Tag: قومی اسمبلی اجلاس

اسلام آباد : پاکستان تحریک انصاف نے قومی اسمبلی اجلاس سے بائیکاٹ کردیا اور قائمہ کمیٹیوں سے بھی علیحدگی اختیار کرنے کا اعلان کردیا۔

تفصیلات کے مطابق قومی اسمبلی کے اجلاس کے دوران سیلابی صورتحال پر بحث کے دوران پاکستان تحریک انصاف کے حمایت یافتہ ارکان نے ایوان سے واک آؤٹ کر دیا۔

اسد قیصر نے واک آؤٹ کا اعلان کرتے ہوئے کہا کہ مشکل کی اس گھڑی میں وہ پنجاب کے عوام کے ساتھ ہیں لیکن انہیں ایوان میں آئینی اور قانونی حقوق حاصل نہیں۔

ان کا کہنا تھا کہ اسی ناانصافی کے باعث ہم نے نہ صرف اجلاس کا بائیکاٹ کیا ہے بلکہ ہم نے قائمہ کمیٹیوں سےبھی علیحدگی اختیار کرلی ہے۔

اسپیکر ایاز صادق نے واک آؤٹ کرنے والے ارکان کو مخاطب کرتے ہوئے کہا کہ سیلاب پر بحث جاری تھی، جن ارکان کے علاقے ڈوبے ہوئے ہیں انہیں اس میں بات کرنی چاہیے تھی۔

انہوں نے اقبال آفریدی کو مخاطب کرتے ہوئے کہا کہ آپ کا اپنا علاقہ زیرِ آب ہے، آپ اس پر اظہارِ خیال کریں۔

اسپیکر نے افسوس کا اظہار کیا کہ واک آؤٹ کرنے والے ارکان کم از کم سیلابی صورتحال پر بحث میں تو شریک ہو سکتے تھے۔

قومی اسمبلی کے اجلاس سے خطاب کرتے ہوئے اسلم گھمن نے کہا کہ وزیراعلیٰ خیبرپختونخوا نے کالا باغ ڈیم کی تعمیر کا مطالبہ کیا ہے، ان کا حلقہ سیلاب سے متاثر ہوا لیکن کوئی حکومتی رکن وہاں نہیں پہنچا۔

جس پر انتظار حیدری نے کہا کہ ملک کو بانی پی ٹی آئی جیسے ایماندار قیادت کی ضرورت ہے۔

یاد رہے سابق اپوزیشن لیڈر عمر ایوب اور شبلی فراز کو مئی 9 واقعات سے متعلق مقدمات میں سزا کے بعد نااہل قرار دیا جا چکا ہے، جس سے پی ٹی آئی کو قانونی مشکلات کا مزید سامنا ہے۔

دوسری جانب اسپیکر قومی اسمبلی ایاز صادق نے پی ٹی آئی کے حمایت یافتہ سنی اتحاد کونسل (ایس آئی سی) ارکان کے قائمہ کمیٹیوں سے استعفوں پر افسوس کا اظہار کیا تھا اور ایوان کی بزنس ایڈوائزری کمیٹی کے اجلاس کی صدارت کرتے ہوئے انہوں نے کہا تھا کہ وہ چاہتے ہیں کہ یہ ارکان قائمہ کمیٹیوں کا حصہ رہیں تاکہ پارلیمانی عمل کو بہتر انداز میں آگے بڑھایا جا سکے۔

اسلام آباد : قومی اسمبلی اور سینیٹ کے آج ہونے والے اجلاس کے ایجنڈے میں آئینی ترمیم کا بل شامل نہیں۔

تفصیلات کے مطابق قومی اسمبلی کا اجلاس آج شام چار بجے ہوگا، اجلاس کا دس نکاتی ایجنڈا جاری کردیا گیا تاہم ایجنڈے میں آئینی ترمیم کا بل شامل نہیں۔

صدر مملکت نے سینیٹ کا اجلاس بھی آج سہ پہر تین بجے بلالیا، سینیٹ سیکریٹریٹ نے اجلاس کا 14 نکاتی ایجنڈا جاری کر دیا، اجلاس میں آئینی ترمیم سے متعلق ایجنڈا شامل نہیں۔

اجلاس کے دوران کمیٹی رپورٹس اور متعدد بل منظوری کے لیے پیش کیے جائیں گے، نیشنل فارنزک ایجنسی بل2024 ، ڈپازٹ پروٹیکشن کارپوریشن ترمیمی بل2024 ایجنڈے میں شامل ہیں۔

سینیٹ میں بل وزیرخزانہ سینیٹر محمد اورنگزیب کی جانب سے پیش کیا جائے گا، اجلاس میں اوورسیز پاکستانیز پراپرٹی بل2025 اور دو توجہ دلاؤ نوٹس بھی ایجنڈے کا حصہ ہیں۔

