ARYNews.tv | Urdu – Har Lamha Bakhabar

Tag: قتل

  • مشعال خان قتل کیس کو پاکستان میں مثال بنائیں گے‘عمران خان

    مشعال خان قتل کیس کو پاکستان میں مثال بنائیں گے‘عمران خان

    صوابی: تحریک انصاف کےسربراہ عمران خان کاکہناہےکہ ثابت ہوگیا ہےکہ معاملہ گستاخی کا نہیں بلکہ یہ مشعال خان کے خلاف سازش تھی۔

    تفصیلات کےمطابق چیئرمین تحریک انصاف عمران خان نےکہاکہ مردان کی عبدالولی خان یونیورسٹی میں تشدد کا نشانہ بننے والے مشعال خان کیس کےبعد کوئی بھی کسی پر گستاخی کے الزامات نہیں لگا سکے گا۔

    صوابی میں مشعال کےاہل خانہ سےتعزیت اورطالب علم کے قاتلوں کو سزا دلانے کی یقین دہانی کراتے ہوئےعمران خان نے کہاکہ خیبرپختونخوا حکومت اور پولیس اس سلسلے میں آخری حد تک جائے گی اور جو کوئی بھی اس میں ملوث ہوا اسے سزا دلائیں گے۔

    تحریک انصاف کے سربراہ کا کہنا تھا کہ ثابت ہوگیا ہے کہ معاملہ گستاخی کا نہیں بلکہ یہ مشعال خان کے خلاف سازش تھی، عنقریب اس میں ملوث افراد سامنے آجائیں گے تو انہیں سزا دلائیں گے تاکہ آئندہ کوئی ایسا نہ کرسکے۔

    عمران خان نےکہاکہ وہ خود بھی والد ہیں اور مشعال کے والدین کا دکھ سمجھ سکتے ہیں۔

    چیئرمین پی ٹی آئی عمران خان کاکہنا تھاکہ سوشل میڈیا پر گردش کرتی ویڈیوز میں ساری قوم نے دیکھا کہ مشعال پر جانوروں سے بھی بدتر تشدد کیا گیا۔

    عمران خان نےکہاکہ واقعے میں ملوث افراد کا تعلق چاہےپی ٹی آئی سےہو یا کسی بھی جماعت سے،اسے پکڑنے کی پوری کوشش کریں گےاوراسے نہیں چھوڑیں
    گے۔

    سماجی رابطے کی ویب سائٹ ٹویٹر پراپنے پیغام میں عمران خان نے کہاکہ مشعال کے خاندان سے ملاقات میں صبراورحوصلے سے متاثرہوا۔

    تحریک انصاف کےسربراہ عمران خان نے سماجی رابطے کی ویب سائٹ ٹویٹر پراپنی ایک اور ٹویٹ میں کہاکہ مشعال خان کے خاندان نے 2درخواستیں کی ہیں۔

    عمران خان نےکہاکہ مشعال خان کےخاندان نے دو درخواستیں کیں پہلی یونیورسٹی کومشعال کےنام سے منسوب کرنا،اور دوسری قاتلوں کوسزا دلوانا۔

    مشعال کے قتل کے خلاف قومی اسمبلی میں مذمتی قرارداد منظور

    واضح رہےکہ اس سےقبل قومی اسمبلی میں مردان میں ہجوم کے ہاتھوں قتل ہونے والے طالب علم مشعال خان کے قتل کے خلاف مذمتی قرارداد متفقہ طور پر منظور کر لی گئی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • پنجاب یونیورسٹی کی ریٹائرڈ پروفیسر کا قتل

    پنجاب یونیورسٹی کی ریٹائرڈ پروفیسر کا قتل

    لاہور: صوبہ پنجاب کے دارالحکومت لاہور میں جامعہ پنجاب کی ریٹائرڈ پروفیسر طاہرہ کو قتل کردیا گیا۔ قتل کے محرکات تاحال سامنے نہیں آسکے ہیں۔

