ARYNews.tv | Urdu – Har Lamha Bakhabar

Tag: قائم علی شاہ

  • جعلی اکاونٹ کیس : سابق وزیراعلی سندھ قائم علی شاہ کی نیب میں طلبی

    جعلی اکاونٹ کیس : سابق وزیراعلی سندھ قائم علی شاہ کی نیب میں طلبی

    کراچی : قومی احتساب بیورو (نیب) نے سابق وزیر اعلی سندھ قائم علی شاہ کو جعلی اکاونٹ کیس میں چار دسمبر کو طلب کرلیا، قائم علی شاہ نے عبوری ضمانت حاصل کررکھی ہے۔

    تفصیلات کے مطابق ذرائع کے مطابق قومی احتساب بیورو (نیب) نے سابق وزیر اعلی سندھ قائم علی شاہ کو طلب کرلیا، قائم علی شاہ کو جعلی اکاونٹ کیس میں طلب کیا گیا ہے، نوٹس میں قائم علی شاہ کو چار دسمبر نیب راولپنڈی میں پیش ہونے کو کہا گیا ہے۔

    یاد رہے رواں سال ستمبر میں سندھ ہائی کورٹ نے قائم علی شاہ کے خلاف انکوائری کی درخواست نمٹا دی تھی ، وکیل نیب کا کہنا تھا کہ سابق وزیراعلیٰ سندھ کے خلاف شواہد نہیں ملے، قائم علی شاہ کے خلاف غیرقانونی الاٹمنٹ کی انکوئری ختم کردی ہے۔

    مزید پڑھیں : عدالت نے قائم علی شاہ کے خلاف انکوائری کی درخواست نمٹا دی

    خیال رہے رواں سال  جون میں جعلی اکاؤنٹس کیس میں نیب راولپنڈی نے مرادعلی شاہ اورقائم علی شاہ کیخلاف انکوائری انویسٹی گیشن میں تبدیل کی تھی اور چیئرمین نیب نے منظوری دی تھی

    سابق وزیراعلیٰ سندھ قائم علی شاہ اپنا بیان نیب کو ریکارڈ کرا چکے ہیں، بعد ازاں سابق وزیر اعلی قائم علی شاہ نے ضمانت قبل از گرفتاری کے لئے اسلام آباد ہائی کورٹ میں درخواست دائر کی تھی ، درخواست مؤقف اختیار کیا گیا تھا کہ درخواست گزار کا منی لانڈرنگ سے کوئی لینا دینا نہیں سیاسی بنیادوں پر نام شامل کیا گیا اور استدعا کی جب تک کیس کی سماعت مکمل نہیں ہوجاتی قائم علی شاہ کو گرفتار نہ کیا جائے۔

    جس پر عدالت نے قائم علی شاہ کی عبوری ضمانت منظور کرلی تھی۔

  • آج تک بھنگ سمیت کسی بھی نشے والی چیز کوہاتھ تک نہیں لگایا، قائم علی شاہ

    آج تک بھنگ سمیت کسی بھی نشے والی چیز کوہاتھ تک نہیں لگایا، قائم علی شاہ

    کراچی : سابق وزیراعلیٰ سندھ قائم علی شاہ نے کہا مجھےوزیراعلی کے عہدے سےکیوں ہٹایاگیا معلوم نہیں ، دوستوں نے بےوفائی کی ،دکھ دینے پرمایوس نہیں ہوا،بچپن میں بڑاشرارتی تھا،آج تک بھنگ سمیت کسی بھی نشے والی چیز کوہاتھ تک نہیں لگایا۔

    تفصیلات کے مطابق سابق وزیراعلیٰ سندھ قائم علی شاہ میڈیا سے گفتگو میں کہا کہ مجھے وزیراعلی کے عہدے سے کیوں ہٹایا گیا معلوم نہیں، مراد علی شاہ کو وزیراعلی بنوانے کے لیے کچھ لوگ کام کررہے تھے۔

    قائم علی شاہ کا کہنا تھا دوستوں نے بے وفائی کی ، دکھ دینے پرمایوس نہیں ہوا، میرے دور میں اویس مظفر اورفریال تالپور فیصلے نہیں کرتے تھے، مراد علی شاہ کے وقت کے بارے میں نو کمنٹس کہوں گا۔

