ARYNews.tv | Urdu – Har Lamha Bakhabar

Tag: قتل

  • لاہور میں باپ بیٹے کو گولیاں مار کر قتل کردیا گیا

    لاہور میں باپ بیٹے کو گولیاں مار کر قتل کردیا گیا

    لاہور : ستوکتلہ میں باپ بیٹے کو گولیاں مار کر قتل کردیا گیا، پولیس کے مطابق دوہرے قتل کی واردات ذاتی دشمنی کا شاخسانہ ہے۔

    تفصیلات کے مطابق لاہور کے علاقہ ستوکتلہ میں دو موٹرسائیکل سواروں نے فائرنگ کرکے باپ بیٹے کو قتل کردیا۔3

    پولیس نے بتایا کہ 49 سالہ سعید اپنے بیٹے 22 سالہ شمشاد کے ساتھ موٹر سائیکل پر گھر سے جارہا تھا کہ موٹرسائیکل پر سوار دو افراد نے اندھادھند فائرنگ کردی، جس کی زد میں آکر دونوں باپ بیٹے موقع پر ہی دم توڑ گئے۔

    ملزمان موقع واردات سے فرار ہو گئے، اطلاع ملنے پر پولیس موقع پر پہنچ گئی اور لاشیں مردہ خانہ منتقل کرکے جائے وقوعہ سے شواہد اکٹھے کرلئے اور ملزمان کی تلاش شروع کردی ہے۔

    پولیس کے مطابق دوہرے قتل کی واردات ذاتی دشمنی کا شاخسانہ ہے تاہم بہت جلد ملزمان کو گرفتار کرلیا جائے گا۔

    سی سی پی او لاہور بلال صدیق کمیانہ نے واقعہ کا نوٹس لیتے ہوئے جلد ملزمان کی گرفتاری کا حکم دے دیا۔

    سی سی پی او نے ملزمان کی گرفتاری کیلئےہر ممکن وسائل استعمال کرنےکی ہدایت کرتے ہوئے کہا کہ ملزمان کی گرفتاری کیلئے ایس پی صدر کی سربراہی میں خصوصی ٹیم تشکیل دے دی اور کہا واقعہ ذاتی دشمنی کاشاخسانہ لگتی ہے، ملزمان کوکٹہرےمیں لایا جائے گا۔

  • بوٹ بیسن پر کسٹم اہلکاروں نے مبینہ طور پر کار سوار کو سر میں گولی مار دی

    بوٹ بیسن پر کسٹم اہلکاروں نے مبینہ طور پر کار سوار کو سر میں گولی مار دی

    کراچی: شہر قائد کے علاقے کلفٹن میں بوٹ بیسن کے قریب کسٹم اہلکاروں نے مبینہ طور پر ایک کار سوار کو سر میں گولی مار دی، جس سے وہ موقع ہی پر جاں بحق ہو گیا۔

    تفصیلات کے مطابق کراچی میں بوٹ بیسن سگنل کے قریب فائرنگ سے ایک شخص جاں بحق ہو گیا، مقتول کی شناخت احسان کے نام سے ہوئی ہے جس کی لاش جناح اسپتال منتقل کر دی گئی۔

    اہل خانہ کے مطابق مقتول کو کسٹم اہلکاروں نے تعاقب کے دوران گولی ماری، کسٹم اہلکاروں نے کار روکنے کا اشارہ کیا تھا، گاڑی نہ روکے جانے پر اہلکاروں نے فائرنگ کر دی۔

    اہل خانہ کا کہنا ہے کہ کسٹم اہلکار مقتول کی گاڑی بھی ساتھ لے گئے، فائرنگ سے گاڑی کا ڈرائیور محفوظ رہا، دوسری طرف اسپتال ذرائع کا کہنا ہے کہ مقتول کو سر پر ایک گولی لگی ہے، جو جان لیوا ثابت ہوئی۔