    ابتدائی طور پر معلوم تفصیلات کے مطابق ریٹائرڈ پروفیسر طاہرہ کے گھر میں چاقوؤں سے مسلح نامعلوم افراد گھسے اور انہیں قتل کردیا۔ کسی نے انہیں گھر میں گھستے یا فرار ہوتے نہیں دیکھا۔

    پولیس کا کہنا ہے کہ واقعہ ذاتی دشمنی کا شاخسانہ ہے یا کچھ اور، ابھی یہ کہنا قبل از وقت ہوگا۔

    مزید پڑھیں: معاشرے کے اعلیٰ اذہان بارود کے دہانے پر

    پروفیسر طاہرہ یونیورسٹی سے ریٹائر ہونے کے بعد جامعہ کی ہاؤسنگ کالونی میں مقیم تھیں۔ وہاں مقیم افراد کا کہنا ہے کہ یہاں شاذ ونادر ہی غیر متعلقہ افراد آیا کرتے تھے۔

    پولیس نے واقعے کی تحقیقات شروع کردی ہیں۔

    پنجاب اسمبلی میں توجہ دلاؤ نوٹس

    بعد ازاں پنجاب اسمبلی کے اجلاس کے دوران مقتول پروفیسر طاہرہ کے قتل کے خلاف توجہ دلاؤ نوٹس جمع کروایا گیا۔

    نوٹس اپوزیشن لیڈر میاں محمود الرشید کی جانب سے جمع کروایا گیا۔

  • کراچی: 18 سالہ لڑکی شوہر کے ہاتھوں قتل

    کراچی: 18 سالہ لڑکی شوہر کے ہاتھوں قتل

    کراچی: صوبہ سندھ کے دارالحکومت کراچی کے علاقے نارتھ کراچی میں 18 سالہ حرا کو شوہر نے تشدد کے بعد قتل کردیا۔ پولیس کے مطابق ملزم نے قتل کا اعتراف کرلیا ہے۔

    تفصیلات کے مطابق نارتھ کراچی کی 18 سالہ حرا کی 8 مہینے پہلے منظور نامی شخص سے شادی ہوئی۔ مقتولہ کے اہل خانہ کا کہنا ہے کہ شوہر حرا کو زد و کوب کیا کرتا تھا اور اس نے حرا پر اتنا تشدد کیا کہ وہ جاں بحق ہوگئی۔

    مزید پڑھیں: ن لیگی جنرل کونسلر کے ڈیرے پر خاتون کا قتل

    مقتولہ حرا کی والدہ کا کہنا ہے کہ وہ بیٹی کو گھر میں روک رہی تھی اور اسے واپس جانے نہیں دے رہی تھیں مگر وہ نہیں رکی۔

    ایس پی گلبرگ کے مطابق گرفتار شوہر نے تفتیش کے دوران بیوی کے قتل کا اعتراف کرلیا۔ پولیس کا کہنا ہے کہ وہ پوسٹ مارٹم رپورٹ کا انتظار کر رہے ہیں تاکہ تفتیش کا دائرہ بڑھایا جائے۔

  • نوجوان لڑکے کے قتل کا معمہ حل، فیس بک فرینڈ نے قتل کیا

    نوجوان لڑکے کے قتل کا معمہ حل، فیس بک فرینڈ نے قتل کیا

    گوجرانوالہ : میڈیکل کے آخری سال کے طالب علم شیرون کی تین دن پرانی لاش سیالکوٹ سے ملی ہے جسے مبینہ طور پر اس کی فیس بک دوست نے قتل کیا ہے۔

    تفصیلات کے مطابق سیالکوٹ سے ملنے والی نوجوان کی لاش کی شناخت شیرون کی نام سے ہو گئی ہے جو میڈیکل کے آخری سال کا طالب علم اور گوجرانوالہ کا رہائشی ہے۔

