ARYNews.tv | Urdu – Har Lamha Bakhabar

Tag: قومی ٹیم

  • وفاقی حکومت نے قومی ٹیم کو پرو ہاکی لیگ میں شرکت کیلئے گرین سگنل دیدیا

    وفاقی حکومت نے قومی ٹیم کو پرو ہاکی لیگ میں شرکت کیلئے گرین سگنل دیدیا

    اسلام آباد(25 اگست 2025): وفاقی حکومت نے پاکستان ہاکی ٹیم کوپرو ہاکی لیگ میں شرکت کی اجازت دیتے ہوئے 250 ملین روپے کی گرانٹ بھی منظور کرلی ہے۔

    انٹرنیشنل ہاکی فیڈریشن کی جانب سے پاکستان کو دی گئی ڈیڈ لائن آج ختم ہورہی تھی جس کے بعد قومی اسمبلی کی قائمہ کمیٹی برائے بین الصوبائی رابطہ کے اجلاس میں اس معاملے پر تفصیلی بحث ہوئی۔

    سیکرٹری آئی پی سی محی الدین وانی نے کہا کہ پرو لیگ میں شرکت کے لیے مجموعی طور پر 35 کروڑ روپے درکار ہیں، وفاقی حکومت نے پرو ہاکی لیگ کیلئے قومی ہاکی ٹیم کو فنڈنگ کی حامی بھرتے ہوئے 250 ملین روپے کی گرانٹ کی منظوری دی۔

    100ملین کی گرانٹ پی ایچ ایف خود اکٹھا کرے گی، پرولیگ میں شرکت کے حوالے سے آج  آخری دن ہے، انٹرنیشنل ہاکی فیڈریشن کی پاکستان کو دی گئی ڈیڈ لائن آج ختم ہوگی۔

    کمیٹی ممبران شہلا رضا اور مہرین رزاق بھٹو نے ہاکی فیڈریشن کی کارکردگی اور آئینی معاملات پر سوالات اٹھائے، شہلا رضا نے کہا کہ پی ایچ ایف کے سیکرٹری جنرل کی تعیناتی غیر آئینی ہے جبکہ پاکستان میرٹ پر کوالیفائی نہیں کر پایا اور نیوزی لینڈ کے دستبردار ہونے پر موقع ملا ہے۔

    سیکرٹری پی ایچ ایف رانا مجاہد نے کمیٹی کو بتایا کہ پرو لیگ دنیا کا ایک بڑا ایونٹ ہے جس میں دنیا کی 10 بہترین ٹیمیں حصہ لیتی ہیں، پاکستان کی شرکت ناگزیر ہے۔

  • قومی ٹیم میں سلیکٹ کیوں نہ کیا ؟ کرکٹر عدالت پہنچ گیا

    قومی ٹیم میں سلیکٹ کیوں نہ کیا ؟ کرکٹر عدالت پہنچ گیا

    کراچی: ٹی ٹوئنٹی ورلڈکپ کیلئے قومی ٹیم میں سلیکٹ نہ کرنے پر ڈیرہ مراد جمالی کے کرکٹر تیمور علی نے پی سی بی کیخلاف سندھ ہائیکورٹ سے رجوع کرلیا۔

    وکیل درخواست گزار کے مطابق تیمور علی پاکستان کے بہترین فرسٹ کلاس کرکٹر ہیں، ان کی فرسٹ کلاس کرکٹ میں بہترین پرفارمنس رہی ہے۔

    وکیل کے مطابق ورلڈکپ کیلئے سلیکٹ کھلاڑیوں کا پرفارمنس ریکارڈ درخواست گزار سے انتہائی کم ہے۔ تیمور علی نے امتیازی سلوک کیخلاف پی سی بی میں سیکشن 37 کے تحت اپیل دائر کی ہے۔

    وکیل درخواست گزار نے کہا کہ پی سی بی نے تاحال درخواست گزار کی اپیل پر کوئی فیصلہ نہیں کیا ہے، پی سی بی کو تیمور علی کی اپیل پر فیصلہ کرنے کاحکم دیا جائے۔

