مظفر گڑھ : رکن قومی اسمبلی جمشید دستی نے اپنے خلاف ایف آئی آر کے اندراج کے بعد گرفتاری دے دی۔
مظفر گڑھ سے رکن اسمبلی جمشید دستی کو کپتان کے دھرنے میں شرکت اور شریف برادارن پر تنقید مہنگی پڑی پہلے کچھ لوگوں نے ان پر حملہ کیا،پھر انہی کیخلاف انسداد دہشت گردی کی دفعات کے تحت ایف آئی آر درج ہوئی، جس کی بنا انہوں نے آج گرفتاری دیدی لیکن دستی صا حب بھی کہاں خا موش رہتے گرفتاری سے قبل بھی انہو ں نواز وشہباز شریف کو کڑی تنقید کا نشانہ بنایا۔
مظفرگڑھ :قومی اسمبلی کے رکن جمشید دستی پرمظفر گڑھ میں ساتھیوں سمیت پولیس کے ساتھ ہاتھا پائی کے الزام میں مقدمہ درج کر لیا گیا ہے، ایف آئی آر کی کاپی اےآروائی نیوز نے حاصل کرلی ہے۔
اپنے حلقے میں بند توڑنے کی مخالفت کرنے والے جمشید دستی تلیری نہر کے مغربی کنارے پہنچے، جہاں بند میں شگاف کرنے والوں کو روکنے کی کوشش کی۔
انتظامیہ نے بند مضبوط کرنے پر جمشید دستی کو انکارکیا اورکہا کہ اس بند کے نہ ٹوٹنے سے آبادی کا بڑا حصہ متاثرہوسکتا ہے مگر اس بات پر جمشید دستی ناراض ہوئے اورڈی سی او، ڈی پی او اورآرایم او کمشنر سمیت انتظامیہ سے الجھ پڑے ۔
گذشتہ رات ہنگامےکے بعد قومی اسمبلی کے رکن جمشید دستی پرمظفرگڑھ میں مقدمہ درج کرلیا گیا ہے، مقدمہ انسداد دہشتگردی ایکٹ کے تحت درج کیا گیا ہے، جس میں جمشید دستی سمیت بیس افراد نامزد اور سترنامعلوم افراد کے خلاف مقدمہ درج ہوا۔
مقدمہ تھانہ سٹی میں انتطامیہ کی مدعیت میں درج کیا گیا ہے۔ ایف آئی آرکی کاپی اے آر وائی نیوز نے حاصل کرلی ہے۔