Tag: قربانی کی کھالیں

لاہور : محکمہ داخلہ پنجاب نے شہریوں کو کالعدم تنظیموں اوران کےذیلی اداروں کو قربانی کی کھالیں نہ دینے کی ہدایت کرتے ہوئے کہا کھالیں صرف چیریٹی اداروں کو دیں۔

تفصیلات کے مطابق محکمہ داخلہ پنجاب نےعیدالاضحیٰ کے موقع پر کالعدم تنظیموں اور ان کے ذیلی اداروں کی فہرست جاری کردی۔

محکمہ داخلہ پنجاب نے کہا کہ شہری کالعدم تنظیموں اوران کےذیلی اداروں کو قربانی کی کھالیں نہ دیں۔

انسدادِدہشت گردی ایکٹ اُنیس سوستانوے کےتحت کالعدم تنظیموں کی ہرقسم کی معاونت جرم ہے، عوام قربانی کی کھالیں صرف پنجاب چیریٹی کمیشن سے رجسٹرڈ اداروں کو دیں۔

تمام رجسٹرڈ اداروں کی تصدیق ان کے سرٹیفکیٹ پر موجود کیوآرکوڈ سے کی جاسکتی ہے۔

ڈپٹی کمشنرزمدارس اورخیراتی تنظیموں کوکھالیں جمع کرنےکااجازت نامہ دیتےہیں۔ رجسٹرڈ اداروں کی تفصیلات محکمہ داخلہ پنجاب کی ویب سائٹ پردیکھی جا سکتی ہیں۔

پنجاب چیریٹی کمیشن اورنیکٹا کی ویب سائٹ پربھی کالعدم تنظیموں کی تفصیلات موجود ہیں۔

گذشتہ روز عید الاضحیٰ کی آمد کے پیش نظر محکمہ داخلہ پنجاب نے صوبہ بھر میں سیکیورٹی اقدامات کو مؤثر بنانے کیلئے جامع ہدایات جاری کیں تھیں۔

ترجمان محکمہ داخلہ کے مطابق دشمن کے ناپاک عزائم کے تناظر میں اہم تنصیبات اور حساس مقامات کی سیکیورٹی بڑھانے کی ہدایت دی گئی ہے۔

کراچی: عید الاضحی پر قربانی کے جانوروں کی کھالیں جمع کرنے کے حوالے سے قوائد و ضوابط جاری کردیے گئے۔

تفصیلات کے مطابق محکمہ داخلہ سندھ کا کہنا تھا کہ کوئی بھی شخص کمشنر اور ڈپٹی کمشنر کی مرضی کے بغیر کھالیں جمع نہیں کرسکتا، کمشنر اور ڈپٹی کمشنرز یقینی بنائیں کہ صرف رجسٹرڈ جماعتیں یا ادارے ہی کھالیں جمع کریں۔

محکمہ داخلہ سندھ کا کہنا تھا کہ کھالیں جمع کرنے کیلئے کیمپ لگانے یا بینرز لگانے پر پابندی ہوگی، گاڑیوں پر پارٹی پرچم یا لاؤڈ اسپیکر کے ذریعے اعلان کرکے کھالیں جمع کرنے پر بھی پابندی ہوگی۔

اعلامیہ میں مزید کہا گیا کہ کھالیں جمع کرتے وقت کمشنر اور ڈپٹی کمشنر کا اجازت نامہ ساتھ رکھنا ضروری ہوگا۔

محکمہ داخلہ نے کہا کہ خلاف ورزی کرنے والوں کے خلاف سخت کارروائی کی جائےگی، 10 سے 12 ذی الحج تک محکمہ داخلہ سندھ کے اسلحہ لے کر چلنے کے احکامات معطل رہیں گے۔