Tag: قومی اسمبلی کا اجلاس

اسلام آباد:  وزیر پانی اور بجلی خواجہ آصفنے کہا ہے کہ لوڈ شیڈنگ مزید دو سےتین سال جاری رہے گی۔

پارلیمنٹ ہائوس کے باہر میڈیا سےگفتگو میں وفاقی وزیر پانی وبجلی خواجہ آصف نے عوام کو ایک بار پھر لوڈ شیڈنگ ختم نہ ہونےکی بدخبری سناکر نواز لیگ کےانتخابی وعدے کو جھوٹا ثابت کردیا۔

خواجہ آصف کاکہنا تھا کہ لوڈ شیڈنگ 2,3 سال تک ختم نہیں ہو سکتی ،خیبر پختونخوا میں فیڈرز کے 80 فیصد صارفین بل ادا نہیں کرتے ۔

انہوں نے عمران خان پر شوکت خانم اسپتال کے فنڈز بیرون ملک انویسٹ کرنے کا الزام بھی لگایا۔

ان کاکہنا تھا کہ عمران خان حلقہ این اے 110 میں دھاندلی سے متعلق کوئی ثبوت پیش نہیں کر سکی ،عمران خان صاحب روز اپنا بیان بدل لیتے ہیں ، دھاندلی سے متعلق اگر عمران خان کے بیانات کا جائزہ لیا جائے تو خود پتا چل جائے گاکیا سچ ہے اور کیا جھوٹ ہے۔

اسلام آباد: وفاقی وزیرِ پانی و بجلی خواجہ آصف نے کہا ہے کہ تیل کی عارضی قلت دو سے تین روز میں ختم ہوجائے گی۔

قومی اسمبلی کا اجلاس اسپیکر سردار ایاز صادق کی زیرِ صدارت شروع ہوا، اجلاس میں ارکان کے سوالات کا جواب دیتے ہوئے وزیر پانی و بجلی خواجہ آصف کا کہنا تھا کہ سالانہ بھل صفائی کے باعث بجلی کی لوڈشیڈنگ میں اضافہ ہوا، ان کا کہنا تھا کہ پچھلے سال کی نسبت اس سال بجلی کی لوڈ شیڈنگ کم ہوگی۔

اپوزیشن لیڈر خورشید شاہ نے مطالبہ کیا کہ گستاخانہ خاکوں کیخلاف قومی اسمبلی سے مذمتی قرارداد منظور کرائی جائے،  سید خورشید شاہ کا کہنا تھا کہ یورپ میں توہین آمیز خاکوں کی اشاعت دہشت گردی کو فروغ دے رہی ہے۔

وفاقی وزیرِ ریلوے خواجہ سعد رفیق نےکہا کہ اسطرح کے مذموم خاکوں سے دہشت گردوں کو جواز ملتا ہے، اسلام دہشت گردی کا نہیں امن کا درس دیتا ہے۔۔۔۔ ان کا کہنا تھا کہ حضور کی شان میں گستاخی نہیں کی جاسکتی، حکومت اپوزیشن کی مشاورت سےمذموم خاکوں کیخلاف قرارداد لائے گی۔

اجلاس کے دوران ڈپٹی اسپیکر نے پی ٹی آئی کے مزید غیر حاضر ممبران کے نام ایوان کو بتا دیئے۔

ایم کیو ایم نے کارکنوں کے قتل کیخلاف اسمبلی سے واک آؤٹ کیا، اسپیکر قومی اسمبلی نے کہا کہ اجلاس سے واک آؤٹ اچھی روایت نہیں ہے۔