لاہور : پیپلز پارٹی پنجاب کے صدر قمر زمان کائرہ نے کہا ہے کہ آئندہ الیکشن سے پہلے نواز شریف اڈیالہ جیل میں ہوں گے، شہباز شریف کو مزید کرپشن کا بھی حساب دینا ہوگا، پانچ فروری کو کشمیری عوام سے اظہار یکجہتی کیلئے جلسہ منعقد کیا جائے گا۔
تفصیلات کے مطابق پیپلزپارٹی نے کشمیریوں سے اظہار یکجہتی کے لئے پانچ فروری کو جلسے کا اعلان کردیا، موچی گیٹ گراؤنڈ میں میں ہونے والے جلسے کے لئے عوامی رابطہ مہم شروع کردی گئی،قمرزمان کائرہ اور چودھری منظور کا کماہاں کے علاقے میں بھر پور استقبال کیا گیا۔
اس موقع پر گفتگو کرتے ہوئے پیپلز پارٹی پنجاب کے رہنما قمر زمان کائرہ نے شریف برادران پر شدید تنقید کرتے ہوئے کہا کہ آئندہ الیکشن سے پہلے نواز شریف اڈیالہ جیل میں ہوں گے، سابق وزیر اعظم کا پورا خاندان کرپشن میں ملوث ہے، میاں صاحب الیکشن کیلئے قوم سے جھوٹ بول رہے ہیں۔
ان کا مزید کہنا تھا کہ وزیر اعلیٰ پنجاب میاں شہباز شریف کےخلاف نیب گھیرا تنگ کر رہا ہے، آشیانہ اسکیم کی تحقیقات پرہی شہبازشریف بوکھلا گئے، ان کو ابھی تو پیلی ٹیکسی، سستی روٹی اسکیم اور مختلف منصوبوں کے نام پر لوٹی گئی قومی دولت کا حساب بھی دینا ہوگا۔
قمر زمان کائرہ نے کہا کہ دنیا پاکستان کیخلاف محاذ بنا رہی ہے، ملک کو بچانے کیلئے پیپلز پارٹی کو اقتدار میں لانے کی ضرورت ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔
لاہور : پاکستان پیپلزپارٹی کے رہنما قمر زمان کا کہنا ہے کہ نوازشریف اوران کی بیٹی عدلیہ پردباؤڈال کرمرضی کےفیصلےچاہتی ہیں، سپریم کورٹ کےججز کوگالیاں اوردھمکیاںدرست نہیں۔
تفصیلات کے مطابق پاکستان پیپلزپارٹی کے رہنما قمر زمان کا کہنا ہے کہ میاں صاحب کی حکومت ہے انہیں بھی سوچناچاہیے، میاں صاحب کہتےہیں قانون میں بہتری کی ضرورت ہے، آپ کی حکومت ہےقانون سازی کریں کس نے روکا ہے۔
قمرزمان کائرہ کا کہنا تھا کہ سپریم کورٹ کےججز کوگالیاں اوردھمکیاں درست نہیں، میاں صاحب ایسارویہ نہ اپنائیں کہ کل انہیں تکلیف ہو، میاں صاحب کیخلاف کیسزکھلےتوججزکودھمکیاں دینےلگے، میاں صاحب ہم نےتوکبھی ججزکوگالیاں یادھمکیاں نہیں دی۔
پی پی رہنما نے کہا کہ قصورکے سانحے کو معاشرے کے ہر فرد نے محسوس کیاہے، سب کی خواہش ہے ملزم کو سخت سے سخت سزا دی جائے، ملک میں سرعام پھانسی دینے کا رواج رہاہے، نصاب میں تبدیلی لانے کی ضرورت ہے۔
انکا کہنا تھا کہ میڈیا آواز نہ اٹھاتا تو حکمرانوں کی توجہ اس جانب نہ جاتی، ایسے واقعات پر تالیاں بجانے کی ضرورت نہیں تھی۔
