Tag: قتل

سیاسی بالادستی کیلیے سنگ دل بیٹی نے اپنے شوہر کے ساتھ مل کر باپ اور سینئر کانگریس رہنما کو قتل کر دیا۔

زن، زر اور زمین کے لیے خون سفید ہوتے اور رشتہ داروں کا ایک دوسرے کا خون بہاتے تو سنا اور پڑھا تھا تاہم پہلی بار سیاسی بالادستی کے لیے ایک شقی القلب بیٹی نے اپنے شوہر کے ساتھ مل کر باپ کو ہی قتل کر دیا۔

قتل کا یہ افسوسناک واقعہ بھارتی ریاست تلنگانہ کے سوریاپٹ ضلع میں پیش آیا جہاں سیاسی بالادستی کی لڑائی میں بیٹی نے اپنے باپ کا ہی خون بہا دیا۔

بھارتی میڈیا کے مطابق میریل گاؤں میں کانگریس کے سینئر لیڈر اور ساق سرپنچ چکریا گوڑ کو بے دردی سے قتل کر دیا اور جب تحقیقات کی گئیں تو اس قتل کے پیچھے مقتول کی بیٹی اور داماد کا ہاتھ سامنے آیا۔

رپورٹ کے مطابق قتل کی واردات 17 مارچ کو ہوئی۔ پولیس نے تحقیقات کے بعد چکریا گوڑ کی بیٹی، داماد سمیت 13 افراد کو گرفتار کرلیا ہے۔

پولیس کی ابتدائی رپورٹ میں کہا گیا ہے کہ چکریا گوڑ کو گاؤں میں سیاسی اثر ورسوخ کے حصول کے لیے قتل کیا گیا۔ مقتول کے داماد نے ہی اپنے سسر کو اپنے سیاسی حریف کے طور پر دیکھنا شروع کر دیا تھا اور باقاعدہ منصوبہ بند سازش کے تحت یہ واردات انجام دی گئی۔

گاؤں میں بڑھتے ہوئے اختلافات کے نتیجے میں اس نے اپنی اہلیہ (چکریا گوڑ کی بیٹی) اور دیگر ساتھیوں کے ساتھ مل کر ان کے قتل کی منصوبہ بندی کی۔

مقتول چکریا گوڑ گزشتہ 30 سالوں سے گاؤں کی سیاست میں سرگرم تھے۔ وہ سرپنچ اور کوآپریٹیو سوسائٹی کے چیئرمین جیسے اہم عہدوں پر فائز رہ چکے تھے۔

23 ویں سالگرہ منانے والے نوجوان کو کیک کاٹنے سے چند لمحے قبل بے دردی سے قتل کر دیا گیا باپ کو پہلے ہی دھمکی دے دی تھی۔

یہ افسوسناک واقعہ بھارت میں پیش آیا جہاں 23 ویں سالگرہ منانے والے نوجوان منیش برجاپتی کو اپنی خوشیاں پوری طرح سے منانے کا موقع بھی نہ ملا اور کیک کاٹنے سے چند لمحے قبل اس پر گولیاں برسا کر بے دردی سے قتل کر دیا گیا۔

رپورٹ کے مطابق گوکل پور گاؤں میں منیش اپنے اہل خانہ ور دوستوں کے ساتھ سالگرہ منانے کی تیاری کر رہا تھا اور کیک بھی میز پر سجایا جا چکا تھا۔ قبل اس کے کہ منیش کیک پر چھری چلاتا، اس کی زندگی پر ہی چھری چلا دی گئی۔

کیک کاٹنے سے چند لمحے قبل دیپو نامی ملزم اس کے گھر کے باہر پہنچا اور نوجوان کو آواز دے کر بلایا۔ ملزم کا کہنا تھا کہ وہ دو قبل منیش سے ہونے والی لڑائی کو ختم کرنے آیا ہے اور اس سے بات کرنا چاہتا ہے۔

یہ سن کر منیش جیسے ہی گھر سے باہر آیا تو دیپو کے ساتھ موٹر سائیکل پر آنے والے دو دیگر ملزمان شیوم اور ہرش نے نوجوان پر فائر کھول دیے اور اس پر گولیاں برسا کر فرار ہوگئے۔

خون میں لت پت منیش کو اہلخانہ اور دوست فوری طور پر قریبی اسپتال لے گئے تاہم دوران علاج وہ چل بسا۔

واقعہ کی اطلاع ملتے ہی پولیس جائے وقوعہ پر پہنچ گئی اور 4 افراد کے خلاف مقدمہ درج کر کے ملزمان کی تلاش شروع کر دی ہے۔