    سابق وزیراعلیٰ سندھ نے کہا آج تک بھنگ سمیت کسی بھی نشے والی چیز کو ہاتھ تک نہیں لگایا، بچپن میں بڑا شرارتی تھا، آج تک کسی کو تعویذ لکھ کر نہیں دیے۔

    مزید پڑھیں : عدالت نے قائم علی شاہ کے خلاف انکوائری کی درخواست نمٹا دی

    یاد رہے چند روز قبل عدالت نے قائم علی شاہ کے خلاف انکوائری کی درخواست نمٹا دی تھی ، وکیل نیب کا کہنا تھا کہ سابق وزیراعلیٰ سندھ کے خلاف شواہد نہیں ملے، قائم علی شاہ کے خلاف غیرقانونی الاٹمنٹ کی انکوئری ختم کردی ہے۔

    بعدازاں عدالت نے سابق وزیراعلیٰ سندھ قائم علی شاہ کو زرضمانت واپس کرنے کا حکم دیا تھا۔

  • عدالت نے قائم علی شاہ کے خلاف انکوائری کی درخواست نمٹا دی

    عدالت نے قائم علی شاہ کے خلاف انکوائری کی درخواست نمٹا دی

    کراچی: قائم علی شاہ کے خلاف ملیر ندی کی سرکاری زمین کی غیر قانونی الاٹمنٹ کے کیس کی سماعت دوران عدالت نے ریمارکس دیے نیب پہلےتحقیقات مکمل کرے اور بعد میں لوگوں کو گرفتار کرے۔

    تفصیلات کے مطابق سندھ ہائی کورٹ میں قائم علی شاہ کے خلاف ملیر ندی کی سرکاری زمین کی غیر قانونی الاٹمنٹ کے کیس کی سماعت ہوئی۔ سابق وزیراعلیٰ سندھ عدالت کے سامنے پیش ہوئے۔

    عدالت میں سماعت کے دوران وکیل نیب نے بتایا کہ سابق وزیراعلیٰ سندھ کے خلاف شواہد نہیں ملے، قائم علی شاہ کے خلاف غیرقانونی الاٹمنٹ کی انکوئری ختم کردی۔

    چیف جسٹس سندھ ہائی کورٹ نے ریمارکس دیے کہ دیگرالاٹیزکہاں ہیں، ان کے خلاف کیا کارروائی ہوئی؟ جس پر نیب وکیل نے جواب دیا کہ الاٹمنٹ منسوخ کردی گئی تھی اس لیے کسی کے خلاف کارروائی جاری نہیں۔

    سندھ ہائی کورٹ نے قائم علی شاہ کے خلاف انکوئری کی درخواست نمٹاتے ہوئے ریمارکس دیے کہ نیب پہلے تحقیقات مکمل کرے اور بعد میں لوگوں کو گرفتار کرے۔

    بعدازاں عدالت نے سابق وزیراعلیٰ سندھ قائم علی شاہ کو زرضمانت واپس کرنے کا حکم دے دیا۔

  • بجٹ منظور نہ ہوا تو حکومت ناکام ہو جائےگی ، قائم علی شاہ

    بجٹ منظور نہ ہوا تو حکومت ناکام ہو جائےگی ، قائم علی شاہ

    کراچی: سابق وزیراعلیٰ سندھ قائم علی شاہ نے کہا بجٹ منظورنہ ہواتوحکومت ناکام ہو جائےگی ، حکومت بجٹ پر بحث نہیں کرنا چاہتی، بحث کرنے دیں گے تو پتا چلے گا کہ بجٹ میں کیا خامیاں ہیں۔

    تفصیلات کے مطابق سندھ ہائی کورٹ کے باہر سابق وزیراعلیٰ سندھ قائم علی شاہ نے میڈیا سے بات چیت کرتے ہوئے کہا عجیب بات ہے کہ خود حکومت بجٹ پر بحث نہیں چاہتی، بجٹ پر بحث ہوگی تو ہی پاس ہوگا۔

