شیخوپورہ : شوہر نے پہلی بیوی کے ساتھ مل کر دوسری بیوی کو قتل کردیا، پولیس نے مقدمہ درج کرلیا ہے۔
تفصیلات کے مطابق پاکستان کے صوبہ پنجاب کے ضلع شیخوپورہ کے علاقے ننگل ساھداں میں شوہرنےدوسری بیوی کوقتل کردیا۔
پولیس نے بتایا کہ شوہر نے بھائی اور پہلی بیوی کےساتھ ملکربشریٰ بی بی پرتشددکے بعد زہر دے دیا اور فرار ہوگیا۔
پولیس حکام کا کہنا ہے کہ خاتون کی لاش اسپتال منتقل کرکے مقدمہ درج کرلیا گیا ہے اور ملزم کی تلاش جاری ہے۔
یاد رہے رواں ماہ کے آغاز میں کراچی میں شوہر نے بیوی کو گولی مار کر خودکشی کرلی تھی۔
پولیس کے مطابق گھر میں کسی بات پر میاں بیوی میں لڑائی چل رہی تھی، جھگڑے کے دوران شوہر نے اپنی بیوی کو پہلے گولی ماری، بیوی کو گولی مارنے کے بعد شوہر نے خود کو گولی مار لی۔
پولیس کا کہنا تھا کہ زخمی خاتون کی شناخت ثنا کے نام سے کی گئی ہے، خاتون اسپتال میں زیر علاج ہیں۔
