ARYNews.tv | Urdu – Har Lamha Bakhabar

Tag: قطری شہزادوں

  • قطری شہزادوں کو شکار سے روکنے کیلئے درخواست پر10دن میں جواب طلب

    قطری شہزادوں کو شکار سے روکنے کیلئے درخواست پر10دن میں جواب طلب

    اسلام آباد : اسلام آباد ہائیکورٹ نے قطری شہزادوں کو شکار سے روکنے کے لیے درخواست پر وفاق، سیکرٹری خارجہ اور وزیر اعلیٰ پنجاب کو نوٹس جاری کرتے ہوئے 10دن میں جواب طلب کرلیا ہے۔

    تفصیلات کے مطابق سماعت اسلام آبادہائیکورٹ کے سنگل رکنی بنچ جسٹس میاں گل حسن اورنگ زیب نے قطری شہزادوں کو شکار سے روکنے کے لیے درخواست پر سماعت کی۔

    اسلام آباد ہائیکورٹ نے درخواست پر وفاق، سیکرٹری خارجہ اوروزیر اعلیٰ پنجاب کو نوٹس کردیا اور 10دن میں جواب طلب کرلیا۔

    جس پر وکیل جی ایم چودھری ایڈووکیٹ کا کہنا تھا کہ جواب طلب کرنے سےمعاملہ حل نہیں ہوگا، عدالت حکم امتناع دے اور محکمہ داخلہ پنجاب کانوٹی فکیشن غیر آئینی قرار دیا جائے۔

    جی ایم چودھری ایڈووکیٹ نے مزید کہا کہ اس کیس کی سماعت مکمل ہونے تک عدالت قطری شہزادے کو شکار سے روکے‌۔

    عدالت نے کیس سے متعلق مزید دستاویزات طلب کرتے ہوئے سماعت 10دن کے لیے ملتوی کر دی۔

    قطری شہزادوں کو پاکستان میں شکار سے روکنے کے لیے درخواست دائر

    گذشتہ روز اسلام آباد ہائیکورٹ میں قطری شہزادوں کو پاکستان میں شکار سے روکنے کے لیے درخواست دائر کی گئی تھی ، درخواست جی ایم چودھری ایڈووکیٹ نے دائر کی، جس میں وفاق، سیکرٹری خارجہ اور وزیراعلیٰ پنجاب کوفریق بناتے ہوئے کہا گیا کہ چوبیس نومبر کو خبر چھپی کہ پنجاب حکومت نے شکار کی اجازت دی ہے۔

    درخواست میں کہا گیا کہ شیخ حماد کو بہاولنگر،شیخ جاسم کو بھکر، جھنگ اور لیہ کا علاقہ دیاگیا،اجازت جانوروں کی حفاظت ایکٹ انیس سو بارہ کی خلاف ورزی ہے، یہ وہی ہیں جن کا پاناماکیس میں ذکرہوا لیکن یہ پیش نہیں ہوئے۔

    درخواست گزار نے استدعا کی کہ عدالت ہونے والے معاہدوں کی تفصیلات اور شہزادوں کی سیکیورٹی کیلئے اخراجات کی تفصیل طلب کرے، یہ بھی معلوم کیا جائے کہ جو فصلیں تباہ کی جاتی ہیں اس کی کتنی رقم ملتی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • قطری شہزادوں کو شکار کی اجازت نواز شریف کی مداخلت پر ملی،عمران خان

    قطری شہزادوں کو شکار کی اجازت نواز شریف کی مداخلت پر ملی،عمران خان

    اسلام آباد : چیئرمین تحریک انصاف عمران خان نے کہا ہے کہ قطری شہزادوں کو شکار کی اجازت نواز شریف کی براہ راست مداخلت پر ملی، اورنج لائن کی تکمیل عوام کے ٹیکسوں سے کی جارہی ہے یہ مفاد عامہ کا منصوبہ ہے جسے عوام کے ٹیکسوں سے پایہ تکمیل تک پہنچایا جا رہا ہے،اورنج لائن کے معاہدے کو منظرِ عام پر لانا حکومتی ذمہ داری ہے۔

    پاکستان تحریک انصاف کے چئیرمین عمران خان نے سماجی رابطے کی ویب سائیٹ پر اپنے پیغام میں لکھا ہے کہ بلوچستان میں قطری شہزادوں کوتلور کے شکار کی اجازت نوازشریف کی براہ راست مداخلت پرملی جس پر مقامی افراد سراپا احتجاج ہیں اور پی ٹی آئی کی مقامی قیادت میں ان افراد کے ساتھ بلوچستان میں قطری شہزادوں کوتلورکے شکارکی اجازت دینے کے خلاف احتجاج کررہی ہے۔

    انہوں نے مزید کہا کہ یہ بات شرمناک ہے کہ نوازشریف محض اپنے ذاتی فوائد کے لیے مقامی غریب لوگوں کی زمین،گھر اور فصلیں برباد کر رہے ہیں جس کا مقصد صرف اور صرف قطری شہزادے کی خوشنودی حاصل کرنا ہے۔

    اپنی ایک اور ٹیوٹ میں چیئرمین تحریک انصاف عمران خان نے اورنج لائن کے معاہدے کو منظر عام پر نہ لانے کے فیصلے پر تبصرہ کرتے ہوئے پنجاب حکومت سے سوال کیا کہ یہ پروجیکٹ عوام کے مفاد میں عوام کے پیسوں سے بنایا جا رہا ہے اور عوام سے ہی سے اس کی متعلقات کو کیسے پوشیدہ رکھا جا سکتا ہے؟

    واضح رہے کہ لاہور ہائی کورٹ میں وکیل اظہر صدیقی نے چین اور پنجاب حکومت کے اورنج لائن پر دستخط کیئے گئے معاہدے کو منظر عام پر لانے کے حوالے سے پیٹیشن جمع کرائی تھی جس پر پنجاب انفارمیشن کمیشن نے معاہدے تک عام آدمی کو رسائی دینے سے معذرت کا اظہار کرتے ہوئے کہا کہ یہ معاہدہ وفاق اور چین حکومت کے درمیان ہے جس کی ایک شق کے تحت اس معاہدے کو پبلک نہیں کیا جا سکتا ہے۔