ARYNews.tv | Urdu – Har Lamha Bakhabar

Tag: قومی ٹیم

  • قومی ٹیم کی 28 جون کو انگلینڈ روانگی متوقع

    قومی ٹیم کی 28 جون کو انگلینڈ روانگی متوقع

    لاہور: قومی کرکٹ ٹیم انگلش کھلاڑیوں سے سیریز کھیلنے کے لیے ممکنہ طور پر 28 جون کو انگلینڈ روانہ ہوگی۔

    تفصیلات کے مطابق ذرایع کا کہنا ہے کہ 28جون کو قومی کرکٹ ٹیم کی انگلینڈ روانگی ممکن ہے، انگلش بورڈ کا جیٹ طیارہ 26 جون کو پہنچنے گا، حتمی شیڈول آئندہ ایک 2روز میں انگلش بورڈ جاری کرے گا۔

    22 جون کو کھلاڑیوں کے کروناٹیسٹ لاہور،کراچی، اسلام آباد اور پشاور میں ہوں گے۔

    پاکستان اور انگلینڈ کے درمیان پہلا ٹیسٹ میچ 5 اگست کو مانچسٹر میں کھیلا جائے گا، قومی ٹیم دوسرا، تیسرا ٹیسٹ اور ٹی ٹوینٹی سیریز ساؤتھمپٹن میں کھیلے گی۔

    دونوں ٹیموں کے درمیان ٹی ٹوینٹی سیریز 28 اگست سے یکم ستمبر تک کھیلی جائے گی۔

    دورہ انگلینڈ میں ٹیم بہترین پرفارمنس کا مظاہرہ کرے گی، شاہین شاہ آفریدی

    یاد رہے کہ گزشتہ دنوں پاکستان نے دورہ انگلینڈ کے لیے 29 رکنی اسکواڈ کا اعلان کیا تھا جس میں فواد عالم اور سرفراز احمد کے ساتھ ساتھ نوجوان حیدر علی کو بھی شامل کیا گیا ہے۔

  • ہم منتخب شدہ 29کھلاڑیوں میں سے ہی 2 اسکواڈز بنائیں گے: مصباح الحق

    ہم منتخب شدہ 29کھلاڑیوں میں سے ہی 2 اسکواڈز بنائیں گے: مصباح الحق

    لاہور: قومی کرکٹ ٹیم کے ہیڈکوچ اور چیف سلیکٹر مصباح الحق نے کہا ہے کہ ہم نے منتخب شدہ 29کھلاڑیوں میں سے ہی ٹیسٹ اور ٹی ٹوئنٹی سیزیز کے لیے 2 اسکواڈز بنانے ہیں۔

    تفصیلات کے مطابق پاکستان نے دورہ انگلینڈ کے لیے 29 رکنی اسکواڈ کا اعلان کردیا ہے تاہم ان میں مزید دو اسکواڈز تیار کیے جائیں گے جو انگلش کھلاڑیوں کے خلاف ٹیسٹ اور ٹی ٹوئنٹی سیزیر میں ٹکرائیں گے۔

    مصباح الحق کا ویڈیو کانفرنس کرتے ہوئے کہنا تھا کہ کروناقوانین کی وجہ سے زیادہ کھلاڑیوں کا انتخاب کیا ہے، ہم نے مستقبل دیکھتے ہوئےکھلاڑیوں کا انتخاب کیا، کوشش ہے انگلینڈ میں دو اسکواڈز بن جائیں، نوجوانوں کو موقع ملے، ضرورت پر پریکٹس اور ٹیسٹ میچز کے لیے وہاب ریاض دستیاب ہوں گے۔

    انہوں نے کہا کہ اسکواڈ میں فوادعالم ہے تو اس کا مطلب ہے وہ کھیلنے کا اہل ہے، مستقبل کے لیے بھی نوجوانوں کو شامل کیا ہے، مشکل حالات میں کرکٹ ہوگی، وہاب ریاض کو پریکٹس میچ کھلائیں گے۔

    پاکستان نے دورہ انگلینڈ کے لیے 29رکنی اسکواڈ کا اعلان کردیا

    ہیڈ کوچ نے بتایا کہ سہیل خان کو ریڈبال کرکٹ کی وجہ سے منتخب کیا گیا ہے، سہیل خان کا انگلینڈ میں ماضی کا ریکارڈ بہتر ہے، امید ہے کھلاڑی انگلینڈ کے خلاف بہترین پرفارمنس دیں گے، کافی کھلاڑی انگلینڈ میں پرفارم کرچکے ہیں۔