    Gurjranwala: Facebook friendship takes a… by arynews

    شیرون کے گھروالوں اور قریبی دوستوں کا دعوٰی ہے کہ شیرون کے قتل میں اس کی فیس بک دوست ملوث ہے اور اس لڑکی نے شیرون کو اسلام آباد بلایا تھا جس کے بعد وہ لاپتہ ہوگیا تھا اور پھر سیالکوٹ سے اس کی لاش ملی۔

    گھر والوں نے انکشاف کیا کہ گھر سے جاتے وقت شیرون اپنے ہمراہ سولہ لاکھ روپے لے کر گیا تھا اور اسے لڑکی کے ہمراہ بیرون ملک جانا تھا لیکن گھر شیرون کی لاش آئی ہے جب کہ رقم کا کچھ پتہ نہیں ہے۔

    پولیس کاکہنا ہے کہ مقتول شیرون کو زہر دے کر قتل کیا گیا اور اس کے والدین اور دوستوں کے بیان پر کارروائی کرتے ہوئے فیس بک دوست نائلہ کے گھر واقع سمبڑیال میں چھاپہ مار کر لڑکی کے والدین کو گرفتار کر لیا ہے جب کے لڑکی بیرون ملک فرار ہو گئی ہے۔

    پولیس کا کہنا ہے لڑکی کے گھر سے جب کہ شیرون کے کپڑے، موبائل اور دیگر سامان برآمد ہوا ہے جس کی روشنی میں تفتیش کا عمل جاری ہے جب کہ شک ہے کہ لڑکی 16 لاکھ ہتھیانے کے بعد نیپال منتقل ہو گئی ہے۔

  • نوازحکومت نےاپنےکارندےدہشت گردی کےلیےچھوڑ رکھے ہیں‘بلاول بھٹو زرداری

    نوازحکومت نےاپنےکارندےدہشت گردی کےلیےچھوڑ رکھے ہیں‘بلاول بھٹو زرداری

    اسلام آباد: پاکستان پیپلزپارٹی کےسربراہ بلاول بھٹوزرداری کا کہناہےکہ شہید بابرسہیل بٹ اور شوکت بسرا پر حملہ سازش کا حصہ ہے۔

    تفصیلات کےمطابق چیئرمین پاکستان پیپلزپارٹی بلاول بھٹوزرداری نے پی پی رہنما بابرسہیل بٹ کے قتل کی شدید مذمت کرتے ہوئے کہاہےکہ نواز حکومت نے اپنے کارندے دہشت گردی کےلیے چھوڑ رکھے ہیں۔

    بلاول بھٹوزرداری نے شہیدبابر بٹ کو خراج تحسین پیش کرتے ہوئےکہاکہ ان کے خاندان کے دکھ میں ہم برابر کے شریک ہیں۔

    پیپلزپارٹی کےسربراہ بلاول بھٹو کا کہناتھاکہ حکومت ورثا کی مرضی سےکیس کرکے اصل ملزمان گرفتار کرے۔انہوں نےکہاکہ اگرکارکنوں نےبرداشت کادامن چھوڑ دیا تو نواز حکومت کوبھاگناپڑےگا۔

    دوسری جانب پیپلزپارٹی کےرہنما سید خورشید شاہ کا کہناہےکہ پیپلزپارٹی کےرہنما بابرسہیل بٹ کا قتل افسوسناک واقعہ ہے۔

    خورشید شاہ کاکہناتھاکہ پیپلز پارٹی کے رہنما شوکت بسرا پر حملہ کرنے والے ملزمان کوابھی تک گرفتار نہیں کیا گیا۔ انہوں نے کہا کہ قاتلوں اورحملہ آوروں کو فوراََ پکڑا جائے ورنہ ان حملوں کو سیاسی دہشت گردی سمجھا جائے گا۔

    مزید پڑھیں:پیپلزپارٹی کےرہنماکےقتل کامقدمہ درج ‘ن لیگ کےرکن قومی اسمبلی نامزد

    قومی اسمبلی میں اپوزیشن لیڈر خورشید کا کہناہےکہ اگر کوئی ہمیں اس طرح کی بزدلانہ وارداتوں سے ڈرانا چاہتا ہےتو وہ یاد رکھے کہ پیپلز پارٹی نے پھانسی، کوڑوں،جیلوں اور شہادتوں کی راہ سےگزر کر ملک میں جمہوریت قائم کی ہے۔

