اسلام آباد: قومی اسمبلی کا اجلاس دو روزہ وقفہ کے بعد آج شام چار بجے پارلیمنٹ ہاؤس میں دوبارہ شروع ہو رہا ہے۔
اجلاس کی صدارت اسپیکر قومی اسمبلی سردار ایاز صادق کریں گے، اجلاس میں آئی ڈی پیز کے مسائل کے علاوہ اراکین پارلیمنٹ کی طرف سے جمع کرائے گئے سوالات کے جوابات جبکہ قومی امور پر بحث کی جائے گی۔
اسلام آباد: وفاقی وزیرداخلہ چوہدری نثارعلی خان کہتے ہیں پانچ سال کے دوران دہشت گردی کیخلاف جنگ میں نو ہزار چھ سو انیس افراد جاں بحق ہوئے۔ اڑتیس ارب چوّن کروڑ روپے کا نقصان ہوا۔
تفصیلات کے مطابق قومی اسمبلی کا اجلاس اسپیکر ایاز صادق کی صدارت میں ہوا۔وفاقی وزیرداخلہ چوہدری نثارعلی خان نے ایوان میں پانچ سال کے دوران دہشت گردی کیخلاف جنگ کی تحریری تفصیلات پیش کیں۔
چوہدری نثار نے بتایا کہ حکومت نے دہشت گردی پر قابو پانے کیلئے کئی اقدامات کئے ہیں۔ اسلحہ لائسنس دینے پر پابندی عائد کر دی گئی ہے۔ ساٹھ کالعدم تنظیموں کی نشاندہی کی گئی ہے۔
انھوں نے بتایا کہ کرا چی آپریشن کی بھر پور نگرانی کی جا رہی ہے۔ امن و امان کیلئے نئی پالیسی پر عملدر آمد جاری ہے۔ تریسٹھ لاکھ بیس ہزار غیر تصدیق شدہ سمیں بند کر دی گئی ہیں۔
اسلام آباد: قومی اسمبلی کا اجلاس دو روزہ وقفے کے بعد آج دوبارہ شروع ہوگا۔
قومی اسمبلی کے آج ہونے والے اجلاس میں ملکی سیاسی صورتحال ، شمالی وزیرستان میں جاری آپریشن ضربِ عضب، بجلی و گیس کی لوڈشیڈنگ اور امن وامان کی صورتحال سمیت دیگر امور پر بات کی جائیگی۔
اجلاس میں جے یو آئی ف کے رہنماء خالد محمود سومرو کے قتل کے خلاف احتجاج اور واک آوٹ متوقع ہے، ارکان قومی اسمبلی صدرِ مملکت کے مشترکہ اجلاس میں خطاب پر بحث کریں گے۔
اسلام آباد: قومی اسمبلی کا سولھواں اجلاس اسپیکر ایاز صادق کی زیر صدارت آج شام ہوگا۔ اجلاس میں بھارتی جارحیت، کوٹ رادھا کشن واقعے اورتحریک انصاف کے جلسے سمیت دیگر امور زیر بحث آئیں گے۔
اجلاس دو ہفتے جاری رہے گا۔ اجلاس میں بجلی کے بلوں اور مہنگائی میں اضافے، بھارتی جارحیت، کوٹ رادھا کشن واقعے اور چین کے ساتھ اربوں ڈالر کےمعاہدوں سمیت دیگرایشوز زیربحث آئیں گے۔
ایوان میں تھرکی صورتحال اور بچوں کی ہلاکتوں کے معاملے پر بھی بحث ہوگی۔ اہم امور پر قانون سازی بھی متوقع ہے۔ قومی اسمبلی کا اجلاس اس حوالے سے بھی اہم ہوگا کہ پاکستان تحریک انصاف نے تیس نومبر کو ریڈزون میں احتجاجی جلسے کااعلان کر رکھا ہے تو دوسری طرف حکومت ریڈزون کو سیل کر رہی ہے۔
