راولپنڈی : پاکستان تحریک انصاف کے لانگ مارچ کے پیش نظر فیض آباد انٹرچینج کنٹینر لگا کر بند کر دیا گیا جبکہ پولیس اور ایف سی کی بھاری نفری تعینات ہے۔
تفصیلات کے مطابق پاکستان تحریک انصاف آج راولپنڈی میں عوامی طاقت کا مظاہرہ کرنے جارہی ہے، حکومت نے صبح سویرے ہی اسلام آباد میں راستے بند کردیے۔
وفاقی حکومت نے فیض آبادانٹرچینج پرپولیس اور ایف سی کی بھاری نفری تعینات کررکھی ہے۔۔ جبکہ اسلام آباد کےداخلی اور خارجی راستوں پرکنٹینرزکی بھرمار ہے۔۔
فیض آباد انٹر چینج پر پولیس اور ایف سی کی بھاری نفری تعینات ہے اور راستوں پر کنٹینرز رکھ دیے گئے جبکہ فیض آبادبس اڈے کو بھی سیل کردیا گیا ہے اور میٹرو بس سروس بھی معطل رہےگی۔
اسلام آباد پولیس نے اپنے آفیشل ٹوئٹر اکاؤنٹ پر بتایا ہے کہ ایکسپریس چوک اور نادرا چوک سے ریڈ زون کے داخلی و خارجی راستے بند ہیں، متبادل کے طور پر مارگلہ روڈ اور ایوب چوک کو استعمال کیا جا سکتا ہے۔
ٹریفک پولیس کے مطابق آئی جے پی روڈ، مری روڈ اور راولپنڈی کے لیے فیض آباد کے رستے بند ہیں جبکہ فیض آباد مری روڈ راولپندی کے داخلی راستے سے بند ہے جبکہ نائتھ ایونیو فیض آباد آئی جے پی روڈ کی طرف سے بند کر دی گئی ہے۔
ٹریفک پولیس نے شہریوں کو ہدایت کی ہے کہ ایکسپریس وے سے راولپنڈی کے لیے پرانا ایئرپورٹ روڈ استعمال کریں۔ اسلام آباد ایئرپورٹ اور موٹر وے ٹریفک کے لیے کھُلا ہے، روات ٹی کراس سے ٹریفک اسلام آباد میں داخل ہو سکتی ہے۔
Traffic Alert 08:30am🚦#ICTP #TrafficUpdate pic.twitter.com/8kFUvEqFj0
— Islamabad Police (@ICT_Police) November 26, 2022
دوسری جانب مسلم لیگ ن کے رہنما سعد رفیق کا کہنا ہے کہ جلسہ کسی بھی میدان میں ہو سکتاتھا، مگر یہ اپنی سیاست کیلئےعوام کو اذیت دینےکےعادی ہیں، آزادی کےنام پر راولپنڈی اسلام آبادکےشہریوں کی آزادی سلب کر لی۔
