Tag: قومی ٹیم

لندن: پاکستان کرکٹ ٹیم نے انگلینڈ کے خلاف تیسرے ٹیسٹ کی تیاریوں کا آغاز کردیا ہے۔

اولڈ ٹریفورڈ میں شکست کے بعد کھلاڑیوں اور مینجمنٹ نے غلطیوں سے سبق سیکھنے اور انگلینڈ کو شکست دینے کے لیے اہم میٹنگ منعقد کی گئی جس میں اس بات پر غور کیا گیا کہ برمنگھم میں ہونے والے تیسرے ٹیسٹ میچ کیا انداز اپنانا ہے، وکٹوں کو کیسے بچانا ہے اور بولرز کو کس طرح آزمانا ہے تاہم کپتان نے حکمت عملی بنانا شروع کردی۔

قومی ٹیم تیسرے ٹیسٹ سے قبل وورکسٹر میں دو روزہ پریکٹس میچ کھیلے گی، اس دوان نیٹ پریکٹس میں خامیوں پر بھی قابو پایا جائے گا، ادھر دوسرے ٹیسٹ کیلئے انگلش ٹیم واپس آنے والے آل راؤنڈر بین اسٹوکس کی انجری کے باعث تیسرے میچ میں شرکت مشکوک ہوگئی ہے۔

دونوں ٹیموں کے درمیان سیریز ایک ایک سے برابر ہے، پاکستان اور انگلینڈ کے درمیان تیسرا میچ تین اگست سے ایجبسٹن میں کھیلا جائے گا۔

لارڈز: قومی ٹیم کے ہیڈ کوچ مکی آرتھر نے انگلینڈ کے خلاف پہلے ٹیسٹ کے لئے بارہ رکنی اسکواڈ کا انتخاب کرلیا۔

تفصیلات کے مطابق انگلینڈ کے خلاف لارڈز ٹیسٹ کے لئے بارہ رکنی ٹیم کا اعلان کردیا گیا، محمد عامر چھ سال بعد اسی گراؤنڈ سے کیرئیر کا آغاز کریں گے جہاں سے کیرئیر کو بریک لگی تھی، پریکٹس میچ میں ناکام محمد حفیظ اورشان مسعود کی جوڑی اوپننگ کے فرائض انجام دیں گی، ون ڈاؤن پوزیشن پر اظہرعلی اورچوتھے نمبر پر مرد بحران یونس خان بیٹنگ کریں گے۔

اسد شفیق چھٹے اوروکٹ کیپر سرفرازاحمد ساتویں نمبر پر بیٹنگ کریں گے، بارہ رکنی اسکواڈ میں چار فاسٹ بولرز اورایک اسپنر کو جگہ دی گئی ہے،محمد عامر اور یاسرشاہ کی شرکت یقینی ہے، دسویں اورگیارہویں کھلاڑی کے لیے وہاب ریاض، راحت علی اورعمران خان میں سے دوبولرز کا چناؤ کیا جائے گا۔

پاکستان اور انگلینڈ کے درمیان چار میچز کی سیریز کا پہلا ٹیسٹ کل سے لارڈز میں شروع ہوگا۔

لندن: انگلینڈ کا دورہ کرنے والی قومی کرکٹ ٹیم نے ہیمپشائر کاؤنٹی میں پاک انگلینڈ مقابلوں کی تیاری کیلئے ٹریننگ کا آغاز کردیا۔

قومی کرکٹرز نے ہیمپشائر میں ڈیرے ڈالے ہیں جبکہ مصباح اینڈ کمپنی کی موسم اور پچ سے ہم آہنگ ہونے کیلئے کوشش تیز کردی ہیں، ہفتے کو انگلینڈ کی سرزمین پر قدم رکھنے کے بعد وقت ضائع کئے بغیر کھلاڑیوں نے پریکٹس کا آغاز کردیا۔

انگلینڈ کے وار سے کیسے بچا جائے، کھلاڑیوں نے لہو گرمانا شروع کردیا، دس دن تک خوب مشقیں ہوں گی، ایئرپورٹ پر انگلینڈ روانگی سے قبل محمد عامر نے کہا تھا کہ کچھ نہیں بھولا سب یاد ہے، دنیا انگلینڈ میں بطور انسان اور کھلاڑی نیا عامر دیکھے گی۔

انگلینڈ میں سری لنکا کی حالت دیکھنے کے بعد کھلاڑی اور کوچز میدان میں ڈٹ گئے ہیں، لارڈز کے میدان میں چھ سال پہلے کہانی جہاں شروع ہوئی تھی، چودہ جولائی کو آغاز بھی وہیں سے ہوگا۔

اسلام آباد: قومی ٹیم کے سابق کپتان اور پاکستان تحریک انصاف کے سربراہ عمران خان نے بھی ایشیا کپ میں ناکامی پر دل کی بھڑاس نکال ہی لی۔

سماجی رابطے کی ویب سائٹ پر عمران خان نے چئیرمین پی سی بی شہریار خان کی تقرری پر سوال اٹھادیا۔ کہتے ہیں بورڈ میں تقرریاں میرٹ پر نہ ہونے سے کرکٹ تباہ ہورہی ہے۔

ان کا کہنا تھا کہ بورڈ کو جب تک ادارہ نہیں بنایا جائے گا اس وقت تک ٹیلنٹ ابھر کر سامنے نہیں آسکتا، ایشیا کپ میں ٹیم کی ہار سے شائقین غصے میں ہیں، پاکستان میں ٹیلنٹ کی کمی نہیں لیکن یہ سب ضائع ہورہا ہے۔

عمران خان نے کہا کہ ٹیلنٹ کو تبھی نکھارا جاسکتا ہے کہ جب پی سی بی کو میرٹ کی بنیاد پر ادارہ بنادیا جائے۔