ARYNews.tv | Urdu – Har Lamha Bakhabar

Tag: قندیل بلوچ

  • غیرت کے نام پر قتل ہونے والی قندیل بلوچ کے بھائی کی بریت کیخلاف سپریم کورٹ میں اپیل دائر

    غیرت کے نام پر قتل ہونے والی قندیل بلوچ کے بھائی کی بریت کیخلاف سپریم کورٹ میں اپیل دائر

    لاہور : غیرت کے نام پر قتل ہونے والی ماڈل قندیل بلوچ کے بھائی کی بریت کے خلاف پنجاب حکومت نے سپریم کورٹ میں اپیل دائر کردی۔

    تفصیلات کے مطابق پنجاب حکومت نے قندیل بلوچ قتل کیس میں ملزم کی بریت کیخلاف اپیل دائر کردی ، ایڈیشنل پراسیکیوٹر جنرل پنجاب خرم خان نے پنجاب حکومت کی جانب سے سپریم کورٹ لاہور رجسٹری میں اپیل دائر کی گئی ۔

    اپیل میں موقف اختیار کیا گیا ہے کہ ملزم وسیم نے غیرت کے نام پراپنی بہن قندیل بلوچ کوقتل کیا، ٹرائل عدالت نے ملزم کو عمر قید کی سزاء کا حکم سنایا۔

    پنجاب حکومت کی جانب سے کہا گیا کہ لاہور ہائی کورٹ ملتان بنچ نے راضی نامہ ہونے اور گواہوں کے منحرف ہونے کی بناء پر ملزم کو بری کردیا ۔

    اپیل میں کہا ہے کہ ملزم کے خلاف ٹھوس شواہد اور گواہ موجود ہیں، ہائی کورٹ نے فیصلے میں اہم نکات کو نظر انداز کیا۔

    پنجاب حکومت کا کہنا تھا کہ قندیل بلوچ کی شادی عاشق نامی شخص سے ہوٸی تھی جس س اس کا ایک بیٹا مشال عاشق بھی ہے، ہاٸی کورٹ نے بریت سے پہلے قندیل بلوچ کے بیثے کو طلب کیا نہ ہی اس کا راضی نامہ شامل کیا گیا تاہم قانون کے مطابق تمام ورثاء کی رضامندی کے بغیر بریت نہیں کی جا سکتی ۔

    اپیل میں استدعا کی گٸی کہ ہاٸی کورٹ کے فیصلے کوکالعدم قرار دیتے ہوئے ملزم کی سزاء کو بحال کیا جائے۔

  • قندیل بلوچ قتل کیس میں نیا موڑ

    قندیل بلوچ قتل کیس میں نیا موڑ

    ملتان: عدالت نے قندیل بلوچ قتل کیس کے مرکزی ملزم وسیم کی درخواست ضمانت خارج کردی، مقتولہ کے والدین نے سیشن کورٹ میں معافی نامہ بھی جمع کروایا۔

    تفصیلات کے مطابق قندیل بلوچ قتل کیس کی سماعت ملتان کی سیشن کورٹ میں ہوئی جہاں مقتولہ کے والدین نے عدالت میں بیان حلفی جمع کرایا جس میں کہا گیا تھا کہ ہم نے بیٹے کو معاف کردیا اگر عدالت چاہے تو ملزم کو ضمانت پر رہا کردے۔

    بیانِ حلفی میں کہا گیا کہ اگر عدالت مقدمے کے مرکزی ملزم وسیم کی ضمانت منظور کردیتی ہے تو انہیں کوئی اعتراض نہیں، سیشن جج نے والدین کی جانب سے بیان جمع ہونے کے باوجود وسیم کی درخواست ضمانت کو مسترد کردیا۔

    قبل ازیں مقتولہ کے والدین اپنے صاحبزادے کو بچانے اُس کے حق میں جج کے روبرو پیش ہوکر عدالت میں بیان دے چکے ہیں۔

    مزید پڑھیں: قندیل بلوچ قتل کیس : مفتی عبدالقوی سینٹرل جیل ملتان سے ضمانت پر رہا

    یاد رہے کہ معروف ماڈل اور شوبز اسٹار قندیل بلوچ 2016 میں جب اپنے والدین سے ملاقات کے لیے آئیں تو رات کو سوتے ہوئے اُن کے بھائی وسیم نے گلا گھونٹ کر قتل کردیا تھا۔

