Tag: قومی احتساب بیورو

لاہور: قومی احتساب بیورو (نیب) نے اپوزیشن لیڈر شہباز شریف کے خلاف آشیانہ اقبال ریفرنس میں گواہوں کی فہرست تیار کر لی۔

تفصیلات کے مطابق نیب نے آشیانہ اقبال اسکینڈل میں شہباز شریف کے خلاف گواہوں کی فہرست تیار کر لی، گواہان کی فہرست 29 گواہان پر مشتمل ہے۔

[bs-quote quote=”سابق چیئرمین پی ایل ڈی سی طاہر خورشید، چیف انجینئر عارف مجید بٹ وعدہ معاف گواہ بن گئے۔” style=”style-7″ align=”left” color=”#dd3333″][/bs-quote]

گورنر اسٹیٹ بینک طارق باجوہ بھی نیب کے گواہان کی فہرست میں شامل ہیں۔

نیب ذرائع کے مطابق پراسیکیوشن کی جانب سے 29 گواہان عدالت میں بیان دیں گے، نیب کی فہرست میں وعدہ معاف گواہ، سابق بیوروکریٹس، اور نیب افسر بھی شامل ہیں۔

سابق چیئرمین پنجاب لینڈ ڈیولپمنٹ کمپنی (پی ایل ڈی سی) طاہر خورشید، چیف انجینئر عارف مجید بٹ وعدہ معاف گواہ بن گئے ہیں۔

سابق فنانس سیکریٹری طارق باجوہ، سابق چیف ایگزیکٹو پی ایل ڈی سی شیخ لطیف بھی گواہان میں شامل ہیں، جب کہ نیب کے 6 اپنے افسران بھی گواہوں کی فہرست میں موجود ہیں۔

یہ بھی پڑھیں:  آشیانہ اسکینڈل: شہبازشریف اورفواد حسن فواد کے خلاف ریفرنس منظور

خیال رہے کہ شہباز شریف کے خلاف دائر کردہ ریفرنس کی نقول 3 جنوری کو ملزمان کو فراہم کی جائے گی، فردِ جرم عائد ہونے کے بعد گواہوں کے بیان ریکارڈ کرنے کا عمل شروع ہوگا۔

یاد رہے کہ نیب نے 21 نومبر 2018 کو آشیانہ اقبال اسکینڈل کے حوالے سے ریفرنس تیار کیا تھا، شہباز شریف پر الزام ہے کہ انھوں نے اختیارات کا غلط استعمال کرتے ہوئے منظور نظر افراد کو فائدہ پہنچانے کی کوشش کی، اور بہ حیثیت وزیرِ اعلیٰ غیر قانونی طور پر پی ایل ڈی سی کے بورڈ آف ڈائریکٹرز کی طاقت کا غیر قانونی استعمال کیا۔

لاہور: قومی احتساب بیورو (نیب) سے جاری اعلامیے میں کہا گیا ہے کہ پاک عرب ہاؤسنگ سوسائٹی کرپشن کیس میں ڈپٹی ایڈمنسٹریٹر غلام مرتضیٰ کو گرفتار کر لیا گیا ہے۔

تفصیلات کے مطابق نیب لاہور نے پاک عرب ہاؤسنگ سوسائٹی کرپشن کیس میں بڑی کارروائی کی، ڈپٹی ایڈمنسٹریٹرغلام مرتضیٰ کو گرفتار کر لیا گیا۔

[bs-quote quote=”ملزم پر دھوکا دہی اور 18 ارب کرپشن میں مرکزی ملزم کی مدد کا الزام ہے۔” style=”style-7″ align=”left” color=”#dd3333″ author_job=”نیب اعلامیہ”][/bs-quote]

نیب اعلامیے میں کہا گیا ہے کہ ملزم پر دھوکا دہی اور 18 ارب کرپشن میں مرکزی ملزم کی مدد کا الزام ہے، پاک عرب نامی سوسائٹی کو ایل ڈی اے سے این او سی جاری نہیں ہوا۔

اعلامیے کے مطابق ملزم کی جانب سے 8500 فائلیں غیر قانونی طور پر فروخت کی گئیں، ملزم غلام مرتضیٰ مبینہ طور پر بیرون ملک فرار تھا، واپسی پر پکڑا گیا۔

ذرائع کا کہنا ہے کہ نیب نے پاک عرب سوسائٹی پر چھاپا مار کر غلام مرتضیٰ کو حراست میں لیا، ملزم کو اس کی رہائش گاہ کے باہر سے گرفتار کیا گیا۔

یہ بھی پڑھیں:  قیصرامین بٹ نے نیب کے سامنے بڑے راز کھول دیے، ن لیگ کے بڑے رہنما بے نقاب

نیب اعلامیے میں کہا گیا ہے کہ ملزم کو جسمانی ریمانڈ کے لیے کل احتساب عدالت میں پیش کیا جائے گا۔

خیال رہے کہ نیب پاک عرب ہاؤسنگ سوسائٹی کے مالک عمار گلزار کو پہلے ہی گرفتار کر چکی ہے، نیب ذرائع نے بتایا کہ پاک عرب ہاؤسنگ سوسائٹی کے پاس 1500 پلاٹ تھے، جب کہ ہاؤسنگ سوسائٹی نے 5000 سے زائد افراد سے کروڑوں روپے وصول کیے۔