    ڈیفنس میں با اثر شخص کا نوجوان پر سرعام تشدد، بہن معافیاں مانگتی رہی

    احسان کے اہل خانہ نے لاش نیٹی جیٹی پل پر رکھ کر احتجاج کیا، اور فائرنگ میں ملوث کسٹم اہلکاروں کے خلاف ایف آئی آر درج کرنے کا مطالبہ کر دیا ہے، مظاہرین کا کہنا تھا کہ جب تک مقدمہ درج نہیں ہوگا، سڑک ٹریفک کے لیے نہیں کھولی جائے گی، نیٹی جیٹی پل بند ہونے کے باعث اطراف میں گاڑیوں کی قطاریں لگ گئی تھیں۔

    واضح رہے کہ ادھر کراچی ڈیفنس کے علاقے خیابان اتحاد میں ایک شہری پر تشدد کی ویڈیو وائرل ہوئی ہے، جس میں ایک بااثر شخص لڑکی کے سامنے نوجوان کو تشدد کر رہا ہے، اور لڑکی اس کو بچانے کے لیے معافیاں مانگ رہی ہے، ایس ایس پی ساؤتھ کے مطابق فوٹیج میں تشدد کرنے والے شخص کی شناخت سلمان فاروقی کے نام سے ہوئی ہے۔

  • ایران کے شیراز میں دہشت گرد حملے میں جج جاں بحق

    ایران کے شیراز میں دہشت گرد حملے میں جج جاں بحق

    ایران کے شہر شیراز میں آج صبح 2 نامعلوم دہشت گردوں نے کرمنل کورٹ کے جج احسان باقری پر قاتلانہ حملہ کرکے انہیں موت کی نیند سلا دیا۔

    غیر ملکی ذرائع ابلاغ کے مطابق کرمنل کورٹ کے جج احسان باقری شیراز کی کرمنل کورٹ نمبر 2 میں بطور جج اپنی خدمات انجام دے رہے تھے۔

    رپورٹس کے مطابق 38 سالہ جج احسان باقری پچھلے 12 سال سے ایرانی عدالتی نظام سے جڑے ہوئے تھے۔

    عدالت کے جج کو کیوں قتل کیا گیا، ابھی تک یہ واضح نہیں ہوسکا ہے، پولیس نے اس حوالے سے تحقیقات کا آغاز کردیا ہے۔ اعلیٰ حکام نے جج کے قتل کی تحقیقات کا حکم دے دیا ہے۔

    دوسری جانب ایران کا کہنا ہے کہ اس نے جنوری 2023 میں آذربائیجان کے سفارت خانے پر ہونے والے خطرناک حملے کے مرتکب ایک شخص کو پھانسی دیدی ہے۔ اس حملے سے ہمسایہ ممالک کے درمیان تعلقات خراب ہوگئے تھے۔

    رپورٹ کے مطابق عدلیہ کا کہنا ہے کہ تہران میں آذربائیجانی سفارت خانے پر حملہ کرنے والے کے خلاف آج صبح قانونِ انصاف نافذ کیا گیا۔

    رپورٹس کے مطابق 2023 میں کئے گئے حملے کے نتیجے میں ایک آذربائیجانی سفارتکار ہلاک اور دو سکیورٹی گارڈز اس وقت زخمی ہو گئے تھے جب مسلح حملہ آور سفارت خانے کے احاطے میں داخل ہوگیا تھا، آذربائیجان کے صدر الہام علیوف نے دہشت گرد حملے کی شدید مذمت کی تھی۔

    باکو نے اس حملے کے بعد تہران میں اپنا سفارت خانہ بند کر دیا اور پھر دونوں ممالک نے ایک دوسرے کے سفارت کاروں کو ملک بدر کرنے کا حکم دیا۔

    تہران کا کہنا تھا کہ حملہ آور نے ”ذاتی رنجشوں ”کی بنیاد پر حملہ کیا مگر باکو نے الزام لگایا کہ تہران نے حملے کی حوصلہ افزائی کی تھی۔

