نواب شاہ : ایف آئی اے کے عملے نے قائد عوام انجینئرنگ یونیورسٹی میں چھاپہ مار کر کرپشن کے الزام میں اہم عہدیدار کو گرفتار کرلیا، 7 ملزمان فرار ہونے میں کامیاب ہوگئے۔،
اے آر وائی نیوز کی رپورٹ کے مطابق عملے نے یونیورسٹی کے ایڈیشنل سیکرٹری فنانس قمرالدین شیخ کو گرفتار کر لیا، 4پروفیسرز سمیت7ملزمان فرار ہوگئے۔
ایف آئی اے ترجمان کے مطابق گرفتار ملزم ایڈیشنل سیکرٹری فنانس کوجوڈیشل مجسٹریٹ کی عدالت پیش کیا گیا، اسپیشل مجسٹریٹ نے 4 روزہ ریمانڈ پر قمرالدین شیخ کو ایف آئی اے کے حوالے کردیا۔
مزید پڑھیں : اے اور اے ون گریڈ لینے سینکڑوں طلبا این ای ڈی یونیورسٹی کے داخلہ ٹیسٹ میں فیل
ترجمان نے بتایا کہ اسپیشل مجسٹریٹ نے 22جولائی تک سماعت ملتوی کردی، قمرالدین شیخ پر کروڑوں روپے کی بدعنوانی کا الزام ہے، مقدمہ 8 ملزمان کیخلاف درج کیا گیا، دیگر مفرور ملزمان کی تلاش کیلئے چھاپے مارے جارہے ہیں۔
ایف آئی اے کے مطابق نواب شاہ کی قائد عوام یونیورسٹی کے ملازم شاہنواز چنڑ کی شکایت پر کرپشن کے الزام میں ڈپٹی ڈائریکٹر فنانس کو گرفتار کیا گیا ہے۔
