Tag: قوم

واشنگٹن: امریکا میں پاکستانی سفیر اسد مجید خان کا کہنا ہے کہ آزادی کی جدوجہد میں قوم کشمیری بھائیوں کے ساتھ کھڑی ہے۔

تفصیلات کے مطابق واشنگٹن میں پاکستانی سفارت خانے میں یوم دفاع کے حوالے سے پُر وقار تقریب ہوئی جس میں افواج پاکستان کی پیشہ ورانہ مہارت،تیاریوں پرمبنی دستاویزی فلمیں پیش کی گئیں۔

امریکا میں پاکستانی سفیراسد مجیدخان نے تقریب سے خطاب کے دوران عوام،افواج کی قربانیوں کو خراج تحسین پیش کرتے ہوئے کہا کہ پاکستانی قوم،افواج نے اندرونی وبیرونی جارحیت کا ڈٹ کر مقابلہ کیا۔

اسد مجید خان کا کہنا تھا کہ پاکستانی قوم،افواج نے دہشت گردی کے خلاف جنگ میں کامیابی حاصل کی۔انہوں نے تقریب سے خطاب کرتے ہوئے کہا کہ پاکستان علاقائی اورعالمی امن کے لیے کردار ادا کرتا رہے گا۔

یوم دفاع کے موقع پر پاکستانی سفیر نے کہا کہ آزادی کی جدوجہد میں قوم کشمیری بھائیوں کے ساتھ کھڑی ہے۔

ڈیفنس اتاشی بریگیڈئیر کمال انور چوہدری نے بھی تقریب سے خطاب کرتے ہوئے کہا کہ دفاع وطن میں عظیم قربانیوں کو ہمیشہ یاد رکھا جائے گا۔

ملک بھر میں یوم دفاع آج ملی جوش و جذبے سے منایا جارہا ہے

واضح رہے کہ ملک بھر میں یوم دفاع پاکستان آج ملی جوش وجذبے اور شہدائے وطن کے ساتھ محبت وعقیدت کے ساتھ منایا جا رہا ہے۔

راولپنڈی: عید الفطر کے موقع پر مسلح افواج کے سربراہان نے قوم کو عید کی مبارکباد دیتے ہوئے کہا کہ ہمارے دل طیارے کے المناک حادثے پر افسردہ ہیں۔

تفصیلات کے مطابق سماجی رابطے کی ویب سائٹ ٹویٹر پر آئی ایس پی آر کی جانب سے پیغام جاری کیا گیا جس میں آرمی چیف جنرل قمر جاوید باجوہ نے قوم کو عیدالفطر کی مبارکباد دیتے ہوئے کہا کہ ہم آج کے چیلنجوں پر قابو پانے کے لیے اللہ تعالیٰ کی مدد اور رہنمائی کے لیے دعا کرتے ہیں۔

“Wishing our nation a happy Eid Ul Fitr. We pray for Allah’s guidance and blessings to overcome present day challenges”. COAS pic.twitter.com/61zrLRUaiL

— DG ISPR (@OfficialDGISPR) May 23, 2020

پاک بحریہ کے سربراہ ایڈمرل ظفر محمود عباسی نے عید پر اپنے پیغام میں کہا کہ اللہ تمام دنیا، عالم اسلام اور پاکستان پر خصوصی رحمتیں نازل فرمائے،یہ وقت باہمی ایثار،اخوت کے جذبے کا پہلے سے بڑھ کر متقاضی ہے۔

نیول چیف نے کرونا اور طیارہ حادثے کے شکار لواحقین سے اظہاریکجہتی کرتے ہوئے کہا کہ اللہ مرحومین کی مغفرت اور لواحقین کو صبر عطا فرمائے۔پاک بحریہ کے سربراہ نے پاک افواج کے شہدا کو بھی خراج تحسین پیش کیا۔

پاک فضائیہ کے سربراہ ایئر چیف مارشل مجاہد انور خان نے قوم کو عید کے پرمسرت موقع پر مبارکباد دیتے ہوئے کہا کہ یہ عید انتہائی غیرمعمولی حالات میں آئی ہے،قوم بڑی بہادری سے کرونا جیسے وبائی مرض کا مقابلہ کر رہی ہے۔

ایئر چیف نے طیارہ حادثے،کرونا سے جاں بحق افراد کے لواحقین سے اظہار تعزیت کرتے ہوئے کہا کہ ہمارے دل طیارے کے المناک حادثے پر افسردہ ہیں۔

ایئر چیف مارشل مجاہد انور خان نے اپنے پیغام میں کشمیری بہنوں اور بھائیوں کو بھی خراج تحسین کرتے ہوئے کہا کہ کشمیری بھارتی جارحیت اور مظالم کا سامنا کر رہے ہیں۔

اسلام آباد: وزیراعظم عمران خان کا کہنا ہے کہ احتیاط کی ضرورت ہےگھبرانے کی نہیں،کرونا وائرس کے خطرات سے پوری طرح آگاہ ہیں۔

تفصیلات کے مطابق سماجی رابطے کی ویب سائٹ ٹویٹر پر وزیراعظم عمران خان نے اپنے پیغام میں کہا کہ کرونا وائرس سے نمٹنے کے اقدامات کی خود نگرانی کر رہا ہوں،بہت جلد کرونا وائرس پر قوم سے خطاب کروں گا۔

I want to inform the nation I am personally overseeing measures to deal with COVID 19 & will address the nation soon. I would advise people to follow safety instructions issued by our govt. While there is a need for caution there is no need for panic.