    سید خورشید شاہ کا کہناتھاکہ پاکستان پیپلزپارٹی جمہوریت کو آمرانہ انداز رکھنے والوں کے ہاتھوں پامال نہیں ہونے دےگی۔

    واضح رہےکہ لاہور کےعلاقے مناواں میں اتوارکی درمیانی شب پیپلزپارٹی کے مقامی رہنما بابرسہیل بٹ کوگھر میں گھس کراندھادھند فائرنگ کرکےقتل کردیاگیاتھا۔

  • دبئی: پاکستانی نے بیوی سے بات کرنے پر ہم وطن کو قتل کردیا

    دبئی: پاکستانی نے بیوی سے بات کرنے پر ہم وطن کو قتل کردیا

    دبئی : شاپنگ مال میں کام کرنے والے پاکستانی ملازم نے بیوی سے بات کرنے پر اپنے ہم وطن کو چھریوں کے وار کر کے قتل کردیا۔

    تفصیلات کے مطابق دبئی کے معروف شاپنگ مال کے باورچی خانے میں بہ طور اسسٹنٹ کُک کام کرنے والے 27 سالہ پاکستانی نے اپنے ساتھی ورکر اور ہم وطن نوجوان کو چھریوں کے وار کر کے قتل کردیا اور فرار ہونے کی کوشش کی تاہم گارڈز نے ملزم کو دھر لیا۔

    خلیج ٹائم کے مطابق 27 سالہ پاکستانی نوجوان نے مبینہ طور پر اپنی بیوی کے ساتھ موبائل فون پر ویڈیو کال پر بات کرنے پر اپنے ہمراہ کام کرنے والے ہم وطن کو پے در پے چھریوں کے وار قتل کردیا جسے پولیس نے حراست میں لے کر تحقیقات کا آغاز کردیا جب کہ مقتول کے موبائل فون کا ڈیٹا حاصل کرنے کا عمل جاری ہے۔

    دوسری جانب ملزم نے عدالت میں بیان قلم بند کرواتے ہوئے الزمات کو یکسر مسترد کرتے ہوئے کہا کہ مقتول نے مجھ پر قتل کی نیت سے حملہ کیا جس پر میں نے اپنے دفاع کیا اور اسی دوران مقتول ہلاک ہوگیا اسے قتل کرنے کا میرا کوئی ارادہ نہیں تھا۔

    اسی حوالے سے شاپنگ مال میں کام کرنے والا فلپائنی شخص نے اپنا بیان ریکارڈ کرواتے ہوئے کہا کہ مقتول باورچی خانے میں چائے بنا رہا تھا اور اس دوران اپنے موبائل پر کسی سے ویڈیو کال کررہا تھا جس کے دوران اس نے کسی نام تین بار پکارا جس کو سنتے ہی ملزم نے سامنے رکھی چھری سے وار کر کے اپنے ہم وطن کو قتل کردیا۔

    سیکیورٹی گارڈ کا کہنا تھا کہ وہ معمول کے مطابق اپنی ملازمت پر موجود تھا کہ فون پر اطلاع ملی کہ بارورچی خانے میں کچھ  گڑبڑ ہوئی ہے جس پر جائے وقوعہ پر پہنچا تو ملزم مقتول پر پے در پے وار کر کے فرار ہونے کی کوشش کر رہا تھا جس پر ملزم کو پکڑ کر پولیس کے حوالے کیا۔

    خلیج ٹائمز کے مطابق مذکورہ واقعہ گزشتہ سال فروری میں پیش آیا اور تاحال عدالت میں سماعت جاری ہے جس کی آئندہ سماعت 22 مارچ ہو گی۔

