اسلام آباد : پاکستان اور امریکا کے تعلقات میں بڑھتی گرمجوشی پر فیلڈ مارشل سید عاصم منیر کی قیادت عالمی موضوع بن گیا۔

پاکستان اور امریکا کے تعلقات میں نمایاں بہتری دیکھنے میں آ رہی ہے اور اس پیش رفت کا مرکز فیلڈ مارشل سید عاصم منیر کی قیادت کو قرار دیا جا رہا ہے۔

فیلڈ مارشل سید عاصم منیر کی سفارتی لیڈرشپ صلاحیتوں پر تجزیے اور تبصرے فارن پالیسی ایکسپرٹس اور عالمی جریدے پاک امریکہ تعلقات پر مسلسل آرٹیکلز لکھنے لگے ہیں۔

امریکی میگزین ’ دی نیشنل انٹرسٹ‘ میں ، ماہر عالمی امور ایلدار میمدوف نے لکھا کہ پاکستان نے امریکا میں اپنی پوزیشن بہتر بنائی، ڈونلڈ ٹرمپ کی قربت حاصل کی اور واشنگٹن میں پاکستان کے نئے حامی سامنے آئے ۔

بھارت کے خلاف حالیہ کشیدگی میں پاکستان کی حکمتِ عملی اور ٹرمپ کی مداخلت نے چار روزہ جنگ کو ختم کرنے میں اہم کردار ادا کیا، پاکستان نے ٹرمپ کی ثالثی کو سراہا اور نوبل انعام کیلئےنامزدگی تک دی جبکہ نریندر مودی نے ڈونلڈ ٹرمپ کی ثالثی اور امن کیلئے کردارکو مسترد کردیا، مودی امریکی صدر کی دعوت کے باوجود واشنگٹن نہیں گئے اور مودی کے رویے نے ٹرمپ کو مشتعل کیا۔

میڈیا رپورٹس امریکی صدر نے وائٹ ہاؤس میں فیلڈ مارشل سید عاصم منیر کو مدعو کی، جس کے بعد دونوں رہنماؤں کے تعلقات دوستی کی صورت اختیار کر گئے، امریکی صدر نے پاکستان کے ساتھ بڑے معاشی معاہدوں کا اعلان بھی کیا، جبکہ بھارت پر اضافی ٹیرف عائد کرکے نئی دہلی کو بیجنگ اور ماسکو کے قریب جانے پر مجبور کردیا اور مودی سات سال بعد پہلی بار بیجنگ کے دورے پر جانے پر مجبور ہوئے۔

امریکی اخبار واشنگٹن ٹائمز نے فیلڈ مارشل عاصم منیر کو "مرد آہن” قرار دیا اور انہیں جنوبی ایشیا کی سلامتی کے لیے سب سے بااثر شخصیت قرار دیا۔

رپورٹ کے مطابق عاصم منیر نظم و ضبط کے پابند، خودنمائی اور سیاست سے دور رہنے والے ایسے فوجی سربراہ ہیں جنہوں نے پاکستان کی عوامی مقبولیت میں بھی اضافہ کیا اور صدر ٹرمپ کے "فطری پارٹنر” کے طور پر ابھرے۔

اخبار کا کہنا تھا کہ پاک امریکا تعلقات انسداد دہشت گردی میں تعاون کے تناظر میں مزید مضبوط ہوئے ہیں۔ پاکستان نے کابل ایئرپورٹ حملے کے ماسٹر مائنڈ کو گرفتار کرکے امریکا کے حوالے کیا، جس پر صدر ٹرمپ نے پاکستان کی کاوشوں کو سراہا۔ فیلڈ مارشل نے افغانستان اور ایران سے لاحق خطرات کے مقابلے کے لیے بھی کلیدی کردار ادا کیا اور دہشت گرد تنظیموں کے خلاف بھرپور کارروائی کی۔

عالمی ماہرین کے مطابق فیلڈ مارشل سید عاصم منیر کی قائدانہ صلاحیتیں اور متوازن رویہ ملٹری ڈپلومیسی کی شاندار مثال ہیں اور انہیں امریکا میں جنوبی ایشیا کی سلامتی کے لیے ایک اہم اسٹریٹجک پارٹنر کے طور پر دیکھا جا رہا ہے۔