    قتل میں ملوث مرکزی ملزم آبائی علاقے سے فرار ہوگیا تھا مگر پولیس نے کارروائی کرتے ہوئے اُسے گرفتار کیا تو تفتیش کے دوران اُس نے واردات کا اعتراف کیا۔

    وسیم کا اپنے اعترافی بیان میں کہنا تھا کہ قندیل بلوچ اہل خانہ اور خاندان کے لیے رسوائی کا سبب بن رہی تھی البتہ جب عدالت نے تین ملزمان پر فرد جرم عائد کی تو انہوں نے صحت جرم سے انکار کردیا تھا۔

    مقتولہ کے والد نے مفتی عبدالقوی کو بیٹی کے قتل کا قصور وار ٹھہراتے ہوئے اُن پر الزام عائد کیا تھا جس کے بعد انہیں بھی شامل تفتیش کیا گیا تھا۔

  • مفتی قوی کی چمڑی ادھیڑی جائے، سب پتا چل جائےگا، والد قندیل بلوچ

    مفتی قوی کی چمڑی ادھیڑی جائے، سب پتا چل جائےگا، والد قندیل بلوچ

    ملتان: قندیل بلوچ قتل کیس میں مفتی عبد القوی کے جسمانی ریمانڈ میں 2 روز کی توسیع کردی گئی، قندیل کے والد کا کہنا تھا کہ قوی کو کسی صورت معاف نہیں کریں گے، اس کی چمڑی ادھیڑ کر تفتیش کی جائے سب پتا چل جائے گا۔

    تفصیلات کے مطابق ملتان کی سیشن عدالت میں قندیل بلوچ کیس کی سماعت ہوئی جس میں ملزم مفتی عبد القوی کو 3 روزہ جسمانی ریمانڈ کے بعد پیش کیا گیا۔

    پیشی پر میڈیا سے بات کرتے ہوئے قندیل بلوچ کے والد کا کہنا تھا کہ اصل قاتل مفتی عبد القوی اسے کسی صورت معاف نہیں کریں گے، قوی کی چمڑی ادھیڑ کر تفتیش کی جائے وہ سب کچھ بتا دے گا کہ اس نے کیا کیا ہے۔

    دل کے مریض کا پولی گرافک ٹیسٹ درست نہیں آسکتا، وکیل مفتی قوی

    سماعت کے دوران مفتی عبد القوی کے وکیل کا کہنا تھا کہ پولی گرافک ٹیسٹ کے بارے میں پولیس نے کہا ہے کہ رپورٹ منفی آئی ہے جبکہ دل کے مریض کا پولی گرافک ٹیسٹ درست آہی نہیں سکتا۔

    ان کا کہنا تھا کہ یہ سارا کا سار ہوائی قلعہ ہے جو کھڑا کیا جارہا ہے، مفتی صاحب کو زبردستی اس کیس سے جوڑا جا رہا ہے۔

    حوالات میں مسائل اور درس قرآن کا سلسلہ جاری ہے، مفتی قوی

    دوسری جانب پیشی پر آنے والے مفتی قوی ہشاش بشاش نظر آئے، ان کا کہنا تھا کہ حوالات میں سب کچھ ٹھیک ٹھاک ہے، حوالات میں مسائل اور درس قرآن کا سلسلہ جاری ہے۔

    مزید پڑھیں: قندیل بلوچ قتل کیس، مزید تصاویر موجود ہونے کا امکان

    تاہم عدالت نے ان کے دلائل کو مسترد کرتے ہوئے مفتی عبدالقوی کے جسمانی ریمانڈ میں مزید 2 روز کا اضافہ کردیا۔

    واضح رہے کہ گزشتہ برس 16 جولائی کو جب معروف ماڈل قندیل بلوچ اپنے والدین سے ملنے گھر آئیں تو رات میں سوتے ہوئے ان کے بھائی وسیم نے گلا دبا کر اداکارہ کو ہلاک کردیا اور جائے واردات سے فرار ہو گیا تھا تاہم بعد ازاں پولیس نے ملزم کو گرفتار کرلیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • قندیل بلوچ قتل،پولیس نےعبوری چالان جمع کرادیا

