Tag: قومی اسمبلی کی قائمہ کمیٹی

اسلام آباد : قومی اسمبلی کی قائمہ کمیٹی کی اے لیول کے پپیرز لیک ہونے کی انکوئری کے لیے ذیلی کمیٹی تشکیل دے دی۔

تفصیلات کے مطابق اعظم الدین کی زیرصدرات قومی اسمبلی کی قائمہ کمیٹی تعلیم کا اجلاس ہوا، ممبراسمبلی ثبوت کیساتھ کمیٹی میں پیش ہوئے کہ اے لیول کے پپیرز کیسے لیک ہوئے۔

ممبراسمبلی علی سرفراز نے کہا کہ اے لیول کے پیپرز ایک دن پہلے لیک ہو جاتے ہیں، اس سال ریاضی کا پپیر 2 مئی کو لیک ہوگیا، انٹرنیٹ پریہ پپیر رات کو دستیاب تھا، باقاعدہ لیک پیپر کیلئے پیسے کی ڈیمانڈ ہو رہی تھی۔

15 اپریل اور20 مئی کو ہونے والے پپیر ایک گھنٹہ پہلےلیک ہو ئے، ایک بچے کی60 ہزار فیس ہےوالدین بڑی مشکل سے اداکر رہے، اگر یہ ہی طریقہ کار رہاتو بچے مایوس ہو جائیں گے۔

کنٹری ڈائریکٹر کیمبرج عظمیٰ یوسف نے کہا کہ نتائج کبھی کمپرومائزنہیں ہوئے، ہمارے بچوں کو لیول پلئنگ فلیڈ ملتی ہے۔

چیئرمین کمیٹی نے سوال کیا 4 پپیر کیسے لیک ہو گئے یہ بتائیں، ممبر نے بھی پوچھا جو پپیر لیک ہونے کے بعد کچھ بچوں کے پاس نہیں پہنچے ان کا کیا قصور؟ جس پر کنٹری ڈائریکٹر نے بتایا کہ یہ سب فیک نیوز ہے ایک پپر لیک ہواہے، 11 جون کو آخری پپیر ہے، 16 جون کو فائنل بیان دیں گے، ابھی کچھ کہنا یہ بچوں کے مفاد میں نہیں۔

ممبر کمیٹی نے کہا کہ اکنامکس کا پیپر لیک ہواتھا میں نے خود دیکھا، پڑھنے والے بچوں کے گریڈ متاثر ہوتے ہیں، کیمبرج امتحانات لیک ہونابار بار کا مسئلہ بن گیا ہے، پیپر لیک ہو رہا ہے تو کیمبرج دیکھے کون لوگ شامل ہیں، کیمبرج بورڈ کو اپنا سسٹم دیکھنا چاہیے کیوں پیپر لیک ہو رہے۔

ممبر کمیٹی محمدعلی سرفراز کا کہنا تھا کہ میں نے پیپر لیک ہونے کے ویڈیوثبوت دیے ہیں، ٹاپ کرنیوالے بچے کیسےمقابلہ کر سکتے جن کو لیک پیپر نہیں ملا، جولائی کے پہلے ہفتے میں دوبارہ امتحانات لیے جائیں، کیمبرج کتنےعرصےسے ہےہر دوسرے دن پیپر لیک ہونے کا معاملہ آتا ہے۔

ثوبیہ سومرو نے سوال کیا کہ سسٹم کب صحیح کریں گے، پیپر لیک نہیں ہوئے ڈالرز میں خریدے گئے ہیں۔

ایگزیکٹو ڈائریکٹر آئی بی سی سی نے بتایا کہ ڈیرھ لاکھ بچےکیمبرج سےپیپر دیتے ہیں۔ کیمبرج نے بچوں پر لوڈ کم کرنے کیلئے5 اسکولز کو شامل کیا، جب پپیرز لیک ہوئے تو ہم نے پوچھا یہ کہاں سے لیک ہوا، کیمبرج نے انکوائری کی لیکن ہمیں نہ بتایا۔

مزید پڑھیں : او اور اے لیول امتحانات: ایک دن میں 2 پرچے، طلبا شدید دباؤ کا شکار

حکام کا کہنا تھا کہ ہائیکورٹ میں کیمبرج کیخلاف ایک بچے نےدرخواست دی تب ہمیں پتہ چلا، پارلیمنٹیرنز کی کمیٹی بنائی جائے جو شفارشات کیمبرج کو بھجوائی جائیں۔