    ان کا مزید کہنا تھا کہ حیدرعلی انڈر19، ایمرجنگ، فرسٹ کلاس کرکٹ میں پرفارم کرتے آرہے ہیں، حیدرعلی نے اپنے آپ کو تمام فارمیٹس میں ثابت کیا ہے۔ خیال رہے کہ پاکستان نے دورہ انگلینڈ کے لیے 29رکنی اسکواڈ کا اعلان کردیا، حسن علی فٹنس، محمدعامر اور حارث سہیل مصروفیت کی وجہ سے اسکواڈ کا حصہ نہیں ہیں۔

  • پاکستان نے دورہ انگلینڈ کے لیے 29رکنی اسکواڈ کا اعلان کردیا

    پاکستان نے دورہ انگلینڈ کے لیے 29رکنی اسکواڈ کا اعلان کردیا

    لاہور: پاکستان نے دورہ انگلینڈ کے لیے 29رکنی اسکواڈ کا اعلان کردیا، حسن علی فٹنس، محمدعامر اور حارث سہیل مصروفیت کی وجہ سے اسکواڈ کا حصہ نہیں ہیں۔

    تفصیلات کے مطابق قومی کرکٹ ٹیم کے 29 رکنی اسکواڈ میں ٹیسٹ ٹیم کے کپتان اظہرعلی، ٹی ٹوئنٹی کپتان بابراعظم، عابد علی، فخر زمان، شان مسعود اور امام الحق میں شامل ہیں۔

    اسی طرح اسدشفیق، فوادعالم، افتخاراحمد، محمدحفیظ، شعیب ملک، محمدرضوان، سرفراز احمد، فہیم اشرف، حارث رؤف، عمران خان سینئر، محمدعباس، نسیم شاہ، شاہین شاہ، سہیل خان، عثمان شنواری اور وہاب ریاض قومی ٹیم کا حصہ ہوں گے۔

    نوجوان بیٹسمین حیدرعلی، یاسرشاہ، عمادوسیم، کاشف بھٹی، شاداب خان، خوشدل شاہ اور محمدحسنین قومی ٹیم کے اسکواڈ میں اپنی جگہ بنانے میں کامیاب ہوگئے۔ قومی اسکواڈ انگلینڈ سے سیریز جیتنے کے لیے پرعزم ہے۔

    مصباح الحق ہیڈ کوچ اور وقاریونس بولنگ کوچ ہوں گے۔ دورہ انگلینڈ کے لیے یونس خان بیٹنگ کوچ جبکہ مشتاق احمد اسپن بولنگ کوچ ہوں گے۔ خیال رہے کہ یونس خان کی تقرری پہلے ہی ہوچکی تھی۔

    واضح رہے کہ پاکستان اور انگلینڈ کے درمیان تین ٹیسٹ اور 3 ٹی ٹوینٹی میچز پر مشتمل سیریز اگست میں کھیلی جائے گی۔

  • قومی کرکٹ ٹیم کا دورہ انگلینڈ، سلیکشن کمیٹی کب فیصلہ کرے گی؟

    قومی کرکٹ ٹیم کا دورہ انگلینڈ، سلیکشن کمیٹی کب فیصلہ کرے گی؟

    لاہور: قومی کرکٹ ٹیم کے دورہ انگلینڈ سے متعلق تربیتی کیمپ کے لیے کھلاڑیوں کے انتخاب پر سلیکشن کمیٹی کل مشاورت کرے گی جس کے بعد حکمت عملی وضع کی جائے گی۔

    تفصیلات کے مطابق تربیتی کیمپ کے لیے کھلاڑیوں کے انتخاب پر سلیکشن کمیٹی کل مشاورت کرے گی، کھلاڑیوں کی حتمی تعداد پر بورڈ حکام ہیڈ کوچ مصباح الحق کو آگاہ کریں گے۔

    ذرائع کا کہنا ہے کہ چیف سلیکٹر اور ہیڈ کوچ مصباح الحق کا ساتھی سلیکٹرز سے رابطہ ہوا، سلیکشن کمیٹی کے اراکین کو ابتدائی نام تیار کرنے کی ہدایت کی گئی ہے، سینٹرل کنٹریکٹ کے 18 اور ایمر جنگ کھلاڑیوں کو مدعو کیا جائے گا۔

