Tag: قاتل ڈور

کراچی: شہر قائد میں پتنگ کی قاتل ڈور سے ایک ہفتے میں دو افراد جان سے ہاتھ دھو بیٹھے ہیں، گزشتہ روز اورنگی جاتے ہوئے اے آر وائی نیوز سے وابستہ صحافی خیراللہ عزیز بھی ڈور پھرنے سے زخمی ہو گئے۔

تفصیلات کے مطابق کراچی میں پتنگ بازی کے دوران قاتل ڈور سے شہریوں کی ہلاکتوں اور زخمی ہونے کے واقعات میں اضافہ ہو گیا ہے، گزشتہ روز اے آر وائی سے وابستہ صحافی بھی نشانہ بن گئے۔

ایک کے بعد ایک واقعات سے پولیس کو آخر کار ہوش آ گیا، اورنگی میں کارروائیاں کر کے پتنگ اور ڈور بیچنے والوں اور اڑانے والوں کی پکڑ دھکڑ شروع کر دی گئی ہے۔

دوسری طرف گرفتار ملزمان معصوم بن گئے ہیں، ایک ملزم کا کہنا تھا کہ میری پتنگ کٹ کر گری، دوسرے نے بتایا میں کٹی پتنگ پکڑ رہا تھا کہ پولیس نے پکڑ لیا۔

یہ بھی پڑھیں:  کراچی: بنارس پل پر پتنگ کی ڈور پھرنے سے شہری کا گلا کٹ گیا

یاد رہے کہ 23 اکتوبر کو کراچی کے علاقے بنارس چوک کے پل پر پتنگ کی ڈور پھرنے سے اورنگی ٹاؤن کا رہایشی شہروز جان زندگی کی بازی ہار گیا تھا، متوفی موٹر سائیکل پر بھائی کے ساتھ جا رہا تھا جب یہ حادثہ پیش آیا، متوفی کے بھائی نے بتایا کہ بنارس پل پر عبداللہ کالج کے قریب اچانک ڈور گلے پر پھر گئی، بھائی نے ڈور کو کھینچا تو گردن سے خون بہنا شروع ہو گیا۔

گزشتہ روز 6 سالہ بچہ بھی قاتل ڈور کی وجہ سے جان سے ہاتھ دھو بیٹھا، بچہ موٹر سائیکل پر اپنے والدین کے ہم راہ جا رہا تھا کہ پتنگ کی ڈور سے گلا کٹ گیا، اور اس نے والدین کے ہاتھوں ہی میں دم توڑ دیا۔

رواں برس فروری میں بھی کراچی میں پتنگ کی ڈور سے دو گلے کٹ گئے تھے، جن میں سے سعدی ٹاؤن کا رہائشی ایک شخص جاں بحق ہو گیا تھا، جب کہ جہانگیر روڈ کے واقعے میں ایک شخص شدید زخمی ہو گیا تھا۔

کراچی: شہر قائد کے علاقے بنارس چوک کے پل پر پتنگ کی ڈور پھرنے سے ایک اور شہری زندگی کی بازی ہار گیا، جاں بحق شہری کی شناخت شہروز کے نام سے ہوئی۔

تفصیلات کے مطابق کراچی میں ایک اور شہری قاتل ڈور گلے پر پھرنے سے جاں بحق ہو گیا ہے، بنارس پل پر پتنگ کی ڈور پھرنے سے اورنگی ٹاؤن کا رہائشی شہروز جان کی بازی ہار گیا۔

متوفی موٹر سائیکل پر بھائی کے ساتھ جا رہا تھا جب یہ حادثہ پیش آیا، متوفی کے بھائی نے بتایا کہ بنارس پل پر عبداللہ کالج کے قریب اچانک ڈور گلے پر پھر گئی، بھائی نے ڈور کو کھینچا تو گردن سے خون بہنا شروع ہو گیا۔

متوفی شہروز کے بھائی کا کہنا تھا حادثے کے بعد روڈ کے بیچ میں کھڑے رہے، بعد ازاں رکشے میں بھائی کو اسپتال منتقل کیا، لیکن راستہ خراب ہونے کی وجہ سے بروقت اسپتال نہیں پہنچ سکے، راستہ صحیح ہوتا تو بھائی کو جلدی اسپتال پہنچا دیتے۔

یہ بھی پڑھیں:  کراچی: پتنگ کی ڈور سے دو گلے کٹ گئے، ایک شخص جاں بحق

انھوں نے مزید بتایا کہ موٹر سائیکل چلاتے ہوئے پتنگ کی ڈور نظر نہیں آئی تھی، بھائی فیکٹری میں کام کرتا تھا، بنارس پل پر سے گزرتے ہوئے حادثہ پیش آیا۔

یاد رہے کہ رواں برس فروری میں بھی کراچی میں پتنگ کی ڈور سے دو گلے کٹ گئے تھے، جن میں سے سعدی ٹاؤن کا رہائشی ایک شخص جاں بحق ہو گیا تھا، جب کہ جہانگیر روڈ کے واقعے میں ایک شخص شدید زخمی ہو گیا تھا۔

خیال رہے کہ صوبہ پنجاب میں آئے روز گلے پر ڈور پھرنے کے باعث حادثات رونما ہوتے ہیں، پنجاب میں پتنگ بازی پر پابندی بھی عاید ہے۔

کراچی: شہرِ قائد میں ایک گھنٹے کے دورا ن پتنگ کی ڈور پھرنے کے 2 واقعات پیش آ گئے، ایک شخص گلے پر ڈور پھرنے سے جان سے محروم ہو گیا۔

تفصیلات کے مطابق پتنگ کی قاتل ڈور سے کراچی میں دو گلے کٹ گئے، دو واقعات میں ایک شخص جاں بحق جب کہ ایک شدید زخمی ہو گیا ہے۔

[bs-quote quote=”لاہور میں پتنگ بازوں کے خلاف مقدمات درج” style=”style-7″ align=”left” color=”#dd3333″][/bs-quote]

ریسکیو ذرائع کا کہنا ہے کہ کراچی کے علاقے سعدی ٹاؤن میں پتنگ کی ڈور پھرنے سے ایک شخص جاں بحق ہو گیا۔

ریسکیو ذرائع نے بتایا کہ جہانگیر روڈ پر بھی پتنگ کی ڈور پھرنے سے ایک شخص شدید زخمی ہو گیا ہے، جسے طبی امداد کے لیے اسپتال پہنچا دیا گیا۔

دوسری طرف پنجاب کے شہر لاہور میں پولیس نے مختلف علاقوں میں پتنگ بازوں کے خلاف کریک ڈاؤن کیا، جس میں 180 افراد کو گرفتار کر لیا گیا ہے۔

یہ بھی پڑھیں:  کراچی: گلے پر پتنگ کی ڈور پھرنے سے بچہ جاں بحق

ترجمان لاہور پولیس نے بتایا کہ گرفتار افراد پتنگ بازی میں مصروف تھے، ان کے خلاف مقدمات درج کر لیے گئے ہیں، ان سے سیکڑوں پتنگیں، چرخیاں، ڈور پنی اور دیگر سامان برآ مد کیا گیا۔

پولیس کے مطابق سٹی ڈویژن سے 23، کینٹ سے 68، ماڈل ٹاؤن سے 30، اقبال ٹاؤن سے 36، سول لائن سے 10 اور صدر ڈویژن سے 13 پتنگ باز گرفتار کیے گئے ہیں۔