Tag: فیض آباد دھرنا کیس

اسلام آباد : فیض آباد دھرنا کیس میں تحقیقاتی کمیشن نے پنجاب اور اسلام آباد کی بیوروکریسی کو طلب کرنے کا فیصلہ کرلیا ہے۔

تفصیلات کے مطابقیض آباد دھرنے کی تحقیقات کرنے والے کمیشن کی جانب سے پنجاب اور اسلام آباد کی بیورو کریسی کوطلب کرنے کا فیصلہ کرلیا گیا۔۔

ذرائع نے بتایا کہ سابق آئی جی اسلام آبادخالد خٹک اور چیف کمشنر اسلام آباد کو بھی طلب کیا جائے گا ، سابق آئی جی پنجاب کیپٹن (ر)عارف حسین کو بھی 27 نومبر کوطلب کر لیا۔

ذرائع کا کہنا تھا کہ وزارت داخلہ کے ڈپٹی سیکرٹری محمد ایاز کو کمیشن کا سیکریٹری مقرر کر دیا گیا ہے اور تحقیقاتی کمیشن نے فیض آباد دھرنے کی ویڈیوز کے لئے پیمرا کو بھی خط لکھ دیا ہے۔

یاد رہے سپریم کورٹ کی جانب سے فیکٹ فائنڈنگ کمیٹی کی رپورٹ مسترد کیے جانے کے بعد وفاقی حکومت نے فیض آباد دھرنا کیس میں انکوائری کمیشن ریٹائرڈ انسپکٹر جنرل (آئی جی) اختر علی شاہ کی سربراہی میں تشکیل دیا تھا۔

اسلام آباد : نگراں وفاقی حکومت نے فیض آباد دھرنے کی تحقیقات کےلیےکمیشن تشکیل دے دیا، وفاقی کابینہ کی منظوری سے نوٹیفکیشن اٹارنی جنرل سپریم کورٹ میں پیش کریں گے۔

تفصیلات کے مطابق فیض آباد دھرنا کیس میں وفاقی حکومت نے تحقیقات کیلئے کمیشن تشکیل دے دیا ، ریٹائرڈ آئی جی اختر علی شاہ کی سربراہی میں کمیشن تشکیل دیا گیا ہے۔

اس حوالے سے نوٹیفکیشن بھی جاری کردیا گیا ہے ، جس میں کہا ہے کہ کمیشن آف انکوائری ایکٹ کے تحت کمیشن تشکیل دیا گیا ہے۔

کمیشن میں ایڈیشنل سیکرٹری داخلہ اور 2ریٹائرڈ سابق آئی جیز شامل ہیں جبکہ سابق آئی جی طاہر عالم خان، سابق آئی جی اختر شاہ بھی کمیشن کا حصہ ہیں۔

وفاقی کابینہ نے انکوائری کمیشن کےتفصیلی ٹی او آرز کی بھی منظوری دے دی ہے، وفاقی کابینہ کی منظوری سے نوٹیفکیشن اٹارنی جنرل سپریم کورٹ میں پیش کریں گے۔

یاد رہے اکتوبر میں وفاقی حکومت نے فیض آباد دھرنے کے ذمہ داران کے تعین کیلئے فیکٹ فائنڈنگ کمیٹی بنائی تھی ، کمیٹی طے شدہ ٹی اوآرز کے تحت انکوائری کرے گی۔

قائم فیکٹ فائنڈنگ کمیٹی میں ایڈیشنل سیکریٹری داخلہ، دفاع ، ڈائریکٹر آئی ایس آئی شامل ہیں ، 6فروری 2019کےفیصلےپر عملدرآمد کیلئےکمیٹی تشکیل دی گئی۔

اسلام آباد : وفاقی حکومت نے فیض آباد دھرنے کے ذمہ داران کے تعین کیلئے فیکٹ فائنڈنگ کمیٹی بنا دی ، کمیٹی طے شدہ ٹی اوآرز کے تحت انکوائری کرے گی۔