لاہور: سابق وزیرِ اعظم نواز شریف کی ڈی جی نیب لاہور کے ساتھ ملاقات کی خبروں پر قومی احتساب بیورو (نیب) نے اعلامیہ جاری کر دیا۔

تفصیلات کے مطابق نیب نے اعلامیے میں ڈی جی نیب لاہور اور نواز شریف کی ملاقات کی خبروں کو بے بنیاد قرار دے دیا۔

[bs-quote quote=”من گھڑت خبریں نیب اور افسران کی ساکھ متاثر کرنے کی کوشش ہے۔” style=”style-7″ align=”left” color=”#dd3333″ author_name=”نیب اعلامیہ”][/bs-quote]

اعلامیے میں کہا گیا ہے کہ ڈی جی نیب لاہور کی شہباز شریف اور نہ نواز شریف سے کوئی ملاقات ہوئی، چیئرمین نے تمام ڈی جیز کی سیاسی شخصیات سے ملاقات پر پابندی عائد کر رکھی ہے۔

نیب سے جاری اعلامیے میں کہا گیا ہے کہ چیئرمین نیب کی ہدایات پر مکمل عمل در آمد کیا جا رہا ہے، من گھڑت خبریں نیب اور افسران کی ساکھ متاثر کرنے کی کوشش ہے۔

قومی احتساب بیورو کا کہنا ہے کہ نیب لاہور قانون کے مطابق اور میرٹ پر تحقیقات جاری رکھے ہوئے ہے۔

واضح رہے کہ آج نواز شریف اور دیگر اہلِ خانہ نے نیب آفس لاہور میں شہباز شریف کے ساتھ ملاقات کی، اس دوران شریف برادران کی ڈی جی نیب لاہور کے ساتھ ملاقات کی خبریں بھی آئیں۔

یہ بھی پڑھیں:  شریف فیملی کی شہباز شریف سے نیب آفس میں ملاقات

ذرائع کا کہنا تھا کہ اس ملاقات میں نواز شریف نے کہا کہ ڈاکٹر کی ہدایت کے مطابق شہباز شریف کو روشنی اور ہوا دار کمرہ نہیں دیا گیا، جس پر ڈی جی نیب نے کہا کہ شہباز شریف کو قانون کے مطابق سہولتیں دی جائیں گی۔

نواز شریف نے یہ بھی کہا کہ تاثر ہے کہ نیب شریف خاندان کے خلاف آلہ کار بنا ہوا ہے، جس پر ڈی جی نے جواب دیتے ہوئے کہا تھا کہ تمام مقدمات میں تفتیش میرٹ پر کی جا رہی ہے۔

لاہور: سابق وزیرِ اعظم نواز شریف اور اہلِ خانہ کے دیگر افراد نے سابق وزیرِ اعلیٰ پنجاب شہباز شریف سے نیب آفس میں ملاقات کی۔

تفصیلات کے مطابق شہباز شریف سے ملاقات کے لیے نواز شریف اور دیگر اہلِ خانہ لاہور میں قومی احتساب بیورو (نیب) کے دفتر پہنچے، ملاقات ایک گھنٹے سے زائد جاری رہی۔

[bs-quote quote=”ملاقات میں نواز شریف، مریم نواز، نصرت شہباز، حمزہ شہباز اور شریف فیملی کے دیگر افراد بھی موجود تھے۔” style=”style-7″ align=”left” color=”#dd3333″][/bs-quote]

نیب آفس میں شہباز شریف کے ساتھ ملاقات میں نواز شریف، مریم نواز، نصرت شہباز، حمزہ شہباز اور شریف فیملی کے دیگر افراد بھی موجود تھے۔

ملاقات کے اختتام پر نواز شریف، مریم نواز اور شہباز شریف کی اہلیہ نصرت شہباز نیب آفس سے روانہ ہوئے تاہم حمزہ شہباز نیب آفس میں شہباز شریف کے ساتھ بدستور موجود رہے۔

ذرائع کا کہنا ہے کہ نواز شریف اور شہباز شریف نے ڈی جی نیب لاہور سے بھی طویل ملاقات کی۔ نواز شریف نے کہا کہ ڈاکٹر کی ہدایت کے مطابق شہباز شریف کو روشنی اور ہوا دار کمرہ نہیں دیا گیا۔

یہ بھی پڑھیں:  شہبازشریف سے ملاقات ہوئی، ان کی صحت سے متعلق پریشان ہوں‘ تہمینہ درانی

ذرائع کے مطابق ڈی جی نیب نے نواز شریف سے گفتگو کرتے ہوئے کہا کہ شہباز شریف کو قانون کے مطابق سہولتیں دی جائیں گی۔

نواز شریف نے کہا کہ تاثر ہے کہ نیب شریف خاندان کے خلاف آلہ کار بنا ہوا ہے، جس پر ڈی جی نے جواب دیتے ہوئے کہا کہ تمام مقدمات میں تفتیش میرٹ پر کی جا رہی ہے۔

واضح رہے نیب لاہور نے 5 اکتوبر کو شہباز شریف کو صاف پانی کیس میں طلب کیا تھا تاہم ان کی پیشی پر انھیں آشیانہ ہاؤسنگ اسکینڈل میں کرپشن کے الزام میں گرفتار کر لیا گیا تھا۔