ایس پی رورل نے بتایا کہ 2 ماہ قبل دونوں فریقین کے درمیان لڑائی ہوئی تھی اور یہ قتل اسی دشمنی کی بنا پر کیا گیا ہے۔

دوسری جانب مقتول کے بڑے بھائی گگن نے بتایا کہ ملزم اس کے چھوٹے بھائی منیش کو کئی دنوں سے دھمکیاں دے رہا تھا۔ تھانے میں اس نے ہمارے والد کو بھی دھمکی دی تھی کہ اپنے بیٹے کے لیے کفن کا بندوبست کرلے۔ منیش کو گولی مار دی جائے گی۔

انہوں نے الزام عائد کیا ہے کہ پولیس ملزمان کے خلاف کوئی کارروائی نہیں کر رہی الٹا انہیں ہراساں کیا جا رہا ہے۔

1963 میں قتل کیے جانے والے سابق امریکی صدر جان ایف کینیڈی کے قتل سے متعلق ہزاروں صفحات پر مشتمل خفیہ دستاویزات جاری کر دی گئی ہیں۔

امریکی میڈیا کے مطابق صدر ٹرمپ نے اپنا ایک اور وعدہ پورا کرتے ہوئے 1963 میں فائرنگ سے قتل ہونے والے سابق صدر جان ایف کینیڈی کے قتل کی دستاویزات جاری کر دی ہیں۔

رپورٹ کے مطابق قتل کے 62 سال بعد جاری ہونے والی یہ خفیہ دستاویزات لگ بھگ 80 ہزار صفحات پر مشتمل ہیں جب کہ ماہرین نے ان خفیہ دستاویزات کے جاری ہونے پر کینیڈی کے قتل کے حقائق تبدیل ہونے کا خدشہ ظاہر کر دیا ہے۔

نیشنل انٹیلی جنس کے ڈائریکٹر تلسی گبارڈ نے فائلوں کے اجرا پر جاری بیان میں کہا ہے کہ صدر ٹرمپ نے انٹیلی جنس کمیونٹی (IC) اور وفاقی ایجنسیوں پر امریکی عوام کا اعتماد دوبارہ قائم کرنے کے لیے زیادہ سے زیادہ شفافیت اور عزم کا وعدہ کیا۔ اس وعدے کا ایک حصہ صدر جان ایف کینیڈی، سینیٹر رابرٹ ایف کینیڈی اور ریورنڈ ڈاکٹر مارٹن لوتھر کنگ کے قتل سے متعلق پہلے سے درجہ بند ریکارڈز کو مکمل طور پر جاری کرنا تھا اور یہ وعدہ پورا کر دیا۔

واضح رہے کہ اس سے قبل صدر ٹرمپ کے ایگزیکٹو آرڈر 14176 میں کہا گیا تھا کہ جے ایف کینیڈی کے قتل سے متعلق ریکارڈز سے معلومات کی مسلسل تخفیف اور روکنا عوامی مفاد کے مطابق نہیں ہے اور ان ریکارڈز کا اجرا طویل عرصے سے التواء کا شکار ہے۔ انہوں نے منگل 18 مارچ کو ان دستاویزات کو بغیر ترمیم جاری کرنے کا اعلان کیا تھا۔

صدر کے فیصلے کی اطلاع ملتے ہی، نیشنل انٹیلی جنس (DNI) کی ڈائریکٹر تلسی گبارڈ نے فوری طور پر انٹیلیجنس کمیونٹی پر ایک ہدایت بھیجی جس میں صدر جان ایف کینیڈی کے قتل کے ریکارڈز کے مجموعہ کے اندر تمام غیر ترمیم شدہ ریکارڈز نیشنل آرکائیوز اینڈ ریکارڈز ایڈمنسٹریشن (NARA) کو فراہم کرنے کی ہدایت جاری کی گئی۔

آج سے، ریکارڈز یا تو آن لائن archives.gov/jfk پر، یا ذاتی طور پر، ہارڈ کاپی کے ذریعے یا اینالاگ میڈیا فارمیٹس پر، کالج پارک، MD کے نیشنل آرکائیوز میں امریکی لوگوں کے لیے دستیاب ہوں گے۔ وہ ریکارڈ جو فی الحال صرف ذاتی طور پر دیکھنے کے لیے دستیاب ہیں کو ڈیجیٹائز کیا جا رہا ہے اور آنے والے دنوں میں archives.gov/jfk ریپوزٹری پر اپ لوڈ کر دیا جائے گا۔ فائلیں جاری ہوتے ہی DNI Gabbard X (@DNIGAbbard) اور Truth Social (@DNITulsiGabbard) پر اپ ڈیٹس پوسٹ کرے گا۔ یہ فائلیں وائٹ ہاؤس کی ویب سائٹ پر بھی دستیاب ہوں گی۔