    قندیل بلوچ قتل،پولیس نےعبوری چالان جمع کرادیا

    ملتان : ماڈل قندیل بلوچ قتل کیس میں پولیس نے عبوری چالان پر لگائےگئے اعتراضات دور کرکے چالان پراسیکیوٹر کو جمع کرادیا۔

    تفصیلات کےمطابق پولیس کی جانب سے پراسیکیوٹر کوجمع کرائے گئےعبوری چالان میں کہا گیا ہے کہ مفتی عبدالقوی سے تفتیش جاری ہے جبکہ قندیل کے والدین کے موبائل فون کی تفصیلات حاصل کی جار ہی ہیں۔

    پولیس ذرائع کا کہنا ہے کہ ٹھوس شواہد نہ ہونے کی وجہ سے ملزم کی گرفتاری التواکا شکار ہے جبکہ قندیل کے والدین سے بھی تفتیش کا سلسلہ جاری ہے ۔

    خیال رہےکہ پراسیکیوٹر کی جانب سے عبوری چالان پر اعتراضات لگائے گئے تھے اور پولیس کو چالان میں اعتراضات دور کرنے کی ہدایت کی گئی تھی جس کے بعد اب پولیس نے اعتراضات دور کر کے عبوری چالان جمع کرادیا ہے۔

    مزیدپڑھیں: قندیل بلوچ کے بھائیوں کواشتہاری ملزم قراردلوانے کیلیے درخواست دائر

    یاد رہے کہ اس سے قبل گزشتہ ماہ قندیل بلوچ کے دو بھائیوں کو اشتہاری ملزم قراردلوانے کے لیے پولیس نے ملتان کی مقامی عدالت میں درخواست دائر کی تھی۔

    مزید پڑھیں: شرمین چنائے ماڈل قندیل بلوچ کی زندگی پر فلم بنائیں گی

    واضح رہےکہ آسکرایوارڈ یافتہ ہدایت کارہ شرمین عبید چنائے نے معروف شو بزماڈل قندیل بلوچ کی زندگی پر فلم سازی کا باقاعدہ آغازکردیا ہے،قندیل بلوچ کو غیرت کے نام پر قتل کردیا گیا تھا۔

  • شرمین چنائے ماڈل قندیل بلوچ کی زندگی پر فلم بنائیں گی

    شرمین چنائے ماڈل قندیل بلوچ کی زندگی پر فلم بنائیں گی

    ملتان : آسکرایوارڈ یافتہ ہدایتکارہ شرمین عبید چنائے نے معروف شو بزماڈل قندیل بلوچ کی زندگی پر فلم سازی کا باقاعدہ آغازکردیا ہے،قندیل بلوچ کو غیرت کے نام پر قتل کردیا گیا تھا۔

    تفصیلات کے مطابق آسکرایوارڈ یافتہ فلم سازشرمین عبید چنائے نے جولائی کے مہینے میں غیرت کے نام پرقتل ہونے والی معروف ماڈل اور سوشل میڈیا پرقابل اعتراض ویڈیو اور تصاویر اپ لوڈ کرنے والی قندیل بلوچ کی زندگی پر فلم بنا رہی ہیں۔

    فلم کا موضوع ‘غیرت کے نام پر قتل’ ہے جو ایک غیر ملکی نشریاتی ادارے اور ایک بین الاقوامی این جی او کی شراکت سے تیار کی جارہی ہے۔

    اسی سے متعلق : ماڈل قندیل بلوچ کو قتل کر دیا گیا

    فلم کی کہانی میں قندیل بلوچ کے خاندان کا رہن سہن، عادت و اطوار، علاقائی رسومات و نظریات کو زیر بحث بنایا گیا ہے جب کہ فلم کا کلائمکس قندیل بلوچ کا اپنی روایات سے بغاوت کرنا اور پھر اُس کی پاداش میں موت کے گھاٹ اُتار دینا ہے۔

