Tag: قوانین کی سنگین خلاف ورزی

کراچی : سول ایوی ایشن اتھارٹی نے کراچی ایئرپورٹ پر قوانین کی دھجیاں اُڑادیں، ایئرپورٹ پر کار لفٹر کا استعمال شروع کردیا۔

تفصیلات کے مطابق سول ایوی ایشن اتھارٹی نے قوانین کی سنگین خلاف ورزی کرتے ہوئے ایئرپورٹ لاؤنج کے اندر کارلفٹر چلانے شروع کردیئے۔

اس حوالے سے ذرائع کا کہنا ہے کہ مسافروں کا سامان رکھنے والی ٹرالی کو کارلفٹر کے ذریعے ایئرپورٹ لاؤنج کے اندر پہنچایا جارہا ہے، ٹرالیوں کو سی اے اے کا عملہ دھکیل کر لاؤنج کے اندر پہنچاتا تھا۔

pic.twitter.com/iq7glveOgQ

— Ejaz Ul Amin (@EjazUlAmin) December 2, 2017

اس سے پہلے تھری وہیلر موٹر بائیک کے ذریعے ٹرالیوں کو ایئرپورٹ لاؤنج کے اندر پہنچایا جاتا تھا، یاد رہے کہ قوانین کے مطابق ایئرپورٹ لانج میں کار لفٹر کا استعمال ممنوع ہے۔

علاوہ ازیں پی آئی اے کی بیرونی ملک جانے والی پروازوں پر زائد المیعاد ہینڈ باڈی کلون کے استعمال کا انکشاف ہوا ہے، انتظامیہ کی جانب سے دوران پرواز ٹوائلٹس میں رکھے گئے زائد المیاد ہینڈ باڈی کلون کے استعمال سے مسافروں کی صحت داوٴ پر لگادی گئی۔

زائد المیعاد ہونے کے باوجود ہینڈ باڈی کلون کی ہزاروں بوتلیں دو ہزار پندرہ میں ایک کروڑ روپے سے زائد مالیت میں خریدی گئیں، زائد المیعاد ہینڈ واش کلون لاہور میں واقع پی آئی اے کے ویئر ہاؤس ایس آر 70میں رکھی ہوئی تھیں۔

پی آئی اے کی ایم آئی ایس نے چھاپہ مار کر ہزاروں بوتلیں قبضے میں لے کرتحقیقات کا آغاز کردیاہے، واضح رہے کہ جی ایم فوڈ تحقیقات سے قبل ہی بیرون ملک فرار ہوچکے ہیں۔