اسلام آباد : ایک درجن سے زائد وزارتوں اورڈویژنز کے قلمدان وزیراعظم شہباز شریف کے پاس رہیں گے، موسمیاتی تبدیلی،آئی ٹی ، مواصلات سمیت دیگر قلمدان تفویض نہیں کئے گئے۔
تفصیلات کے مطابق نئی وفاقی وزرا کو قلمدان سونپ دیئے گئے تاہم ایک درجن سے زائد وزارتوں اور ڈویژنز کے قلمدان وزیراعظم شہباز شریف کے پاس رہیں گے۔
موسمیاتی تبدیلی ، آئی ٹی، مواصلات اوت بین الصوبائی رابطہ کا قلمدان تفویض نہیں کیا گیا جبکہ پارلیمانی امور،صحت اورنیشنل فوڈ سیکیورٹی کاقلمدان بھی کسی کو نہیں دیا گیا۔
اس کے علاوہ مذہبی امور،آبی وسائل،امورکشمیر وگلگت بلتستان کے قلمدان بھی تفویض نہیں کیے گئے ، وزیراعظم نیشنل سیکیورٹی ،تخفیف غربت وسماجی تحفظ ڈویژن کے انچارج وزیر بھی ہیں۔
توانائی کی وزارت کا قلمدان بھی تفویض نہیں کیاگیا ، وزیرپٹرولیم مصدق ملک کوپاورڈویژن کااضافی قلمدان سونپا گیا ہے۔
یاد رہے گذشتہ روز وزیراعظم شہبازشریف کی 19رکنی وفاقی کابینہ نےگزشتہ روزحلف اٹھایا تھا ، وفاقی کابینہ میں 5 وزرا کی بطورغیر منتخب شخصیات تعیناتی کی گئی ہے۔