کنٹری ڈائریکٹر نے بتایا کہ چانچنے کے لیے18 ممبران کی کمیٹی ہے، فیڈرل بوڈر کے ساتھ کام کرنا چاہتے ہیں، ہمارے پاس فرانزک ایکسپرٹ ہیں، فارن امتحان آپشن ہے، مقامی بورڈ بہتر ہوں تو بچے فارن بورڈکیوں جائیں، 16 جون کے بعد کا وقت طے کریں میں آپ کو بریفنگ دیں گے۔

چیئرمین کمیٹی نے معاملے کی انکوئری کے لیے ذیلی کمیٹی تشکیل دے دی، 4 ممبران پرمشتمل کمیٹی انکوئری کرے گی، سبین غوری کو کمیٹی کا کنوینرمقرر کیا گیا ہے۔

چیئرمین ایچ ای سی نے کہا کہ اس فورم سے تاثرنہیں جاناچاہیےکہ پاکستان کے تعلیمی ادارے بے کار ہیں، جس پر چیئرمین کمیٹی کا کہنا تھا کہ کمیٹی انکوائری کرکےایک ماہ میں رپورٹ دے۔

اسلام آباد : قومی اسمبلی کی قائمہ کمیٹی برائے صنعت کے اجلاس سے سی ای او کے الیکٹرک کو باہر نکال دیا گیا، ارکان نے مونس علوی کی معذرت مسترد کر دی اور مزید سننے سے بھی انکار کردیا۔

تفصیلات کے مطابق حفیظ الدین کی زیر صدارت قومی اسمبلی صنعت وپیداوار کا اجلاس ہوا، چیئرمین کمیٹی نے سیکریٹری صنعت وپیداوار کی عدم شرکت پر برہمی کا اظہار کرتے ہوئے جوائنٹ سیکریٹری سے استفسار کیا آپ کے سیکریٹری کہاں ہیں؟

جوائنٹ سیکریٹری نے بتایا کہ سیکریٹری پبلک اکاؤنٹس کمیٹی کےاجلاس میں گئےہیں، جس پر چیئرمین کمیٹی کا کہنا تھا کہ یہاں اتنےارکان اسمبلی بیٹھےہیں سیکریٹری کوپیغام بھجواکربلائیں، نیپرا کے لوگ کمیٹی میں کیوں نہیں ہیں۔

جس پر سی ای او کے الیکٹرک مونس علوی نے کہا کہ نیپرا کے لوگ شائد کابینہ اجلاس میں گئےہیں، تو چیئرمین کمیٹی سید حفیظ الدین کا کہنا تھا کہ ہمیں معلوم ہے آپ کی نیپرا سےبہت قربت ہے ، مونس علوی نے کہا کہ جی بالکل ہمارا چولی دامن کا ساتھ ہے۔

چیئرمین کمیٹی کا سی ای او کے الیکٹرک سے مکالمے میں کہا کہ آپ کا تعلق عوام کے ساتھ نہیں نیپرا کے ساتھ ہے،شاباش ہے آپ پر، ہماری سفارشات کو اہمیت نہیں دی جا رہی،اپنی سفارشات پر عملدرآمد کیلئےہر حد تک جائیں گے، ہم یہاں عوام اور اسمبلی کے نمائندے ہیں۔

اجلاس کے دوران سی ای او کے الیکٹرک اور رکن سیف رضا علی گیلانی میں تلخ جملوں کاتبادلہ ہوا، سید رضا علی گیلانی نے سی ای او کے ای کے خلاف ایکشن کا مطالبہ کرتے ہوئے کہا کہ جب تک یہ انسان کمیٹی میں ہےمیں یہاں نہیں بیٹھوں گا۔

ممبران اسمبلی ، کراچی چیمبرز کو زوم پر بلانے پر سی ای اوکے ای نے اعتراض کرتے ہوئے کہا ان کو زوم کی سہولت دی مجھے کراچی سے یہاں کیوں بلایا گیا، جس پر چیئرمین کمیٹی نے کہا کہ کیا عدالت سے کراچی صنعت کرونا سبسڈی کا کیس واپس لیاہے، ہم نے آپ کو کیس واپس لینے کی ہدایت کی تھی۔چیئرمین کمیٹی حفیظ الدین