    کپتانوں کی تبدیلی، پی سی بی کا اہم بیان سامنے آگیا

    جسٹس عدنان اقبال کا کہنا تھا کہ کیا سندھ ہائیکورٹ پی سی بی کیخلاف کرکٹرکی درخواست سننے کی مجازہے؟ وکیل نے کہا کہ سابق ٹیسٹ کرکٹر دانش کنیریا کی درخواست پر اعلیٰ عدالتوں نے فیصلے جاری کر رکھے ہیں۔

    عدالت نے درخواست گزار وکیل سے کرکٹر سے متعلق سپریم کورٹ کے احکامات کی نقول طلب کرلیں، سند ھ ہائیکورٹ نے سماعت دو روز کے لیے ملتوی کردی۔

  • ویسٹ انڈیز کیخلاف ون ڈے سیریز سے قبل قومی ٹیم کا آفیشل فوٹو شوٹ (ویڈیو)

    ویسٹ انڈیز کیخلاف ون ڈے سیریز سے قبل قومی ٹیم کا آفیشل فوٹو شوٹ (ویڈیو)

    ٹرینیڈاڈ (8 اگست 2025): ویسٹ انڈیز کیخلاف ون ڈے سیریز کے آغاز سے قبل پاکستان ٹیم کے کھلاڑیوں کا قومی جرسی میں آفیشل فوٹو شوٹ ہوا۔

    پاکستان اور ویسٹ انڈیز کے درمیان تین ایک روزہ میچوں پر مشتمل سیریز کا آج سے آغاز ہو رہا ہے۔ تینوں میچز اسی گراؤنڈ میں کھیلے جائیں گے۔ آج پہلے میچ کا آغاز پاکستان کے معیاری وقت کے مطابق رات 11 بجے ہوگا۔

    سیریز کے آغاز سے قبل پاکستان ٹیم کے کھلاڑیوں نے ہوٹل میں قومی جرسی میں آفیشل فوٹو شوٹ کرایا، جس کی ویڈیو پی سی بی نے اپنے آفیشل ایکس اکاؤنٹ پر پوسٹ کی ہے۔

    ون ڈے ٹیم کے کپتان محمد رضوان، بابر اعظم، سلمان علی آغا، شاہین شاہ آفریدی، حسن علی، صائم ایوب، نسیم شاہ، محمد حارث سمیت دیگر کھلاڑیوں نے فوٹو شوٹ کرایا۔

    کسی کھلاڑی نے سادہ انداز اپنایا تو کسی نے فوٹو شوٹ میں ایکشن دکھائے اور کسی نے نٹ کھٹ انداز اختیار کیا۔

    واضح رہے کہ مذکورہ سیریز ویسٹ انڈیز کے لیے انتہائی اہمیت کی حامل ہے۔ اگر میزبان ٹیم یہ سیریز ہاری تو اس کے ورلڈ کپ 2027 کھیلنے کی امیدوں کو دھچکا لگ سکتا ہے۔

    https://urdu.arynews.tv/west-indies-lose-the-odi-series-to-pakistan-then-what-will-be-happen/

  • بنگلہ دیش جیسی ٹیم سے شکست کی کیا وجہ ہے؟ سابق کرکٹر نے کچا چٹھا کھول دیا

    بنگلہ دیش جیسی ٹیم سے شکست کی کیا وجہ ہے؟ سابق کرکٹر نے کچا چٹھا کھول دیا

    تین میچوں کی ٹی ٹوئنٹی سیریز کے دوسرے میچ میں بنگلہ دیش نے پاکستان کو سنسنی خیز مقابلے کے بعد 8 رنز سے شکست دے کر سیریز دو صفر سے اپنے نام کرلی ہے۔

    اس ٹی ٹونٹی سیریز کے ہارنے کے بعد سوال یہ پیدا ہوتا ہے کہ کیا شائقین کرکٹ بابر اعظم اور محمد رضوان کی کمی کو محسوس کررہے ہیں؟