    یہ بھی پڑھیں : اپنے رشتے دار حق نواز کے ساتھ مل کر قندیل کو قتل کیا، بھائی وسیم

    واضح رہے کہ قندیل بلوچ کو ملتان کے مضافاتی علاقے مظفرگڑھ کے گرین ٹاون میں اپنے گھرہی میں سگے بھائی نے تشدد کے بعد گلہ گھونٹ کرقتل کردیا گیا تھا۔

  • قندیل بلوچ کے بھائیوں کواشتہاری ملزم قراردلوانے کیلیے درخواست دائر

    قندیل بلوچ کے بھائیوں کواشتہاری ملزم قراردلوانے کیلیے درخواست دائر

    ملتان : سوشل میڈیا سے شہرت کی بلندیوں کو چھونے والی مقتولہ ماڈل گرل قندیل بلوچ کے قتل میں ملوث اس کے دو بھائیوں کو اشتہاری ملزم قراردلوانے کے لیے پولیس نے ملتان کی مقامی عدالت میں درخواست دائر کی ہے۔

    درخواست میں مؤقف اختیار کیا گیا ہے کہ دونوں ملزمان تفتیش کے سلسلے میں پولیس کے سامنے پیش نہیں ہو رہے اس لیے اُن کے وارنٹ گرفتاری جاری کرنے کے ساتھ ساتھ اُنھیں اشتہاری قرار دیا جائے۔

    درخواست میں قندیل بلوچ کے جن دو بھائیوں کا ذکر کیا گیا ہے ان میں سے پہلا اسلم شاہین جو پاک فوج میں نائب صوبیدارکے عہدے پرفائزہے اورمقامی پولیس کے مطابق وہ ان دنوں کراچی میں تعینات ہے۔

    دوسرے ملزم عارف کے اس واقعے میں ملوث ہونے کے بارے میں مرکزی ملزم اورقندیل کے بھائی وسیم نے پولیس کو دوران تفتیش بتایا تھا۔

    ملزم اسلم شاہین کو مقتولہ قندیل کے والد نے اس مقدمے میں نامزد بھی کیا ہوا ہے جبکہ ملزم عارف کے بارے میں بتایا جاتا ہے کہ وہ سعودی عرب میں تھا تاہم قندیل بلوچ کے قتل کے موقع پر وہ پاکستان میں ہی موجود تھا۔

    مزید پڑھیں : ماڈل قندیل بلوچ کو قتل کر دیا گیا

    دوسری جانب ملزم عارف کی گرفتاری کے لیے تفتیشی ٹیم نے محتلف جگہوں پر چھاپے بھی مارے ہیں لیکن ابھی تک اس میں کامیابی نہیں ملی۔

    پولیس کے مطابق ملزم اسلم شاہین کو قندیل بلوچ کے قتل کے مقدمے میں تفتیش کے لیے پولیس کے سامنے پیش ہونے کے لیے متعدد بار نوٹس بھیجے گئے لیکن وہ پیش نہیں ہوا۔

     

  • قندیل بلوچ کا فیس بک اور انسٹاگرام اکاونٹ ہمیشہ کے لیے ختم

    قندیل بلوچ کا فیس بک اور انسٹاگرام اکاونٹ ہمیشہ کے لیے ختم

    کراچی: سوشل میڈیا سے پاکستان بھر میں شہرت حاصل کرنے والی قندیل بلوچ کو قتل ہوئے ایک ہفتہ گزرچکا ہے جبکہ اس ان کے قتل کے حوالے سے مختلف انکشافات بھی ہورہے ہیں۔

    ماڈل قندیل بلوچ کے قتل کی تفتیش جاری ہے اسی دوران سماجی رابطے کی مقبول ترین ویب سائٹ فیس بک نے قندیل بلوچ کا آفیشل پیج بھی ڈیلیٹ یا ختم کردیا ہے، قندیل بلوچ کے فیس بک پیج کے فالورز کی تعداد 7 لاکھ سے زیادہ تھی، قندیل بلوچ کا نہ صرف فیس بک اکاونٹ بلکہ فیس بک کی زیرملکیت انسٹاگرام میں بھی قندیل بلوچ کا اکاونٹ ختم کردیا گیا ہے۔

