Tag: قتل

فیصل آباد: صوبہ پنجاب کے شہر فیصل آباد سے 2 ماہ پہلے لاپتہ ہونے والی خاتون کے قتل کے الزام میں پولیس نے ملزم صابر کو گرفتار کرلیا۔

تفصیلات کے مطابق فیصل آباد سے 2 ماہ پہلےلاپتہ ہونے والی 28 سالہ خاتون کے قتل کا انکشاف ہوا ہے، پولیس نے موبائل ڈیٹا کی مدد سے ملزم صابرکو گرفتارکیا۔

پولیس حکام کے مطابق مقتولہ نوری چوک غلام محمدآباد کی رہائشی تھی، مقتولہ25 دسمبر2017 کوفون کال آنے پرگھرسے گئی، غلام محمدآباد پولیس نے موبائل ڈیٹا کی مدد سے ملزم صابرکو گرفتارکیا۔

پولیس کا کہنا ہے کہ ملزم صابر نے دوران تفتیش مقتولہ کے قتل کا اعتراف کرتے ہوئے کہا کہ مقتولہ سے دوستی تھی، زیادتی کے بعد گلا گھونٹ کرقتل کیا۔ ملزم کی نشاندہی پرنڑوالاروڈ پرنالے سے لاش کی تلاش جاری ہے۔

اداکارہ نور کو سابق شوہر نے گھر میں گھس کر قتل کردیا

خیال رہے کہ گزشتہ ماہ 19 فروری کو ایبٹ آباد میں مقامی اداکارہ اور رقاصہ نور کو سابق شوہر شازی خان نے گھر میں گھس کر فائرنگ کرکے قتل کردیا تھا۔

یاد رہے کہ گزشتہ ہفتے صوبہ پنجاب میں ضلع لودھراں کےعلاقے دنیا پور میں ننھی بچی عاصمہ کو زیادتی کے بعد قتل کرنے والے ملزم علی حیدر کو پولیس نے گرفتار کرلیا تھا۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

لودھراں: صوبہ پنجاب کے علاقے دنیا پور میں 6 سالہ ننھی بچی عاصمہ کو زیادتی کے بعد قتل کردیا گیا۔

تفصیلات کے مطابق صوبہ پنجاب میں ضلع لودھراں کےعلاقے دنیا پور میں ننھی بچی عاصمہ کو زیادتی کے بعد قتل کردیا گیا،عاصمہ کی لاش جوہڑ سے ملی۔

ڈی پی او لودھرا‌ں امیرتیمور کا کہنا ہے کہ ننھی عاصہ 6 روز قبل لاپتہ ہوتی تھی، پوسٹ مارٹم میں بچی سے زیادتی کی تصدیق ہوئی۔

معصوم عاصمہ کے نماز جنازہ میں ڈی پی او امیر تیمور سمیت اہل علاقہ کی بڑی تعداد نے شرکت کی۔

ڈی پی او امیرتیمور نے اپیل کی کہ درندے کی گرفتاری کے لیے اہل علاقہ تعاون کریں، ملزم کو جلد گرفتارکرلیں گے۔

پولیس حکام کے مطابق مدعی کی نشاندہی پرکچھ لوگوں کو حراست میں لے لیا ہے۔

زینب کےدرندہ صفت قاتل عمران کو 4 بارسزائےموت کا حکم

خیال رہے کہ 17 فروری کو انسداد دہشت گردی کی خصوصی عدالت نے زینب قتل کیس میں درندہ صفت قاتل عمران کو 4 بارسزائے موت کا حکم سنایا تھا جبکہ مجرم عمران کو ایک بارعمر قید ،7سال قید، 32 لاکھ جرمانے کی بھی سزا سنائی تھی۔

زینب قتل کیس پاکستان کی تاریخ کا سب سے مختصرٹرائل تھا، چالان جمع ہونے کے سات روز میں ٹرائل مکمل کیا گیا۔

خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

ایبٹ آباد :  مقامی اداکارہ اور رقاصہ نور کو سابق شوہر شازی خان نے گھر میں گھس کر قتل کردیا۔

تفصیلات کے مطابق ایبٹ آباد میں مقامی اسٹیج ڈانسر اور اداکارہ نور کو گھر میں اندھا دھن فائرنگ کر کے ہلاک کردیا گیا، ملزم اہل خانہ کو دھمکاتے ہوئے موقع سے فرار ہو گیا جب کہ اہل خانہ نے مقامی اداکارہ کو زخمی حالت میں قریبی اسپتال منتقل کیا لیکن دورانِ علاج زیادہ خون بہہ جانے کے باعث جانبر نہ ہوسکی.

اسپتال انتطامیہ کا کہنا ہے کہ مقامی رقاصہ کو شدید زخمی حالت میں اسپتال لایا گیا تھا تاہم خون زیادہ بہہ جانے کے باعث بلڈ پریشر نہایت کم اور نبض کی رفتار تشویش ناک حد تک کم تھی اس کے باوجود ڈاکٹرز نے اداکارہ کو بچانے کی ہر ممکن کوشش کی لیکن تمام کاوشیں بے سود ثابت ہوئیں.

دوسری جانب مقامی اداکارہ نور بی بی کی والدہ کا نے اپنے سابقہ داماد پر قتل کا الزام لگاتے ہوئے کہنا تھا کہ اداکارہ کو اُس کے سابق شوہر شازی خان نے قتل کیا ہے جو علی الصبح زبردستی گھر میں داخل ہوا اور میری بیٹی کو قتل کر کے فرار ہو گیا.

تھانہ کینٹ کی پولیس نے مقتولہ کی والدہ کی مدعیت میں ملزم شازی خان کے خلاف مقدمہ درج کرلیا، پولیس افسر نے بتایا کہ شازی خان نے کچھ عرصے قبل ہی رقاصہ نور کو طلاق دی تھی اور ذاتی رنجش کی بناء پر آج قتل کردیا، پولیس مفرور ملزم کی تلاش میں چھاپا مارکارروائیوں میں مصروف ہے.

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