Tag: قائمہ کمیٹیاں

لاہور: پاکستان مسلم لیگ (ن) کے صوبائی اراکین اسمبلی قائمہ کمیٹیوں سے مستعفی ہو گئے ہیں۔

تفصیلات کے مطابق مسلم لیگ ن کے صوبائی اسمبلی کے ارکان نے قائمہ کمیٹیوں سے اسعفیٰ دے دیا ہے، لیگی ارکان نے اپنے استعفے پنجاب اسمبلی سیکریٹریٹ میں جمع کرا دیے۔

خیال رہے کہ پی ایم ایل این نے اپوزیشن لیڈر حمزہ شہباز کو پبلک اکاؤنٹس کمیٹی کا چیئرمین نہ بنانے پر گزشتہ روز اسٹینڈنگ کمیٹیوں سے مستعفی ہونے کا فیصلہ کیا تھا۔

صوبائی اسمبلی کی قائمہ کمیٹیوں سے استعفوں کا یہ فیصلہ ایک اہم موقع پر آیا ہے جب نواز شریف کا نام ایگزٹ کنٹرول لسٹ سے نکالے جانے کا معاملہ تقریباً حل ہو گیا ہے تاہم ضمانتی بانڈز کی شرط تسلیم نہ کرنے پر پر ن لیگ اَڑی ہوئی ہے۔

واضح رہے کہ پنجاب کی صوبائی اسمبلی میں ن لیگ کے 70 ارکان قائمہ کمیٹیوں کے ممبرز ہیں، 67 ارکان کے استعفے پارٹی کے پاس گزشتہ روز ہی جمع کرا لیے گئے تھے۔

یہ بھی پڑھیں:  نوازشریف کو4 ہفتےکیلئےبیرون ملک جانے کی مشروط اجازت

ذرایع کا کہنا ہے کہ ن لیگ سلمان رفیق و دیگر ارکان اسمبلی کے پروڈکشن آرڈر جاری نہ ہونے پر سخت نالاں ہے، قائمہ کمیٹیوں سے مستعفی ہونے کی ایک وجہ یہ بھی ہے۔

واضح رہے کہ آج لاہور ہائی کورٹ میں بھی شاہد خاقان عباسی کے پروڈکشن آرڈر جاری نہ کرنے کے خلاف کیس کی سماعت ہوئی، عدالت نے اس کیس میں وفاقی حکومت کو 18 نومبر تک جواب جمع کرانے کی ہدایت کر دی ہے۔ سرکاری وکیل نے جواب داخل کرانے کے لیے عدالت سے مہلت کی استدعا کی۔

سرکاری وکیل نے جج کے استفسار پر بتایا کہ اسمبلی سیشن جمعہ کو شروع ہو رہا ہے، اگلا سیشن 13 دسمبر کو ہوگا۔

اسلام آباد: پاکستان پیپلز پارٹی کے شریک چیئرمین آصف علی زرداری کو 3 قائمہ کمیٹیوں کا ممبر بنا دیا گیا۔

تفصیلات کے مطابق سابق صدر آصف زرداری کو تین قائمہ کمیٹیوں کی ممبر شپ دی گئی ہے، جن میں کامرس اینڈ ٹیکسٹائل، صنعت و تجارت اور آبی وسائل شامل ہیں۔

ممبر بننے کے بعد اب اسمبلی اجلاس کے علاوہ بھی آصف زرداری کمیٹی اجلاسوں میں شریک ہو سکیں گے۔

قائمہ کمیٹی کے چیئرمین کو بھی پروڈکشن آرڈر جاری کرنے کا اختیار ہے، اسپیکر اسد قیصر نے آصف زرداری کو 3 کمیٹیوں کا ممبر بنانے کا حکم جاری کیا۔

تازہ خبر پڑھیں:  پیپلز پارٹی نے آل پارٹیز کانفرنس کے لیے 5 رکنی وفد کا اعلان کر دیا

خیال رہے کہ اسپیکر قومی اسمبلی اسد قیصر نے وزیر اعظم عمران خان سے ایک ملاقات میں ملک کی معاشی صورت حال بہتر بنانے کے لیے میثاق معیشت کمیٹی مشورہ دیا تھا جس میں سینیٹ اور قومی اسمبلی کے اپوزیشن کے اراکین کو شامل کرنے کی بات کی گئی تھی۔

دو دن قبل چیئرمین سینیٹ صادق سنجرانی نے آصف زرداری سے ملاقات کی تھی، جس کے بارے میں ذرایع نے کہا تھا کہ وہ تحریک عدم اعتماد سے بچنے کے لیے سابق صدر سے ملے، تاہم صادق سنجرانی نے اس بات سے انکار کر دیا تھا۔

ادھر پیپلز پارٹی نے اے پی سی میں شرکت کے لیے پانچ رکنی وفد کا اعلان کر دیا ہے، بلاول بھٹو اے پی سی میں شرکت کریں گے یا نہیں، اس کا فیصلہ کل ہوگا۔