    ایوان میں بجٹ پربحث ہی نہیں کرنےدی جارہی ، بحث کرنے دیں گے تو پتا چلے گا کہ بجٹ میں کیا خامیاں ہیں، پیپلزپارٹی بجٹ کی کمزوریوں کی نشاندہی کرےگی، اگر بجٹ منظورنہیں ہوتا توحکومت پھرفیل ہوجائے گی اور اس کا مطلب یہی ہوگا کہ اکثریت کا اعتمادکھوچکی ہے۔

     گرفتاریاں سیاسی انتقامی کارروائیاں ہیں

    سابق وزیراعلیٰ سندھ نےحالیہ گرفتاریوں کوسیاسی انتقام قرار دیتے ہوئے کہا میں نے انکوائری میں قانونی تقاضےپورےکیےہیں، اب توکوئی جرم نہیں بنتاکہ میں گرفتارکیاجاسکوں، عدالت میں بھی نیب نےکہامیری گرفتاری کاارادہ نہیں۔

    یاد رہے یب راولپنڈی نے جعلی اکاؤنٹس کیس میں دادو اور ٹھٹھہ شوگر ملز کی فروخت کے معاملے پر وزیر اعلی سندھ مراد علی شاہ اور قائم علی شاہ کے خلاف انکوائری انویسٹی گیشن میں تبدیل کر دیا ہے۔

    دونوں شوگر ملز کو کوڑیوں کے بھاؤ اومنی گروپ کو فروخت کیاگیا، جس کے باعث قومی خزانے کو کروڑوں روپے کا نقصان پہنچا، قومی احتساب بیورو شوگر ملز کو دی جانے والی سبسڈی کےمعاملے پر بھی تحقیقات کررہا ہے، جس کے دوران بہت سی اہم باتیں سامنے آئیں

  • جعلی اکاؤنٹس کیس: مرادعلی شاہ اورقائم علی شاہ کیخلاف انکوائری انویسٹی گیشن میں تبدیل

    جعلی اکاؤنٹس کیس: مرادعلی شاہ اورقائم علی شاہ کیخلاف انکوائری انویسٹی گیشن میں تبدیل

    راولپنڈی : جعلی اکاؤنٹس کیس میں نیب راولپنڈی نے مرادعلی شاہ اورقائم علی شاہ کیخلاف انکوائری انویسٹی گیشن میں تبدیل کردی، چیئرمین نیب نے منظوری دے دی ، عید کے بعد کیس میں گرفتاریوں کا امکان ہے۔

    تفصیلات کے مطابق نیب راولپنڈی نے جعلی اکاؤنٹس کیس میں دادو اور ٹھٹھہ شوگر ملز کی فروخت کے معاملے پر وزیر اعلی سندھ مراد علی شاہ اور قائم علی شاہ کے خلاف انکوائری انویسٹی گیشن میں تبدیل کر دی۔

    ذرائع کا کہنا ہے چئیرمین نیب جسٹس (ر ) جاوید اقبال نے انوسٹیگیشن کی منظوری دے دی ہے، عید کے بعد کیس میں نامزدملزمان کی گرفتاریوں کا امکان ہے۔

    دونوں شوگر ملز کو کوڑیوں کے بھاؤ اومنی گروپ کو فروخت کیاگیا، جس کے باعث قومی خزانے کو کروڑوں روپے کا نقصان پہنچا، قومی احتساب بیورو شوگر ملز کو دی جانے والی سبسڈی کےمعاملے پر بھی تحقیقات کررہا ہے، جس کے دوران بہت سی اہم باتیں سامنے آئیں۔

    مزید پڑھیں : جعلی اکاؤنٹس کیس : وزیراعلیٰ سندھ مراد علی شاہ نے بیان ریکارڈ کرادیا

    مراد علی شاہ اور قائم علی شاہ اپنے بیانات بھی نیب کو ریکارڈ کرا چکے ہیں اومنی گروپ کے تمام عہدیداروں سے نیب کی تفتیش مکمل کرلی گئی ہے جبکہ سابق وزیراعلیٰ قائم علی شاہ نے عبوری ضمانت حاصل کر رکھی ہے۔

