پاک بھارت کشیدگی کے ماحول میں بھارتی میڈیا مسلسل جھوٹی خبریں پھیلانے پر مصروف ہے، جبکہ حقیقت اس کے بالکل برعکس ہے۔
بھارتی میڈیا کے مطابق شہر قائد بھارتی حملوں کے بعد تباہی کا منظر پیش کررہا ہے، لیکن کراچی کے شہری رات کے اس پہر چائے پراٹھے سے لطف اندوز ہورہے ہیں۔
اے آر وائی نیوز کے نمائندے نے بھارتی جھوٹ کا بھانڈہ پھوڑتے ہوئے بتایا کہ کراچی والے رات کے اس پہر انجوائے کررہے ہیں، چائے پراٹھے کھا رہے ہیں، جبکہ بھارتی میڈیا بے بنیاد پروپیگنڈہ کررہا ہے کہ کراچی کے مختلف مقامات پر حملہ ہوگیا، یہ ہوگیا وہ ہوگیا۔۔
اے آر وائی نیوز کے نمائندے نے بھارتی جھوٹ بے نقاب کرتے ہوئے بتایا کہ الحمداللہ کراچی میں کہیں کچھ نہیں ہوا، سب علاقے کھلے ہوئے ہیں، آمدورفت بحال ہے۔شہریوں کو بھارت کی دھمکیوں کا کوئی خوف نہیں ہے۔
کراچی کے شہری اچھی طرح جانتے ہیں کہ بھارتی میڈیا صرف بے بنیاد پروپیگنڈہ کرتا ہے، عوام کو گمراہ کرتا ہے، مگر کراچی کے عوام بھارت کے جھوٹے میڈیا کے کسی بہکاوے میں نہیں آئیں گے۔
لاہور کے حوالے سے اے آر وائی نیوز کے نمائندے نے بھارتی جھوٹ کو بے نقاب کرتے ہوئے بتایا کہ بھارتی میڈیا کی جانب سے بے بنیاد پروپیگنڈہ کیا جارہا ہے کہ خوف کا ماحول ہے، مگر لاہور کے شہری رات کے اس پہر بھی سڑکوں پر مزے سے پھر رہے ہیں، خاص طور پر لاہور میں بارش کے بعد موسم بھی خوشگوار ہوگیا ہے۔
لاہور کے شہری اس زبردست موسم کو بھی انجوائے کررہے ہیں، بڑی تعداد میں لوگ اپنی فیملیز کے ہمراہ مختلف فوڈز پوائنٹ پر پہنچے ہوئے ہیں۔
فیکٹ چیک: وائرل ویڈیو میں موجود افسر وہ نہیں جو پہلگام میں ہلاک ہ
لاہور کے شہریوں کا کہنا تھا کہ بھارت بے بنیاد پروپیگنڈہ کررہا ہے، جھوٹی خبریں پھیلا رہا ہے، کہ کراچی پر حملہ کردیا،پشاور پر حملہ کردیا، بلوچستان پر حملہ کردیا۔۔بھارتی میڈیا کی تمام خبریں جھوٹ پر مبنی ہیں۔