سی ای او کے الیکٹرک نے کہا کہ ہم کیس واپس نہیں لے سکتے، سی ای او کے جواب پر ممبران نے برہمی کا اظہار کیا۔

سید رضا علی گیلانی کا کہنا تھا کہ سی ای او کے ای کمیٹی کو ہدایت کیسے دے سکتے ہیں،یہ کیا رویہ ممبران اور کمیٹی کے ساتھ رکھا جا سکتا ہے۔

عبدالحکیم بلوچ نے بتایا کہ مونس علوی نے سندھ اسمبلی کے ممبران کے ساتھ بھی یہی رویہ رکھا،ممبران کے ساتھ یہ رویہ ہے تو عام عوام کا کیا حال کرتے ہونگے۔

کمیٹی ممبران نے سی ای او کے الیکٹرک کی معذرت مسترد کر دی اور مونس الہی کے خلاف تحریک استحقاق لانے کا مطالبہ کیا۔

ممبران کی رائے پر چیئرمین کمیٹی نے سی ای او کیخلاف تحریک استحقاق لانے کا فیصلہ اور ممبران نے سی ای او کو مزید سننے سے انکار کر دیا

ممبران کے اصرار پر سی ای او کے الیکٹرک کو کمیٹی اجلاس سے باہر نکال دیا گیا۔

صحافی نے مونس الہی سے سوال اجلاس میں جھگڑے کی کیا وجہ بنی؟ تو ان کا کہنا تھا کہ میں نے کہا باقی لوگوں کو زوم پر بلایا مجھے کراچی سے بلایا، میں نے کوئی کیس واپس لینے کا وعدہ نہیں کیا تھا، انہوں نے کمیٹی بنائی ہے اس کی میٹنگز ہو رہی ہیں وہ ان کو رپورٹ کرے گی،میں کچھ نہیں کہہ سکتا یہ پارلیمنٹ ہے وہ سنیں گے تو پھر ناراض ہو جائیں گے۔

سی ای او مونس الہی کیخلاف مؤثر کارروائی کی تجویز نہ ماننے پر سید رضاعلی گیلانی نے احتجاج کرتے ہوئے کہا کہ ممبران اوراپنی عزت پرسمجھوتانہیں کر سکتا، اس شخص کی موجودگی تک میں اجلاس میں نہیں بیٹھ سکتا۔

اسلام آباد : قومی اسمبلی کی قائمہ کمیٹی نے یوٹیلیٹی اسٹورز کی بندش کی مخالفت کر دی اور کہا اسٹوروں سے 16 ہزار ملازمین کے خاندان کا روزگار وابستہ ہے۔

تفصیلات کے مطابق سید حفیظ الدین کی زیر صدارت قومی اسمبلی کی صنعت و پیداوار کمیٹی کا اجلاس ہوا ،کمیٹی اجلاس میں یوٹیلیٹی اسٹورز کارپوریشن کی بندش کا معاملہ زیر غور آیا۔3

پیپلز پارٹی اراکین نے یوٹیلیٹی اسٹورز کارپوریشن کی بندش کی تجویز کی مخالفت کر دی ، اراکین کمیٹی نے کہا کہ اسٹورز سے 16 ہزار ملازمین کے خاندان کا روزگار وابستہ ہے، وفاقی وزیر پارلیمنٹ کے فلور پر کہہ چکے یوٹیلٹی اسٹورز کارپوریشن بند نہیں کریں گے، اس کے باوجود اگر حکومت نے فیصلہ کیا تو ایوان کا استحقاق مجروع ہوگا۔

چیئرمین کمیٹی سید حفیظ الدین کا کہنا تھا کہ حکومت نے کہا تھا کہ یوٹیلٹی سٹورز کارپوریشن بند نہیں کر رہے، کابینہ میں یہ ہار بار آتا ہے کہ یوٹیلٹی سٹورز بند کرنے کی بات ہورہی ہے۔

راجہ پرویز اشرف نے کہا کہ اگر کرپشن کی بنیاد پر اداروں کو بند کریں گے تو پھر پورا ملک بند کرنا پڑے گا،بہتر تھا کہ اس ادارے میں اگر کوئی خرابی ہے تو اس ک خرابی کو دور کریں۔

