Tag: قومی احتساب بیورو

لاہور: حمزہ شہباز شریف کی جانب سے قومی احتساب بیورو پر الزامات کے بعد ڈائریکٹر جنرل نیب پیشی کے دوران ہونے والی حمزہ شہباز کی گفتگو سامنے لے آئے۔

تفصیلات کے مطابق ڈی جی نیب شہزاد سلیم نے بتایا کہ حمزہ شہباز نے دوران تفتیش کہا میں خاندان کے افراد کے بارے میں جواب نہیں دوں گا۔

ڈی جی نیب شہزاد سلیم کا کہنا تھا کہ حمزہ شہباز نے کہا ’والدہ سے متعلق سوالات نیب خود اُن سے کرے۔‘

نیب کے ڈائریکٹر جنرل نے کہا کہ حمزہ کو 12 اپریل کو نصرت شہباز سے متعلق ریکارڈ لانے کی ہدایت کی گئی تھی، لیکن انھوں نے ایسا کوئی بھی ریکارڈ جمع کرانے سے معذرت کی۔

یہ بھی پڑھیں:  حمزہ شہباز نیب پر برس پڑے، میری بہنوں اور بیمار والدہ کو بھی نوٹس بھیج دیا

خیال رہے کہ لیگی رہنما حمزہ شہباز نے میڈیا سے گفتگو کرتے ہوئے کہا تھا کہ کل تین گھنٹے وہ نیب میں بیٹھ کر آئے، اب پھر بلایا جا رہا ہے، اور بہنوں اور بیمار والدہ کو بھی نوٹس بھیج دیا گیا، کیا مہذب معاشرے میں ماں بیٹیوں کو نوٹس بھیجے جاتے ہیں۔

یہ بھی پڑھیں:  نیب نے حمزہ شہباز کے الزامات مسترد کر دیے، حمزہ کو بھیجا گیا نوٹس بھی منظر عام پر آگیا

انھوں نے ڈی جی نیب پر الزام لگایا اور کہا ’ڈی جی نیب لاہور نے کہا آپ نے ضمانت کی درخواست کیوں دی، ہم تو آپ کو گرفتار نہیں کرنا چاہتے، آپ حکومت سیٹلمنٹ کرلیں، آپ کو بار بار بلانا اچھا نہیں لگتا، حکومت سے ڈیل کیوں نہیں کر لیتے۔‘

تاہم قومی احتساب بیورو (نیب) نے لیگی رہنما حمزہ شہباز کے تمام الزامات مسترد کر دیے، ترجمان نیب نے کہا کہ حمزہ شہباز کے الزامات کی تردید اور مذمت کرتے ہیں۔

لاہور: قومی احتساب بیورو (نیب) نے لیگی رہنما حمزہ شہباز کے تمام الزامات مسترد کر دیے، ترجمان نیب نے کہا کہ حمزہ شہباز کے الزامات کی تردید اور مذمت کرتے ہیں۔

تفصیلات کے مطابق ترجمان نیب نے کہا کہ ڈی جی نیب لاہور نے اپنی ڈگری سے متعلق کبھی حمزہ شہباز سے بات نہیں کی، حمزہ شہباز کے تمام الزامات من گھڑت ہیں۔

انھوں نے کہا کہ حمزہ شہباز کے الزامات کھسیانی بلی کھمبا نوچے کے مترادف ہے، حمزہ اور فیملی ممبران کے خلاف منی لانڈرنگ کے ٹھوس ثبوت ملے ہیں، نیب پر حکومت کا کوئی دباؤ نہیں، نیب خود مختار ادارہ ہے۔

نیب کے ترجمان کا کہنا تھا کہ شریف فیملی کے اکاؤنٹس میں رقم مبینہ منی لانڈرنگ سے منتقل ہوئی، اس حوالے سے اسٹیٹ بینک نے شکایت کی تھی۔

یہ بھی پڑھیں:  حمزہ شہباز نیب پر برس پڑے، میری بہنوں اور بیمار والدہ کو بھی نوٹس بھیج دیا

دوسری طرف نیب کا حمزہ شہباز کو بھجوایا گیا نوٹس بھی منظر عام پر آ گیا ہے، نیب نے حمزہ کو آمدن سے زائد اثاثہ جات کیس میں 16 تاریخ کو طلب کر رکھا ہے۔

