اسلام آباد : وزیراعظم شہباز شریف نے قطری شہزادی شیخہ اسماء کو دوبارہ پاکستان آنے کی دعوت دے دی اور کہا حکومت غیر ملکی کوہ پیماؤں کو مکمل سہولیات فراہم کر رہی ہے۔
تفصیلات کے مطابق وزیراعظم شہباز شریف سے قطری کوہ پیما شیخہ اسماء الثانی کی ملاقات ہوئی ، جس میں وزیراعظم نے نانگا پربت سر کرنے پر شیخہ اسماء کو مبارکباددی۔
وزیراعظم نے شیخہ اسماء کی ہمت، عزم اور حوصلے کی تعریف کرتے ہوئے کہا کہ ان کو پاکستان کی ماؤنٹینز اینڈ ٹورازم کی برانڈ ایمبیسیڈر مقرر کر دیا گیا۔
شہباز شریف کا کہنا تھا کہ قطری کوہ پیما نے پاکستان کے پہاڑوں کی خوبصورتی کو اجاگر کیا، پاکستان دنیا کی 14 بلند ترین چوٹیوں میں سے 5 کا میزبان ہے، شیخہ اسماء کی کامیابی قطر اور پاکستان کی دوستی کی عکاس ہے۔
مزید پڑھیں : قطری شہزادی پاکستانی کوہساروں اور سیاحت کی برانڈ سفیر مقرر
ملاقات میں وزیراعظم نے ایڈونچر ٹورازم اور نوجوانوں کی شمولیت میں تعاون بڑھانے پر زور دیا، جس پر قطری شہزادی نے کہا کہ کےٹو میری سر کی گئی چوٹیوں میں سب سے خوبصورت ہے۔
وزیراعظم نے شیخہ اسماء کو دوبارہ پاکستان آنے کی دعوت دے دی اور کہا حکومت غیر ملکی کوہ پیماؤں کو مکمل سہولیات فراہم کر رہی ہے۔
یاد رہے قطر کی شہزادی شیخہ اسما آل ثانی نے 8،126 میٹر بلند نانگا پربت کو سر کرنے کا اعزاز حاصل کیا تھا اور چوٹی پر اپنے ملک کا پرچم بھی لہرایا تھا۔
بعد ازاں وزیراعظم نے قطری شہزادی کوہ پیما شیخہ اسماء الثانی کو پاکستانی کوہساروں اور سیاحت کا برانڈ سفیر مقرر کر دیا۔
