لاہور: پاکستان تحریک انصاف کے رہنما اور سابق وزیر خزانہ شوکت ترین نے کہا کہ پی ٹی آئی نے 4 سال میں مجموعی طور پر 19 ٹریلین کا قرضہ لیا تھا پی ڈی ایم حکومت صرف 6 ماہ میں 6.5 ٹریلین کا قرضہ لےچکی ہے۔
لاہور میں معاشی صوتحال پر پریس کانفرنس کرتے ہوئے سابق وزیر خزانہ شوکت ترین نے بتایا کہ مارچ میں مہنگائی کی شرح 12.2 چھوڑ کر گئے تھے، آج ملک میں مہنگائی کی شرح 27فیصدتک پہنچ گئی ہے۔
پی ٹی آئی رہنما نے کہا کہ 79 فیصد سرمایہ کار سمجھتا ہے پاکستان غلط سمت میں جارہا ہے، ملک میں پیسے آنہیں رہے جار ہے ہیں، 4 سے 5 ارب ڈالر کی ایل سیزر کی ہوئی ہیں۔
شوکت ترین نے کہا کہ مہنگائی کو جواز بنا کر ہماری حکومت کو ہٹایا گیا، ہماری حکومت ملک کی معاشی ریٹنگ کومنفی سے مثبت میں لائی تھی، 17سال میں سب سے زیادہ گروتھ پی ٹی آئی دور میں ہوئی، ہم نے کارکے اورریکوڈک کے مسئلے حل کئے۔
انکا کہنا تھا کہ ہمارے دور میں کوئی لوڈشیڈنگ نہیں ہوتی تھی، 2018میں جب معیشت سنبھالی توکرنٹ اکاؤنٹ خسارہ تھا، پی ٹی آئی نے آخری 2 سال میں ریکارڈ ترقی کی تھی۔
شوکت ترین نے بتایا کہ آئی ایم ایف نےکہا ہےڈالر کومصنوعی طریقے سے کنٹرول نہ کیا جائے، اس وقت آئی ایم ایف کےپاس جانا ضروری ہے، آئی ایم ایف کے پروگرامز کو کرنا پڑےگا، آئی ایم ایف 2چیزیں کہہ رہا ہے ریونیو کم ہوگیا اوراخرابات ڈبل۔
پی ٹی آئی رہنما نے کہا کہ ہماری چیزیں درست سمت میں نہیں جارہی ہیں، آج کاروبار بند ہو رہے ہیں، پاکستان میں اسوقت پیسے نہیں آرہے بلکہ جارہے ہیں، ہم سمجھتے ہیں یہ اگلے چند ہفتوں میں بھاگ جائیں گے۔