    دورہ انگلینڈ، کھلاڑیوں کے پاس دستبرداری کا آپشن موجود ہوگا، وسیم خان

    ذرائع کے مطابق فوادعالم، عمران خان سینئر، خوشدل شاہ، محمد موسی، عمادبٹ اور بلال آصف کے نام زیرغور ہیں جبکہ محمدحفیظ، شعیب ملک اور وہاب ریاض محمد عامر کے ناموں پر بھی غور کیا جائے گا۔

    کیمپ کے لیے حتمی کھلاڑیوں کے ناموں کا اعلان بدھ تک کیا جائے گا۔

    یاد رہے کہ 20 مئی کو اپنے ایک بیان میں پاکستان کرکٹ بورڈ (پی سی بی) کے چیف ایگزیکٹو وسیم خان کا کہنا تھا کہ دورہ انگلینڈ کے حوالے سے کھلاڑیوں کے پاس دستبرداری کا آپشن موجود ہوگا۔

  • ماؤں کا عالمی دن: ’والدہ نے اپنی جمع پونجی سے مجھے پہلا بیٹ دلایا‘

    ماؤں کا عالمی دن: ’والدہ نے اپنی جمع پونجی سے مجھے پہلا بیٹ دلایا‘

    لاہور: دنیا کی عظیم ترین ہستی ماں کی عظمت کو خراج تحسین پیش کرنے کے لیے کھیل کی دنیا سے تعلق رکھنے والی شخصیات بھی اپنی ماؤں سے والہانہ محبت کا اظہار کررہی ہیں۔

    تفصیلات کے مطابق مدرزڈے کے موقع پر قومی کرکٹرز سماجی رابطے کی ویب سائٹ ٹوئٹر پر ماؤں کی خدمات کی تعریف کرتے ہوئے انہیں خراج تحسین پیش کررہے ہیں۔

    قومی ٹی 20 کرکٹ ٹیم کے کپتان بابراعظم نے ٹوئٹر پر لکھا کہ ’والدہ نے مجھے سب سے زیادہ سپورٹ کیا، انہوں نے جمع پونجی سے پہلا بلا خرید کردیا‘۔

    باصلاحیت کھلاڑی عماد وسیم کا کہنا تھا کہ مائیں ہمیشہ خصوصی ہوتی ہیں اور میں ماں کے بغیر اپنی زندگی کا تصور بھی نہیں کرسکتا، دنیا کی تمام ماؤں کو مدرز ڈے پر مبارک باد دیتا ہوں۔

    ماؤں کا عالمی دن: میری شہ رگ پہ میری ماں کی دعا رکھی تھی

    اسی طرح حسن علی اور وہاب ریاض نے بھی والدہ کی عظمت کو خراج تحسین پیش کیا۔

    آج دنیا بھر میں ماؤں کا عالمی دن منایا جارہا ہے، آج کے دن کا مقصد ماؤں کی عظمت کا اعتراف اور انہیں ادنیٰ سا خراج تحسین پیش کرنا ہے۔ ماؤں کا عالمی دن منانے کی تاریخ بہت قدیم ہے اور اس کا سراغ سب سے پہلے یونانی تہذیب میں ملتا ہے جہاں تمام دیوتاؤں کی ماں گرہیا دیوی کے اعزاز میں یہ دن منایا جاتا تھا۔

  • قومی کرکٹ ٹیم کا فٹنس ٹیسٹ، کھلاڑی بیمار پڑگئے

    قومی کرکٹ ٹیم کا فٹنس ٹیسٹ، کھلاڑی بیمار پڑگئے

    لاہور: قومی کرکٹ ٹیم کے کھلاڑیوں کا فٹنس ٹیسٹ نیشنل کرکٹ اکیڈمی لاہور میں جاری ہے۔ بیماری اور انفیکشن کے باعث عثمان شنواری، اظہر علی، اسد شفیق اور محمد رضوان کا ٹیسٹ نہیں ہوسکا۔

    تفصیلات کے مطابق سینٹرل کنٹریکٹ میں شامل کھلاڑیوں کے فٹنس ٹیسٹ دو روز تک لیے جائیں گے جس میں کھلاڑیوں کی فٹنس کا مختلف زاویوں سے جائزہ لیا جائے گا۔