    جس طرح ہر شکست کے پس پردہ کچھ عوامل ہوتے ہیں جو کسی بھی ٹیم کو اس کی شکست کی طرف لے جاتے ہیں، قومی ٹیم کے ساتھ ایسا کیا ہوا جو اس کو یہ نتیجہ بھگتنا پڑا۔

    اس حوالے سے اے آر وائی نیوز کے پروگرام اسپورٹس روم میں قومی ٹیم کے سابق کھلاڑی عبدالرؤف نے اپنے خیالات کا اظہار کرتے ہوئے قومی ٹیم اور پی سی بی کی کمزوریوں کی نشاندہی کی۔

    ان کا کہنا تھا کہ بدقسمتی سے پاکستان کرکٹ بورڈ کی کوئی پالیسی نہیں ہے اور نہ ہی عہدیداران کے پاس وہ قابلیت یا ڈائریکشن ہے جس کی وجہ سے یہ باتیں سننے کو ملتی ہیں کہ شائقین کرکٹ بابر اعظم اور محمد رضوان کو یاد کررہے ہیں۔

    ان کا کہنا تھا کہ یہ لوگ سوشل میڈیا پر ہونے والی باتوں کو سیریس لے کر ہی ایسے فیصلے کرتے ہیں، کہ جیسی ٹیم انہوں نے اس بار بنائی۔ بابر اعظم اور محمد رضوان اور دیگر کو ہم نے امریکا اور بھارت کے ساتھ میچوں میں دیکھ لیا کہ ان کی کارکردگی کیا تھی؟

    ایک سوال کے جواب میں عبدالرؤف نے کہا کہ پوری دنیا میں ٹیموں میں تبدیلیاں ہوتی ہیں، لیکن یہاں جو لوگ ٹیم میں کھیلنے تک کے مستحق نہیں ہوتے انہیں کپتان بنا دیا جاتا ہے، شان مسعود 15 رنز کی ایوریج پر 25 ٹیسٹ میچ کھیل گیا۔

    مزید پڑھیں : بابر اور رضوان کو نظر انداز نہیں کرسکتے،ثنا میر

    اگر سلمان علی آغا کی بات کی جائے تو وہاں بھی یہی صورتحال ہے، اس کی ایسی کون سی کارکردگی ہے جو اسے قومی ٹیم کا کپتان بنا دیا گیا؟ بنگلہ دیش جیسی ٹیم سے وائٹ واش ہونے کے بعد کیا رہ جاتا ہے، اب پی سی بی عوام کو زیادہ دیر بے وقوف نہیں بنا سکتا۔

  • دورہ بنگلہ دیش کیلیے قومی ٹیم کی ٹریننگ شروع، بابر اعظم اور شاہین شاہ آفریدی بھی شامل

    دورہ بنگلہ دیش کیلیے قومی ٹیم کی ٹریننگ شروع، بابر اعظم اور شاہین شاہ آفریدی بھی شامل

    دورہ بنگلہ دیش کے لیے پاکستان ٹیم نے نیشنل اسٹیڈیم کراچی میں ٹریننگ شروع کر دی ہے بابر اعظم اور شاہین شاہ بھی کیمپ کا حصہ ہیں۔

    پاکستان کرکٹ ٹیم تین ٹی 20 میچوں کی سیریز کے لیے رواں ماہ بنگلہ دیش جا رہی ہے۔ گزشتہ روز دورہ بنگلہ دیش کے لیے 15 رکنی اسکواڈ کا اعلان کیا گیا تھا۔ سابق کپتان بابر اعظم، شاہین شاہ آفریدی، محمد رضوان کو اسکواڈ کا حصہ نہیں بنایا گیا ہے۔

