Tag: فیصل چوہدری

اسلام آباد : پاکستان تحریک انصاف کے رہنما اور وکیل فیصل چوہدری کا کہنا ہے کہ پی ٹی آئی کا حصہ ہوں، مجھے کوئی نہیں نکال سکتا۔

تفصیلات کے مطابق پاکستان تحریک انصاف کے رہنما اور وکیل فیصل چوہدری نے گفتگو کرتے ہوئے کہا کہ پی ٹی آئی کا حصہ ہوں، مجھے پارٹی سے کوئی نہیں نکال سکتا۔

رہنما پی ٹی آئی کا کہنا تھا کہ عید کے بعد بانی پی ٹی آئی سےملاقات میں بات کروں گا، بس کے نیچے آنے والا نہیں، بس کو باہر بھیجوں گا۔

انھوں نے کہا کہ کسی کو بات کرنی ہے تومیرے منہ پر کرے، جوالزام لگائیں گے جواب دوں گا، ریاست مدینہ کی بات کرتے ہیں تواصول بھی وہی چلیں گے۔

مزید پڑھیں : بانی کی ہدایت پر فیصل چوہدری کو لیگل کمیٹی سے نکال دیا گیا

پی ٹی آئی کے وکیل کا مزید کہنا تھا کہ کارکنوں کو بانی پی ٹی آئی کے پیغام کا انتظار ہوتا ہے، جیل کے باہر میڈیا ٹاک پرپابندی قانون کے خلاف ہے۔

یاد رہے پی ٹی آئی کے سیکرٹری جنرل سلمان اکرم راجہ نے اے آر وائی نیوز کے پروگرام خبر میں گفتگو کرتے ہوئے کہا تھا کہ فیصل چوہدری کا کردار ایک عرصے سےمنفی رہا ہے ، آج عمران خان نے کہا کہ فیصل چوہدری کولیگل کمیٹی سے نکال دیا جائے، ان کی ہدایت پر ان کو لیگل کمیٹی سے نکال دیا گیا ہے۔

اسلام آباد : بانی پی ٹی آئی کی ہدایت پر فیصل چوہدری کو لیگل کمیٹی سے نکال دیا گیا۔

تفصیلات کے مطابق پی ٹی آئی کے سیکرٹری جنرل سلمان اکرم راجہ نے اے آر وائی نیوز کے پروگرام خبر میں گفتگو کرتے ہوئے کہا کہ فیصل چوہدری کا کردار ایک عرصے سےمنفی رہا ہے ، آج عمران خان نے کہا کہ فیصل چوہدری کولیگل کمیٹی سے نکال دیا جائے، ان کی ہدایت پر ان کو لیگل کمیٹی سے نکال دیا گیا ہے۔

سلمان اکرم نے بتایا کہ مولانا فضل الرحمان سے گرینڈ الائنس پرمثبت بات چیت ہوئی ہے، عید کے بعد مولانا فضل الرحمان سےمزیدبات چیت بھی ہوگی اور تحریک کو کیسے لے کر چلنا ہے مشترکہ لائحہ عمل اپنایا جائے گا۔

ان کا کہنا تھا کہ گرینڈ الائنس ہوگا تو جو بھی کرنا ہے مشترکہ طور پر کریں گے، سڑکوں پراحتجاج ہوگا یا کچھ اور اس بارے میں ابھی کچھ نہیں کہہ سکتا۔

سلمان اکرم راجہ نےمزید کہا کہ بانی سے ملاقات کے بعد میڈیا ٹاک کے حوالے سے غلط بیانیہ بنایا گیا،عدالت نے صرف یہ حکم دیا تھا اڈیالہ جیل کے گیٹ پر میڈیا ٹاک نہ کی جائے۔

اسلام آباد : پاکستان تحریک انصاف کے رہنما فیصل چوہدری کا کہنا ہے کہ مینار پاکستان پر جلسے کی اجازت نہیں بھی دی جاتی تو بھی کریں گے۔

تفصیلات کے مطابق پاکستان تحریک انصاف کے رہنما فیصل چوہدری نے اے آر وائی نیوز کے پروگرام ‘الیونتھ آور’ میں کرتے ہوئے بتایا کہ کل سے ہی ہمارے لوگوں کو گرفتار کرنا شروع کر دیا گیا ہے، مینارپاکستان پرجلسے کی اجازت نہیں بھی دی جاتی تو بھی کریں گے۔