  • جعلی اکاؤنٹس کیس : قائم علی شاہ کی عبوری ضمانت میں آٹھ مئی تک توسیع

    جعلی اکاؤنٹس کیس : قائم علی شاہ کی عبوری ضمانت میں آٹھ مئی تک توسیع

    اسلام آباد : اسلام آباد ہائی کورٹ نے جعلی اکاؤنٹس کیس میں سابق وزیر اعلیٰ سندھ سید قائم علی شاہ کی عبوری ضمانت میں آٹھ مئی تک توسیع کر دی۔

    تفصیلات کے مطابق اسلام آباد ہائی کورٹ میں جسٹس عامرفاروق اور جسٹس محسن اختر کیانی نے سابق وزیر اعلیٰ سندھ سید قائم علی شاہ کی عبوری ضمانت میں توسیع کی درخواست پر سماعت کی ۔

    قائم علی شاہ اورانکے وکیل فاروق ایچ نائیک عدالت کے روبرو پیش ہوئے ۔

    نیب پراسیکیوٹر نے کہاکہ پیراوائز کمنتس عدالت میں جمع کرادیئے ، جس پر فاروق ایچ نائیک کا کہنا تھا پیراوائز کمنٹس کی کاپی ہمیں نہیں ملی، وکیل صفائی فاروق ایچ نائک کی جانب سے مزید دس دن کیلئے ضمانت میں توسیع کی استدعا کی گئی۔

    جس پر جسٹس عامر فاروق نے کہاکہ تمام جعلی اکاونٹس کیسز کو 15 مئی کیلئے مقرر نہیں کرسکتے،تمام کیسز کو الگ الگ لے کر چلنا ہے۔

    فارو ق ایچ نائیک کا کہنا تھا سوموار کو عمرے پر جا رہا ہوں آگے کی تاریخ دے دیں، جس پر جسٹس عمر فاروق نے کہاکہ تو آپ جمعرات کو پیش ہو جائیں۔

    مزید پڑھیں : سابق وزیر اعلیٰ سندھ سید قائم علی شاہ کی عبوری ضمانت میں 30 اپریل تک توسیع

    فاروق ایچ نائیک نے کہاکہ استدعا ہے 6 کے بجائے 8 مئی کی تاریخ رکھ لیں، جس پر عدالت نے وکیل صفائی فاروق ایچ نائیک کی استدعا منظور کرتے ہوئے 8 مئی تک توسیع دے دی۔

    خیال رہے سابق وزیر اعلیٰ سندھ قائم علی شاہ کی ٹھٹھہ اور دادو شوگر ملز کیس میں ضمانت آج ختم ہورہی تھی۔

    یاد رہے جعلی اکاؤنٹس کیس میں وزیراعلیٰ سندھ مراد علی شاہ بیان ریکارڈ کرانے نیب ہیڈکوارٹرز پہنچےتھے تو نیب کی 6رکنی ٹیم وزیراعلیٰ سندھ سے ٹھٹھہ، دادو شوگرملز کیس میں پوچھ گچھ کی تھی۔

    بعد ازاں سابق وزیر اعلی قائم علی شاہ نے ضمانت قبل از گرفتاری کے لئے اسلام آباد ہائی کورٹ میں درخواست دائر کی تھی ، درخواست مؤقف اختیار کیا گیا تھا کہ درخواست گزار کا منی لانڈرنگ سے کوئی لینا دینا نہیں سیاسی بنیادوں پر نام شامل کیا گیا اور استدعا کی جب تک کیس کی سماعت مکمل نہیں ہوجاتی قائم علی شاہ کو گرفتار نہ کیا جائے۔

  • سابق وزیر اعلیٰ سندھ سید قائم علی شاہ کی عبوری ضمانت میں 30 اپریل تک توسیع

    سابق وزیر اعلیٰ سندھ سید قائم علی شاہ کی عبوری ضمانت میں 30 اپریل تک توسیع

    اسلام آباد : منی لانڈرنگ کیس میں سابق وزیر اعلیٰ سندھ قائم علی شاہ کی عبوری ضمانت میں 30 اپریل تک توسیع کردی گئی، قائم علی شاہ کے خلاف دادو اور ٹھٹھہ شوگر مل میں انکوائری چل رہی ہے۔