رکن کمیٹی کا کہنا تھا کہ یوٹیلٹی اسٹوروں ایک اہم ادارہ ہے جہاں سے لوگوں کو ریلیف دیاجاتا ہے،ہم یوٹیلٹی سٹورز بند کرنے کی شدید مزمت کرتے ہیں، یہ درست نہیں کہ چند لوگ بیٹھ کر ادارہ بند کرنے کا فیصلہ کریں۔

انھوں نے مزید کہا کہ یوٹیلٹی اسٹوروں پر کوئی بھی فیصلہ کرنے سے قبل پارلیمنٹ میں بات ہونی چاہیے تھی،رانا تنویر حسین کے خلاف پارلیمنت کی توہین کا نوٹس ہونا چاہیے، راجہ پرویز اشرف

رکن کمیٹی نفیسہ شاہ کا کہنا تھا کہ یوٹیلٹی اسٹور کا مقصد عوام کو سستی اشیا کی فراہمی تھا، اس میں صلاحات کی ضرورت ہے، مگر اس کو بند کرنا اسکا کوئی حل نہیں ، وزیراعظم سمیت کابینہ کے اراکین پارلیمنٹ کے رکن ہیں، سٹورز کے معاملے پر پارلیمنٹ کو کھڑا ہونا ہوگا۔

اجلاس میں رکن کمیٹی مہرین بھٹو نے کہا کہ کسی بھی صورت یہ ادارہ بند نہیں ہونا چاہیے، مایوسی ہوئی ہے یہ دیکھ کر وفاقی وزیر اور سیکرٹری اجلاس میں موجود نہیں، کمیٹی ہدایت دے کہ یوٹیلٹی سٹورز کو بند نہیں ہونا چاہیے۔

قومی اسمبلی کی قائمہ کمیٹی نے أئندہ اجلاس میں وزیر خزانہ کو بلالیا ،چیئرمین کمیٹی حفیظ الدین نے کہا کہ وزیر خزانہ کیوں اس ادارے کے پیچھے پڑے ہیں تاہم قائمہ کمیٹی نے یوٹیلٹی سٹورز کارپوریشن بند کرنے کی مخالفت کی۔

اسلام آباد : پی ٹی آئی رہنما جنید اکبر خان نے قومی اسمبلی کی قائمہ کمیٹی کی سربراہی سے استعفیٰ دے دیا، کیونکہ کوئی بھی رکن 2 کمیٹیوں کی سربراہی نہیں رکھ سکتا۔

تفصیلات کے مطابق پی ٹی آئی رہنما جنید اکبر خان قومی اسمبلی کی قائمہ کمیٹی کی سربراہی سے مستعفی ہوگئے اور قائمہ کمیٹی سمندرپارپاکستانی اموروانسانی ترقی کی چیئرمین شپ چھوڑ دی۔

پارلیمانی پبلک اکاؤنٹس کمیٹی کا چیئرمین منتخب ہونے کے بعد جنید اکبر نے استعفیٰ دیا کیونکہ کوئی بھی رکن 2 کمیٹیوں کی سربراہی نہیں رکھ سکتا۔

مزید پڑھیں : پی ٹی آئی رہنما جنید اکبر خان چیئرمین پی اے سی منتخب

یاد رہے پاکستان تحریک انصاف (پی ٹی آئی) کے رکن قومی اسمبلی جنید اکبر کو چیئرمین پبلک اکاؤنٹس کمیٹی (پی اے سی) منتخب کیا گیا تھا۔

طارق فضل چوہدری کی جانب سے جنید اکبر کا نام تجویز کیا گیا تھا جبکہ سینیٹر افنان اللہ، نارا قاسم، ریاض فتیانہ، وجیہہ قمر، جنید انوار اور سردار یوسف نے نام کی تائید کی اور عمر ایوب، شبلی فراز، ڈاکٹر شاہ منصب علی نے بھی رضامندی ظاہر کی تھی۔

پی ٹی آئی رہنما عامر ڈوگر نے بتایا تھا کہ چیئرمین پی اے سی کے انتخاب میں ایک سال لگا اس کی ذمہ دار حکومت ہے، وزیر اعظم شہباز شریف کو چیئرمین بنایا گیا تو کوئی پینل نہیں مانگا گیا تھا۔