    مذکورہ دورے کے لیے پاکستانی کھلاڑیوں نے نیشنل اسٹیڈیم کراچی میں ٹریننگ شروع کر دی ہے۔ تربیتی کیمپ میں اسکواڈ میں شامل 15 کھلاڑیوں کے علاوہ 5 مزید کھلاڑی بھی شامل ہیں۔ ان میں بابر اعظم، شاہین شاہ آفریدی، محمد رضوان، نسیم شاہ اور وسیم جونیئر شامل ہیں۔

    تربیتی کیمپ 15 جولائی تک جاری رہے گا اور ٹیم 16 جولائی کو ڈھاکا روانہ ہوگی۔ ٹی 20 سیریز کے تینوں میچز ڈھاکا کے شیر بنگلہ اسٹیڈیم میں 20، 22 اور 24 جولائی کو شیڈول ہیں۔

    واضح رہے کہ دورہ بنگلہ دیش پاکستان کے نئے ہیڈ کوچ مائیک ہیسن کا قومی ٹیم کے ساتھ پہلا اسائنمنٹ ہے۔

    کھلاڑیوں کا ٹیم میں انتخاب کس بنیاد پر ہو گا؟ ہیڈ کوچ نے واضح کردیا

    دوسری جانب سابق ٹیسٹ کرکٹر نے دورہ بنگلہ دیش کے اسکواڈ میں شاہین شاہ آفریدی کو شامل نہ کرنے پر ردعمل دیتے ہوئے کہا ہے کہ فاسٹ بولر کے ساتھ زیادتی ہو رہی ہے۔

    https://urdu.arynews.tv/basit-ali-talk-about-shaheen-shah-afridi-drop-from-team/

  • جلد وائٹ بال میں بھی ایکشن میں نظر آؤں گا، ساجد خان

    جلد وائٹ بال میں بھی ایکشن میں نظر آؤں گا، ساجد خان

    لاہور: قومی ٹیم کے اسپنر ساجد خان نے کہا ہے کہ وائٹ بال پر بہت کام کر رہا ہوں جلد وائٹ بال میں بھی ایکشن میں نظر آؤں گا میری خواہش ہے کہ پی ایس ایل سمیت تمام وائٹ بال کرکٹ میں اپنی کارکردگی کا مظاہرہ کروں۔

    لاہور میں میڈیا سے بات کرتے ہوئے قومی ٹیم کے اسپنر ساجد خان کا کہنا تھا کہ کوچ عبدالرحمان کے ساتھ اسپن بولنگ کے شعبے پر کام ہو رہا ہے، ٹیسٹ کھیلنا اعزاز کی بات ہے میں نے وائٹ بال سے اپنے کیرئیر کا آغاز کیا، میں آرم بال اور کریز کے استعمال پر کام کر رہا ہوں۔

    ساجد کا کہنا تھا کہ اس سال ٹیسٹ میچز کم ہیں لیکن دعا ہے پاکستان کی رینکنگ بہتر ہو، چار روزہ کرکٹ ٹیسٹ کیلئے اچھی نہیں ہے۔

    اُنہوں نے کہا کہ چار روزہ کرکٹ میں زیادہ میچز ڈراہونگے کوئی دیکھنا پسند نہیں کرے گا، کاؤنٹی کرکٹ کیلئے دو تین کلبز سے بات چیت چل رہی ہے۔

    ساجد نے کہا کہ اسکلز کیمپ میں ہمیں سینئر کھلاڑیوں سے سیکھنے کا موقع مل رہا ہے، اظہر محمود کے ساتھ کام کیا ہوا ہے ہمیں ان سے فائدہ ہو گا۔

    شاہد آفریدی نے ساجد خان سے متعلق کیا کہا تھا؟

    قومی ٹیم کے سابق کپتان شاہد آفریدی نے ساجد خان سے متعلق کہا تھا کہ چیمپئنز ٹرافی کے لیے قومی ٹیم میں ساجد خان کو ہونا چاہیے تھا۔