    تفصیلات کے مطابق اسلام آباد ہائی کورٹ میں سابق وزیر اعلیٰ سندھ قائم علی شاہ کی عبوری ضمانت میں توسیع کی اپیل پر سماعت ہوئی،سماعت اسلام آباد ہائیکورٹ کے ڈویژن بنچ پر مشتمل جسٹس عامر فاروق اور جسٹس محسن اختر کیانی نے کی۔

    قائم علی شاہ اپنے وکیل فاروق ایچ نائیک کےساتھ عدالت میں پیش ہوئے، جسٹس عامرفاروق نے خوشگوار موڈ میں فاروق نائیک سے استفسار کیا آپ کیوں پیش ہوئے صرف جواب طلب کرنا تھا، جس پر نیب نے جواب داخل کرانے کے لئے وقت مانگ لیا۔

    سماعت کے دور ان عدالت نے سابق وزیر اعلی سندھ سید قائم علی شاہ کی عبوری ضمانت میں 30 اپریل تک توسیع کردی۔

    نیب ذرائع کا کہنا تھا قائم علی شاہ کی انکوائری سے متعلق آج جواب نہیں دیا جائے گا، صرف زبانی دلائل دیےجائیں گے، انکوائری رپورٹ پرتحریری جواب تیار کیا جا رہا ہے۔

    خیال رہے سابق وزیر اعلیٰ سندھ قائم علی شاہ کی ٹھٹھہ اور دادو شوگر ملز کیس میں ضمانت آج ختم ہورہی ہے، عبوری ضمانت میں توسیع نا ہونے کی صورت میں نیب حکام آج انھیں گرفتار کر سکتے ہیں۔

    مزید پڑھیں : منی لانڈرنگ کیس : سابق وزیراعلیٰ سندھ قائم علی شاہ کی حفاظتی ضمانت منظور

    گزشتہ سماعت میں عدالت نے 10,10 لاکھ روپے کے مچلکوں کے عوض قائم علی شاہ کی عبوری ضمانت منظور کی تھی۔

    خیال رہے گذشتہ روز جعلی اکاؤنٹس کیس میں وزیراعلیٰ سندھ مراد علی شاہ بیان ریکارڈ کرانے نیب ہیڈکوارٹرز پہنچےتھے تو نیب کی 6رکنی ٹیم وزیراعلیٰ سندھ سے ٹھٹھہ، دادو شوگرملز کیس میں پوچھ گچھ کی تھی۔

    بعد ازاں سابق وزیر اعلی قائم علی شاہ نے ضمانت قبل از گرفتاری کے لئے اسلام آباد ہائی کورٹ میں درخواست دائر کی تھی ، درخواست مؤقف اختیار کیا گیا تھا کہ درخواست گزار کا منی لانڈرنگ سے کوئی لینا دینا نہیں سیاسی بنیادوں پر نام شامل کیا گیا اور استدعا کی جب تک کیس کی سماعت مکمل نہیں ہوجاتی قائم علی شاہ کو گرفتار نہ کیا جائے۔

  • نیب نے قائم علی شاہ کو دادو شوگر ملز کیس میں آج طلب کرلیا

    نیب نے قائم علی شاہ کو دادو شوگر ملز کیس میں آج طلب کرلیا

    راولپنڈی : قومی احتساب بیورو (نیب) نے سابق وزیر اعلیٰ سندھ قائم علی شاہ کو دادو شوگر ملز کیس میں آج ہیڈکوارٹرز میں طلب کرلیا۔

    تفصیلات کے مطابق سابق وزیر اعلیٰ سندھ سیّد قائم علی شاہ کو قومی احتساب بیورو نے ریکارڈ سمیت طلب کر لیا، نیب کے نوٹس میں موقف اختیار کیا گیا ہے کہ قائم علی شاہ بطوروزیر اعلیٰ سندھ حکومت کےاثاثوں کے محافظ تھے۔

    ذرائع کا کہنا ہے کہ پیپلز پارٹی کے سینیئر رہنما قائم علی شاہ آج 3 بجے نیب ہیڈکوارٹر میں پیش ہوں گے، نیب حکام نے سابق وزیر اعلیٰ سندھ کی عدم پیشی کی صورت میں قانونی کارروائی کا انتباہ کردیا۔