شہباز شریف کی پریس کانفرنس کے حوالے سے قمر زمان نے کہا کہ شہبازشریف پریس کانفرنس میں میں میں کرتےرہے، زینب کے والد کو بٹھا کر پریس کانفرنس کرنے کا مقصد نمائش تھا، وزیراعلیٰ اور راناثنا اللہ نے زینب کے والد کو دباؤ میں رکھا۔
پیپلز پارٹی کے رہنما کا مزید کہنا تھا کہ عدلیہ کو گالیاں اور دھمکایا گیا تو عدلیہ کوبھی جواب دیناپڑے گا، نوازشریف اوران کی بیٹی عدلیہ پردباؤڈال کرمرضی کےفیصلے چاہتی ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئرکریں۔
سرگودھا : پاکستان پیپلز پارٹی کے رہنما قمر زمان کائرہ نے کہا ہے کہ پیپلز پارٹی انتخابات کا بروقت انعقاد چاہتی ہے لیکن خان صاحب کو بہت جلدی ہے، ہمیں للکارنے والے آج کرپشن کیسز پر عدالتوں کے چکر کاٹ رہے ہیں۔
ان خیالات کا اظہار انہوں نے سرگودھا میں میڈیا سے گفتگو کرتے ہوئے کیا، قمر زمان کائرہ کا کہنا تھا کہ نواز شریف تاجر ہیں اور تاجروں کا ہی سوچتے ہیں، میاں صاحب کہتے ہیں کہ صرف میرےخلاف فیصلہ آیا، جب شہبازشریف کے حق میں فیصلہ آئے تو پھر بھی کہا جاتاہے کہ فیصلہ خلاف آیا۔
عدلیہ کیخلاف تحریک کے حوالے سے انہوں نے کہا کہ میاں صاحب لڑنا آپ کا کام نہیں، اس قوم کوآپ کی جرات اچھی طرح یاد ہے، مشرف نے جب آپ کو جیل میں ڈالا تھا تو کلثوم نواز نے شہید بی بی سے کہا کہ انہیں بچاؤ۔
ایک سوال کے جواب میں قمر زمان کائرہ نے کہا کہ جےآئی ٹی کا مسلم لیگ ن نے ڈھول بجا کر استقبال کیا تھا، ہم نےکہاآئیں پارلیمنٹ میں قانون بناتےہیں،آپ نہیں مانے۔
انہوں نے کہا کہ اختلاف ہو تو کھل کر کہتے ہیں، یہ نہیں کہتے کہ ہمارے خلاف سازش ہوئی، حکومت آپ کی ہے اور ادارے بھی آپ کے تو سازش کون کررہا ہے؟، حدیبیہ پیپر کیس نہ کھلنے پر پی پی کو تحفظات ہیں لیکن ہم ججز کا احترام کرتے ہیں۔
پیپلز پارٹی کے گزشتہ دور حکومت کی کارکردگی پر انہوں نے بتایا کہ ہم نے 58ٹو بی کا خاتمہ کیا، سوات میں پاکستان کاجھنڈا دوبارہ لہرایا، 90 دنوں میں 35 لاکھ لوگوں کو دوبارہ سوات میں آباد کیا۔
انہوں نے کہا کہ بلاول بھٹو زرداری نے ملتان میں کامیاب جلسہ کرکے مخالفین کی نیندیں اڑادی ہیں، اسلام آباد میں جلسہ کے لئے صرف 7 دن ملے ہیں، اس کے بعد سرگودھا، شیخوپورہ، گجرات میں بھی جلسے کریں گے۔
ساہیوال : پاکستان پیپلزپارٹی کے رہنما قمر زمان کائرہ نے کہا ہے کہ سانحہ ماڈل ٹاؤن کے متاثرین کو انصاف نہ ملا تو پیپلز پارٹی ڈاکٹرطاہر القادری کے ساتھ کھڑی ہوگی، نواز لیگ والے لاتوں کے بھوت ہیں باتوں سے نہیں مانتے، کرپٹ لوگ عمران خان کے دائیں بائیں کھڑے ہیں۔