گذشتہ روز مجوزہ آئینی ترمیم پر جاتی امرا میں بڑی سیاسی بیٹھک ہوئی تاہم فی الحال مکمل طور پر اتفاق رائے نہیں ہوسکا، مشاورت کا سلسلہ جاری ہے۔

نواز شریف کی دعوت پر مولانا فضل الرحمان،آصف زرداری، بلاول بھٹو کی رائیونڈ آمد ہوئی وزیراعظم شہبازشریف، اسحاق ڈار اوردیگر رہنما بھی شریک تھے، ملاقات میں مجوزہ آئینی ترامیم پر فیصلہ کن مشاورت کی گئی۔

ذرائع کے مطابق مذاکرات کے دور ہوئے لیکن فی الحال مسلم لیگ ن کو کچھ تحفظات ہیں تاہم پیپلز پارٹی اور جے یو آئی ف کے درمیان آئینی مسودے پر اتفاق ہو چکا ہے۔

عشائیے اور ملاقات کے بعد میڈیا سے بات چیت کرتے ہوئے مولانا فضل الرحمان کا کہنا تھا کہ عدلیہ کی اصلاحات کی حد تک ہم نے اتفاق رائے ہوگیا ہے۔ہم بہتر طور پر آگے بڑھے ہیں، دیگر نکات پر اتفاق رائے باقی ہے، پہلے والا مسودہ کسی صورت قبول نہیں ہے۔

بلاول بھٹو کا بھی کہنا تھا کہ کل جو اتفاق رائے دو جماعتوں کے درمیان تھا آج تین جماعتوں کے درمیان اتفاق رائے ہوگیا ہے، آئین کے دفاع کیلئے کام کرتے رہیں گے۔

اسلام آباد: تحریک انصاف کے نامزد وزیراعظم عمر ایوب کا کہنا ہے کہ اس چوں چوں کے مربے میں کوئی صلاحیت نہیں، بانی پی ٹی آئی کو اسمبلی میں بطور وزیراعظم لائیں گے۔

تفصیلات کے مطابق قومی اسمبلی اجلاس میں شرکت کے لئے پی ٹی آئی کی جانب سے وزارت عظمیٰ کے نامزد امیدوار عمر ایوب پارلیمنٹ ہاؤس پہنچ گئے۔

اس موقع پر عمر ایوب نے میڈیا سے گفتگو کرتے ہوئے کہا کہ ہمارا سنی اتحاد کونسل کے ساتھ اتحاد ہے ، تحریک انصاف کےانٹراپارٹی انتخابات ہورہےہیں ،تمام معاملات جلد ہو جائیں گے۔

عمر ایوب کا کہنا تھا کہ آج ہم اس اجلاس میں آواز اٹھائیں گے، ہماری ترجیح ہوگی ہمارے جو لیڈرز جیل میں ہیں ان کو یہاں پر لائیں گے۔

تحریک انصاف کے نامزد وزیراعظم نے کہا کہ بانی پی ٹی آئی کو اسمبلی میں بطور وزیراعظم لائیں گے اور پہلی فرصت میں تمام رہنماؤں کو رہا کریں گے۔

پی ڈی ایم حکومت پہلے بھی ناکام رہی، اس چوں چوں کے مربے میں بھی صلاحیت نہیں، ایک ہی پارٹی معاشی اصلاحات لاسکتی ہے وہ پی ٹی آئی ہے۔

انھوں نے طنز کرتے ہوئے کہا کہ کسی چیز میں رکاوٹ بننا نہیں چاہتے۔۔ پی ڈی ایم کی پہلی حکومت بھی ناکام رہی، اس چوں چوں کے مربے میں بھی کوئی صلاحیت نہیں۔

آئی ایم ایف پروگرام کے حوالے سے وزارت عظمیٰ کے نامزد امیدوار چاہتے ہیں آئی ایم ایف سے لیا گیا قرضہ صحیح کاموں میں استعمال ہو۔

اپوزیشن لیڈر سے متعلق سوال پر عمر ایوب نے بتایا کہ اپوزیشن لیڈر لانے کا فیصلہ نہیں ہوا۔

اسلام آباد: پاکستان تحریک انصاف نے صدرعارف علوی کی جانب سے قومی اسمبلی کا اجلاس طلب کرنے سے انکار کے موقف کی حمایت کردی۔

تفصیلات کے مطابق پاکستان تحریک انصاف کے سینیٹرعلی ظفر نے اے آر وائی نیوز کے پروگرام با خبر سویرا میں گفتگو کرتے ہوئے آئین کے آرٹیکل51 کے مطابق قومی اسمبلی کی مکمل نشستیں326ہوں گی، 326میں سے60نشستیں مخصوص ہوں گی۔