    ٹائیفائیڈ کے باعث فاسٹ بولرعثمان شنواری کا ٹیسٹ دوسرے مرحلے میں ہوگا۔ جبکہ وائرل انفیکشن کے باعث اظہر علی، اسد شفیق اور محمد رضوان کے ٹیسٹ بھی بعد میں لیےجائیں گے۔

    پی سی بی کا فٹنس ٹیسٹ پاس نہ کرنے والے کرکٹرز پر جرمانہ عائد کرنے کا فیصلہ

    قومی کرکٹ ٹیم کے 2 روزہ فٹنس ٹیسٹ کا آغاز ہوگیا ہے اور اب غیر معیاری فٹنس رکھنے کھلاڑیوں پر جرمانہ بھی ہوگا۔ نیشنل کرکٹ اکیڈمی میں پہلے روز 10 کرکٹرز نے رپورٹ کی۔ ٹرینر یاسر ملک نے بابراعظم، حارث سہیل، سرفراز احمد، امام الحق، محمد عباس، شاہین آفریدی، شان مسعود، عابد علی، عماد وسیم اور یاسر شاہ کی فٹنس کا جائزہ لیا۔

    جبکہ محمد عامر، وہاب ریاض اور شاداب خان بنگلادیش پریمیئر لیگ سے واپسی پر 20 جنوری کو ٹیسٹ دیں گے۔

    فخر زمان اور حسن علی کا فٹنس ٹیسٹ میڈیکل رپورٹس کلئیر آنے پر ہوگا جس کرکٹرکی فٹنس مطلوبہ معیار کے مطابق نہیں ہوگی اس کی تنخواہ میں سے 15 فی صد کٹوتی ہوگی۔

  • مشن ورلڈکپ2020: قومی انڈر19 کرکٹ ٹیم کے کیمپ کا حتمی مرحلہ

    مشن ورلڈکپ2020: قومی انڈر19 کرکٹ ٹیم کے کیمپ کا حتمی مرحلہ

    لاہور: قومی انڈر19 کرکٹ ٹیم کے ہیڈکوچ اعجاز احمد کا کہنا ہے کہ ورلڈ کپ 2020 کا مشن لیے قومی ٹیم نے 25 دن بھرپور پریکٹس کی، آج سے کیمپ کا حتمی مرحلہ شروع ہوگیا ہے۔

    تفصیلات کے مطابق قومی انڈر 19 کرکٹ ٹیم کے ہیڈ کوچ اعجاز احمد کا میڈیا سے گفتگو کرتے ہوئے کہنا تھا کہ ورلڈ کپ میں عمدہ کارکردگی دکھانے کے لیے قومی ٹیم پرعزم ہے، ورلڈکپ میں پاکستانی ٹیم بہتر نتائج دے دی۔

    انہوں نے گفتگو کے دوران نسیم شاہ سے متعلق کہا کہ انڈر 19 ٹیم کا اعلان ہوا تب نسیم شاہ ٹیسٹ میچ نہیں کھیلتے تھے، نسیم شاہ کو پاکستان کی طرف سے کھیلنا چاہیے۔ اعجاز احمد نسیم شاہ کو انڈر19 ٹیم میں شامل کرنے کے خواہش مند ہیں۔

    ہیڈکوچ کا کہنا تھا کہ قومی ٹیم میں صلاحتیں موجود ہیں، پریکٹس سیشن کے دوران کھلاڑیوں نے جان لگائی، پی سی بی انڈر 19 اور ایمرجنگ کھلاڑیوں کا 3 ماہ کا کیمپ لگائے۔

    خیال رہے کہ آئی سی سی انڈر 19 کرکٹ ورلڈکپ 17 جنوری سے جنوبی افریقہ میں شروع ہوگا جو 9فروری تک جاری رہے گا، 24 روز تک جاری رہنے والے ایونٹ میں 16 ممالک کی ٹیمیں شرکت کریں گی۔رواں سال 17 جنوری سے شروع ہونے والے ایونٹ کا فائنل بینونی کے جے پی مارک اوول میں کھیلا جائے گا۔

    انڈر19 کرکٹ ورلڈ کپ: نسیم شاہ کی شمولیت پرسینئیر اور جونئیر منیجمنٹ میں کھینچا تانی