ان خیالات کا اظہار انہوں نے ساہیوال میں میڈیا سے گفتگو کرتے ہوئے کیا، انہوں نے کہا کہ اسپیکر قومی اسمبلی ایاز صادق کو اسمبلی کی مدت سے متعلق بات نہیں کرنی چاہئیےتھی۔
اسپیکر کے پاس کوئی خبر ہے تو ایوان میں لائیں، ان کی باتوں نے بہت سے سوالوں کو جنم دیا ہے، میڈیا پرکی گئی بات ایازصادق پارلیمانی لیڈران سے شیئرکریں۔
نواز لیگ والے لاتوں کے بھوت ہیں باتوں سے نہیں مانتے، احتجاج اور جلسے حکومت کے راستے کی رکاوٹ نہیں ہوتے،ہم کسی کو جمہوریت کو ڈیل کرنے کی اجازت نہیں دیں گے۔
قمرزمان کائرہ نے کہا کہ سانحہ ماڈل ٹاؤن کے مظلوموں کو انصاف ملنا چاہیے، اگر ان کو انصاف نہ ملا تو ہم پاکستان عوامی تحریک کے احتجاج میں شامل ہوں گے، ڈاکٹر طاہرالقادری کی ساتھ بٹھانے کی بات احتجاج سے ہی متعلق تھی۔
ایک سوال کے جواب میں ان کا کہنا تھا کہ پیپلز پارٹی نے پی ٹی آئی سے تعاون کی کبھی درخواست نہیں کی، کرپٹ لوگ عمران خان کے دائیں بائیں کھڑے ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔
لاہور : پاکستان پیپلزپارٹی پنجاب کے رہنما قمر زمان کائرہ نے کہا ہے کہ صوبائی حقوق اوّلین ترجیح ہے، عام انتخابات میں تاخیر کسی صورت برداشت نہیں کریں گے، مردم شماری پر تمام جماعتوں کو اعتراض ہے۔
ان خیالات کا اظہار انہوں نے لاہور میں میڈیا سے گفتگو کرتے ہوئے کیا، انہوں نے کہا کہ وزیراعلیٰ پنجاب کی غضب کہانیوں کے قصےنہیں بتانا چاہتے، شہبازشریف اور راناثنااللہ مستعفی ہوکر سانحہ ماڈل ٹاؤن کیس کی تحقیقات کا سامنا کریں۔
پیپلز پارٹی کے رہنما نے کہا کہ نوازشریف کی لوٹ مار اور شہبازشریف کا قتل اہم عام ایشو ہے، وزیرداخلہ احسن اقبال نئے افلاطون بنے ہوئے ہیں۔
قمر زمان کائرہ نے کہا کہ ہمارے خلاف پی اےٹی کےدھرنے کو کسی نے غیرآئینی نہیں کہا تھا، پی پی کے دور میں پی اے ٹی کے جائزمطالبات کو تسلیم کیا گیا۔ ہم ملک میں جمہوریت کی گاڑی خراب نہیں ہونےدینگے۔
انہوں نے کہا کہ ہمیں جمہوری ہونے کیلئے کسی سے سر ٹیفکیٹ لینے کی ضرورت نہیں، ہم نے جانیں دے کر اپنی شناخت کرائی ہے لیکن جمہوریت جب بھی ڈی ریل ہوئی تو مسلم لیگ ن نے فائدے اٹھائے۔
ان کا مزید کہنا تھا کہ مردم شماری پرسب پارٹیوں نے اعتراض کیا ہے، اجلاس میں حکومت نے4،5بلاک چیک کرنے کا وعدہ کیا ہے، مردم شماری کی بنیاد پر وسائل اور نوکریاں تقسیم ہوتی ہیں۔
صوبائی حقوق پیپلزپارٹی کی اولین ترجیح ہے، الیکشن میں کسی قسم کی تاخیربرداشت نہیں کریں گے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔
شیخوپورہ : پیپلز پارٹی پنجاب کے صدر قمرزمان کائرہ نے وزیر خزانہ اسحاق ڈار کے استعفیٰ پر تبصرہ کرتے ہوئے کہا ہے کہ ڈارصاحب،اللہ آپ کوصحت دے، پتہ نہیں آپ بیمار ہیں بھی یا نہیں؟ ان کا کہنا ہے کہ نوازشریف کا نظریہ ضیاالحق کا نظریہ ہے۔
ان خیالات کا اظہار انہوں نے شیخوپورہ میں میڈیا سے گفتگو کرتے ہوئے کیا، قمرزمان کائرہ نے اپنی گفتگو میں نواز شریف کو تنقید کا نشانہ بناتے ہوئے کہا کہ نوازشریف آمریت کے گڑھ میں پیدا ہوئے، اسی لئے ان کا نظریہ ضیاالحق کا نظریہ ہے،۔
پی پی رہنما نے کہا کہ جمہوریت کا نعرہ لگانے والوں نے آمروں سے مل کرجمہوریت کو رول بیک کیا، آج میاں صاحب کے اپنے پاؤں جلے تو انہیں ووٹ کا تقدس یاد آگیا۔
قمرزمان کائرہ نے کہا کہ نوازشریف گزشتہ ساڑھے چار سال میں کتنی بار اسمبلی گئے؟ 2018میں بلاول کی قیادت میں ہم سوال کرینگے کہ میاں صاحب اے کیتا کی اے؟
انہوں نے مزید کہا کہ جسے سپریم کورٹ نااہل قرار دیدے وہ کونسلر تک نہیں بن سکتا، ممبران اسمبلی کو رشوت دے کر کالا قانون پاس کرایا گیا مگر پیپلزپارٹی کالے قانون کو سینیٹ میں پاس نہیں ہونے دے گی۔
وزیر خزانہ اسحاق ڈار کی جانب سے وزرات کو خیر باد کہنے کے حوالے سے پی پی رہنما نے دلچسپ تبصرہ کرتے ہوئے کہا کہ ڈار صاحب،اللہ آپ کو صحت دے، پتہ نہیں آپ بیمارہیں بھی یا نہیں؟
چھوٹے میاں صاحب آج کل خاموش ہیں، کہیں کوئی ڈیل تو نہیں ہورہی؟ چیئرمین پی ٹی آئی کے حوالے ان کا کہنا تھا کہ عمران خان کے ارد گرد کرپٹ لوگوں کا ٹولہ ہے، عمران خان کو اےٹی ایم مشینیں کامیاب نہیں کراسکتیں۔
لاہور : پیپلزپارٹی پنجاب کے صدر قمر زمان کائرہ نے کہا ہے کہ مولانا سمیع الحق کے ساتھ اتحاد سے عمران خان کا چہرہ قوم کے سامنے آ رہا ہے۔ نوازشریف اگر یہ کہیں کہ وہ نظریے کا نام ہیں تو اس سے بڑا مذاق کیا ہوگا۔
ان خیالات کا اظہار انہوں نے لاہور میں نیوزکانفرنس سے خطاب کرتے ہوئے کیا، قمر زمان کائرہ کا کہنا تھا کہ چیئرمین پی ٹی آئی نے خیبرپختونخوا کے بجٹ کی کٹوتی کرکے مولانا سمیع الحق کو پیسے دیئے۔
انہوں نے مزید کہا کہ مولانا سمیع الحق طالبان کے قائد ہیں، بے نظیربھٹو کے قتل کا منصوبہ بھی ان ہی کے مدرسے میں بنایا گیا تھا۔
نوازشریف پر تنقید کرتے ہوئے ان کا کہنا تھا کہ میاں صاحب کو ڈر ہے کہ پورے خاندان کو سزائیں ہو جائیں گی، پیپلزپارٹی کے دورحکومت میں ہونے والے دھرنوں کے شرکاء کو نوازشریف شاباش دیتے تھے۔
گوجرانوالہ: پیپلز پارٹی پنجاب کے صدر قمر زمان کائرہ نے کہا ہے کہ ملک کا وزیراعظم خود کو وزیراعظم ہی نہیں مانتا، نوازشریف کو اقامہ پرنہیں جھوٹ بولنے پرنکالا گیا، میاں صاحب آپ تاریخ میں بھی مائنس ہوچکے ہیں، پانامہ کیس کا فیصلہ ابھی آنا باقی ہے۔
