Tag: قرآن پاک کی بے حرمتی

لندن : قرآن پاک کی بے حرمتی کرنے والے ملعون شخص کو عدالت نے مجرم قرار دے دیا اور جرمانہ عائد کردیا۔

تفصیلات کے مطابق لندن میں قرآن پاک کی بے حرمتی کرنے والے ملعون شخص کو عدالت نے مجرم قرار دے دیا۔

عدالت نے لندن میں ترک قونصل خانے کے سامنے قرآن پاک کی بےحرمتی کرنے والے ترک نژاد ملعون کو مجرم قرار دے کر اس پر دو سو چالیس پاؤنڈز کا جرمانہ کر دیا۔

ویسٹ منسٹر مجسٹریٹس کی عدالت میں ڈسٹرکٹ جج جان میک گاروا نےکہا یہ عمل انتہائی اشتعال انگیز تھا۔

ملعون کے وکیل نے کہا کہ عدالت کا یہ فیصلہ 2008ء میں منسوخ شدہ توہین مذہب کے قانون کو دوبارہ زندہ کرنے کے مترادف ہے تےو پراسیکیوٹر کا کہنا تھا کہ یہ مقدمہ توہینِ مذہب کی بنیاد پر نہیں بلکہ عوامی بدنظمی کی وجہ سے دائر کیا گیا تھا۔

جس پر جج جان میک گاروا نے اپنے ریمارکس دیتے ہوئے کہا کہ عدالت نے پراسیکیوشن کے مؤقف کو تسلیم کرتے ہوئے ہی اپنا فیصلہ سنایا ہے، اس کیس کو توہین مذہب کے قوانین کو بڑھانے کی کوشش کے طور پر نہیں دیکھتے۔

یاد رہے تیرہ فروری کو لندن میں ترک قونصل خانے کے باہر 50 سال کے ترک نژاد شخص نے قرآن پاک کی بےحرمتی کرتے ہوئے نعرے لگائے تھے۔

نیدرلینڈز: قرآن پاک کی بے حرمتی کی کوشش ناکام بنادی ، مسلمان نوجوانوں نے پولیس حصار توڑ کر انتہا پسند کو روکا۔

تفصیلات کے مطابق نیدرلینڈز میں قرآن پاک کی بے حرمتی کی کوشش کرنے والوں کے عزائم مسلمان نوجوانوں نے خاک میں ملادئیے۔

مسلمان نوجوانوں نے پولیس حصار توڑ کر انتہا پسند کو قرآن پاک کی توہین سے روکا تو پولیس نوجوانوں پر ٹوٹ پڑی اور لاٹھی چارج کیا۔

غیر ملکی میڈیا رپورٹس نے بتایا کہ دائیں بازوکے انتہا پسند افراد قرآن پاک کی بے حرمتی کرنا چاہتے تھے، قرآن پاک کی بے حرمتی کی کوشش کرنے والے افراد موقع سے فرار ہوگئے۔

اسٹاک ہوم : سویڈن کے دارالحکومت اسٹاک ہوم میں پاکستانی سفارتخانے کے باہر قرآن پاک کی بے حرمتی کی کوشش کو روکنے والے پاکستانی کو ہی گرفتار کرلیا گیا۔

تفصیلات کے مطابق مغرب بڑھتے ہوئے اسلاموفوبیا کے واقعات روکنے میں ناکام ہے، سویڈن میں پولیس نے ہٹ دھرمی برقرار رکھتے ہوئے قرآن پاک کی بے حرمتی کرنے والوں کو کھلی چھوٹ دی رہی ہے اور ایسے گھناونے اقدام کیخلاف آواز اٹھانے والوں کو پکڑا جا رہا ہے۔

سویڈن کےدارالحکومت اسٹاک ہوم میں پاکستانی سفارتخانے کے سامنے ملعون شخص نے قرآن پاک کی بے حرمتی کی کوشش کی، پاکستانی شہری روکنے کیلئے آگے بڑھے تو پولیس نے گھناؤنے اقدامات کیخلاف شور مچانے پر اسے ہی پکڑلیا۔