نیویارک : امریکی میگزین ’دی نیشنل انٹرسٹ‘کا فیلڈ مارشل سید عاصم منیر کی کامیاب پالیسیوں کا اعتراف کیا اور کہا امریکی صدر نے اہم اقتصادی معاہدوں کا اعلان کرکے فیلڈ مارشل عاصم منیر کے ساتھ اپنی نئی دوستی کو دوگنا کردیا۔

تفصیلات کے مطابق امریکی میگزین ’دی نیشنل انٹرسٹ‘ نے پاکستان کی کامیاب سفارتی پالیسیوں اور فیلڈ مارشل سید عاصم منیر کی ثابت قدم قیادت کو سراہتے ہوئے لکھا ہے کہ بھارت کو حالیہ محاذ پر پاکستان سے بھاری دھچکا لگا ہے۔

میگزین کا کہنا تھا کہ پاکستان نے امریکی صدر ڈونلڈ ٹرمپ کی حمایت حاصل کرنے میں کامیابی حاصل کی اور اسٹریٹجک ڈپلومیسی کے ذریعے بھارت کے ساتھ حالیہ تنازعات میں ثالثی کے کردار کو سراہا۔

بھارت کو پاکستان کے خلاف جارحیت بھی مہنگی پڑی، پاک فضائیہ نے بھارتی لڑاکا طیاروں کو مار گرایا۔

امریکی مگزین نے لکھا امریکی صدر کی جانب سے پاک بھارت جنگ بندی کا پاکستان نے خیرمقدم کیا اور امریکی صدر کو نوبل امن انعام کیلئے نامزدکیا لیکن بھارت جنگ بندی اور قیام امن کیلئے امریکی صدر کے کردار سے انکاری رہا تاہم جنگ بندی کے بعد امریکی صدر کی دعوت کے باوجود نریندر مودی نے واشنگٹن کا دورہ نہیں کیا، بھارتی وزیراعظم کے اس طرز عمل پر ڈونلڈ ٹرمپ کو غصہ تھا۔۔

مودی کے انکار کے باوجود امریکی صدر ڈونلڈ ٹرمپ نے فیلڈ مارشل عاصم منیر کی وائٹ ہاؤس میں میزبانی کی اوراس خوشگوار تعلقات کے ایک ماہ بعد ڈونلڈ ٹرمپ نے پاکستان کے ساتھ اہم اقتصادی معاہدوں کا اعلان کرکے فیلڈ مارشل عاصم منیر کے ساتھ اپنی نئی دوستی کو دوگنا کردیا اور اس کے ساتھ ہی روس سے تیل کی خریداری پر بھارت پر ٹیرف بڑھا دیے گئے۔

میگزین نے مزید لکھا کہ امریکا نے بلوچستان لبریشن آرمی کو دہشت گرد تنظیم قرار دے دیا ہے، جو واشنگٹن کی جانب سے بھارت سے دوری کے واضح اشارے کے طور پر دیکھی جا رہی ہے۔

پاکستانی تجزیہ کاروں کے مطابق فیلڈ مارشل عاصم منیر کی قیادت اور موثر سفارتی اقدامات نے نہ صرف ملک کی ساکھ مضبوط کی بلکہ بھارت کے خلاف اہم بین الاقوامی سیاسی دباؤ بھی پیدا کیا۔

امریکی جریدے بلوم برگ نے فیلڈ مارشل سید عاصم منیر کے دوسرے سرکاری دورے کو پاکستان اور امریکا کے بہتر ہوتے تعلقات میں بڑا اشارہ قرار دے دیا۔

تفصیلات کے مطابق امریکی جریدے بلوم برگ نے فیلڈ مارشل سید عاصم منیر کے دو ماہ میں امریکا کے دوسرے سرکاری دورے کو پاک امریکا تعلقات میں بہتری کی علامت قرار دیتے پوئے کہا فیلڈ مارشل کو پاکستان کی سب سے طاقتور شخصیت سمجھا جاتا ہے، جن کی رائے خارجہ پالیسی، معیشت اور حساس قومی معاملات میں حتمی حیثیت رکھتی ہے۔

بلوم برگ نے بتایا کہ دورے کے دوران فیلڈ مارشل عاصم منیر نے امریکی جوائنٹ چیفس آف اسٹاف جنرل جان ڈین کین سے ملاقات کی، جس میں باہمی پیشہ ورانہ دلچسپی کے امور پر تبادلہ خیال کیا گیا۔