    نیب حکام نے نوٹس میں مؤقف اختیار کیا ہے کہ قائم علی شاہ دادو شوگر ملز کو اونے پونے داموں فروخت کرکے نوڈیرو شوگر ملز کو غیر قانونی فوائد پہنچائے ہیں۔

    ذرائع کا کہنا ہے کہ قومی احتساب بیورو نے پیپلز پارٹی رہنما قائم علی شاہ کو ٹھٹہ شوگر ملز کیس میں بھی طلب کررکھا ہے۔

    ذرائع کے مطابق نیب حکام کی جانب سے ٹھٹھہ شوگر مل سے متعلق تمام ریکارڈ بھی ہمراہ لانے کی ہدایت جاری کی گئی تھی۔

    مزید پڑھیں : منی لانڈرنگ کیس : سابق وزیراعلیٰ سندھ قائم علی شاہ کی حفاظتی ضمانت منظور

    یاد رہے کہ گزشتہ روز منی لانڈرنگ کیس میں اسلام آباد ہائی کورٹ نے قائم علی شاہ کی حفاظتی ضمانت منظور کرلی تھی اور دس لاکھ روپے کے مچلکے جمع کرنے کا حکم دیا تھا، جسٹس محسن اختر کیانی نے کہا تھا کہ نیب نے 2 مختلف کیسز کے نوٹس لئے ہیں، اگر دوسرے کیس میں ضمانت نہیں کروائی گئی تو نیب گرفتار کر سکتی ہے۔

  • قائم علی شاہ کی مشکلات کم نہ ہوئیں، نیب نے دادو شوگر ملز کیس میں طلب کرلیا

    قائم علی شاہ کی مشکلات کم نہ ہوئیں، نیب نے دادو شوگر ملز کیس میں طلب کرلیا

    اسلام آباد: سابق وزیر اعلیٰ سندھ سید قائم علی شاہ کی مشکلات کم نہیں ہوئیں، نیب نے انھیں دادو شوگر ملزکیس میں طلب کرلیا.

    تفصیلات کے مطابق سابق وزیر اعلیٰ سندھ کی مشکلات میں اضافہ ہوگیا، نیب نے دادو شوگر ملز کا ریکارڈ بھی طلب کر لیا، نیب کے نوٹس میں موقف اختیار کیا گیا ہے کہ قائم علی شاہ بطوروزیر اعلیٰ سندھ حکومت کےاثاثوں کے محافظ تھے.

    نوٹس کے مطابق دادو شوگر ملز اونے پونے دام فروخت کر کے سندھ حکومت کو نقصان پہنچایا گیا، قائم علی شاہ کے اس اقدام سے نوڈیرو  شوگر ملز کو غیر قانونی فوائد ملے.

    نیب احکامات کے مطابق قائم علی شاہ کل تین بجے نیب ہیڈکوارٹرز عمارت پیش ہوں، اگر  سابق وزیر اعلیٰ سندھ نیب دفتر پیش نہ ہوئے تو قانونی کارروائی ہوگی.

    سابق وزیر اعلیٰ سندھ قائم علی شاہ کل ٹھٹھہ شوگر ملز کیس میں بھی طلب ہیں، ضلعی انتظامیہ نے پیشی پر سیکیورٹی سخت کرنے کے احکامات جاری کر دیے ہیں.

    مزید پڑھیں: منی لانڈرنگ کیس : سابق وزیراعلیٰ سندھ قائم علی شاہ کی حفاظتی ضمانت منظور

    خیال رہے کہ پیپلزپارٹی کے سینئر رہنماوں پر گرفتاری کی تلوار لٹک رہی ہے. منی لانڈرنگ کیس میں سید قائم علی شاہ نے اسلام آباد ہائی کورٹ حفاظتی ضمانت کی درخواست دائر کی تھی، جسے آج منظور کرلیا گیا اور دس لاکھ روپے کے مچلکے جمع کرنے کا حکم جاری کیا۔

