اسلام آباد : چیف جسٹس یحییٰ آفریدی کے بیرون ملک دورے کے پیش نظر جسٹس منصور 21 اپریل کو بطور قائم مقام چیف جسٹس پاکستان حلف اٹھائیں گے۔
تفصیلات کے مطابق جسٹس منصور 21 اپریل کو بطور قائم مقام چیف جسٹس پاکستان حلف اٹھائیں گے، چیف جسٹس پاکستان یحییٰ آفریدی کی بیرون ملک سے واپسی تک فرائص انجام دیں گے۔
جسٹس منیب اختر جسٹس منصور علی شاہ سے حلف لیں گے، حلف برداری کی تقریب سپریم کورٹ میں ہوگی ، تقریب حلف برداری میں وکلا،سپریم کورٹ اسٹاف شرکت کرے گا۔
خیال رہے چیف جسٹس جسٹس یحییٰ آفریدی 22 تا 26 اپریل کے دوران چین کے شہر ہانگژو میں منعقد ہونے والی ایس سی او کے رکن ممالک کی سپریم کورٹس کے چیف جسٹسز کی 20ویں کانفرنس میں شرکت کریں گے۔
دورے کے دوران سپریم کورٹ پاکستان اور سپریم پیپلز کورٹ چین کے درمیان تاریخی ایم او یو پر دستخط ہوں گے ، ایم او یو سے عدالتی روابط، تربیت، معلومات کے تبادلے میں پیشرفت ہوگی۔
کیوں میں 31 سال بعد اپنا سچ لیے پاکستان سے بھاگ جانا چاہتا ہوں؟
اعلی عدلیہ کے ترجمان کا کہنا تھا کہ ایم او یو میں بین الاقوامی کمرشل لا، ثالثی، سائبر کرائم، مالیاتی جرائم شامل ہوں گے، موسمیاتی تبدیلی، عدالتی ٹیکنالوجی اور تنازعات کے حل میں تعاون شامل ہوگا جبکہ عدالتی فیصلوں کے نفاذ اور شہری مقدمات میں باہمی قانونی معاونت کا نظام بہتر ہوگا، دونوں ممالک عدالتی خودمختاری اور قانون کی حکمرانی کے اصولوں پر کاربند ہیں۔