    ایونٹ کے فاتح کا فیصلہ9 فروری کو ہوگا، ایونٹ میں پاکستان کا پہلا میچ 19جنوری کوسکاٹ لینڈ کے خلاف پوچیف اسٹروم میں کھیلاجائے گا، قومی انڈر 19 کرکٹ ٹیم ایونٹ میں اپنا دوسرا میچ 22 جنوری کو زمباوے کے خلاف بلوم فاؤنٹین میں کھیلے گی۔

    گروپ مرحلے میں پاکستان کا آخری میچ بنگلہ دیش کے خلاف ہوگا۔ دونوں ٹیمیں 24 جنوری کو جے پی مارک اوول میں مد مقابل آئیں گی۔ ہر گروپ سے 2 بہترین ٹیمیں سپر لیگ مرحلے میں رسائی حاصل کریں گی۔

  • برٹش جونیئر اوپن: قومی ٹیم ٹورنامنٹ میں شرکت کے لیے روانہ

    برٹش جونیئر اوپن: قومی ٹیم ٹورنامنٹ میں شرکت کے لیے روانہ

    لاہور: پاکستان جونیئر اسکواش ٹیم برٹش جونیئر اوپن میں شرکت کے لیے برطانیہ روانہ ہوگئی۔

    تفصیلات کے مطابق برطانیہ کے شہر برمنگھم میں کھیلے جانے والے ایونٹ میں پاکستانی کھلاڑی 4 کیٹیگریز میں حصہ لیں گے، جونیئر کھلاڑیوں نے ایونٹ میں کامیابی حاصل کرنے لیے بھرپور محنت کی ہے۔

    انڈر19 ٹیم میں حارث قاسم حمزہ شریف اور اوزیر شوکت شامل ہیں۔ انڈر 17 ٹیم میں نورزمان اسداللہ اشہاب عرفان اور والد خلیل شامل ہیں۔ انڈر 15 ٹیم میں حمزہ خان اور انس علی بخاری شامل ہیں۔

    جبکہ انڈر 13 ٹیم میں سخی ترین اور عبداللہ نواز شامل ہیں، آصف خان ٹیم کوچ، آفتاب قریشی اور حسین ادوانی ٹیم مینیجرز ہیں، جونیئر کھلاڑیوں نے دورہ برطانیہ سے قبل ملک کے لیے جم کر کھیلنے کا عزم کیا۔

    ٹیکساس، حزیفہ ابراہیم نے انٹرنیشنل جونیئر اسکواش چیمپئن شپ جیت لی

    قومی کھلاڑیوں کا کہنا تھا کہ حوصلے بلند ہیں، میزبان کے میدان میں حریف کو شکست دیں گے۔

    خیال رہے کہ ملک میں اسکواش کے فروغ کے لیے بھی انتظامیہ اقدامات کررہی ہے۔ جبکہ پاکستان میں 2019 کھیل سے متعلق اہم سال ثابت ہوا ہے، شاہینوں نے جہاں عالمی سطح پر کئی ٹائٹل اپنے نام کیے وہیں ملک میں بھی عالمی کرکٹ بحال ہوئی۔

  • شاندار فتح کے بعد قومی ٹیم کی ٹیسٹ چیمپئن شپ میں پوزیشن بہتر

    شاندار فتح کے بعد قومی ٹیم کی ٹیسٹ چیمپئن شپ میں پوزیشن بہتر

    کراچی: پاکستان کی سری لنکا کے خلاف ہوم سیریز میں فتح نے ٹیسٹ چیمپئن شپ میں پوزیشن بہتر کردی، قومی ٹیم نے 80 پوائنٹس کے ساتھ ٹیبل پر تیسرا نمبر حاصل کرلیا۔

    تفصیلات کے مطابق ٹیسٹ چیمپئن شپ کی پوائنٹس ٹیبل پر شاہینوں کی پوزیشن بہتر ہوگئی، ڈرا ہونے والے پنڈی ٹیسٹ سے ملے 20 پوائنٹس جبکہ کراچی ٹیسٹ کی جیت نے 60 پوائنٹس دیے۔