    نجی ٹی وی سے گفتگو کرتے ہوئے سابق کپتان شاہد آفریدی کا کہنا تھا کہ چیمپئنز ٹرافی میں دبئی میں اسپن وکٹیں ہوں گی بھارتی ٹیم پانچ اسپنر کے ساتھ جارہی ہیں اور ہماری ٹیم میں ایک اسپنر ابرار احمد موجود ہے۔

    انہوں نے کہا کہ ساجد خان نے جتنا پرفارم کیا ہے تو ہونا تو یہ چاہیے تھا کہ اسے پندرہ رکنی اسکواڈ میں شامل کرلیتے لیکن ایسا نہیں کیا گیا۔

    محمد یوسف نے کہا کہ ساجد خان کو مار بھی پڑ رہی ہوتی ہے تو وہ ہمت نہیں ہارتا اور محنت جاری رکھتا ہے ایسا کھلاڑی میں نے آج تک نہیں دیکھا۔

    ایشیا کپ: پاک بھارت ٹاکرا کس دن ہوگا ؟ ممکنہ تاریخ سامنے آگئی

    شاہد آفریدی کا کہنا تھا کہ چیمپئنز ٹرافی 2025 کے لیے بھارتی ٹیم ہر لحاظ سے پرفیکٹ ہے، فاسٹ بولر، مڈل آرڈر، اوپنر، اسپنرز سب ہی بہترین ہیں، جسپریت بمراہ باہر ہوگئے لیکن اتنا فرق نہیں پڑے گا۔

  • پی سی بی نے قومی ٹیم کیلئے کوچز کا اشتہار جاری کردیا

    پی سی بی نے قومی ٹیم کیلئے کوچز کا اشتہار جاری کردیا

    لاہور: پاکستان کرکٹ بورڈ (پی سی بی) نے قومی ٹیم کیلئے کوچز کا اشتہار جاری کردیا ہے۔

    تفصیلات کے مطابق پاکستان کرکٹ بورڈ (پی سی بی) نے بالنگ، بیٹنگ، فیلڈنگ اور اسٹرنتھ اینڈ کنڈیشنگ کوچ کی تلاش شروع کردی ہے۔

    دورہ نیوزی لینڈ میں محمدیوسف، محمد مسرور اور ڈرائیکس سائمن کوچز تھے جبکہ قومی کرکٹ ٹیم کے سپورٹ اسٹاف میں بولنگ کوچ نہیں تھا۔

    واضح رہے کہ گزشتہ ہفتے اے آر وائی نیوز کے پروگرام ’اسپورٹس روم‘ میں گفتگو کرتے ہوئے تجزیہ کار شاہد ہاشمی نے بتایا تھا کہ قومی ٹیسٹ ٹیم کے ہیڈ کوچ مصباح الحق ہوں گے۔

    اُن کا کہنا تھا کہ ثقلین مشتاق کا نام بھی سامنے آیا تھا لیکن مصباح اس وقت فیوریٹ ہیں۔ پچھلے دو سال میں آٹھ کوچز بدل چکے ہیں اور اب یہ نواں کوچ ہوگا۔

    دوسری جانب سابق کرکٹر باسط علی کا بھی کہنا ہے کہ مصباح الحق ریڈ بال ٹیم کے ہیڈ کوچ بننے کے لیے تیار ہیں۔

    سماجی رابطے کی ویب سائت ایکس پر باسط علی نے پی سی بی اور مصباح کی جانب سے کوئی تصدیق نہ ہونے کے باوجود سابق کپتان کو مبارک باد پیش کی۔

    انہوں نے لکھا کہ ’ریڈ بال کے ہیڈ کوچ مصباح الحق، مبارک ہو، انہوں نے مصباح کی ٹیسٹ جرسی کے ساتھ تصویر بھی شیئر کی ہے۔

    واضح رہے کہ پی سی بی نے نیوزی لینڈ کے مائیک ہیسن کو وائٹ بال ٹیم کا ہیڈ کوچ مقرر کیا ہے۔