  • کم جونگ نیم کوقتل کرنے کے90ڈالر ملے‘سیتی ایسیاہ

    کم جونگ نیم کوقتل کرنے کے90ڈالر ملے‘سیتی ایسیاہ

    کوالالمپور: انڈونیشین خاتون کاکہناہےکہ شمالی کوریا کےحکمران کےسوتیلے بھائی کم جونگ نیم کوقتل کرنے کےلیےانہیں90ڈالر کی رقم دی گئی۔

    تفصیلات کےمطابق ملائیشیا میں کم جونگ نیم کےقتل کےالزام میں گرفتارانڈونیشین خاتون کاکہناہےکہ انہیں ایک مزاحیہ ریئلٹی شو میں حصہ لینے کے لیے90 ڈالر کم جونگ نام کے چہرے پر’بے بی آئل‘ ملنےکےلیےدیےگئے تھے۔

    ملائیشین حکام کےمطابق تفتیش سے پتہ چلا ہے کہ شمالی کوریا کے سربراہ کم جونگ اُن کے سوتیلے بھائی کم جونگ نام کو اعصاب شکن زہریلے مادے’وی ایکس‘ سے ہلاک کیا گیا ہے۔

    حکام نے یہ بھی بتایا کہ مذکورہ خاتون میں کوئی ایسا جسمانی نشان نظر نہیں آیا جس سے یہ پتہ چل سکتا کہ وہ بھی اس زہریلے مادے سے کسی طرح متاثر ہوئی ہیں۔

    مزید پڑھیں:شمالی کوریاکےسربراہ کےبھائی کاقتل‘کوریائی شہری گرفتار

    خیال رہےکہ وی ایکس ایک غیر معمولی تباہ کن کیمیائی ہتھیار ہے اور اس کا ایک قطرہ بھی انسانی جلد پر گرنے سے انسان مر سکتا ہے۔یہ کیمیکل جلد کے راستے انسانی جسم میں داخل ہو کر نظامِ اعصاب کو تباہ کر دیتا ہے۔

    واضح رہےکہ ’وی ایکس‘ مادے کو اقوامِ متحدہ وسیع پیمانے پر تباہی پھیلانے والےہتھیاروں کے زمرے میں شمار کرتی ہے۔

  • کراچی میں سسرالیوں کےمبینہ تشددسےخاتون جاں بحق

    کراچی میں سسرالیوں کےمبینہ تشددسےخاتون جاں بحق

    کراچی: شہر قائدمیں سسرالیوں کے مبینہ تشدد سے جاں بحق ہونے والی سونیا کی والدہ نے الزام عائد کیا ہےکہ بیٹی کوشوہراورسسرالیوں نےقتل کیا ہے۔

    تفصیلات کےمطابق کراچی میں سسرالیوں کے مبینہ تشدد سے جاں بحق ہونے والی خاتون کی والدہ کا کہناہےکہ ڈیڑہ سال قبل سونیا کی شادی نیوکراچی کے رہائشی عدنان سے ہوئی تھی۔

    سونیا کی والدہ نےاےآروائی نیوزسےگفتگو کرتے ہوئے بتایا کہ سونیا کو اس کے شوہر اورسسرالیوں نے قتل کیا۔انہوں نےکہاکہ میری بیٹی کومنوڑہ گھومانے کے بہانے لے جاکر تشدد کرکے قتل کیا ہے۔

    سسرالیوں کے مبینہ تشدد سے جاں بحق خاتون کی والدہ کا کہناہےکہ بیٹی کے عین تدفین کے وقت ہمیں پتہ چل گیا۔

    سونیا کے بھائی حسین نے مطالبہ کیا کہ قتل میں ملوث افراد کے خلاف کارروائی کی جائے۔سونیا کی چار ماہ کی بچی کو بھی نانی کے حوالے کیا جائے

    واضح رہےکہ سونیا کے گھر والوں کا کہنا تھا کہ سونیا پرشادی کے بعد سے ہی سسرالیوں کی جانب سے تشدد کیا جاتا تھا۔