فیلڈ مارشل نے جنرل جان ڈین کین کو پاکستان کے دورے کی دعوت بھی دی۔ اس کے علاوہ انہوں نے جنرل مائیکل ای کوریلا کی ریٹائرمنٹ تقریب میں بھی شرکت کی، جہاں کمانڈ کا چارج ایڈمرل بریڈ کوپر نے سنبھالا، انھوں نے مشترکہ سیکیورٹی چیلنجز سے نمٹنے کے لیے تعاون کے تسلسل پر اعتماد کا اظہار کیا۔

امریکی جریدے کا کہنا تھا کہ صدر ڈونلڈ ٹرمپ نے دو ماہ قبل فیلڈ مارشل عاصم منیر کو وائٹ ہاؤس میں ذاتی طور پر ظہرانے پر مدعو کیا تھا۔ امریکا اور پاکستان کے تعلقات میں حالیہ بہتری کو بھارت تشویش کی نظر سے دیکھ رہا ہے اور مودی حکومت کو خدشہ ہے کہ واشنگٹن ایک بار پھر جنوبی ایشیا میں ثالث کا کردار ادا کر سکتا ہے۔

مزید پڑھیں : فیلڈ مارشل کا امریکا کا سرکاری دورہ، اعلیٰ عسکری و سیاسی قیادت سے ملاقاتیں

بلوم برگ نے مزید لکھا کہ پاکستان بیک وقت امریکا اور چین سے تعلقات مضبوط کرنے کی پالیسی پر عمل پیرا ہے، جو اسے دونوں بڑی طاقتوں کے ساتھ توازن قائم رکھنے میں مدد دے سکتی ہے۔

رپورٹ میں یہ دعویٰ بھی کیا گیا کہ ممکنہ ملاقات کے خدشے کے باعث بھارتی وزیراعظم نریندر مودی نے صدر ٹرمپ کی دعوت پر امریکا کا دورہ مسترد کیا، جس سے دونوں ممالک کے درمیان کشیدگی بڑھی۔

رپورٹ میں کہنا تھا کہ وزیراعظم شہباز شریف نے بھارت سے مختصر تنازع کے بعد جنگ بندی کرانے میں صدر ٹرمپ کی کاوشوں کو سراہا، تاہم مودی نے امریکی کردار تسلیم کرنے سے انکار کر دیا۔ صدر ٹرمپ نے پاکستان کی درآمدات پر خطے کے دیگر ممالک بشمول بھارت، سری لنکا اور بنگلہ دیش کے مقابلے میں کم ٹیرف عائد کیا۔

اسلام آباد : فیلڈ مارشل سید عاصم منیر نے ایف بی آر کو بزنس کمیونٹی کے ساتھ مذاکرات اور افہام و تفہیم سے معاملات حل کرنے کی ہدایت کردی۔

تفصیلات کے مطابق ایف پی سی سی آئی کی جانب سے بیان میں کہا گیا کہ فیلڈ مارشل سید عاصم منیر سے یو بی جی کے پیٹرن- ان- چیف ایس ایم تنویر کی سربراہی میں ایف پی سی سی آئی کے وفد کی ملاقات ہوئی۔

ایس ایم تنویر نے بزنس کمیونٹی سے بروقت مشاورت اور خیر سگالی کے اظہار پر فیلڈ مارشل کا شکریہ ادا کیا۔

ایس ایم تنویر نے بتایا کہ فیلڈ مارشل نے ایف بی آر کو بزنس کمیونٹی کے ساتھ مذاکرات اور افہام و تفہیم سے معاملات حل کرنے کی ہدایت کی۔

صدر ایف پی سی سی آئی عاطف اکرام شیخ نے بتایا کہ فیلڈ مارشل نے ایس آئی ایف سی کے پلیٹ فارم سے معاشی سرگرمیوں میں حائل رکاوٹیں دور کرنے کی یقین دہانی کروائی۔

عاطف اکرام شیخ کا کہنا تھا کہ ایف پی سی سی آئی معاشی استحکام کے فیلڈ مارشل سید عاصم منیر کے وژن کے ساتھ کھڑی ہے، ہمارے ڈومین مختلف ہیں لیکن ملکی ترقی کے لئے ہمارے اہداف مشترکہ ہیں۔