Tag: قریبی دوست

بالی ووڈ کی معروف اداکارہ اننیا پانڈے سے بریک اپ کے بعد ادتیہ رائے کپور کی پارٹی انجوائے کرنے کی تصویر وائرل ہوگئی۔

بالی ووڈ کے اداکار ادتیہ رائے کپور کو حال ہی میں ان کی فلم ’میٹرو ان ڈینو ‘ کی اداکارہ سارہ علی خان کے ساتھ ایک پارٹی کرتے دیکھا گیا، جس کے بعد اِن کی ڈیٹنگ کی افواہیں پھیل گئی۔

اننیا پانڈے اور ادتیہ رائے کپور کا بریک اپ ہوگیا

گزشتہ دنوں اننیا پانڈے اور ادیتہ رائے کپور کے درمیان بریک اپ کی خبر سامنے آئی تھی اس کے بعد اداکارہ سارہ علی خان اور ادتیہ کی ایک ساتھ پارٹی منانے کی تصویر سامنے آئی ہے۔

بھارتی میڈیا کے مطابق یہ تصاویر میٹرو ان ڈینو کے سیٹ پر فلمساز کی سالگرہ کی تقریب کی ہیں، تصویروں میں، آدتیہ اور سارہ کو فلمساز انوراگ باسو کے ساتھ پارٹی میں وقت گزارتے دیکھا جا سکتا ہے۔

تصویروں میں آدتیہ اور سارہ ایک دوسرے کے قریب کھڑے ہیں، ان کی اس تصاویر نے ڈیٹنگ کی افواہوں کو جنم دیا ہے۔

واضح رہے کہ اننیا اور آدتیہ کے تعلقات کی افواہیں 2022 میں سوشل میڈیا پر سامنے آئیں، دونوں کو کئی پارٹیوں اور تقریبات میں ایک ساتھ دیکھا گیا تھا، لیکن دونوں الگ الگ آنے اور جانے میں محتاط رہتے تھے، اگرچہ دونوں نے اپنے افیئر کی واضح الفاظ میں تصدیق نہیں کی تھی لیکن دونوں افیئر کے سبب شہ سرخیوں کا حصہ رہے ہیں۔

تاہم اب اننیا پانڈے اور آدتیہ رائے کپور کی قریبی دوست نے گزشتہ دنوں بتایا تھا کہ دونوں کے درمیان تقریباَ ایک ماہ قبل بریک اَپ ہوگیا لیکن دونوں نے اس خبر کو خفیہ رکھا ہے۔

گینگسٹر کی فائرنگ سے اپنی جان گنوانے والے پنجابی گلوکار سدھو موسے والا کے قریبی دوست قاتلانہ حملے میں بچے نکلے۔

پنجابی موسیقار اور گیت نگار بنٹی بینس جو کہ سدھو موسے والا کے قریبی دوست رہے ہیں، وہ موہالی میں ایک مہلک قاتلانہ حملے میں بال بال بچ گئے۔ بنٹی پنجاب کے موہالی کے سیکٹر 79 کے ایک ریسٹورنٹ میں تھے جہاں ان پر قاتلانہ حملہ ہوا۔

بھارتی ذرائع ابلاغ کے مطابق موسیقار اس حملے میں محفوظ رہے اور وہاں سے بچ نکلنے میں کامیاب ہو گئے۔ حملے کے بعد بنٹی بینس کو دھمکی آمیز فون کال بھی موصول ہوئی، جس میں ان سے ایک کروڑ روپے تاوان کا مطالبہ کیا گیا۔

بنٹی نے اس حملے کے خلاف پولیس میں شکایت درج کروادی ہے اور معاملے کی تحقیقات شروع کردی گئی ہے۔ رپورٹ میں حملے کے ویڈیو شواہد بھی دکھائے گئے، جہاں لکڑی کے فریم میں لگی گولی سے شیشے کی کھڑکیاں ٹوٹ گئیں۔

موسیقار کو یہ دھمکی مبینہ طور پر لکی پٹیال نامی شخص کے نام سے دی گئی تھی۔ کہا جاتا ہے کہ اس نام کے شخص کے لارنس بشنوئی اور بمبیہا کے گروہوں سے قریبی روابط ہیں۔

واضح رہے بنٹی بینس کا جاں بحق ہونے والے سدھو موسے والا سے گہرا تعلق تھا وہ آنجہانی گلوکار کی زندگی میں ان کے کام اور کاروباری معاملات کو سنبھالتے تھے۔ انھیں پروڈیوسر اور ٹیلنٹ مینیجر کے طور پر بھی جانا جاتا ہے۔