Tag: قومی ائیرلائن

کراچی:  ائیرپورٹ پرغیر ملکی طیاروں کی لینڈنگ کے دوران لیزر لائٹیں مارنے کے واقعات میں اضافہ ہوگیا،غیرملکی ائیرلائنز نے تحریری طورپر سول ایوایشن کو اپنے خدشات سے آگاہ کردیا ہے۔

کراچی ائیرپورٹ پر غیرملکی ائیرلائنز کی لینڈنگ کے دوران لیزر لائٹ مارنے کےواقعات میں مسلسل اضافہ ہورہا ہے، غیرملکی ائیرلائنز نے واقعات پر تشویش کا اظہار کیا ہے۔

 دبئی سے کراچی آنے والی ایمرٹس ائیرلائن کی پرواز کو لینڈنگ سے قبل لیزر لائٹس ماری گئیں تھیں،غیر ملکی ایئرلائن نے سول ایوی ایشن اتھارٹی کو واقعے سے متعلق تحریری طور پر آگاہ کیا کہ طیاروں پر لائٹس مارنے کے واقعات میں مسلسل اضافہ ہورہا ہے اس کی روک تھام کیلئے اقدامات کیے جائیں۔

 ائیرپورٹ انتظامیہ نے لیزر لائٹس کے واقعات کے متعلق متعلقہ اداروں اور سی اے اے کی ویجیلنس کو آگاہ کردیاہے اور ان واقعات کو روکنے کی ہدایت کی ۔

ذرئع کے مطابق کراچی کے علاقے پہلوان گوٹھ حساس ترین علاقہ جہاں سے پروازوں پر لیزر لائٹس ماری جارہی ہیں جو کسی بڑے طوفان کا پیش خیمہ بھی ثابت ہوسکتی ہے۔

 پہلوان گوٹھ کراچی کا حساس ترین علاقہ ہے،اس کی حدود کراچی ائیر پورٹ سے ملتی ہیں ۔یہاں سے لیزر لائٹس جہازوں پر ماری جارہی ہے۔

معاملے کی سنگینی کا اندازہ اس بات سے لگایا جاسکتا ہے کہ صرف چھ ماہ پہلے کراچی ایئرپورٹ پر حملہ کرنے والے ملزمان پہلوان گوٹھ کے راستے ہی ایئرپورٹ پہنچے تھے۔

ایئرپورٹ سے متصل یہ علاقہ ہے تو کچی آبادی لیکن اب بلند عمارتوں سے پکی آبادی بن گئی ہے، گنجان آباد ہونے کی وجہ جرائم پیشہ عناصر کی بھی یہ ہے محفوظ پناہ گاہ ہے، اسلحے کی فراوانی کے ساتھ ساتھ علاقے میں افغانیوں کی بھی بڑی تعداد ہے۔

اس علاقے میں رینجرز اور پولیس نے متعدد آپریشن کیئے لیکن یہ علاقہ اب بھی کلیئر قرار نہیں دیا گیا،ایسے میں اس علاقے سے لیزر لائٹس کا مارا جانا کسی بڑے خطرے کی طرف بھی نشاندہی کرتا ہے۔