    واضح رہے کہ فیس بک کی مرحوم فرد کے حوالے سے پالیسی یہ ہے کہ اگر فین پیج کا ایک سے زیادہ ایڈمسٹریٹر نہ ہو تو اسے بلاک کردیا جاتا ہے، قندیل بلوچ اپنے پیج کی واحد ایڈمنسٹریٹر تھیں جس کے نتیجے میں فیس بک نے ان کا پیج اپنے پلیٹ فارم سے ہٹا دیا ہے۔

    انسٹاگرام میں بھی لگ بھگ یہی پالیسی ہے یعنی کسی مرحوم فرد کا اکاﺅنٹ اسی صورت میں بحال رکھا جاتا ہے جب کوئی ٹھوس درخواست موصول ہو ورنہ موت کی تصدیق ہونے کی صورت میں اکاﺅنٹ کو ختم کردیا ہے۔

    آپ فیس بک پر قندیل بلوچ کا پیج اوپن کرنے کی کوشش کریں تو یہ میسج سامنے آئے گا۔

    Message appearing on Qandeel's Facebook page that has been removed.

    دوسری جانب ملتان پولیس نے بھائی کے ہاتھوں غیرت کے نام پرقتل ہونے والی ماڈل واداکارہ قندیل بلوچ کا بینک اکاونٹ ٹریس کرلیا، فوزیہ عظیم کے نام سے کھلوائے گئے بینک اکاونٹ میں ایک لاکھ 25ہزارروپے کی رقم موجود ہے۔

  • قندیل بلوچ قتل کیس میں پیش رفت،دو بھابھیاں بھی گرفتار

    قندیل بلوچ قتل کیس میں پیش رفت،دو بھابھیاں بھی گرفتار

    ملتان : پولیس نے ماڈل قندیل بلوچ کے قتل کے ملزم وسیم کا ڈی این اے حاصل کرکے ملزم کا پولی گرافک ٹیسٹ بھی لیا گیا جب کہ مقتولہ کی دو بھابھیوں کو حراست میں لے گیا ہے۔

    پولیس ذرائع کے مطابق ماڈل قندیل بلوچ کے قتل میں گرفتار مرکزی ملزم وسیم کو جمعہ کے روزعلی الصبح ملتان سے لاہور منتقل کیا گیا اور فرنزک لیبارٹری میں اس کا ڈی این اے ٹیسٹ اور پولی گرافک ٹیسٹ کیا گیاجب کہ قندیل بلوچ کا گمشدہ موبائل فون بھی آبائی گھر سے برآمد کر لیا ہے،تحقیقات کا دائرہ کار بڑھاتے ہوئے پولیس نے قندیل بلوچ کی دو بھابھیوں کو حعاست میں لے کر تھانے منتقل کردیا ہے جہاں اُن سے قتل کے حوالے سے تفتیش کی جا رہی ہے۔

    مزید پڑھیے : ماڈل قندیل بلوچ کو قتل کر دیا گیا

    سی پی او ملتان اظہر اکرام نے بتایا کہ ملتان پولیس نے قندیل بلوچ قتل کیس کے حوالے سے تفتیش کادائرہ کار بڑھاتے ہوئے اس کی دوبھابھیوں سحرش بتول اور اقبال مائی کو بھی حراست میں لے لیا ہے، جب کہ قندیل بلوچ کے قتل میں اگر کسی قسم کا اجتماعی فیصلہ کیا گیا ہے تو اس پہلو پر بھی پولیس نے تفتیش شروع کردی ہے۔

    دوسری طرف وقوعہ کے روز شیرشاہ روڈ ملتان پر واقع گھر سے قندیل بلوچ کا موبائل فون بھی غائب تھا،جو اس کے آبائی گھر شاہ صدرالدین ڈیرہ غازی خان سے مل گیا ہے۔ قندیل بلوچ کے والد نے یہ موبائل پولیس کے حوالے کردیا ہے جس کے بعد قتل کے حوالے اہم انکشافات ہونے کی امید ہے۔