رہنما پی ٹی آئی کا کہنا تھا کہ محسن نقوی کہتے ہیں پی ٹی آئی کا جلسہ ہوا تو وہی کریں گے جو 26 نومبر کو کیا لیکن صوابی میں پاکستان تحریک انصاف کا جلسہ ویسے ہی ہونے جا رہا ہے۔

انھوں نے بتایا کہ کل رات متفقہ اعلامیہ جاری کیا گیا، مولانا فضل الرحمان موجود تھے، شاہدخاقان عباسی نے مولانا فضل الرحمان کے اتفاق سے اعلامیہ پڑھا۔

فیصل چوہدری نے کہا کہ ظاہر ہے ہرجماعت کا اپنا نظریہ اور اصول ہوتے ہیں، اپوزیشن جماعتیں آئین و قانون کی بالادستی کیلئے کھڑی ہوئی ہیں۔

جے یو آئی سے متعلق سوال پر ان کا کہنا تھا کہ مولانا فضل الرحمان کیساتھ تعلقات میں جوشدت تھی پہلے بھی کم کی، مولانا فضل الرحمان کیساتھ آئندہ بھی بیٹھ کر مسائل حل کریں گے۔

رہنما پی ٹی آئی نے بتایا کہ مشترکہ اعلامیے میں حکومت سے مستعفی اور الیکشن کا مطالبہ کیا گیا، اپوزیشن جماعتیں اس حکومت کے مینڈیٹ کو تسلیم نہیں کرتی، کیونکہ حکومت نے مینڈیٹ چرایا ہے اسی لیے آزاد الیکشن کمیشن کا مطالبہ کیا گیا۔

ان کا مزید کہنا تھا کہ پیپلزپارٹی اور ن لیگ نے الیکشن کے نتائج نہیں مانے اور فارم 47 کا سہارا لیا، پیپلز پارٹی اورن لیگ اس وقت بی ٹیم بنی ہوئی ہے، دونوں جماعتیں فارم 47 کی پیداوار ہیں جسے عوام تسلیم نہیں کرتے۔

راولپنڈی : پاکستان تحریک انصاف کے رہنما فیصل چوہدری کا کہنا ہے بانی نے کہا پروپیگنڈا کرنے والے اکاؤنٹس سے پی ٹی آئی کاکوئی تعلق نہیں۔

تفصیلات کے مطابق پاکستان تحریک انصاف کے رہنما فیصل چوہدری نے میڈیا سے گفتگو میں کہا کہ بانی نےبیرسٹرگوہرکوہدایت کی تحریری مطالبات دیں، اس وقت حکومت کا کوئی ایجنڈا نہیں ہے، دونوں فریقین ایک دوسرے کو اپنا ایجنڈا تحریری طور پر دیں گے۔

رہنما پی ٹی آئی کا کہنا تھا کہ بانی نے کہا مذاکرات پاکستان کیلئے ہیں میری ذات کیلئےنہیں، ملک کو فائدہ پہنچانےکیلئے مذاکرات کررہے ہیں اور چاہتے ہیں مذاکرات جلد کیے جائیں تاخیر نہیں ہونی چاہیے۔

انھوں نے کہا کہ مذاکراتی کمیٹی کی بانی پی ٹی آئی سےملاقات نہ کرانامذاکرات سبوتاژ کرنے کی کوشش ہے۔

رہنما نے بتایا کہ بانی پی ٹی آئی نے پاکستان کے مسائل پر مذاکرات کی حامی بھری ہے اور کہا میرے مقدمات مذاکرات کا ایجنڈا نہیں ہیں۔

فیصل چوہدری کا مزید کہنا تھا کہ پروپیگنڈا اکاؤنٹ کے حوالے سے بانی پی ٹی آئی کی اہم ہدایات جاری کی ہیں اور کہا بشریٰ بی بی کےخلاف سوشل میڈیا پر منظم مہم کی مذمت کرتے ہیں۔ بشریٰ بی بی، شہدا اورعرب ممالک پر پروپیگنڈا کرنے والے اکاؤنٹس سےپی ٹی آئی کا کوئی تعلق نہیں۔