لاہور: اپوزیشن لیڈر حمزہ شہباز کو چیئرمین پی اے سی نہ بنائے جانے پر ن لیگ نے آج قائمہ کمیٹیوں کے چیئرمینز کے انتخاب کا بائیکاٹ کر دیا۔

تفصیلات کے مطابق ن لیگ اپوزیشن لیڈر حمزہ شہباز کو چیئرمین پی اے سی نہ بنائے جانے پر ناراض ہو گئی، ن لیگ نے آج قائمہ کمیٹیوں کے چیئرمینز کے انتخاب کا بائیکاٹ کر دیا۔

آج پنجاب اسمبلی کی 3 قائمہ کمیٹیوں کے چیئرمینز کا انتخاب ہونا تھا، جن میں قائمہ کمیٹی برائے داخلہ، پبلک پراسیکیوشن اور ریونیو شامل ہیں۔

خیال رہے کہ گزشتہ روز قومی اسمبلی کی قائمہ کمیٹی برائے خزانہ کا چیئر مین اسد عمر کو منتخب کر لیا گیا ہے، سید نوید قمر نے کمیٹی چیئرمین شپ کے لیے اسد عمر کو نامزد کیا تھا۔

یہ بھی پڑھیں:  اسد عمر قومی اسمبلی کی قائمہ کمیٹی برائے خزانہ کے چیئر مین منتخب

قبل ازیں وزیر اعظم عمران خان نے اپنے سابق وزیر خزانہ اسد عمر کو چیئرمین قائمہ کمیٹی برائے خزانہ مقرر کرنے کی ہدایت جاری کی تھی۔

حال ہی میں شہباز شریف کے لندن جانے کے بعد قومی اسمبلی میں بھی پی اے سی کی چیئرمین شپ کا تنازعہ سامنے آیا تھا، اور مطالبہ کیا گیا تھا کہ شہباز شریف کو چیئرمین شپ سے ہٹا کر رانا تنویر کو چیئرمین بنایا جائے۔

واضح رہے کہ پی ٹی آئی حکومت بننے کے بعد سے قومی اسمبلی میں حکومت اور اپوزیشن کے درمیان قائمہ کمیٹیوں کی تشکیل اور ان کے لیے چیئرمینز کے انتخاب کے معاملے پر اختلافات موجود ہیں جس کی وجہ سے قانونی سازی کا عمل متاثر رہا۔

پشاور: خیبر پختون خوا کی اسمبلی میں اپوزیشن نے قائمہ کمیٹیوں سے استعفے دے دیے، استعفے اپوزیشن لیڈر اکرم خان درانی نے اسپیکر مشتاق غنی کو جمع کرا دیے۔

تفصیلات کے مطابق ترقیاتی فنڈز میں اپوزیشن کو نظر انداز کرنے پر اپوزیشن کے ارکان نے قائمہ کمیٹیوں سے استعفے دے دیے، جو اکرم درانی نے اسپیکر کو جمع کرا دیے۔

کے پی اسمبلی میں اپوزیشن رہنما اکرم درانی نے کہا کہ ترقیاتی فنڈز میں اپوزیشن ارکان کو نظر انداز کیا جا رہا ہے، جس پر اسمبلی کی تمام کمیٹیوں سے مستعفی ہو گئے ہیں۔

اکرم خان درانی کا کہنا تھا کہ اپوزیشن کا کمیٹیوں سے مستعفی ہونا حکومت کے لیے باعث شرم ہے، اب ہم وہ کردار ادا کریں گے کہ حکومت کے لیے اسمبلی چلانا مشکل ہو جائے گا۔

حزب اختلاف کے رہنما نے کہا کہ حکومت کا ہر منصوبہ کرپشن سے بھرا پڑا ہے، محکمہ تعلیم کا ایم ڈی خود کرپشن کا الزام لگا چکا ہے، حکمران کب تک لوگوں کو جھوٹے نعروں پر ورغلاتے رہیں گے۔

یہ بھی پڑھیں:  قومی اسمبلی میں جنوبی پنجاب صوبے کے قیام کا بل پیش

اکرم درانی نے مزید کہا کہ حکومت بی آر ٹی منصوبے پر پارلیمانی کمیٹی سے پسپا ہو چکی ہے، بلین ٹری سونامی کی ادائیگیوں کی بھی ہم بائیو میٹرک تصدیق کرائیں گے۔

دوسری طرف کے پی اسمبلی کے اسپیکر مشتاق غنی نے کہا کہ اپوزیشن نے استعفوں میں جلد بازی کا مظاہرہ کیا، اپوزیشن کو شکایت حکومت سے ہے تو کمیٹیوں سے کیوں مستعفی ہوئے۔

مشتاق غنی کا کہنا تھا کہ اپوزیشن اراکین کو منانے کی کوشش کروں گا، امید ہے اپوزیشن کی جانب سے استعفے واپس لیے جائیں گے۔