    برطانیہ میں خوفناک واقعہ : بے قابو گاڑی نے فٹبال شائقین کو کچل ڈالا

    دہشتگردی کا یہ واقعہ ہونے کے بعد کئی سالوں تک دونوں حکومتوں کے درمیان تعلقات کشیدہ رہے جس کی بڑی وجہ ایران کے قدیم دشمن اسرائیل کے ساتھ آذربائیجان کے قریبی تعلقات ہیں۔

  • 19سالہ عائشہ اور 22سالہ حسن کو پسند کی شادی کرنے پر قتل کردیا گیا

    19سالہ عائشہ اور 22سالہ حسن کو پسند کی شادی کرنے پر قتل کردیا گیا

    سرائے عالمگیر: پسند کی شادی کرنے کی پاداش میں نوجوان جوڑا اپنی جان گنوا بیٹھا، 19سالہ عائشہ اور 22 سالہ حسن کو قتل کردیا گیا۔

    پولیس نے بتایا کہ نواحی گاؤں کنارہ کے قریب کھیتوں سے دونوں کی لاشیں برآمد ہوئیں، پسند کی شادی کرنے پرلڑکی اور لڑکے کو قتل کیا گیا ہے، 19سال کی عائشہ اور 22 سال کے حسن سلیم نے اپنی پسند سے شادی کی تھی۔

    عائشہ کے والد کی مدعیت میں جہلم کے تھانہ ڈومیلی میں اغوا کا مقدمہ درج ہے، پولیس کی ابتدائی رپورٹ میں بتایا گیا ہے کہ لڑکا لڑکی کو غیرت کے نام پر قتل کیا گیا۔

    پسند کی شادی نہ ہونے پر ملزم نے لڑکی کی فیملی پر گولیاں چلا کر گھر کو آگ لگادی

    دریں اثنا لاہور میں باپ نے پسند کی شادی کی خواہش پر اپنی 16 سالہ بیٹی کو قتل کردیا، یہ واقعہ لاہور کے علاقے رائیونڈ میں پیش آیا۔

    پولیس کا کہنا ہےکہ مقتولہ پسند کی شادی کرنا چاہتی تھی، جس پر ملزم عمر نے بیٹی کو تیز دھار آلے سے قتل کیا، لاش کو پوسٹ مارٹم کے لیے بھجوا دیا ہے، بعد ازاں رائیونڈ میں بیٹی کو قتل کرنے والا باپ گرفتاری دینے خود تھانے پہنچ گیا۔

    https://urdu.arynews.tv/okara-father-attempts-to-kill-daughter/

  • بیوی کو قتل کر کے جلانے والا سفاک شوہر 12 گھنٹے میں گرفتار

    بیوی کو قتل کر کے جلانے والا سفاک شوہر 12 گھنٹے میں گرفتار

    لاہور میں بیوی کو قتل کر کے لاش کو بے دردی سے جلانے کے بعد فرار ہونے والے قاتل شوہر کو پولیس نے 125 گھنٹے بعد گرفتار کر لیا۔

    اے آر وائی نیوز کے مطابق لاہور شہر میں نذیر نامی ملزم نے گزشتہ روز اپنی بیوی نجمہ کو قتل کرنے کے بعد اس کی لاش جلا دی تھی اور خود گھر سے فرار ہو گیا تھا۔

    ڈی آئی جی آپریشنز لاہور نے ملزم کی گرفتاری کے لیے ایس پی سٹی کی سربراہی میں ٹیم تشکیل دی تھی جس نے ایف آئی آر میں نامزد مقتولہ کے شوہر نذیر اور اس کی دوسری بیوی کو گجرات سے گرفتار کر لیا۔

    پولیس کے مطابق نذیر کی 20 سال قبل مقتولہ نجمہ سے شادی ہوئی تھی اور اس اہلیہ سے ملزم کے دو بیٹے ہیں۔

