Tag: قرآن پاک کی بے حرمتی

جدہ : قرآن پاک کی بے حرمتی پر اسلامی دنیا نے متحد ہوکر مغرب کو سخت پیغام میں واضح کیا ہے کہ قرآن پاک کی بے حرمتی جیسا مکروہ فعل ناقابل برداشت ہے، مزید امتحان نہ لیا جائے۔

تفصیلات کے مطابق پاکستان کی کاوشوں سے اقوام متحدہ میں اسلامی تعاون تنظیم رکن ممالک کے سفراء کا اجلاس منعقد ہوا۔ پاکستان نے تنظیم کا اجلاس بحیثیت اسلامی وزارتی کونسل سربراہ کے طلب کیا۔

اسلامی تعاون تنظیم کے ہنگامی اجلاس میں سویڈن اور ہالینڈ میں قرآن پاک کی بے حرمتی کی شدید مذمت کی گئی۔

اقوام متحدہ میں پاکستان کے مستقل مندوب منیر اکرم نے اجلاس کی صدارت کی، جس میں اہم فیصلے کیے گئے۔

اسلامی تعاون تنظیم نے اقوام متحدہ جنرل اسمبلی کی اسلاموفوبیا پر منظور شدہ قرارداد پر دن منانے کے لیے اجلاس بلانے کا فیصلہ کیا گیا ہے۔

جس میں مسلم مخالف بیان بازی، نسلی امتیاز، ناروا سلوک ختم کرنے کے لیے عالمی یکجہتی، تعاون پر زور دیا جائے گا۔

اجلاس نے اسلام کے بارے میں منفی دقیانوسی تصورات، مسلمانوں کو بدنام کرنے سمیت ایسی روایات کے خاتمے پر زور دیتے ہوئے کہا کہ اقوام متحدہ سیکرٹری جنرل، او آئی سی ملکر اسلاموفوبیا کے خاتمے کے لیے ایکشن پلان مرتب کریں۔

انقرہ: ترک صدر رجب طیب اردگان نے سوئیڈن میں قرآن پاک کی بے حرمتی پر شدید ردعمل دیتے ہوئے دو ٹوک الفاظ میں کہا کہ اب سوئیڈن ہم سے کوئی امید نہ رکھے۔

تفصیلات کے مطابق قرآنِ پاک کی بے حرمتی پر ترک صدر رجب طیب اردگان نے سوئیدن کی حکومت پر شدید برہمی اظہار کیا۔

رجب طیب اردگان نے دوٹوک الفاظ میں واضع کر دیا کہ ترکیہ نیٹو ممبر شپ کے لیے سوئیڈن کی حمایت نہیں کرے گا۔

ترک صدر کا کہنا تھا کہ بے حرمتی کے بعد اب سوئیدن ہم سے کوئی امید نہ رکھے، جو لوگ اسٹاک ہوم میں ہمارے سفارت خانے کے سامنے اس طرح کی توہین کی اجازت دیتے ہیں وہ نیٹو کی رکنیت کے لیے ہماری حمایت کی توقع نہیں کر سکتے۔

رجب طیب اردگان نے ترک سفارت خانے کے باہر قرآن مجید کی انتہائی بے توقیری کی طرف اشارہ کرتے ہوئے کہا کسی کو بھی مقدسین کی تذلیل کا حق نہیں، جب کوئی ہماری بے عزتی کرتا ہے تو اسے اس کی جگہ پر رکھ دیتے ہیں۔

واضح رہے کہ سویڈن کو فوجی اتحاد میں شمولیت کے لیے ترکیہ کی حمایت کی ضرورت ہے۔