    بھارت نے ایشیا کپ سے دستبردار ہونے کا فیصلہ کر لیا، بھارتی میڈیا

    نیوزی لینڈ کرکٹ ٹیم کے سابق ہیڈ کوچ مائیک ہیسن عاقب جاوید کی جگہ پاکستان کے ہیڈ کوچ بننے کے لیے مضبوط امیدوار تھے، وہ اس وقت اسلام آباد یونائیٹڈ کے بھی ہیڈ کوچ ہیں۔

  • پی سی بی نے قومی ٹیم کے نئے ہیڈ کوچ کا اعلان کردیا

    پی سی بی نے قومی ٹیم کے نئے ہیڈ کوچ کا اعلان کردیا

    پاکستان کرکٹ بورڈ(پی سی بی) کے چیئرمین نے قومی ٹیم کے نئے ہیڈ کوچ کا اعلان کردیا۔

    پی سی نی نے انگلینڈ کرکٹ ٹیم کے سابق کوچ مائیک حیسن کو پاکستان وائٹ بال ٹیم کا ہیڈ کوچ  مقرر کیا ہے وہ اگلے ہفتے سے ٹیم کی ذمہ داریاں سنبھالیں گے۔

    پاکستان کرکٹ بورڈ کے چیئرمیں نے سوشل میڈیا پر جاری پیغام میں کہا کہ نیوزی لینڈ کے سابق کوچ مائیک حیسن 26 مئی سے ہیڈ کوچ کی ذمہ داریاں سنبھالیں گے۔

    محسن نقوی نے ٹوئٹ میں مزید لکھا کئی درخواستیں موصول ہونے کے بعد ہم نے پاکستان وائٹ بال ٹیم کے لیے مائک حیسن کا انتخاب کیا ہے امید ہے وہ اپنے تجربے سے پاکستان کرکٹ کے مستقبل کو ایک نئی شکل دیں گے۔

    واضح رہے کہ مائک حیسن پاکستان کی سب سے بڑی لیگ پی ایس ایل میں اسلام آباد یونائیٹڈ کے ہیڈ کوچ کی ذمہ داریاں سنبھال رہے ہیں۔

    خیال رہے کہ پی سی بی نے عاقب جاوید کو چیمپئنز ٹرافی تک عبوری ہیڈ کوچ مقرر کیا تھا، پھر دورہ نیوزی لینڈ کے لیے انہیں مزید ذمہ داریاں دی گئیں۔

  • محمد رضوان بطور کپتان اختیارات پر بول پڑے

    محمد رضوان بطور کپتان اختیارات پر بول پڑے

    قومی ٹیم کے کپتان محمد رضوان بطور کپتان اختیارات پر بول پڑے، انہوں نے کہا کہ ہم سب چیئرمین پی سی بی کو جواب دے ہیں۔

    قومی ٹیم کے کپتان محمد رضوان نے لاہور میں پریس کانفرنس کرتے ہوئے کہا کہ پورے میڈیا کو معلوم ہے کیا ہو رہا ہے، سلیکشن کمیٹی خود کہتی ہے کہ ہمارا رول ہے، میرے پاس اتھارٹی نہیں ہے۔

    انہوں نے کہا کہ کہ سیلیکشن کمیٹی کے پاس اپنی اتھارٹی ہے، کپتان کے پاس اپنی اتھارٹی ہے، ہم سب چیئرمین پی سی بی کو جواب دے ہیں، فینز کی ناراضگی جائز ہے ہم ان کی توقعات کے مطابق پرفارم نہیں کرسکے، شائقین نے جیسی امید کی ویسی قومی کرکٹ ٹیم نے پرفارمنس نہیں دی۔

    پی ایس ایل میں شریک ٹیموں کے کپتان ٹائٹل جیتنے کیلئے پُرعزم، شائقین کیلئے اہم پیغام