— Imran Khan (@ImranKhanPTI) March 14, 2020

وزیراعظم کا کہنا تھا کہ قوم کو مشورہ ہے حکومتی حفاظتی ہدایات پر عمل کریں، احتیاط کی ضرورت ہےگھبرانے کی نہیں،کرونا وائرس کے خطرات سے پوری طرح آگاہ ہیں۔

انہوں نے کہا کہ اپنے عوام کی حفاظت اور صحت کے لیے مناسب اقدامات کیے ہیں، عالمی ادارہ صحت نے ہمارے اقدامات کو سراہا ہے،ڈبلیو ایچ او نے حکومت پاکستان کے اقدامات کو بہترین اقدامات میں سے قرار دیا۔

We are alert to the dangers & have put in place sufficient protocols for the safety and health of our people. The WHO has commended our efforts as being amongst the best in the world.

— Imran Khan (@ImranKhanPTI) March 14, 2020

واضح رہے کہ رواں ماہ 11 مارچ کو عالمی ادارہ صحت نے کرونا وائرس کو عالمگیر وبا قرار دیا تھا، یہ وائرس اب تک 114 ممالک میں پھیل چکا ہے اور اب تک ایک لاکھ سے زائد افراد متاثر جبکہ 5 ہزار سے زائد ہلاک ہوچکے ہیں ۔

اسلام آباد: تحریک انصاف کے سینیٹر فیصل جاوید نے کہا ہے کہ پوری قوم افواج پاکستان کے ساتھ کھڑی ہے، دنیا دیکھے گی ہم سب متحد ہیں۔

تفصیلات کے مطابق سماجی رابطے کی ویب سائٹ ٹویٹر پر سینیٹر فیصل جاوید نے اپنے پیغام میں کہا کہ نشان عبرت ان کو بنانا چاہیے جو بچوں سے زیادتی، قتل کرتے ہیں، ایسے درندوں کو الٹا لٹکانا چاہیے۔

فیصل جاوید نے کہا کہ زینب الرٹ بل عرصے سے بلاول زرداری کی قومی اسمبلی کمیٹی میں پڑا ہے، کمیٹی بل کو جلد ہاؤس میں بھیجے تا کہ بل پاس ہو۔ تحریک انصاف کے سینیٹر نے مزید کہا کہ پوری قوم افواج پاکستان کے ساتھ کھڑی ہے، دنیا دیکھے گی ہم سب متحد ہیں۔

نشان عبرت ان کو بنانا چاہیے جو بچوں اور بچیوں کے ساتھ زیادتی کرتے ہیں ریپ کرتے ہیں انہیں قتل کرتے ہیں-ایسے درندوں کو الٹا لٹکانا چاہئے- زینب الرٹ بل کافی دنوں سے بلاول زرداری کی نیشنل اسمبلی کی کمیٹی میں پڑا ہوا – کمیٹی اس کو جلدی ہاؤس میں بھیجے تاکہ یہ پاس ہو –

— Faisal Javed Khan (@FaisalJavedKhan) December 19, 2019

جسٹس وقار کے خلاف سپریم جوڈیشل کونسل سے رجوع کیا جائے گا، فروغ نسیم

اس سے قبل وفاقی وزیر فروغ نسیم کا پریس کانفرنس کے دوران کہنا تھا کہ آج کے فیصلے میں پیرا 66 بہت اہم ہے، جس میں لکھا ہے مشرف کو گرفتارکریں اور قانون کے مطابق سزائیں دی۔

وفاقی وزیر کا کہنا تھا کہ پیرا 66 میں لکھا ہے کہ مشرف انتقال کر گئے ہیں تو لاش ڈی چوک پر3 دن لٹکائی جائے، معلوم نہیں اس قسم کی آبزرویشن جج صاحب کو دینے کی کیا ضرورت تھی۔

فروغ نسیم کا کہنا تھا کہ سپریم کورٹ کہہ چکی ہے عوامی مقام پر لاش لٹکانا آئین اور اسلام کے خلاف ہے، آئین میں بھی اس قسم کی سزا کا ذکر نہیں ہے، جسٹس وقار کی آبزرویشن کو دیکھتے ہوئے حکومت سپریم جوڈیشل کونسل سے رجوع کرے گی، ہماری رائے ہے ایسے جج کو کسی ہائی کورٹ کا جج نہیں ہونا چاہیے۔