سینیٹر علی ظفر نے صدرعارف علوی مؤقف کو درست قرار دیتے ہوئے کہا قومی اسمبلی مکمل نہیں، صدر نے اجلاس نہیں بلا کر درست کیا، جب تک مکمل اسمبلی نہ ہو اسپیکر بھی سیشن کال نہیں کرسکتا۔

پی ٹی آئی سینیٹر کا کہنا تھا کہ جب تک تمام ارکان کےنوٹیفکیشن نہیں ہونگےقومی اسمبلی مکمل نہیں ہوگی اور اسپیکرکواجلاس بلانےکااختیارنہیں ہے، ایوان اس وقت مکمل ہوتاہےجب326ارکان کانوٹیفائی ہوجاتاہے۔

انھوں نے بتایا کہ سنی اتحادکونسل کی جانب سےمخصوص نشستوں کی فہرست دی گئی ہے، روزسنتےہیں الیکشن کمیشن فیصلہ کرےگالیکن ابھی تک فیصلہ نہیں ہوا، آئین کےمطابق پارٹی میں شمولیت کی،مخصوص نشستوں کی فہرست دی۔

علی ظفر نے مزید کہا کہ سیاسی معاملہ ہےآنےوالےالیکشن متاثرکرنےکیلئےمخصوص نشستیں نہیں دی جارہیں، پوراایک گیم پلان ہےجس کی وجہ سےتاخیرکی جارہی ہے۔

یاد رہے صدرمملکت عارف علوی نے قومی اسمبلی کا اجلاس بلانے سے متعلق سمری پردستخط سے انکارکردیا تھا اور سمری واپس بھیج دی تھی۔

صدر نے خواتین کی مخصوص نشستوں کا فیصلہ نہ ہونے پر اجلاس طلب نہیں کیا، صدر مملکت کا موقف ہے کہ مخصوص نشستوں کےفیصلے تک اجلاس نہیں بلایاجاسکتا۔

بعد ازاں صدر مملکت کے انکار کے بعد اسپیکرقومی اسمبلی راجہ پرویز اشرف نے آرٹیکل اکیانوے کی شق دو کے تحت قومی اسمبلی کا اجلاس طلب کرلیا تھا، انتیس فروری کو صبح دس بجے نو منتخب ارکان حلف اٹھائیں گے، جس کے بعد اسپیکراورڈپٹی اسپیکر کے انتخاب کا شیڈول جاری کیاجائےگا۔

قومی اسمبلی کا اجلاس آج شام 5 بجے ہو گا جس کے لیے 24 نکاتی ایجنڈا جاری کردیا گیا ہے، ادویات کی قیمتوں میں کئی گنا اضافے پر توجہ دلاؤ نوٹس پیش کیا جائے گا۔

اے آر وائی نیوز کے مطابق آج قومی اسمبلی کے ہونے والے اجلاس میں ادویات کی قیمتوں میں کئی گنا اضافے کے حوالے سے توجہ دلاؤ نوٹس پیش کیا جائے گا، پاکستان ایئرپورٹس اتھارٹی بل2022 قانون سازی کے لیے پیش ہوگا جب کہ پاکستان سول ایوی ایشن بل2022 پر بھی قانون سازی کی جائے گی۔

گیس چوری، ریکوری ترمیمی بل2023 کو بھی قانون سازی کے لیے پیش کیا جائے گا، اینٹی ڈمپنگ ڈیوٹی ترمیمی بل2023 ایوان میں متعارف کرایا جائے گا۔

پریس کونسل آف پاکستان ترمیمی بل2023 بھی ایوان کے ایجنڈا کا حصہ ہے، نیشنل انسٹی ٹیوٹ آف ہیلتھ ری آرگنائزیشن بل2023 بھی پیش کیے جانے کا امکان ہے۔

اس کے علاوہ دی گنز اینڈ کنٹری کلب ترمیمی بل2023 ایوان میں متعارف کروایا جائے گا، پاکستان الیکٹرانک میڈیا ریگولیٹری اتھارٹی ترمیمی بل2023 بھی پیش کیا جائے گا۔

آرکائیومیٹیریل تحفظ و برآمدات کنٹرول ترمیمی بل2023 بھی ایجنڈے میں موجود ہے، دی نیشنل آرکائیوز ترمیمی بل2023 بھی ایوان میں زیرغور آئے گا، سائرہ بانو زکوٰة و عشر ترمیمی بل2023 پر قائمہ کمیٹی کی رپورٹ پیش کریں گی۔