Tag: قربانیاں

لاہور: وزیراعلیٰ پنجاب سردارعثمان بزدار کا کہنا ہے کہ پاک فوج کا کردار تاریخ میں سنہری حروف سے لکھا جائے گا۔

تفصیلات کے مطابق لاہور میں وزیراعلیٰ پنجاب سے کور کمانڈرلاہور لیفٹیننٹ جنرل عامر ریاض نے ملاقات کی۔

سردار عثمان بزدار نے پنجاب کی دہشت گردی کے خلاف پاک فوج کے کردار کی تعریف کرتے ہوئے کہا پاک فوج کا کردار تاریخ میں سنہری حروف سے لکھا جائے گا۔

انہوں نے کہا کہ عظیم اورلازوال قربانیوں سے پاکستان میں امن بحال ہوا، دہشت گردی اور فرقہ واریت کے مائنڈسیٹ کو بھی کچلنا ہے۔

وزیراعلیٰ پنجاب سردار عثمان بزدار نے کہا کہ پاکستان کے محب وطن اوردلیرعوام کا عزم انتہائی مضبوط ہے۔

انہوں نے مزید کہا کہ شہدا کی قربانیاں پاکستان میں امن لائی ہیں، شہدا کے خاندان ہمارے اپنے ہیں، تنہا نہیں چھوڑیں گے۔

کپتان کی قیادت میں پاکستان اپنی کھوئی منزل حاصل کرے گا ‘ عثمان بزدار

یاد رہے کہ دو روز قبل وزیراعلیٰ پنجاب سردار عثمان بزدار کا کہنا تھا کہ عوام پرانے پاکستان سے نکل کرنئے پاکستان میں آنے پرخوش ہیں۔

سردارعثمان بزدار کا کہنا تھا کہ کپتان کی قیادت میں پاکستان اپنی کھوئی منزل حاصل کرے گا۔

کراچی : آئی جی سندھ پولیس امجد جاوید سلیمی کا کہنا ہے کہ سندھ کا دہشت گردی کے خلاف کردارایک سنگ میل بن چکا ہے۔

تفصیلات کے مطابق شہید بینظیربھٹوایلیٹ پولیس ٹریننگ سینٹر میں پاسنگ آؤٹ پریڈ ہوئی جس کے مہمان خصوصی آئی جی سندھ پولیس امجد جاوید سلیمی تھے۔

ایگلیٹ کورس 38 اے بیج کے 213 جوان، 38 بی بیج کی 213 خواتین پاس آؤٹ ہوئیں اور مجموعی طورپر700 جوان ٹریننگ سینٹرسے پاس آؤٹ ہوئے۔

آئی جی سندھ امجد جاوید سلیمی پریڈ نے پریڈ کا معائنہ کیا اور بہترین کارکردگی کا مظاہرہ کرنے پرجوانوں کو تعریفی اسناد، نقد انعامات دیے۔

آئی جی سندھ نے ٹریننگ سینٹرمیں پاسنگ آؤٹ پریڈ سے خطاب کرتے ہوئے کہا کہ پاس آؤٹ اہلکاردہشت گردوں کے خلاف سیسہ پلائی دیوار بنیں گے، اہلکارفیلڈ میں نکلیں گے تو جرائم پیشہ افراد بھاگ جائیں گے۔

امجد جاوید سلیمی نے کہا کہ سندھ پولیس نے اپناخون دے کرشہریوں کا دفاع کیا، سندھ کا دہشت گردی کے خلاف کردارایک سنگ میل بن چکا ہے۔

انہوں نے کہا کہ سندھ پولیس نے عوام کی حفاظت کی خاطر قیمتی جانوں کی پرواہ نہیں کی، شہدا کی قربانیوں کو رائیگا نہیں جانے دیں گے۔

آئی جی سندھ نے کہا کہ سندھ پولیس کے تمام شعبوں کے دروازے بلوچستان کے لیےکھلے ہیں، بلوچستان پولیس جب چاہے اہلکاروں کو تربیت کے لیے بھیج سکتی ہے۔

امجد جاوید سلیمی نے کہا کہ یہ جوان بلوچستان کے نہیں اس ملک کے جوان ہیں، دہشت گردی کے خلاف جنگ میں جوانوں کو اتارا جا رہا ہے۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

کراچی : چینی وزارت خارجہ کی ترجمان کا کہنا ہے کہ پاکستان نے دہشت گردی کے خلاف جنگ میں صف اول کے ملک کی حیثیت سے عظیم قربانیاں دی ہیں۔

تفصیلات کے مطابق چین نے ایک بار پھرعالمی برادری پر زور دیا ہے کہ وہ دہشت گردی کے خلاف پاکستان کی کوششوں اور قربانیوں کو تسلیم کرے۔

چینی وزارت خارجہ کی ترجمان نے کہا کہ دہشت گردی کے خلاف جنگ میں پاکستان سب سے آگے ہے اور اس نے دہشت گردی کے خلاف جنگ میں بڑی قربانیاں دی ہیں۔

انہوں نے کہا کہ چین پاکستان اور دوسرے ملکوں کے ساتھ مل کر دہشت گردی کے خاتمے اور علاقائی سلامتی اور استحکام کے تحفط کے لیے تعاون کو فروغ دینے کا خواہاں ہے۔

انہوں نے کہاکہ چین ، پاکستان اوردوسرے ملکوں کے ساتھ مل کر دہشت گردی کے خاتمے اور علاقائی سلامتی اوراستحکام کے تحفظ کیلئے تعاون کو فروغ دینے کا خواہاں ہے۔

امریکہ نے پاکستان کو اربوں ڈالر دیئے ہیں، نتائج چاہئیں، ڈونلڈ ٹرمپ کا مطالبہ

خیال رہےکہ گزشتہ دنوں افغانستان اور جنوبی ایشیا سے متعلق امریکی پالیسی بیان کرتے ہوئے ڈونلڈ ٹرمپ کا کہنا تھا کہ پاکستان کو دہشت گردوں کےٹھکانوں کا صفایا کرنا ہوگا، امریکہ پاکستان کو اربوں ڈالر دیتا رہا ہے، پاکستان کو فوری اقدامات کرنا ہوں گے۔

افغان طالبان قیادت کوئٹہ اورپشاورمیں پناہ گزین ہے، امریکی کمانڈرکی ہرزہ سرائی

امر یکی صدر کے بعد امریکی فوجی کمانڈر نے بھی پاکستان میں دہشت گردوں کی پناہ گاہوں کا الزام عائد کرتے ہوئےکہا تھا کہ کوئٹہ شورٰی اورپشاور شورٰی حقیقت ہیں۔

ٹرمپ کے الزامات، پاکستان کی امریکی نائب وزیرخارجہ کی میزبانی سے معذرت

واضح رہے کہ رواں ہفتے ڈونلڈ ٹرمپ کے الزامات سے بھری امریکی پالیسی پر پاکستان نے سخت ردعمل دیتے ہوئے امریکی نائب وزیرخارجہ کی میزبانی سے معذرت کرلی تھی ۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