ان خیالات کا اظہار انہوں نے گوجرانوالہ میں میڈیا سے گفتگو کرتے ہوئے کیا، انہوں نے کہا کہ نوازشریف کہتے ہیں میں مائنس نہیں ہوسکتا، میاں صاحب آپ تاریخ میں بھی مائنس ہوچکے ہیں، آپ نے کابینہ اور اسمبلیوں کو کبھی کچھ نہیں سمجھا اور نہ ہی انہیں کوئی اہمیت دی۔
قمر زمان کائرہ کا مزید کہنا تھا کہ میاں صاحب کو کسی ڈکٹیٹر یا مخالف سیاسی جماعت نے نہیں نکالا بلکہ ان کو عدالت اورعوام سے جھوٹ بولنے پر نکالاگیا۔
نواز شریف کو مخاطب کرتے ہوئے انہوں نے کہا کہ میاں صاحب آپ کی چوریاں پکڑی گئی ہیں، آپ کہتے ہیں کہ پانامہ پر پکڑا اوراقامہ پر نکال دیا جبکہ پانامہ کیس کا فیصلہ تو ابھی احتساب عدالت سے آنا باقی ہے۔
انہوں نے کہا کہ ملک کا وزیراعظم خود کو وزیر اعظم ہی نہیں مانتا بلکہ وہ ایک نااہل شخص کو اپنا وزیر اعظم مانتا ہے، ایسی حکومت پاکستان کا کیا مقدمہ لڑے گی؟
لاہور: پیپلز پارٹی پنجاب کے صدر قمرزمان کائرہ نے کہا ہے کہ میاں صاحب کو ان کے کیے کی سزا ملی، کسی نے نظام کو نہیں چھیڑا، مائنس ون فارمولا کبھی چلاہے اور نہ ہی ہم اسے چلنے دیں گے، ملک بہتری کی جانب چل رہا ہے اور سب اچھا ہوتا جارہا ہے۔
ان خیالات کا اظہار انہوں نے لاہور میں میڈیا سے گفتگو کرتے ہوئے کیا، انہوں نے کہا کہ پیپلزپارٹی تمام سیاسی جماعتوں کو ساتھ لے کرچلتی رہی، ہم چاہتے تھے سیاسی جماعتیں متحد ہوں گی تو پارلیمان بھی مضبوط ہوگا۔
قمرزمان کائرہ کا کہنا تھا کہ مسلم لیگ ن کا قبضہ مافیا والا مائنڈ سیٹ ابھی تک نہیں گیا، ماضی میں اے آر ڈی میاں صاحب کو رہا کرانے کی کوشش کررہی تھی اور میاں صاحب قوم کی پیٹھ میں چھرا گھونپ کر بیرون ملک چلے گئے تھے۔
انہوں نے کہا کہ محترمہ فاطمہ جناح کے بعد مادرملت کا لقب نصرت بھٹو کو دیا گیا تھا، خطاب ایسے ہی نہیں ملتے، قوم کی خدمت کرنے پرخطاب سے نوازا جاتا ہے، سیاسی شعور کسی کو70سال میں بھی نہیں آتااورکسی کو22سال میں آجاتا ہے۔
نواز شریف کو پتہ نہیں کون سے نوٹس کا انتظار ہے ؟
ایک سال کے جواب میں انہوں نے کہا کہ شریف خاندان نیب میں پیش نہیں ہوا، جواز یہ پیش کیا جارہا ہے کہ نوٹسزنہیں ملے، تو کوئی بات نہیں کل مل جائیں گے، ہم بھی دیکھتے ہیں کہ شریف خاندان تاخیری حربے کب تک استعمال کرتا ہے؟
نوازشریف کہتے ہیں میرا کیا قصور ہے، بہت جلد سب ثابت ہوجائے گا، نواز شریف کو پیش تو ہونا ہوگا، بہانے نہ کریں نیب سامنا کریں، میڈیا ایڈوانس ہے کل پورادن نیوز چلتی رہی کہ نوٹس ہوگئے، نوازشریف کو پتہ نہیں کون سے نوٹس کا انتظار ہے۔