  • قندیل بلوچ کا خون رائیگاں چلا جائے گا، سینیٹراعتزازاحسن

    قندیل بلوچ کا خون رائیگاں چلا جائے گا، سینیٹراعتزازاحسن

    اسلام آباد : پیپلز پارٹی کے سینیٹر اعتزاز احسن نے کہا ہے کہ بھائی کے ہاتھوں قتل ہونے والی قندیل بلوچ کا خون رائیگاں چلا جائےگا کیونکہ مقتولہ کا باپ اس کا خون معاف کردے گا۔

    تفصیلات کے مطابق ماڈل گرل قندیل بلوچ کے قتل کی بازگشت سینٹ میں بھی سنی گئی۔ چیئرمین سینیٹ میاں رضا ربانی کی زیرصدارت اجلاس میں اعتزازاحسن پھٹ پڑے۔

    سینیٹر نے انکشاف کیا کہ قندیل بلوچ کو ایک نہیں اس کے دو بھائیوں نے قتل کیا۔ انہوں نے کہا کہ مقتولہ کا خون رائیگاں چلا جائے گا کیونکہ کچھ وقت بعد مقتولہ کا والد اس کا خون معاف کردے گا۔

    اعتزازاحسن کا کہنا تھا کہ مفتی عبدالقوی نے اس عمر میں قندیل بلوچ کو شادی کی پیشکش کرکے کوئی احسان نہیں کیا، اعتزازاحسن نے کہا کہ اس معاملے میں میڈیا کا کردار اچھا نہیں رہا۔

    میڈیا نے اس کے بھائی کا بیان نشر کیا کہ اسے بہن کے قتل پر ندامت نہیں، انہوں نے کہا کہ اس بھائی کی غیرت تب کہاں تھی جب بہن کے پیسے سے گھر چلتا تھا، قندیل بلوچ کا قصور صرف اتنا تھا کہ اپنی مرضی کی زندگی جینا چاہتی تھی۔

    ان کا کہنا تھا کہ کسی خاتون کا دوپٹہ سر پر نہ ہو یا وہ کسی غیر مرد سے بات بھی کرلے تو مرد تفتیش کرنے لگتے ہیں۔ انہوں نے کہا کہ خواتین کو تخفظ فراہم کرنے والا بل اب پاس کرانا ناگزیر ہوگیا ہے۔

     

  • پولیس نے قندیل بلوچ کے بھائی کا ریمانڈ حاصل کر لیا

    پولیس نے قندیل بلوچ کے بھائی کا ریمانڈ حاصل کر لیا

    ملتان : ماڈل قندیل بلوچ کے قاتل بھائی وسیم کو عدالت نے تین روزہ جسمانی ریمانڈ پر پولیس کے حوالے کردیا ۔

    ذرائع کے مطابق قندیل بلوچ قتل کیس کے ملزماُس کے سگے بھائی وسیم کو پولیس نے گرفتار کرکے آج عدالت میں پیش کردیا گیا جہاں تفتیشی افسر نے عدالت کو بتایا کہ ملزم سے تفتیش جاری ہے اور قتل کے حوالے سے اہم انکشافات سامنے آرہے ہیں اس لیے عدالت ست استدعا ہے کہ ملزم کا جسمانی ریمانڈ دیا جائے ۔

    اسی سے متعلق : ماڈل قندیل بلوچ کو قتل کر دیا گیا

    اس موقع پر عدالت نے تفتیشی افسر کی استدعا کو قبول کرتے ہوئے ملزم وسیم کو تین روزہ جسمانی ریمانڈ پر پولیس کے حوالے کردیا گیا۔


    Qandeel Baloch’s brother sent to three-day… by arynews

    واضح رہے گزشتہ روز معروف ماڈل اور ممتاز شوبز شخصیت قندیل بلوچ کو اُن کے گھر واقع ملتان میں قتل کردیا گیا ،قندیل بلوچ اپنے والدین سے ملنے گھر آئی ہوئیں تھیں کہ رات سوتے ہوئے اُن کے بھائی نے وسیم نے گلا دبا کر قندیل بلوچ کو ہلاک کرکے گاؤں فرار ہو گیا تھا جہاں پولیس نے چھاپہ مار کارروائی میں ملزم کو گرفتار کرلیا تھا۔