حمزہ شہباز سے مجموعی طور پر 8 سوالات پوچھے گئے، مراسلے میں کہا گیا کہ والدہ کی جانب سے وصول ہونے والی فارن کرنسی کا ریکارڈ پیش کریں، سالانہ بنیادوں پر کی جانے والی انویسٹمنٹ کا ریکارڈ بھی پیش کریں۔

نوٹس مراسلے میں حمزہ شہباز سے کہا گیا ہے کہ 2006 سے 2008 تک ٹیکس ریٹرن نہ جمع کرانے کا ریکارڈ پیش کریں، اور 2005 سے 2017 کے دوران اثاثوں میں کئی گنا اضافے پر بھی تفصیلات پیش کریں۔

نوٹس کے مطابق حمزہ شہباز سے نیب کی جانب سے 2005 سے اب تک ملنے والے تحائف کی تفصیلات بھی طلب کی گئی ہیں۔

اسلام آباد: پاکستان پیپلز پارٹی کے شریک چیئرمین آصف علی زرداری اور ان کے صاحب زادے بلاول بھٹو زرداری نے نیب سے مزید 15 روز مہلت مانگنے کا فیصلہ کر لیا۔

تفصیلات کے مطابق ذرائع کا کہنا ہے کہ آصف زرداری اور بلاول نے قومی احتساب بیورو سے مزید پندرہ دن کی مہلت مانگنے کا فیصلہ کیا ہے، اس سلسلے میں نیب کو خط لکھا جائے گا۔

ذرائع نے بتایا کہ پارٹی قیادت کے وکیل فاروق نائیک کل نیب کو خط لکھیں گے، خط کے ذریعے مزید 15 روز کی مہلت مانگی جائے گی۔

ذرائع پیپلز پارٹی کا کہنا ہے کہ پارٹی قیادت کی مصروفیات کی وجہ سے نیب کے سوالات کے جوابات تیار نہیں کیے جا سکے، خط میں مؤقف اختیار کیا جائے گا کہ سوالات کے جواب دینے کے لیے مزید وقت درکار ہے۔

یہ بھی پڑھیں:  آصف زرداری اور بلاول بھٹو کی پیشی پر نیب اعلامیہ جاری

یاد رہے کہ بیس مارچ کو آصف زرداری اور بلاول بھٹو کی نیب میں پیشی سے متعلق نیب اعلامیہ میں کہا گیا تھا کہ مشترکہ تحقیقاتی ٹیم نے ان سے سوالات پوچھے جب کہ کمبائنڈ انویسٹی گیشن ٹیم نے تحریری سوالنامہ بھی دیا، جوابات کی روشنی میں آئندہ بلانے یا نہ بلانے کا فیصلہ ہوگا۔

واضح رہے جعلی بینک اکاؤنٹس کیس میں آصف زرداری اور بلاول بھٹو سے نیب نے ابتدائی تفتیش مکمل کر لی ہے، دونوں باپ بیٹا تحقیقات کے لیے اسلام آباد میں نیب کے دفتر میں پیش ہوئے۔ یہ بلاول بھٹو کی کسی بھی تفتیشی ادارے کے روبرو اپنی زندگی کی پہلی پیشی تھی۔

لاہور: قومی احتساب بیورو نے آشیانہ اسکینڈل کیس میں بھی سابق وزیر اعلیٰ پنجاب شہباز شریف اور سابق وزیر اعظم کے سابق پرنسپل سیکریٹری فواد حسن فواد کی ضمانت چیلنج کر دی ہے۔

تفصیلات کے مطابق نیب نے آشیانہ کیس میں شہباز شریف اور فواد حسن فواد کی ضمانت چیلنج کرتے ہوئے مؤقف اختیار کیا ہے کہ لاہور ہائی کورٹ نے حقائق اور قانون کا درست جائزہ نہیں لیا۔

نیب کا کہنا تھا کہ سپریم کورٹ نیب مقدمات میں ضمانت کا معیار مقرر کر چکی ہے، لاہور ہائی کورٹ نے عدالتی معیار کے بر عکس فیصلہ دیا، شہباز شریف اور فواد حسن فواد کیس میں مرکزی ملزمان ہیں جنھیں ضمانت نہیں دی جا سکتی۔

یہ بھی پڑھیں:  سانحہ ماڈل ٹاؤن کیس : شہبازشریف نے نئی جے آئی ٹی کے سامنے پیش ہوکر بیان ریکارڈ کرادیا

نیب نے استدعا کی ہے کہ عدالت ہائی کورٹ کا فیصلہ کالعدم قرار دے کر ملزمان کی ضمانتیں منسوخ کرے۔