    پاکستان ٹیم 80 پوائنٹس کے ساتھ تیسری پوزیشن پر پہنچ گئی، قومی ٹیم نے اب تک ٹیسٹ چیمپئن شپ میں 4 ٹیسٹ کھیلے، 2 ہارے، 1 ڈرا اور ایک جیتے، پوائنٹس ٹیبل پر 216 پوائنٹس کے ساتھ آسٹریلوی ٹیم کی دوسری پوزیشن ہے جبکہ 360 پوائنٹس کے ساتھ بھارتی ٹیم پہلے نمبر پر براجمان ہے۔

    پاکستان محفوظ ملک ہے، سیکیورٹی بھی بہت اچھی ہے: کپتان سری لنکن ٹیم

    واضح رہے کہ پاکستان نے 13 سال بعد ہوم گراؤنڈ پر ٹیسٹ میچ اپنے نام کیا، قومی ٹیم نے سری لنکا کو کراچی ٹیسٹ میں 263 رنز سے شکست دی، سری لنکا کے خلاف دوسرے ٹیسٹ میچ میں قومی ٹیم کے بولرز اور بلے باز دونوں چل گئے۔

    سری لنکا کی بیٹنگ لائن ریت کی دیوار ثابت ہوئی، پاکستانی بولرز نے کسی کھلاڑی کو کریز پر ٹکنے نہیں دیا اور فتح اپنے نام کی، قومی ٹیم کی اس شاندار فتح کے بعد ٹیسٹ رینکنگ میں بھی پاکستان کی پوزیشن مستحکم ہوگئی ہے۔

  • پاکستان محفوظ ملک ہے، سیکیورٹی بھی بہت اچھی ہے: کپتان سری لنکن ٹیم

    پاکستان محفوظ ملک ہے، سیکیورٹی بھی بہت اچھی ہے: کپتان سری لنکن ٹیم

    کراچی: سری لنکن ٹیم کے کپتان کرونارتنے کا کہنا ہے کہ پاکستان محفوظ ملک ہے اور سیکیورٹی بھی بہت اچھی ہے، یہاں ہمیں گھر جیسا ماحول ملا۔

    تفصیلات کے مطابق قومی ٹیم کے ہاتھوں دوسرے ٹیسٹ میچ میں شکست کے بعد میڈیا سے گفتگو کرتے ہوئے سری لنکن ٹیم کے کپتان کا کہنا تھا کہ پہلے 2دن اچھا کھیلا پھر ہم اچھا کھیل پیش نہ کرسکے، پاکستان ٹیم سے عابد علی نے شاندار بیٹنگ کا مظاہرہ کیا، ہمیں معلوم تھا کہ انہیں رنز کی بھوک تھی۔

    انہوں نے کہا کہ دیگر ٹیمیں ٹیسٹ، ون ڈے اور ٹی20 کھیلنے یہاں آئیں، نسیم شاہ کم عمری میں بھی بہت میچور باؤلنگ کررہا تھا، بابراعظم بہت زبردست کرکٹر ہے، عابد علی بہت محنتی ہے، محنت اس کی بیٹنگ میں نظر آتی ہے۔

    ہمیں اس جیت کی بہت ضرورت تھی: کپتان اظہرعلی

    کرونارتنے کا کہنا تھا کہ ہمارے کرکٹرز میں تجربےکی کمی رہی، ٹیسٹ صبر وتحمل کا کھیل ہے۔

    دوسری جانب قومی کرکٹ ٹیم کے کپتان اظہر علی کا کومنٹیٹر سے گفتگو کرتے ہوئے کہنا تھا کہ میچ کے دوران پریشر نہیں لیا، بھروسہ تھا کہ اچھا کھیل کر فتح اپنے نام کریں گے، سنچری بنا کر بہت اچھا لگا، ہمیں اس جیت کی بہت ضرورت تھی، سری لنکا کی ٹیم کا بھی بےحدشکر گزار ہوں۔

    واضح رہے کہ پاکستان نے 13 سال بعد ہوم گراؤنڈ پر ٹیسٹ میچ اپنے نام کرلیا، قومی ٹیم نے سری لنکا کو کراچی ٹیسٹ میں 263 رنز سے شکست دے دی، سری لنکا کے خلاف دوسرے ٹیسٹ میچ میں قومی ٹیم کے بولرز اور بلے باز دونوں چل گئے، سری لنکا کی بیٹنگ لائن ریت کی دیوار ثابت ہوئی، پاکستانی بولرز نے کسی کھلاڑی کو کریز پر ٹکنے نہیں دیا اور فتح اپنے نام کرلی۔