تفصیلات کے مطابق فیض آباد دھرنا کیس میں اٹارنی جنرل نے عملدرآمد رپورٹ سپریم کورٹ میں جمع کرا دی ، جس میں کہا ہے کہ وفاقی حکومت نےفیض آباددھرنےکےذمہ داران کےتعین کیلئےفیکٹ فائنڈنگ کمیٹی بنا دی ہے۔

رپورٹ میں کہنا تھا کہ قائم فیکٹ فائنڈنگ کمیٹی میں ایڈیشنل سیکریٹری داخلہ، دفاع ، ڈائریکٹر آئی ایس آئی شامل ہیں ، 6فروری 2019کےفیصلےپر عملدرآمد کیلئےکمیٹی تشکیل دی گئی ہے، فیکٹ فائنڈنگ کمیٹی طےشدہ ٹی اوآر ز کے تحت انکوائری کرےگی۔

یاد رہے گذشتہ روز پاکستان الیکٹرانک میڈیا ریگولیٹری اتھارٹی (پیمرا) اور الیکشن کمیشن نے فیض آباد دھرنا عملدرآمد کیس میں جواب سپریم کورٹ میں جمع کروایا تھا۔

الیکشن کمیشن نے رپورٹ میں کہا تھا کہ تحریک لبیک کےریاست مخالف سرگرمیوں میں ملوث ہونے پر وزارت داخلہ سےرپورٹ مانگی ، وزارت داخلہ رپورٹ کے مطابق تحریک لبیک ریاست مخالف سرگرمیوں میں ملوث نہیں، ٹی ایل پی کے فنڈنگ ذرائع کا بھی جائزہ لیا گیا، تحریک لبیک کو 15لاکھ ممنوعہ ذرائع سےموصول ہوئے، تحریک لبیک پارٹی کیلئے 15 لاکھ روپے کی فنڈنگ آٹے میں نمک کے برابر ہے۔

پیمرا نے اپنے جواب میں عدالت کو بتایا کہ سپریم کورٹ کے تمام احکامات پر من و عن عمل کر چکے، تمام ٹی وی چینلز کو مذہبی معاملات نشر کرنے پر احتیاط برتنے کی ہدایت کی تھی، فیض آباد آپریشن کے دوران بھی ٹی وی چینلز کو لائیو کوریج سے منع کیا تھا۔

اسلام آباد : انٹیلی جنس بیورو کے بعد پاکستان الیکٹرانک میڈیا ریگولیٹری اتھارٹی (پیمرا) نے فیض آباد دھرنا کیس میں نظر ثانی درخواست واپس لینے کا فیصلہ کرلیا۔

تفصیلات کے مطابق فیض آباد دھرنا کیس میں پاکستان الیکٹرانک میڈیا ریگولیٹری اتھارٹی (پیمرا) نے فیصلے کیخلاف سپریم کورٹ سے نظرثانی درخواست واپس لینے کا فیصلہ کرلیا۔

پیمرا نے نظر ثانی درخواست واپس لینے کی متفرق درخواست دائرکردی، جس میں کہا ہے کہ فیض آباد دھرنافیصلےکیخلاف نظرثانی زیر التواہیں، سپریم کورٹ میں نظرثانی درخواست پر28 ستمبر کو سماعت مقررہے۔

درخواست میں کہنا تھا کہ پیمرانظرثانی درخواست کی پیروی نہیں کرناچاہتا، استدعا ہے کہ پیمرا کی متفرق درخوست منظور اور نظر ثانی اپیل واپس لینے کی اجازت دی جائے۔

گذشتہ روز انٹیلی جنس بیورو نے فیض آباد دھرنے پر نظر ثانی درخواست واپس لینے کا فیصلہ کیا تھا، انٹیلی جنس بیورو کے ڈپٹی ڈائریکٹر اسداللہ خان نے متفرق درخواست دائر کی تھی ، جس میں مؤقف اختیار کیا گیا تھا کہ فیض آباد دھرنا نظر ثانی 28 ستمبر کو سپریم کورٹ میں سماعت کیلئے مقرر ہے، انٹیلی جنس بیورو فیصلے کیخلاف نظر ثانی واپس لینا چاہتا ہے۔