Tag: قائد حزب اختلاف

قائد حزب اختلاف خورشید شاہ نے کہا ہے کہ فوج کی طرف سے مشرف کے بیان کی تردید آنی چاہئے۔

اسلام آباد میں صحافیوں سے گفتگو کرتے ہوئے پیپلزپارٹی کے رہنما نے کہا کہ پرویز مشرف اسمارٹ بننے کی کوشش کررہے ہیں، بلے سمیت بہت سے لوگوں کا احتساب ہونا ہے۔

خورشید شاہ نے کہا کہ فوج کو مشرف کی پشت پناہی کے بیان کی تردید کرنی چاہئے، موجودہ حکومت کے ہاتھ میں باتوں کے سوا کچھ نہیں، شہباز شریف جن جلوسوں کی قیادت کرتے تھے، آج ان پر لاٹھیاں برسارہے ہیں۔

انہوں نے کہا کہ طالبان سے مذاکرات کے ساتھ حکومت کا مضبوط ہونا لازمی ہے۔
    
   

قائد حزب اختلاف خورشید شاہ نے کہا ہے کہ عمران خان پہلے خیبر پختونخوا کو ٹھیک کریں، پھر سندھ اور پنجاب جائیں۔

سکھر میں میڈیا سے گفتگو میں اپوزیشن لیڈرخورشید شاہ کا کہنا تھا کہ لڑائیوں سے چیزیں ٹھیک نہیں ہوں گی، انھیں احساس ذمہ داری ہے، حکومت کو وقت دینا چاہتے ہیں۔

انھوں نے کہا کہ چوہدری نثار بادشاہ آدمی ہیں، اُنھیں پارلیمنٹ کے آدھے پیسے واپس کرنے چاہئیں، انھوں نے کہا کہ فضل الرحمن کا دھرنے کا اعلان انتہائی غلط ہے، مسئلے کا حل پارلیمنٹ ہے، شور شرابا کرنے سے بہتر فورم پارلیمنٹ ہے۔

سکھر بیراج سے متعلق سوال پرخورشید شاہ کا کہنا تھا کہ جن ماہرین نے سکھربیراج کی عمر زیادہ بتائی ہے اگر سندھ کو کچھ ہوگیا تو ذمے دار وہ ہی ہونگے۔
       

قائد حزب اختلاف سید خورشید شاہ نے کہا ہے کہ حکومت طالبان سے مذاکرات پر الجھن کا شکار ہے، حکومت مہنگائی کنٹرول نہیں کر سکی، چودھری نثار کے صرف اپوزیشن نہیں، اپنی جماعت کے ساتھ معاملات بھی خراب ہیں۔

لاہور میں اجتماعی شادیوں کی تقریب کے موقعے پر میڈیا سے بات چیت کرتے ہوئے سید خورشید شاہ کا کہنا تھا کہ عام انتخابات کی مہم کے دوران مسلم لیگ نون اور تحریک انصاف نے بڑے بڑے دعوے کئے تھے اور طالبان بھی ان کے حامی تھے لیکن اب انہیں سمجھ آ گئی ہے۔

انہوں نے کہا کہ اپوزیشن صرف اپوزیشن ہوتی ہے، فرینڈلی نہیں، پیپلز پارٹی حکومت کو مسائل کے حل کیلئے وقت دینا چاہتی ہے، چودھردی نثار کے صرف اپوزیشن ہی نہیں، اپنی جماعت کے ساتھ بھی معاملات خراب ہیں۔

اپوزیشن لیڈر نے کہا کہ حکومت مہنگائی کنٹرول نہیں کر سکی، احتجاج تحریک انصاف کا جمہوری حق ہے لیکن عمران خان بتائیں کہ کیا پشاور میں شہریوں کو چیزیں سستی ملتی ہیں، ان کا کہنا تھا کہ پیپلز پارٹی قومی اداروں کو کوڑیوں کے بھاؤ فروخت ہونے دے گی نہ نجکاری کی اجازت دی جائے گی۔