انہوں نے کہا کہ نظرثانی اپیل کے بعد حکم امتناع شاید نہیں لیا جاسکتا، فیصلہ خلاف آنے تک ملک ٹھیک چل تھا آج حالات برےہوگئے، پارلیمان کو مضبوط کرنےکی باتیں اس وقت کرتےجب وہ پارلیمان میں نہیں آتے تھے، میاں صاحب کو ان کے جرائم کی سزا میں حکومت سے الگ کیا گیا، نیا وزیراعظم بھی آگیا اب جمہوریت کو کس قسم کا خطرہ ہے۔
قمر زمان کائرہ کا مزید کہنا تھا کہ ووٹ کا تقدس پامال کرنے والوں میں نوازشریف خود شامل تھے، ہم نے ووٹ کے تقدس کو بحال کیا، پارلیمنٹ کو مضبوط کیا، نوازشریف کو ان کے اپنے کیے گئے کاموں کے پھل مل رہے ہیں، ان کے خلاف عمران خان،شیخ رشید، سراج الحق عدالت گئے، جواب میں نوازشریف نے بھی عمران خان پر کیسز کیے ہیں۔
قمرزمان کائرہ نے کہا کہ نوازشریف اب پاکستان کےعوام کو بےوقوف نہیں بناسکتے، ضمنی الیکشن کی تیاری ہورہی ہے، پیپلزپارٹی لاہور میں کامیاب ہوگی۔
عمران خان پہلے خود پر لگنے والے الزامات کا تو جواب دیں
انہوں نے چیئرمین پی ٹی آئی عمران خان کو اپنی تنقید کا نشانہ بناتے ہوئے کہا کہ عمران خان کو بار بار کہہ چکے ہیں کہ پہلے عدالت میں خود پر لگنے والے الزامات کا جواب تو دیں، عمران خان کے ساتھ وہی لوگ کھڑے ہیں جو الزامات لگاتے ہیں، ہم بھی کہیں نہیں جارہے آپ کے الزامات کا جواب ضرور دیں گے۔
قمرزمان کائرہ نے واضح طور پر کہا کہ مائنس ون کا فارمولا پیپلزپارٹی کیخلاف استعمال کرنے کی کوشش کی گئی، مائنس ون فارمولا کبھی چلاہے اور نہ ہی ہم اسے چلنے دیں گے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
لاہور: پاکستان پیپلزپارٹی پنجاب کے صدرقمرزمان کائرہ نے کہا ہے کہ پہلی بار احتساب ہونے پر نواز شریف کی چیخیں نکل گئی ہیں، پیپلز پارٹی کو چھوڑنے والے اہم لوگ تھے لیکن نام نہیں پارٹی بڑی ہوتی ہے۔
یہ بات انہوں نے میڈیا سے گفتگو کرتے ہوئے کہی، قمر زمان کائرہ نے کہا کہ میرا مرنا اور جینا پیپلز پارٹی کے ساتھ ہے، اگر کوئی ایسا وقت آیا تو سیاست تو چھوڑ سکتا ہوں لیکن اپنی پارٹی کو نہیں چھوڑوں گا۔
انہوں نے کہا کہ ان بڑے بڑے ناموں کو پارٹی ٹکٹ نہ دیتی تو یہ ایم این اے نہ ہوتے، وزیر نہ ہوتے اور ان کو کوئی جانتا نہ ہوتا۔
ایک سوال کے جواب میں ان کا کہنا تھا کہ پانامہ کیس میں حکومتی وزراء جے آئی ٹی پر اپنا غصہ نکال رہے ہیں، میاں صاحب اب زیادہ مت چیخیں کیونکہ آپ کی چوری پکڑی گئی ہے، اس بار آپ اور آپ کا پورا ٹبر جیل میں ہوگا۔
