرام الیونتھ آور میں گفتگو کرتے ہوئے کہا کہ جوپریس کانفرنس کی24کروڑعوام کی بھی یہ ہی رائےہے، پراکسی ہونے کے ثبوت دیئے جائیں ورنہ پیچھے نہیں ہٹوں گا۔

فیصل واوڈا کا کہنا تھا کہ آج جوانقلابی بنےہوئےہیں ان کابھی ماضی دیکھناچاہیے، عرصے سے کہہ رہا ہوں کہ پی ٹی آئی کے لوگ چاہتے ہیں بانی بند رہیں، گزشتہ روز جو بیانیہ بنایا گیا یہ تو ملک توڑنے کی سازش ہورہی ہے، 1971 کی صورتحال کا حوالہ دے رہے ہیں، یہ توملک کے خلاف ہے، خود کہا جا رہا ہے کہ پی ٹی آئی کے آفیشل اکاؤنٹ پر ہی بھروسہ نہ کریں۔

سابق وزیر نے کہا کہ بات تواب پاؤں پکڑنے سے بھی آگے نکل گئی ہے، گزشتہ روز کی ٹوئٹ کو تو اب انڈین بھی ٹرولنگ کر رہے ہیں، ایم کیوایم لندن پربھی پابندی لگی تھی، پی ٹی آئی بھی اگرایسی سازشیں کررہی ہیں توپابندی لگنی چاہیے، پہلے ایس آئی ایف سی کی تصویریں لگائی گئیں اب71 کی ٹوئٹ کردی۔

ان کا کہنا تھا کہ آپ اکڑتے جائیں وہ چھوڑتے جائیں آخر میں سب ہی اندرجائیں گے، تجزیہ ہے کہ پی ٹی آئی جو کررہی ہے، کالعدم ہونے کے طرف چلی جائے گی، یہ لوگ پی ٹی آئی کوایسی جگہ پر لے آئے ہیں کہ پارٹی کالعدم ہوسکتی ہے۔

بانی پی ٹی آئی کے اکاؤنٹ سے ہونے والے ٹوئٹ پر سابق وزیر نے مزید کہا کہ بانی پی ٹی آئی کو بھی بولنا چاہیے کہ وہ 1971والی ٹوئٹ کواون کرتے ہیں یا نہیں، بیرسٹر گوہر معاملے کو گھمانا چاہتے ہیں لیکن کرنے سے پہلے سوچناچاہیےتھا۔

انھوں نے کہا کہ اب تو ملک کوبچانے والی بات ہوگئی ہے، کہیں بات نہیں بھی ہورہی تو ہوگی بھی کہ پی ٹی آئی پر پابندی لگنی چاہیے، پارٹی کے لوگ منصوبے کے تحت بانی پی ٹی آئی کو دفن کررہے ہیں۔