    تاہم نذیر نے تین سال قبل دوسری شادی کر لی تھی اور دوسری بیوی کے ساتھ کرائے کے گھر میں رہ رہا تھا۔

    پولیس کا کہنا ہےکہ گھریلو ناچاقی پر ملزم نے پہلی بیوی کو قتل کیا اور لاش جلانے کے بعد گھر سے فرار ہو گیا تھا۔

  • میں نے بڑے بھائی کو گردہ دیا تھا، آج ڈاکوؤں نے اسے مار ڈالا، بھائی کی دُہائی

    میں نے بڑے بھائی کو گردہ دیا تھا، آج ڈاکوؤں نے اسے مار ڈالا، بھائی کی دُہائی

    کراچی : لانڈھی میں ڈاکوؤں نے مزاحمت پر ایک شہری کو فائرنگ کرکے قتل کردیا، مقتول چھوٹے بھائی کے عطیہ کیے گئے گردے پر زندگی گزار رہا تھا۔

    اے آر وائی نیوز کی رپورٹ کے مطابق کراچی کے علاقے لانڈھی نمبر 4 کے قریب ڈکیتی میں مزاحمت پر فائرنگ سے شہری کی ہلاکت کا واقعہ پیش آیا ہے۔

    مقتول کے اہل خانہ نے میڈیا کو بتایا کہ شاہ فہد 2 بچوں کا باپ اور شیر شاہ کباڑی مارکیٹ میں کمپریسر بنانے کا کام کرتا تھا۔

    اہل خانہ کے مطابق علاقے میں اس وقت بجلی نہیں تھی جس کا فائدہ اٹھا کر موٹرسائیکل سوار 2 ملزمان نے لوٹ مار کی واردات کی۔

    مقتول شاہ فہد کے بھائی نے بتایا کہ میں نے بڑے بھائی فہد کو ایک گردہ دیا تھا آج ڈاکوؤں نے اس کی بھی جان لے لی۔

    علاوہ ازیں لیاقت آباد سپرمارکیٹ کے علاقے میں مبینہ پولیس مقابلہ ہوا ہے جس میں 2 ملزمان کو گرفتار کیا گیا ہے، ملزمان کے قبضے سے اسلحہ اور لوٹا ہوا سامان برآمد کرلیا گیا ہے۔

    واضح رہے کہ شہر قائد کراچی میں رواں برس کے ساڑھے چار ماہ میں اب تک 40 شہری ڈکیتی میں مزاحمت کے دوران جان کی بازی ہار چکے ہیں۔

    کراچی : 2 بہنوں کا اکلوتا بھائی ڈاکوؤں کی فائرنگ سے جاں بحق

    یاد رہے کہ اس سے قبل گزشتہ روز ہی لانڈھی میں ڈاکوؤں نے ایک معصوم کی جان لی تھی جبکہ فائرنگ سے اس کی خالہ بھی زخمی ہوگئی، 10 سالہ امین دو بہنوں کا اکلوتا بھائی تھا۔

    لانڈھی 89 میں ڈکیتوں نے نوجوان سے موٹر سائیکل چھینتے ہوئے اندھا دھند فائرنگ کردی، جس سے گلی میں موجود 10 سالہ امین گردن پر گولی لگنے سے موقع پر ہی دم توڑ گیا۔

    پولیس کا کہنا تھا کہ فائرنگ کے واقعے میں نوجوان کی خالہ ناصرہ بی بی بھی زخمی ہوئی، جنہیں تشویش ناک حالت میں جناح اسپتال منتقل کر دیا گیا ہے تاہم فرار ملزمان کی تلاش جاری ہے۔

  • شام میں صحنایا کے میئر بیٹے سمیت قتل

    شام میں صحنایا کے میئر بیٹے سمیت قتل

    شام میں دار الحکومت دمشق کے نواحی علاقے صحنایا کے میئر کو بیٹے سمیت نا معلوم افراد نے فائرنگ کرکے قتل کردیا۔

