اسلام آباد: وزیرمملکت برائے پانی و بجلی عابد شیر علی قائمہ کمیٹی کے اجلاس میں عدلیہ پر برس پڑے۔ ان کا کہنا تھا عدالتیں بجلی چوروں کو کارروائی کیے بغیر ہی چھوڑ دیتی ہیں۔
قومی اسمبلی کی قائمہ کمیٹی کا اجلاس محمد افضل کھوکر کی زیر صدارت آج ہوا۔ وزیر مملکت برائے پانی و بجلی عابد شیر علی نے اجلاس میں کہا کہ وہ بجلی چوروں کو پکڑتے ہیں اور عدالتیں کارروائی کیے بغیر ہی چوروں کو چھوڑ دیتی ہیں۔
اجلاس میں واپڈا ملازمین کی کرپشن کے انکشاف پر عابد شیر علی نے عدلیہ سے استدعا کی کہ وہ انصاف کرے۔ ان کا کہنا تھا کہ جب تک ملک سے بجلی چوروں کا خاتمہ نہیں ہوگا مسائل بھی ختم نہیں ہونگے۔