  • منی لانڈرنگ کیس : سابق وزیراعلیٰ سندھ قائم علی شاہ کی حفاظتی ضمانت منظور

    منی لانڈرنگ کیس : سابق وزیراعلیٰ سندھ قائم علی شاہ کی حفاظتی ضمانت منظور

    اسلام آباد : منی لانڈرنگ کیس میں اسلام آباد ہائی کورٹ نے قائم علی شاہ کی حفاظتی ضمانت منظور کرلی گئی اور دس لاکھ روپے کے مچلکے جمع کرنےکاحکم دیا ، جسٹس محسن اخترکیانی نے کہا نیب نے 2 مختلف کیسزکےنوٹس لئےہیں، اگر دوسرے کیس میں ضمانت نہیں کروائی گئی تو نیب گرفتارکرسکتی ہے۔

    تفصیلات کے مطابق اسلام آباد ہائی کورٹ میں ڈویژن بنچ پر مشتمل جسٹس عامر فاروق وارجسٹس محسن اختر کیانی سابق وزیراعلیٰ سندھ کی ضمانت قبل ازگرفتاری کی درخواست پر سماعت کی ، قائم علی شاہ اپنےوکلاکےساتھ عدالت میں پیش ہوئے۔

    جسٹس محسن اخترکیانی نے کہا نیب نے 2 مختلف کیسزکےنوٹس لئےہیں، آپ صرف ایک کیس کیلئے آئےہیں ، اگر دوسرے کیس میں ضمانت نہیں کروائی گئی تو نیب گرفتارکرسکتی ہے، جس پر قائم علی شاہ کے وکیل نے کہا مجھےسوچنے کی اجازت دیں، آپ زر ضمانت کا حکم دیں جائیداد کا نہ دیں۔

    جسٹس عامرفاروق نے ریمارکس دیے میں آرڈر لکھوا چکا ہوں زرضمانت نہیں دے سکا۔

    جس کے بعد عدالت نے قائم علی شاہ کی درخواست ضمانت قبل ازگرفتاری 8اپریل تک منظور کرتے ہوئے دس لاکھ روپے کے مچلکے جمع کرنےکاحکم دیا اور  جسٹس عامرفاروق نےفریقین کو نوٹس جاری کردیئے۔

    مزیدپڑھیں: میگا منی لانڈرنگ کیس : قائم علی شاہ کو گرفتاری کا خوف

    گذشتہ روز سابق وزیر اعلی قائم علی شاہ نے ضمانت قبل از گرفتاری کے لئے اسلام آباد ہائی کورٹ میں درخواست دائر کی تھی ، درخواست مؤقف اختیار کیا گیا تھا کہ درخواست گزار کا منی لانڈرنگ سے کوئی لینا دینا نہیں سیاسی بنیادوں پر نام شامل کیا گیا اور استدعا کی جب تک کیس کی سماعت مکمل نہیں ہوجاتی قائم علی شاہ کو گرفتار نہ کیا جائے۔

    یاد رہے نیب نے سابق وزیراعلیٰ سندھ قائم علی شاہ کو 27 مارچ کو طلب کر لیا، قائم علی شاہ کو ٹھٹھہ اور دادو شوگر ملز کیس میں طلب کیا گیا اور ولڈ نیب ہیڈکوارٹرز میں پیش ہونے کی ہدایت کی گئی ہے۔

    نیب کی جانب سے ٹھٹھہ شوگر مل سے متعلق تمام ریکارڈ بھی ہمراہ لانے کی ہدایت جاری کی گئی ہے۔

    خیال رہے گذشتہ روز جعلی اکاؤنٹس کیس میں وزیراعلیٰ سندھ مراد علی شاہ بیان ریکارڈ کرانے نیب ہیڈکوارٹرز پہنچےتھے تو نیب کی 6رکنی ٹیم وزیراعلیٰ سندھ سے ٹھٹھہ، دادو شوگرملز کیس میں پوچھ گچھ کی تھی، تحقیقاتی ٹیم کےسربراہ ڈی جی نیب عرفان منگی خود بیان ریکارڈکیا جبکہ مراد علی شاہ کو تحریری سوال نامہ بھی دیا جائے گا۔

    Comments