    بین الاقوامی خبررساں ادارے کی رپورٹ کے مطابق وزارت دفاع اور وزارت داخلہ کی افواج کے علاقے میں داخل ہونے کے چند گھنٹوں بعد دمشق کے نواحی علاقے صحنایا کے میئر حسام ورور اور ان کے بیٹے کو موت کی نیند سلادیا گیا۔

    شام کی سرکاری خبر ایجنسی (سانا) نے دمشق کے نواحی علاقے جرمانا اور اشرفیہ صحنایا میں ابتدائی جنگ بندی کے معاہدے تک پہنچنے کا بتایا ہے۔ حکام نے فرقہ وارانہ بنیادوں پر ہونے والی لڑائی کے بعد تمام طبقات کی ”حفاظت” کرنے کا عہد کیا ہے۔ اس لڑائی میں دو دنوں کے دوران تقریباً چالیس افراد لقمہ اجل بن گئے۔

    صحنایا کے علاقے میں حکام سے وابستہ مسلح افراد اور صحنایا قصبے کی دروز برادری کے درمیان جھڑپوں کے دوران اسرائیلی فضائیہ نے بھی حملے کئے۔

    واضح رہے کہ اسرائیلی فضائیہ کی جانب سے شام کے صدارتی محل کے قریب ایک علاقے پر بمباری کی گئی۔ اس حملے سے قبل اسرائیل نے شامی حکام کو خبردار کیا تھا کہ وہ جنوبی شام میں اقلیتی فرقے کے آباد دیہاتوں کی طرف رخ نہ کریں۔

    آج صبح کے وقت یہ حملہ دارالحکومت دمشق کے قریب دروز اقلیتی فرقے سے تعلق رکھنے والے جنگجوؤں اور شامی حکومت کے حامی بندوق برداروں کے درمیان کئی دنوں کی جھڑپوں کے بعد کیا گیا۔ ان جھڑپوں میں درجنوں افراد کے ہلاک اور زخمی ہونے کی اطلاعات ہیں۔

    مقبوضہ بیت المقدس کے اطراف بسائی ناجائز یہودی بستیوں کو خوفناک آگ نے گھیر لیا

    اسرائیلی فوج کا کہنا ہے کہ اسرائیلی فضائیہ نے دمشق میں صدر حسین الشارع کے صدارتی محل سے ملحقہ علاقے کو نشانہ بنایا تاہم اس حملے کی مزید تفصیلات فراہم نہیں کی گئیں۔

    حکومت کے حامی شامی ذرائع ابلاغ کے مطابق اسرائیل کا یہ حملہ دمشق شہر سے نظر آنے والی پہاڑی پر ’پیپلز پیلس‘ کے قریب کیا گیا ہے۔

  • لڈو کھیلتے ہوئے جھگڑا، 10 سالہ بچے نے 14 سالہ لڑکے کو قتل کر دیا

    لڈو کھیلتے ہوئے جھگڑا، 10 سالہ بچے نے 14 سالہ لڑکے کو قتل کر دیا

    کراچی: جنجال گوٹھ میں لڈو کھیلتے ہوئے بچوں کے درمیان جھگڑا میں چھری کے وار سے 14 سالہ لڑکا جاں بحق ہوگیا۔

    تفصیلات کے مطابق کراچی میں سپر ہائی وے جنجال گوٹھ میں 10 سالہ لڑکے نے 14 سالہ لڑکے کو چھری کے وار سے حملہ کرکے قتل کردیا۔

    پولیس کے مطابق مقتول کی شناخت ابوبکر کے نام سے ہوئی ہے، لاش کو اسپتال منتقل کردیا گیا ہے جبکہ حملہ کرنے والے ملزم کو بھی گرفتار کرلیا گیا ہے۔

