دوحہ: قطر ایئرویز نے 15 اپریل تک پروازوں پر 10 فی صد رعایت کی پیش کش کر دی ہے۔
تفصیلات کے مطابق قطر ایئر ویز نے دنیا بھر میں اپنی رعایتی پروازوں کے لیے ایک پروموشن کوڈ جاری کر دیا ہے۔
اس رعایتی پیش کش کے تحت 18 دسمبر 2023 تک سفر کے لیے پروازیں بک کی جا سکیں گی، تاہم پیش کش سے فائدہ اٹھانے کے لیے ضروری ہے کہ مسافر 15 اپریل بکنگ کروا لیں۔
قطر ایئر ویز کے مطابق پرومو کوڈ GOMOBILE پر دس فی صد رعایت کی پیش کش کی گئی ہے، تاہم یہ بھی یاد رہے کہ یہ صرف موبائل ایپ بکنگ کے لیے ہی دستیاب ہے۔
کراچی: قطر ایئر ویز نے پاکستان سے پروازوں کی تعداد میں اضافے کا اعلان کردیا، اسلام آباد سے ہفتہ وار 18 اور لاہور سے ہفتہ وار 17 پروازیں آپریٹ ہوں گی۔
تفصیلات کے مطابق قطر ایئر ویز نے پاکستان کے لیے اپنی پروازوں کی تعداد میں اضافے کا فیصلہ کیا ہے، قطر ایئر ویز یکم جنوری 2022 سے ہفتہ وار 63 پروازیں آپریٹ کرے گی۔
قطر ایئر ویز کراچی سمیت 5 شہروں سے دوحہ کے لیے پروازیں آپریٹ کرے گی، دارالحکومت اسلام آباد سے ہفتہ وار 18 پروازیں آپریٹ کی جائیں گی۔
لاہور سے ہفتہ وار 17 پروازیں آپریٹ ہوں گی، کراچی سے ہفتہ وار 14، سیالکوٹ اور پشاور سے ہفتہ وار 7،7 پروازیں آپریٹ ہوں گی۔ قطر ایئر ویز لاہور سے بذریعہ دوحہ 140 ممالک میں مسافروں کو رسائی فراہم کرے گا۔
قطر ایئر ویز نے پاکستان کے لیے 31 مئی 2022 تک اپنا شیڈول جاری کردیا۔
کراچی: قطر ایئر ویز نے پاکستان سے پروازوں کی تعداد میں اضافے کا اعلان کردیا، لاہور، اسلام آباد اور کراچی سے روزانہ 2، 2 پروازیں جبکہ پشاور اور سیالکوٹ سے روزانہ 1، 1 پرواز آپریٹ کی جائے گی۔
تفصیلات کے مطابق قطر ایئر ویز نے پاکستان سے پروازوں کی تعداد میں اضافے کا اعلان کردیا، قطر ایئر ویز پاکستان سے ہفتہ وار 56 پروازیں آپریٹ کرے گی۔
قطر ایئر ویز کراچی اور لاہور سمیت 5 شہروں سے دوحہ کے لیے پروازیں آپریٹ کرے گی۔
قطر ایئر ویز کی لاہور، اسلام آباد اور کراچی سے روزانہ 2، 2 پروازیں جبکہ پشاور اور سیالکوٹ سے روزانہ 1، 1 پرواز آپریٹ کی جائے گی۔
لاہور سے دوحہ ہفتہ وار 14 پروازیں آپریٹ کی جائیں گی، ایئر لائن لاہور سے بذریعہ دوحہ 140 ممالک میں مسافروں کو رسائی دے گی۔
قطر ایئر ویز نے پاکستان کے لیے 31 مئی 2022 تک کا شیڈول بھی جاری کردیا ہے۔
مسقط: عمان ایئر اور قطر ایئر ویز نے آپس میں معاہدہ کیا ہے جس کے تحت مسافروں کو مزید سہولتیں حاصل ہوں گی۔
بین الاقوامی میڈیا کے مطابق عمان ایئر اور قطر ائیر ویز دونوں انٹرنیشنل ایئر لائنز کے مابین مزید تعاون کے اسٹریٹجک منصوبے کے تحت کوڈ شیئر بڑھائے جائیں گے۔
سنہ 2000 میں یہ دونوں انٹرنیشنل ایئر لائنز شراکت دار تھیں۔ اس معاہدے سے عمان ایئر کے مسافروں کو قطر ایئر ویز کے 65 روٹس پر سفر کرنے کے لیے مزید سہولتیں حاصل ہو جائیں گی، ان روٹس میں افریقہ، امریکا، ایشیا، بحر الکاہل، یورپ، ہندوستان اور مشرق وسطیٰ کے بعض روٹس شامل ہیں۔
قطر ایئر ویز کے مسافر عمان ایئر کے نیٹ ورک کے ذریعہ افریقہ اور ایشیا میں 6 نئی منزلوں تک رسائی حاصل کریں گے۔
دونوں ایئر لائنز کی جانب سے جاری ہونے والے مشترکہ بیان میں کہا گیا ہے کہ ایئر لائنز اپنی اس شراکت کو مزید بہتر بنانے کے لیے متعدد مشترکہ تجارتی اور آپریشنل اقدامات بھی جاری کریں گی۔
عمان ایئر کے چیف ایگزیکٹو آفیسر انجینیئرعبد العزیز الرئیسی نے کہا ہے کہ ہمارے کوڈ شیئر معاہدے کی توسیع محض ابتدائی اقدام ہے اور ہم قطر ایئر ویز کے ساتھ مل کر کام کرنے کے منتظر ہیں تاکہ اپنی اسٹریٹجک شراکت داری کو مزید مستحکم کر سکیں۔
اس کے بعد عمان ایئر پوری دنیا میں اپنے مسافروں کے لیے کاروبار اور تفریحی سفر کے پروگراموں کو بڑھا سکے گا۔
دوسری جانب قطر ایئر ویز کے گروپ چیف ایگزیکٹو اکبر البکیر نے کہا ہے کہ سنہ 2000 سےے دونوں ایئر لائنز نے تجارتی تعاون سے ہونے والے فوائد کو دیکھا، اس سے ہمارے مسافروں کو بے مثال خدمات مہیا کی گئی ہیں۔
انہوں نے کہا کہ ہم اپنے معزز مسافروں کو اور بھی زیادہ سہولتیں فراہم کرنے کے لیے عمان ایئر کے ساتھ اپنے تجارتی تعاون کو مزید تقویت دینے کے منتظر ہیں۔
یاد رہے کہ عمان ایئر نے سنہ 1993 سے فلائٹ سروس شروع کی تھی اور قطر ایئر ویز کی بھی اسی سال بنیاد رکھی گئی تھی۔