پاکستانی شہری ملک شہزاد ملک نے رو رو کر پولیس اور ملعون شخص کو مخاطب کرتے ہوئے کہا قرآن پاک کی بے حرمتی نہ کرو لیکن پولیس نے پاکستانی شہری ملک کی ایک نہ سنی۔

سوئیڈش پولیس نے پاکستانی شہری کو تھوڑی دیر حراست میں رکھ کر علاقے سے دور لے جاکر رہا کردیا۔

دوسری جانب سویڈن اور ڈنمارک میں قرآن پاک کی بے حرمتی کے واقعات کیخلاف مسلمانوں کا احتجاج جاری ہے۔

سوئیڈش حکومت نے قرآن پاک کی توہین روکنےکے لیے قانونی امکانات پر غور کرنا شروع کردیا۔

غیر ملکی میڈیا رپورٹ کے مطابق ملکی صورتحال کو دیکھتے ہوئے سوئیڈش حکومت نے سوئیڈن میں پولیس کو قرآن پاک کی بےحرمتی روکنے کے اختیارات دینے کا فیصلہ کیا ہے۔

سوئیڈش وزیر انصاف کا کہنا ہے کہ وہ ایک کمیشن تشکیل دیں گے جو پولیس کو قرآن کی بےحرمتی روکنے جیسے معاملات کیلئے وسیع اختیارات دے گا۔

سوئیڈش حکومت کی جانب سے قومی سلامتی کو درپیش خطرات بنیاد بنانے پر غور کیا جارہا ہے اور سوئیڈن میں دہشتگردی کا خطرہ دوسری بلند ترین سطح پر کردیا گیا ہے۔

واضح رہے سوئیڈن میں قرآن پاک کی بے حرمتی کے واقعات رونما ہوئے ہیں جن پر دنیا بھر کے مسلمانوں کی جانب سے احتجاج کیا گیا ہے۔

اسٹاک ہوم : سویڈن میں ایک بار پھر شاہی محل کے سامنے قرآن پاک کی بےحرمتی کی گئی ، ناپاک جسارت کو روکنےکی کوشش پر پولیس نے مسلمان نوجوان کو گرفتار کرلیا۔

تفصیلات کے مطابق سویڈن میں ایک بار پھر کروڑوں مسلمانوں کی دل آزاری کرتے ہوئے قرآن پاک کی بے حرمتی کی گئی ہے، عراق سے تعلق رکھنے والے دو ملعون سلوان مومیکا اور سلوان نجم نے شاہی محل کے سامنے مرکزی چوک پر قرآن پاک کا نسخہ شہید کیا۔

ناپاک جسارت کو روکنے کی کوشش کرنے والے مسلمان نوجوان کو پولیس نےگرفتارکرلیا، واقعےکے وقت پولیس کی بھاری نفری موجود تھی، جو واقعہ کے خلاف احتجاج کرنے والوں کو روکتی رہی۔

دونوں ملعون افراد کو سویڈن کے آزادی اظہار کے قانون کے تحت قرآن پاک کی بے حرمتی کے لیے ایک گھنٹے کا وقت دیا گیا تھا، جس کے بعد مسلمانوں کو قرآن پاک کے شہید صفحات جمع کرنےکی اجازت دی گئی۔

اس سے قبل عیدالاضحیٰ پر سوئیڈن میں مسجد کے باہر قرآن پاک کی بے حرمتی کی گئی تھی جب کہ چند روز قبل یہ ناپاک جسارت دوبارہ کی گئی تھی اور دونوں بار اس کی سرکاری سطح پر اجازت دی گئی تھی۔

سوئیڈن میں اس ملعون حرکت پر عالم اسلام میں شدید غم وغصہ پھیل گیا تھا اور مسلم حکومتوں کی جانب سے سرکاری سطح پر احتجاج کے ساتھ دنیا بھر میں مسلمان سڑکوں پر نکل آئے تھے۔