    پولیس کا کہنا ہے کہ لڈو گیم کھیلتے ہوئے بچوں کے درمیان جھگڑا ہوا، گرفتار ملزم کی شناخت 10 سالہ علی کے نام سے ہوئی ہے، ملزم سے آلہ قتل بھی برآمد کرلیا گیا ہے۔

    پولیس کا اس حوالے سے مزید کہنا ہے کہ مقتول اور گرفتار ملزم پڑوسی ہیں، مزید تحقیقات کی جار رہی ہے۔

    https://urdu.arynews.tv/india-husband-wife-fight-viral/

    خیال رہے کہ گزشتہ سال لاہور کے علاقے سبزہ زار میں لڈو گیم کھیلنے کے دوران نوجوان نے اپنے دوست کو گولی مار کر خودکشی کرلی تھی۔

    پولیس کا کہنا تھا کہ شام کے وقت ملتان روڈ پر ایک مقامی چائے خانے پر شہریار اور اس کا دوست صدیق لڈو کھیل رہے تھے، اس دوران دونوں کا آپس میں جھگڑا ہوگیا تھا۔

    شہریار نے غصے میں آکر اپنے دوست صدیق کو گولی مار کر قتل کیا تھا، پولیس کے مطابق قتل کرنے کے بعد ملزم نے خود پر گولی چلاکر خودکشی کرلی تھی۔

  • 17 سالہ لڑکے کے قتل میں ملوث لیڈی ڈان گرفتار

    17 سالہ لڑکے کے قتل میں ملوث لیڈی ڈان گرفتار

    بھارت میں دہلی کے سیلم پور علاقے میں 17 سالہ لڑکے کنال کے قتل کیس میں اہم پیش رفت سامنے آئی ہے، پولیس نے 25 سالہ خاتون زکرا خان کو حراست میں لے لیا ہے، جو خود کو ’لیڈی ڈان‘ کہتی ہے۔

    بھارتی میڈیا رپورٹس کے مطابق 17 سالہ لڑکے کنال کو جمعرات کی شام اس کے گھر کے نزدیک چاقو کے وار سے ہلاک کردیا گیا تھا۔ معاملہ پرانے جھگڑے کا شاخسانہ ہے۔

    پولیس کے مطابق زکرا خان المعروف لیڈی ڈان نے دوران تفتیش قتل میں ملوث ہونے کا اعتراف کرلیا ہے، اس واقعے کے بعد کنال کے گھر والوں اور محلے والوں نے دیر رات تک احتجاج کیا، جس کے باعث علاقے میں پولیس کی بھاری نفری طلب کرلی گئی تھی۔

    دہلی کی چیف منسٹر ریکھا گپتا نے متاثرہ خاندان کو انصاف کی یقین دہانی کروائی۔ اُن کا کہنا تھا کہ میں نے پولیس کمشنر سے بات کی ہے، پولیس پوری کوشش کر رہی ہے، اور مجھے امید ہے کہ مجرم کو جلد گرفتار کرلیا جائے گا۔

    پولیس کے مطابق جھگڑا نومبر 2024 میں ہوا تھا، جب کنال کے ایک ساتھی نے ایک شخص پر حملہ کیا تھا۔ کنال بھی اس وقت موقع پر موجود تھا۔ جمعرات کی شام ملزمان نے اسے گھر کے قریب روکا اور چاقو سے حملہ کرکے اس کی جان لے لی۔

    کنال کی والدہ کا کہنا تھا کہ ان کے شوہر نے حملے کی جگہ کی جانب دوڑ لگائی مگر ان کے پہنچنے سے قبل ہی حملہ آور فرار ہوچکے تھے۔

    زخمی کنال کو جگ پرویش چندر اسپتال منتقل کیا گیا، مگر دوران علاج اس کی موت واقع ہوگئی۔