  • شمالی کوریاکےسربراہ کےبھائی کاقتل‘کوریائی شہری گرفتار

    شمالی کوریاکےسربراہ کےبھائی کاقتل‘کوریائی شہری گرفتار

    کوالالمپور: شمالی کوریا کےحکمران کےسوتیلے بھائی کم جونگ نیم کےقتل کےشبےمیں پولیس نےپہلاشمالی کوریائی شہری گرفتارکرلیا۔

    تفصیلات کےمطابق شمالی کوریا کےسربراہ کےسوتیلے بھائی کم جونگ نیم کے قتل کے الزام میں پہلے ہی دوخواتین اور ایک مرد سمیت تین افراد کی گرفتاریاں ہوچکی ہیں۔

    اس سے قبل ملائیشین پولیس کی جانب سےگرفتار کیےجانےوالےافراد میں ایک انڈونیشین اور ایک ویتنامی خاتون سمیت ایک ملائیشین شہری شامل ہے۔

    کم جونگ نیم کئی سالوں سے خود ساختہ جلا وطنی کاٹ رہے تھے اور مکاؤ، کوالالمپور اور دیگر شہروں میں مقیم رہے تھے،تاہم وہ اپنی جلا وطنی اور شمالی کوریا کی حکومت کے حوالے سے زیادہ بات نہیں کرتے تھے۔

    یاد رہےکہ2010 میں جاپانی میڈٰیا میں ان کے حوالے سےایک بیان شائع ہوا تھا جس میں انہوں نے کہا تھا کہ وہ شمالی کوریا میں موروثی انتقال اقتدار کے مخالف ہیں۔

    مزید پڑھیں:شمالی کوریا کے سربراہ کا سوتیلا بھائی ملائیشیا میں پراسرارطورپرہلاک

    واضح رہےکہ شمالی کوریا کے سربراہ کم جونگ ان کے سوتیلے بھائی کِم جونگ نَیم ملائیشیا کے دارالحکومت کوالالمپور کےایئرپورٹ پر رواں ماہ 14 فروری کو پراسرار طور پر ہلاک ہوئے تھے۔

  • سنگاپور میں عدالت نے2پاکستانیوں کوسزائےموت سنادی

    سنگاپور میں عدالت نے2پاکستانیوں کوسزائےموت سنادی

    سنگاپور: سنگاپور میں ایک شخص کےقتل کاجرم ثابت ہونے پر عدالت نے دو پاکستانیوں کو سزائے موت سنادی۔

    تفصیلات کےمطابق سنگاپور کی مقامی عدالت نے 2پاکستانیوں کو جوئے کی رقم کے تنازع پر ہونے والے جھگڑے میں اپنے ہم وطن کو قتل کرنے پھانسی کی سزا سنائی۔

    مقامی میڈیا کے مطابق سڑکوں پر ٹشو فروخت کرنے والے 45 سالہ رشید محمد اور 28 سالہ رمضان رضوان نے اپنے ایک پاکستانی ساتھی محمد نور کو 2014 میں اپنے گھر میں قتل کیاتھا۔

    دونوں نےقتل کرنے کے بعد59 سالہ مقتول محمد نور کے جسمانی اعضاء دو الگ الگ بیگز.میں ڈال کرپھینک دیے تھے۔

    عدالتی کے مطابق دونوں نے جوے میں ہاری گئی 11 سو سنگاپوری ڈالر (776 ڈالرز) کی رقم مقتول سے دوبارہ حاصل کرنے کی کوشش کی۔اور مقتول کوگلا گھونٹ کر قتل کیا۔

    خیال رہےکہ رشید احمد اور رمضان رضوان کےوکیل نےعدالت میں دلائل دیے کہ ان کے موکل قتل کا ارادہ نہیں رکھتے تھےاور دونوں نے ایک دوسرے پر الزامات عائد کیے۔

    واضح رہےکہ سنگاپور میں قتل کی سزا موت ہے اور اس کے لیے پھانسی کے طریقہ کار پر عملدرآمد کیا جاتا ہے۔