    محمد رضوان نے کہا کہ انٹرنیشنل لیول کی کرکٹ کا الگ دباؤ ہوتا ہے، اچھا ریکارڈ برقرار رکھنا آسان نہیں، میرے لیے ماضی کی پرفارمنس محض ماضی ہے، میں ماضی کو نہیں سوچتا، پرفارمنس اچھی ہو یا بری، میں ماضی یاد نہیں رکھتا، اگر ماضی میں رہا تو مستقبل میں سب کچھ ختم ہو جائے گا۔

    https://urdu.arynews.tv/psl-10-karachi-kings/

  • قومی ٹیم بھارت سے شکست کے بعد اسلام آباد پہنچ گئی

    قومی ٹیم بھارت سے شکست کے بعد اسلام آباد پہنچ گئی

    آئی سی سی چیمپئنز ٹرافی کے اہم میچ میں بھارت سے شرمناک شکست کے بعد قومی کرکٹ ٹیم خاموشی سے دبئی سے اسلام آباد پہنچ گئی۔

    ذرائع کے مطابق قومی ٹیم کا جہاز لاہور پہنچا، دبئی سے واپس آنے والوں میں چیئرمین پی سی بی اور بورڈ کے دیگر عہدیداران بھی موجود تھے، جبکہ جہاز نے دوبارہ اڑان بھری اور اسلام آباد اترا جہاں قومی ٹیم کے کھلاڑی اترے۔

    واضح رہے کہ آئی سی سی چیمپئنز ٹرافی میں پہلے نیوزی لینڈ اور پھر بھارت کے ہاتھوں شکست کے بعد میزبان اور دفاعی چیمپئن پاکستان ایونٹ سے باہر ہوگیا ہے۔

    البتہ پاکستان کرکٹ ٹیم اپنا آخری گروپ میچ 27 فروری کو بنگلادیش کے خلاف راولپنڈی میں کھیلے گی۔ گروپ اے سے بھارت اور نیوزی لینڈ نے سیمی فائنل تک رسائی حاصل کرلی ہے۔

    دوسری جانب پاکستان کے سابق ٹیسٹ کرکٹر باسط علی نے کہا ہے کہ پاکستانی ٹیم کی سرجری نہ ہوئی تو چیئرمین پی سی بی عہدے سے استعفیٰ دیدیں۔

    اے آر وائی نیوز کے پروگرام ہرلمحہ پرجوش میں گفتگو کرتے ہوئے موجودہ تجزیہ کار اور سابق قومی کرکٹر باسط علی کا کہنا تھا کہ چیئرمین پی سی بی نے پاکستانی ٹیم میں سرجری کا کہا تھا، چیئرمین پی سی بی مضبوط آدمی ہیں سب کو ٹھیک کردیں گے۔

    باسط علی نے کہا کہ پاکستانی ٹیم کی اب بھی سرجری نہ ہوئی تو آئندہ اس سے بھی بُرا حال ہوگا، نیوزی لینڈ کی چھوٹی ٹیم آئی تھی تو ہمیں بھی نئے لڑکوں کو چانس دینا چاہیے تھا۔

    سابق پاکستانی بیٹر نے کہا کہ حسن چیمہ ٹی وی پرفٹبال سے متعلق پروگرام کرتے تھے، فٹبال کا پروگرام کرنے والے حسن چیمہ پاکستانی ٹیم کی سلیکشن کررہے ہیں۔

    سرفراز احمد کو باہر کرنے کے بعد ٹیم کی تباہی شروع ہوئی، محمد عامر

    کامران اکمل نے کہا کہ قومی ٹیم گزشتہ 9 سال میں کوئی ایونٹ نہیں جیتی، سلیکشن کمیٹی میں نان پروفیشنل لوگ ہونگے تو یہی حال ہوگا۔

    قومی ٹیم کے سابق بیٹر نے کہا کہ گروپ بندی کے چکر میں پاکستانی ٹیم کو خراب کیا گیا، ڈومیسٹک کرکٹ انھیں دی ہوئی ہے جنھیں کرکٹ کا پتہ ہی نہیں، پاکستانی ٹیم کا جس دن اعلان ہوا تھا ہم اسی دن چیمپئنزٹرافی سے باہر ہوگئے تھے۔