    پولیس کی بڑی کامیابی ’لیڈی ڈان‘ گرفتار

    پولیس کا کہنا ہے کہ اصل ملزمہ سمیت مزید 3 افراد کو بھی گرفتار کیا گیا ہے، زکرا ایک بدنام گینگسٹر ہاشم بابا کی بیوی کے لیے باڈی گارڈ کے طور پر کام کرتی تھی، اور سیلم پور میں ’لیڈی ڈان‘ کے نام سے مشہور ہے۔

  • کالے جادو کے دوران سات ماہ کی بیٹی کا قتل، خاتون کو موت کی سزا

    کالے جادو کے دوران سات ماہ کی بیٹی کا قتل، خاتون کو موت کی سزا

    بھارت کی ریاست تلنگانہ ضلع سوریہ پیٹ کی عدالت نے سات ماہ کی بیٹی کو قتل کرنے والی خاتون لاسی کو پھانسی کی سزا سنادی۔

    بھارتی میڈیا رپورٹس کے مطابق افسوسناک واقعہ اپریل 2021 میں کوڈا پولیس ڈویژن کے موتے پولیس اسٹیشن کی حدود میں رونما ہوا تھا، جہاں سنگدل خاتون نے اپنی 7 ماہ کی بیٹی کا خنجر سے گلا کاٹ دیا تھا۔

    رپورٹس کے مطابق ملزمہ نے کالے جادو کی پوجا کے دوران اپنی بیٹی کا گلا کاٹ کر قتل کیا جس کے بعد پولیس نے فوراً مقدمہ درج کیا اور تحقیقات کا آغاز کردیا گیا۔

    عدالت نے گواہوں کے بیانات اور شواہد کو مدنظر رکھتے ہوئے اس کیس کوسنگین قرار دیا اور جج ڈاکٹر شاما سری نے ملزمہ کو سزائے موت سنائی۔

    اس سے قبل بھارت کی ریاست بہار کے علاقے سماستی پور میں لڑکی کے قتل کا دل دہلا دینے واقعہ رونما ہوا، ایک شخص نے اپنی بیٹی کو بوائے فرینڈ کے ساتھ دہلی فرار ہونے پر طیش میں آکر قتل کردیا۔

    پولیس کا اس حوالے سے کہنا ہے کہ 25 سالہ لڑکی ساکشی کو مبینہ طور پر 7 اپریل کو قتل کیا گیا تھا، اور اس کی لاش گھر کے باتھ روم سے برآمد کی گئی ہے۔

    پولیس کے مطابق ملزم مکیش سنگھ بھی مبینہ طور پر اپنی بیٹی کو قتل کرنے کے ارادے سے اس کے پیچھے دہلی گیا تھا۔ جسے گرفتار کرلیا گیا ہے۔

    ساکشی کے ماموں وپن کمار نے بتایا کہ بھانجی 4 مارچ کو اپنے بوائے فرینڈ کے ساتھ دہلی گئی تھی، لڑکا دوسری ذات سے تھا اور اس کے گھر کے قریب ہی رہتا تھا۔ دونوں کالج میں ایک ساتھ پڑھتے تھے۔

    لڑکی کا والد جو ایک سابق فوجی بتایا جاتا ہے، نے اپنی بیٹی کو دہلی سے واپس سماستی پور واپس آنے کے لئے راضی کیا، تاہم لڑکی چند روز کے بعد وہ لاپتہ ہوگئی۔

    جب اس کی ماں نے لڑکی کے باپ سے پوچھا تو اس نے کہا کہ وہ دوبارہ گھر سے بھاگ گئی ہے، تاہم بعد میں اسے شک ہوا اور اس نے پولیس کو اطلاع دی۔

    مرغا پکڑنے کی کوشش میں کسان کنویں میں گر کر ہلاک

    پولیس نے تفتیش شروع کی اور لڑکی کی لاش کو گھر کے باتھ روم سے برآمد کرلیا، مکیش سنگھ نے دوران تفتیش جرم کا اعتراف کر لیا۔