مسقط: عمان میں سیکیوٹی حکام نے لیبر اور رہائشی قوانین کی خلاف ورزی کرنے پر غیرملکیوں کے ایک گروپ کو گرفتار کرلیا ہے۔
میڈیا رپورٹس کے مطابق شمالی البطینہ گورنری کی ولایت سویق میں غیر ملکیوں کے ایک گروپ کو حراست میں لیا گیا جو غیرملکیوں کے لیے بنائے گئے لیبر اور رہاشی قوانین کی خلاف ورزی کے مرتکب پائے گئے تھے۔
رائل عمان پولیس کی طرف سے آن لائن جاری کردہ بیان میں بتایا گیا کہ شمالی البطینہ گورنریٹ پولیس کمانڈ نے ولایت سویق میں ایشیائی اور افریقی قومیتوں کے حامل کچھ افراد کو گرفتار کیا ہے۔
آر پی او کا مزید کہنا تھا کہ اس گروپ کو غیرملکیوں کےلیے بنائے گئے مزدوری اور رہائش کے قوانین کی خلاف ورزی کرنے پر پکڑا گیا۔
اپنے بیان میں رائل عمان پولیس نے مزید بتایا کہ پکڑے گئے ان غیرملکی افراد کے خلاف قانونی طریقہ کار کو فالو کرتے ہوئے کارروائی کی جارہی ہے۔