خیال رہے کہ آج سانحہ ماڈل ٹاؤن کی جے آئی ٹی میں سابق وزیر اعلیٰ پنجاب شہباز شریف کی پیشی ہوئی، شہباز شریف سے ایک گھنٹے تک پوچھ گچھ کی گئی۔

یہ بھی پڑھیں:  سانحہ ماڈل ٹاؤن کیس : نواز شریف کا آج کوٹ لکھپت جیل میں بیان ریکارڈ کیے جانے کا امکان

اپوزیشن لیڈر نے بیان ریکارڈ کرا دیا، نواز شریف کا بیان بھی آج ریکارڈ کیے جانے کا امکان ہے، جے آئی ٹی کوٹ لکھپت جیل میں نواز شریف کا بیان ریکارڈ کرے گی۔

اسلام آباد: اسپیکر سندھ اسمبلی آغا سراج درانی کے خلاف مشتبہ رقوم کی منتقلی کی نئی تحقیقات شروع کر دی گئی ہیں، چیئرمین نیب نے نئی تحقیقات کے لیے منظوری دے دی۔

تفصیلات کے مطابق چیئرمین نیب جاوید اقبال کی زیرِ صدارت نیب ایگزیکٹو بورڈ کا اجلاس منعقد ہوا، جس میں اسپیکر آغا سراج درانی کے خلاف مشتبہ رقوم کی منتقلی کی نئی تحقیقات کی منظوری دی گئی۔

[bs-quote quote=”میئر کراچی وسیم اختر اور سابق وزیر لیاقت جتوئی کے خلاف بھی مشتبہ رقوم کی منتقلی کی تحقیقات ہوں گی۔” style=”style-8″ align=”left” author_name=”نیب اعلامیہ”][/bs-quote]

اجلاس کے بعد نیب کی جانب سے جاری اعلامیے میں کہا گیا ہے کہ آغا سراج درانی، میئر کراچی وسیم اختر اور لیاقت جتوئی کے خلاف نئی تحقیقات شروع کر دی گئی ہیں۔

اعلامیے کے مطابق میئر کراچی وسیم اختر کے خلاف بھی مشتبہ رقوم کی منتقلی کی نئی تحقیقات کی جائیں گی، سابق وزیر لیاقت جتوئی کے خلاف بھی مشتبہ رقوم کی منتقلی کی تحقیقات ہوں گی۔

چیئرمین نیب نے سابق چیئرمین سی ڈی اے کامران قریشی و دیگر کے خلاف بد عنوانی کے ریفرنس کی منظوری بھی دی۔

نیب اعلامیے میں کہا گیا ہے کہ سابق مشیر ہوا بازی مہتاب عباسی، سابق سیکریٹری سی اے اے عرفان الہٰی، سابق چیئرمین پی آئی اے مشرف رسول، سابق چیئرمین محمد علی ٹبہ و دیگر کے خلاف بد عنوانی کے ریفرنسز کی منظوری بھی دی گئی ہے، نیب کا کہنا ہے کہ ملزمان پر اختیارات سے تجاوز، خلاف قواعد چیئرمین پی آئی اے لگانے کا الزام ہے۔

یہ بھی پڑھیں:  بلاول بھٹوزرداری کی آغا سراج درانی سے ملاقات

اعلامیے کے مطابق سابق وزیر صحت گلگت بلتستان حاجی گلبار، سابق کنزرویٹر گلگت فاریسٹ زمرد خان و دیگر کے خلاف بھی کرپشن ریفرنس کی منظوری دی گئی ہے، ملزمان پر خلاف قانون جنگلات کٹائی اور نقل و حمل کے پاسز جاری کرنے کا الزام ہے۔

چیئرمین نیب جسٹس جاوید اقبال نے اجلاس میں کہا کہ بد عنوانی تمام برائیوں کی جڑ ہے، نیب بد عنوانی کے خاتمے کے لیے زیرو ٹالرنس پالیسی پر عمل پیرا ہے، میگا کرپشن مقدمات کو منطقی انجام تک پہنچانا اولین ترجیح ہے۔

انھوں نے کہا ’بد عنوانی کے خاتمے کے لیے ’احتساب سب کے لیے‘ کی پالیسی پر عمل پیرا ہیں، قومی احتساب بیورو کی پہلی اور آخری وابستگی پاکستان سے ہے۔‘