اسلام آباد: اسپیکر قومی اسمبلی اسد قیصر نے اپوزیشن لیڈر شہباز شریف کی 3 قائمہ کمیٹیوں کی رکنیت ختم کر دی۔

تفصیلات کے مطابق پاکستان مسلم لیگ ن کے رہنما اور قومی اسمبلی میں حزب اختلاف کے لیڈر میاں شہباز شریف کی تین قائمہ کمیٹیوں کی رکنیت اسپیکر قومی اسمبلی نے ختم کر دی۔

[bs-quote quote=”اسپیکر قومی اسمبلی اسد قیصر نے شہباز شریف کی درخواست پر رکنیت ختم کی۔” style=”style-7″ align=”left” color=”#dd3333″][/bs-quote]

قومی اسمبلی سیکریٹریٹ کی جانب سے باقاعدہ نوٹی فکیشن جاری کر دیا گیا۔

اسپیکر قومی اسمبلی اسد قیصر نے شہباز شریف کی درخواست پر رکنیت ختم کی، جن قائمہ کمیٹیوں کی رکنیت ختم کی گئی ان میں کمیٹی برائے قانون و انصاف، اطلاعات و نشریات اور امور کشمیر شامل ہیں۔

یاد رہے کہ گزشتہ روز مسلم لیگ ن کے رہنما خواجہ آصف نے حکومت کو دھمکی دیتے ہوئے کہا تھا کہ اگر شہباز شریف کو چیئرمین پبلک اکاؤنٹس کی چیئرمین شپ سے ہٹایا گیا تو حالات مزید بگڑ جائیں گے۔

یہ بھی پڑھیں: شہبازشریف کو پی اے سی کی چیئرمین شپ سے ہٹایا تو حالات بگڑجائیں گے، خواجہ آصف

یاد رہے کہ حکومت اور اپوزیشن نے طویل مذاکراتی عمل کے بعد شہباز شریف کو پی اے سی کا چیئرمین منتخب کیا تھا جب کہ شیخ رشید احمد سمیت دیگر تحریک انصاف کے رہنماؤں نے شہباز شریف کے نام پر تحفظات کا اظہار کیا۔

لاہور: پنجاب اسمبلی میں پبلک اکاؤنٹس کمیٹی سمیت دیگر قائمہ کمیٹیوں کی تشکیل کے حوالے سے بڑا بریک تھرو سامنے آیا ہے، اپوزیشن اور حکومت کے درمیان مذاکرات کا آغاز ہو گیا۔

تفصیلات کے مطابق پنجاب اسمبلی میں قائمہ کمیٹیوں سے متعلق حکومت اور اپوزیشن کا اجلاس منعقد ہوا، مسلم لیگ ن کا کہنا ہے کہ حکومت کے ساتھ اپوزیشن کا ڈیڈ لاک ختم ہو گیا ہے۔

[bs-quote quote=”قانون سازی اور عوامی فلاح کے لیے اپوزیشن کی مثبت تجاویز کا خیر مقدم کریں گے۔” style=”style-7″ align=”left” color=”#dd3333″ author_name=”علیم خان” author_job=”سینئرصوبائی وزیر”][/bs-quote]

ن لیگی رہنما ملک ندیم کامران نے میڈیا سے گفتگو کرتے ہوئے کہا ’ڈیڈ لاک ختم ہو گیا، اب معاملات آگے بڑھ رہے ہیں۔‘

سابق صوبائی وزیر کا کہنا تھا کہ آج مثبت مشاورت ہوئی ہے، چند دن بعد دوبارہ اجلاس ہوگا، قیادت اور حکومتی ارکان نے وزیرِ اعلیٰ عثمان بزدار سے مشاورت کے لیے وقت مانگا۔

ملک ندیم کامران نے کہا ’پاکستان پیپلز پارٹی اپوزیشن کا حصہ ہے، ان کی نمائندگی بھی ہم کر رہے ہیں، کمیٹیوں سے متعلق جو بھی حتمی فیصلہ ہوگا، پی پی کی مشاورت اس میں شامل ہوگی۔‘

یہ بھی پڑھیں:  سینئر صوبائی وزیر علیم خان نیب پر برس پڑے

صوبائی وزیر برائے بلدیات علیم خان نے کہا کہ اجلاس مثبت ہوا، اپوزیشن کا رویہ بھی مثبت تھا، حکومت بھی اپوزیشن کے مثبت رویے پر مثبت پیش رفت کرے گی۔

سینئرصوبائی وزیر نے کہا ’قانون سازی اور عوامی فلاح کے لیے اپوزیشن کی مثبت تجاویز کا خیر مقدم کریں گے، عوام نے مسائل کے حل کے لیے ووٹ دیے، حکومت اور اپوزیشن کو عوامی مسائل کے حل کی طرف جانا ہوگا۔‘