واضح رہے کہ جان ایف کینیڈی جنوری 1961 میں اقتدار سنبھالنے والے امریکہ کے 35 ویں صدر تھے جنہیں 22 نومبر 1963ء کو ریاست ٹیکساس کے شہر ڈیلس کے دورے کے موقع پر ایک 24 سالہ سابق امریکی فوجی نے گولی مار قتل کر دیا تھا۔

پولیس نے چند گھنٹوں بعد ہی ملزم کو گرفتار کر لیا تھا۔ صدر کینیڈی کا قتل امریکہ کی تاریخ کے متنازع اور پراسرار ترین واقعات میں سے ایک ہے۔

عراق کے دارالحکومت بغداد میں سر عام ایک نوجوان صحافی کو گولیاں مار کر قتل کر دیا گیا ورثا نے قاتل کی گرفتاری کا مطالبہ کیا ہے

غیر ملکی میڈیا کے مطابق یہ واقعہ بغداد کے علاقے العرصات میں منگل کی رات گئے پیش آیا۔ عراقی نیوز ایجنسی (آئی این اے) کے لیے کام کرنے والے صحافی لیث محمد رضا کو سر عام گولیاں مار کر قتل کر دیا گیا۔

رپورٹ کے مطابق جھگڑے کے دوران ایک شخص نے لیث محمد پر گولی چلائی جو اس کے کاندھے پر لگی اور جان لیوا ثابت ہوئی۔

مقتول صحافی کی لاش کو پوسٹمارٹم کے لیے اسپتال لے جایا گیا جہاں پوسٹمارٹم کے بعد فارنزک میڈیسن ڈیپارٹمنٹ کے ڈائریکٹر ڈاکٹر عبدالوہاب عصام نے رضا کے پوسٹ مارٹم کی تفصیلات کا انکشاف کرتے ہوئے بتایا کہ صحافی کے کاندھے میں لگنے والی گولی دل کی جانب گھس گئی تھی جو اس کی موت کا سبب بنی۔

صحافی لیث محمد رضا کے ورثا نے حکومت سے مجرم کو گرفتار کرنے کا مطالبہ کرتے ہوئے اس وقعے پر سوگ کا اعلان کیا۔

دوسری جانب عراقی وزارت داخلہ نے وسطی بغداد میں صحافی لیث محمد رضا کی سرعام گولی لگے سے ہلاکت کی تفصیلات کا اعلان کرتے ہوئے بتایا کہ یہ قتل جھگڑے کے نتیجے میں ہوا۔

بے روزگاری اور بھوک سے تنگ والدین نے پہلے اپنے دو بچوں کو قتل کیا اور پھر اپنی بھی زندگیوں کا خاتمہ کر لیا۔

یہ افسوسناک واقعہ بھارتی شہر حیدرآباد میں پیش آیا جہاں ماں باپ اپنے بچوں کو بھوک سے بلکتا نہ دیکھ سکے تو پہلے انہیں قتل کیا اور پھر اپنی زندگیوں کا بھی خاتمہ کر لیا۔

بھارتی میڈیا کے مطابق حیدرآباد کے علاقے سکندر آباد حبشی گوڑہ میں 40 سالہ چندر شیکھر ریدی اور اس کی بیوی کویتا نے بیروزگاری اور غربت سے تنگ آ کر خاندان سمیت زندگی سے چھٹکارا حاصل کر لیا۔

میاں بیوی نے پہلے اپنے بچوں 15 سالہ شریتا اور 10 سالہ وشونت کو زہر دے کر مارا۔ جب انہیں اپنے بچوں کی موت کا یقین ہوگیا تو پھر وہ دونوں خود پھندے سے جھول گئے۔

رپورٹ میں بتایا گیا ہے کہ چندر شیکھر نجی کالج میں لیکچرار تھا۔ تاہم چھ ماہ قبل اس کی ملازمت ختم ہوگئی تھی اور مسلسل بے روزگاری کے باعث گھروں میں فاقوں نے ڈیرے ڈال لیے تھے۔

اطلاع ملنے پر پولیس نے جائے وقوعہ پر پہنچ کر لاشوں کو اسپتال منتقل کیا اور واقعہ کی باریک بینی سے تحقیقات شروع کر دی ہیں۔

واضح رہے کہ گزشتہ سال اسی نوعیت کا ایک اور واقعہ حیدرآباد دکن میں ہی رونما ہوا تھا جس میں والدین نے بچوں کو قتل کرنے کے بعد خودکشی کر لی تھی۔

https://urdu.arynews.tv/couple-ended-their-life-by-killing-2-children/